খুরুমজরি,

ময়াম্না পুৱারী ওইরবা অমসুং মালেমগী হেরিতেজ ওইরিবা লোথলদা তিনবীরি। ঐহাক্না তেক্নোলোজীগী খুত্থাংদা দিল্লীদগী ময়ামদগী লাপ্না কন্নেক্ত তৌরি অদুবু ঐহাক্কী ৱাখলদদি ময়ামগী মরক্তা য়াওরিবা ওইনা খল্লি। হন্দক্তা ঐহাক্না নেস্নেল মেরিতাইম হেরিতেজ কমপ্লেক্সকা মরী লৈনবা দ্রোন ৱার্কশিং উবা ফংখি অমসুং মখোয়গী থবক্কী খোঙজেল য়েংশিনখি। প্রোজেক্ত অসিগা মরী লৈনবা থবকশিং য়াম্না খোঙজেল য়াংনা খুমাং চাউশিল্লিবা অসিদা ঐহাক্না অপেনবা পোকই।

মরুপশিং,

চহি অসিদা লাল কিলাদগী পঞ্চ প্রনগী মতাংদা ফোঙদোকপা মতমদা ঐহাক্না ঐখোয়গী হেরিতেজকীদমক চাউথোকচবা পোক্নবগী ৱাফম থমখি। অমসুং হৌজিক্তা ঐখোয়গী মুখ্য মন্ত্রী ভুপেন্দ্র ভাইনা ৱাফম অদুগী মতাংদা ফোঙদোকখি। ঐখোয়গী মেরিতাইম হেরিতেজ অসি ঐখোয়গী ইপা-ইপুশিংনা খুৎশিন্নরম্বা মমল লৈরিবা অদুগুম্বা হেরিতেজ অমনি। মফম অমা হেক্তগী নত্ত্রগা তাঙ্কক অমা হেক্তগী পুৱারী অসিনা তুংদা লাক্কদবা মীরোলশিংদা ইথিলসু পীরি অমসুং ঐখোয়দা তুংলমচৎকী মরমদা খঙহল্লি। মীয়াম্না কাউথোকপীখ্রবা অদুগুম্বা ঐখোয়গী পুৱারীগী ওইবা ৱারী কয়া লৈ। মখোয়বু য়োকখৎনবা অমসুং মথংগী মীরোলদা খুৎশিন্ননবা পাম্বৈশিং লৈখিদে। পুৱারীগী অদুগুম্বা থৌদোকশিং অদুদগী ঐখোয়না কান্নবা কয়া য়াম্না ফংগনি?

ভারতকী মেরিতাইম হেরিতেজ অসি মীয়াম্না ঙাংনরিবা ৱাফম অমা ওইরি। ভারতকী চহিচা কয়াগী মমাংদগী লৈরক্লবা ত্রেদ অমসুং ললোন-ইতিক অসিনা মালেমগী অচৌবা শরুক অমা কবর তৌখি। মালেমগী সভ্যতা খুদিংমক্কা ঐখোয়গা লৈনরিবা মরীশিং অসিদা ভারতকী মেরিতাইম পাৱরনা অচৌবা থৌদাং লৌখি। অদুবু মীখা পোন্দুনা মতম শাংনা লৈরকপা অসিনা ভারতকী মতিক-ময়াই হন্থহনখি অদুবু মতমগা ইরোইননা ভারত মচা ঐখোয়দা মসিগী মতিক-ময়াই অসি হেনগৎলকখি।

ঐখোয়না লোথল অমসুং ধোলাবিরাগুম্বা মমল য়াম্লবা হেরিতেজ কাওথোকলুই, মখোয় অসি চহি লিশিং কয়াদগী সমুদ্রগী খুত্থাংদা ললোন-ইতিক্কীদমক মমিং লৈখি। ঐকোয়গী খাদা লৈরমখিবা চোলা এম্পায়র, চের দাইনাস্তী, পান্দ্য দাইনাস্তীনা মেরিন রিসোর্সশিংগী শক্তি অদু খঙখি, অমসুং মসিনা অমুক্তা য়ৌবা ঙমখিদ্রিবা পনখৈ য়ৌহনবা ঙমখি। মসি খক্তা নত্তনা মখোয়না মেরিতাইমগী শক্তি পাকথোক চাউথোকহনখি অদুবু মখোয়গী মতেংগা লোয়ননা মখোয়না অরাপ্পা লৈবাকশিংদসু ললোন-ইতিক মাইপাক্না তৌবা ঙমখি। ছত্রপতি শিবাজী মহারাজনা মপাঙ্গল কনবা নেভী অমা শেমখি অমসুং মীরৈবাক্কী লোইলম শন্দোকপা মীওইশিংবু শীংনখি।

পুম্নমক অসি ভারতকী পুৱারীগী চাউথোকচনীংঙাই ওইবা তাঙ্কক ওইখি, হায়রিবা অসি নাথৈদুনা থমখি। য়েংবীয়ু, চহি লিশিং কয়াদগী মমাংদা কচ্ছতা অচৌবা জহাজ শাবগী ইন্দস্ত্রী লৈরমখি। ভারত্তা শাজবা অচৌবা জহাজশিং অসি মালেম শিনবা থুংবদা য়োনখি। হেরিতেজপু থৌওইদবা অসিনা লৈবাক অসিদা চাউনা অমাংবা থোকহনখি। ফীভম অসিদা অহোংবা পুরকপা তঙাই ফদে। মরম অসিনা ঐখোয়না ভারতকী চাউথোকচনীংঙাই ওইবা সেন্তরশিংবু ধোলাবীরা অমসুং লোথলদা মখোয়না হান্না মমিং লৈরমখিবা মওং অদুদা অমুক হন্না খুৎশিন্ননবা ৱারেপ লৌখি। অমসুং ঙসি ঐখোয়না মিসন অসি য়াম্না খোঙজেল য়াংনা শেমগৎপা উবা ফংলি।

মরুপশিং,

ঙসি লোথলগী মরমদা খন্ন-নৈনবা অসিদা ঐহাক্না চহি লিশিং কয়াগী মমাংদগী চৎনরক্লবা চৎনবী অমদা মীৎয়েং চংজনীংই। ঙসি গুজরাতকী অয়াম্বা মফমশিংদা সিকোতর মাতাবু থৌনিজরি। মহাক অসি সমুদ্রগী লাইরেম্বী ওইনা থৌনিজরি। চহি লিশিং কয়াদগী লোথলগী মতাংদা রিসর্চ তৌরিবা এক্সপর্তশিংনা মতম অদুদসু সিকোতর মাতা অসিবু অতোপ্পা শকলোন খরাদসু থৌনিখি। সিকোতর দেবী অসি সমুদ্রদা চৎক্ত্রিঙৈগী মমাংদগী থৌনিবা হৌরকখি হায়রি মরমদি  মসিনা মখোয়গী খোঙচৎতা মখোয়বু ঙাকশেনবীনবনি। হিস্তোরিয়নশিংগী মতুং ইন্না সিকোতর মাতা অসি সোকোত্রা আইলেন্দগী মরী লৈনৈ, হায়রিবা অসি ঙসি গল্ফ ওফ এদেন্দা লৈরি। মসিনা তাক্লি মদুদি চহি লিশিং কয়াগী মমাংদগী সমুদ্রদা ললোন-ইতিক তৌবগী লম্বীশিং অসি গল্ফ ওফ খমভাত্তগী অরাপ-অরাপ্পা মফমশিং ফাওবা য়ৌরম্মি।

মরুপশিং,

হন্দক্তা সিকোতর মাতাগী মন্দির অসি বদনগরগী মনাক্তাগী লৈনুংদগী এক্সকাভেৎ তৌখি। মফম অসিদগী অরিবা মতমদা সমুদ্রগী ললোন-ইতিক্কী মতাংদা ইপাউ লৈরম্বগী খুদম-চাংদমশিং ফংখি। মতৌ অসুম্না সুরেন্দ্রনগরগী ঝিনঝুৱাদা খুঙ্গংদা লাইৎ হাউস অমা লৈরম্বগী খুদম-চাংদম ফংখি। ময়াম খঙবিরে মদুদি লাইৎ হাউস অসি নুমিদাংগী মতমদা জহাজশিংদা লম্বী তাক্নবা তাকখি। অমসুং লৈবাক অসিগী মীয়াম্না ঝিনঝুৱালাদগী সমুদ্র অসি কিমিং চামারোম লাপ্না লৈ তাবদা মীয়াম্না অঙকপা পোক্কনি। অদুবু চহিচা কয়াগী মমাংদা মী চিল্লবা হীথাংফমশিং খুঙ্গংশিং অসিদা লৈরম্মি হায়বা তাক্লিবা খুঙ্গং অসিদা খুদম-চাংদম কয়া ফংখি। মসিগী ই-পাউ অসিনা অরিবা মতমদা লমদম অসিদা সমুদ্রগী ললোন-ইতিক মাইপাক্না তৌরম্মি হায়বা তাক্লি।

মরুপশিং,

লোথল অসি ইন্দস ভেলী সিভিলাইজেসনগী মরু ওইবা ত্রেদিং সেন্তর খক্তা ওইখিদে মসিনা ভারতকী মেরিতাইমগী শক্তি অমসুং চাউখৎপগী খুদম অমসু ওইরি। লোথলনা চহি লিশিং কয়াগী মমাংদগী পোর্ত সিতী ওইখিবগী মওং অসিনা মমিং লৈরবা এক্সপর্তশিংদা অঙকপা পোকহনখি। লোথলদা এক্সকাবেসন তৌবদা ফংখিবা সহর, কৈথেল অমসুং হীথাংফমগী লেমহৌরিবশিং অসিনা মতম অদুদা লৈরম্বা অর্বান প্লান্নিং অমসুং আর্কিতেকচরগী ফজরবা শক্তম অমা পীখি। অসিগুম্বা মখলগী সিস্তেম অসিনা মহৌশাগী শীংনবশিং লাকশিন্নবা মওংদা শেমখি, মসি ঙসিগী প্লান্নিংগীদমক মসি তমশিনবা মথৌ তাই।

মরুপশিং,

অমরোমদা লমদম অসি ইমা লক্ষ্মী অমসুং ইমা সরস্বতী অনিমক্না থৌজানখি। লৈবাক কয়াগা লোয়ননা লৈনরিবা ললোন-ইতিক্কী মরী অসিনা মরম ওইরগা মফম অসিদা শেল য়াম্না লাকখি। মতম অদুদা লোথলগী হীথাংফমদা লৈবাক ৮৪গী ফিরালশিং চীংখৎখি। মতৌ অসুম্না মনাক নকপদা লৈবা বল্লভী য়ুইভর্সিতীদা তম্নবা মালেমগী লৈবাক ৮০ হেনবদগী মহৈরোয়শিং লাক্লমখি। তরেৎ শুবা চহিচাদা মফম অসিদা লাক্লমখিবা চাইনিজ ফিলোসোফরশিংনা বল্লভী য়ুনিভর্সিতীদা মতম অদুদা মহৈরোয় লিশিং ৬ হেন্না লৈরমখি হায়না ইরমখি। হায়বদি মফম অদুদা ইমা সরস্বতীগী থৌজাল ফংখি।

মরুপশিং,

লোথলদা শাগৎলিবা হেরিতেজ কমপ্লেক্স অসি ভারতকী মীচম প্রজাশিংনা ফাওবা লায়না খঙবা ঙমগদবা অমসুং পুৱারীবু খঙবা ঙমগদবা মওংদা শারি। মসিদা য়াম্না অনৌবা তেক্নোলোজী শীজিন্নদুনা চপ মান্নবা চহিচা অদু অমুক হন্না হিংগৎনবা মওংদা খোঙথাং অমা পাইখৎখি। চহি লিশিং কয়াগী চপ মান্নবা মতিক-মঙাল অদু, চপ মান্নবা শক্তি অদু পৃথিবী অসিদা অমুক হন্না হিংগৎহল্লি।

ঐহাক্না থাজৈ মদুদি মসিনা মালেম শিনবা থুংবদগী লমকোইবশিংগীদমক মীৎয়েং চংনবা অচৌবা সেন্তর অমা ওইরগনি। নোংমদা লমকোইবা লিশিং কয়া ওক্নবগী মরমদা কমপ্লেক্স অসি শেমগৎলি। একতা নগরদা লৈবা স্তেচু ওফ য়ুনিতীগুম্না নুমিৎ খুদিংগী লমকোইবশিং লাকপী রেকোর্দশিং থম্লিবা অসুম্না লোথলদা হেরিতেজ কমপ্লেক্স য়েংনবা লৈবাক অসিগী কাচিন কোয়া খুদিংমক্তগী মীয়াম্না লাক্কদবা নুমিৎ অদু লাক্কদবা কুইররোই। মসিনা মফম অসিদা অনৌবা থবক অমসুং মশানা মশাবু থবক পীজনবগী খুদোংচাবা কয়া পীরগনি। মফম অসিনা অহমদাবাদতগী লাক্না লৈতবা অসিনসু হেন্না কান্নবা ফংলগনি। তুংদা মীওই কয়া কয়ানা সহর অসিদা লাক্লগনি, মফম অসিদা তুরিজম হেনগৎহল্লগনি।

মরুপশিং,

লমদম অসিদা মায়োক্নখিবা অৱাবা মতমশিং অদু ঐহাক্না কাওবা ঙমলোই। মতম অমদা সমুদ্রনা পাকচাউবা অসিনা য়াম্না চাউবা মফমদা মহৈ-মরোং অমা হেক্তা পুথোকপদা অৱাবা ওইখি। চহি ২০-২৫গী মমাংদা মীয়াম্না মথৌ তারকপদা লম একর চামা ফাওবগী লোন ফংবদা য়াম্না অৱাবা থেংনখিবা মতম অদু উখ্রে। শেল শালিবা মীওইনসু লম অসি করি তৌগদৌরিবনো, লম অসিদগী কান্নবা অমত্তা ফংলোই হায়রমখি। চহিচা অদুদগী ঐখোয়না লোথল অমসুং অপুনবা লমদম অসি লৈশিনখি।

অমসুং মরুপশিং,

ঐখোয়না লোথল অমসুং লমদম অসিগী হৌখ্রবা মতমগী মতিক-ময়াই অদু হঞ্জিনহন্নবগীদমক হেরিতেজ কমপ্লেক্সশিং শেমগৎপদা মীৎয়েং চংবা খক্তা নত্তনা ঙসি গুজরাতকী সমুদ্র তোর্বানশিংদা মোদর্ন ইনফ্রাস্ত্রকচরগী থবক পাইখৎলি, সমুদ্র তোর্বানশিংদা তোঙান-তোঙানবা ইন্দস্ত্রীশিং লিংখৎলি। প্রোজেক্তশিং অসিদা লুপা করোর লাখ কয়া চাদিং তৌরি।

হৌজিক মফম অসিদা সেমিকন্দক্তর প্লান্ত লৈরগনি। চহি লিশিং কয়াগী মমাংদা লোথল অমসুং অকোইবদা লৈরিবা মফমশিং অসি অমুক হন্না চাউখৎহন্নবগীদমক ঐখোয়গী সরকারনা মপুং ফাবা শক্তিগা লোয়ননা হোৎনরি। লোথলগী পুৱারীনা মরম ওইরগা ঐখোয়না চাউথোকচবা পোকহনখিবা চপ মান্নবা লোথল অসিনা হৌজিক তুংদা লাক্কদবা মীরোলশিংগী তুংলমচৎ শেম্লগনি।

মরুপশিং,

ম্যুজিয়ম অমা হায়বা অসি শুপ্নগী পোৎ নত্ত্রগা চে-চাংশিং থম্নবা অমসুং উৎনবা মফম খক্তা নত্তে। ঐখোয়গী হেরিতেজবু ঐখোয়না লুন্না লৌরবা মতমদা ঐখোয়না মদুগা শাগোন্নরি ইহুলশিং অদি ঙাকশেনদুনা থম্মি। লৈবাক শিনবা থুংবদা লৈবা ত্রাইবেল ফ্রীদম ফাইতর ম্যুজিয়মশিং অসি য়েংবীয়ু মসিনা ভারতকী নীংতম ইহৌদা শরুক তমখিবা থৌনা ফাবা ত্রাইনেলগী অথৌবা অথৌবীশিংনা কয়া য়াম্না শরুক তমখিবগে হায়বা ময়েক শেংনা উৎলি। ঐখোয়না নেস্নেল ৱার মেমোরিএল অমসুং নেস্নেল পুলিস মেমোরিএল য়েংবা মতমদা ঐখোয়গী লৈবাক অসি ঙাক শেন্নবা, লৈবাক অসি শাফনা থম্নবা করম্না ঐখোয়গী অথৌবা অথৌবশিংনা মখোয়গী থৱায় থাখিবগে উবা ফংলি। ঐখোয়না প্রধান সংগ্রহালয়দা চৎপা মতমদা ঐখোয়গী লৈবাক্কী চহি ৭৫গী খোঙচৎ, দিমোক্রেসীগী শক্তি খঙবা ঙমখি। কেবরিয়া, একতা নগরদা লৈবা স্তেচু ওফ য়ুনিতীনা ঐখোয়দা ভারতকী অপুনবা শক্তমগীমমক ঐখোয়না হোৎনখিবশিং, অচেৎপা ফিরেপ লৌখিবা অমসুং অখাং কনখিবা অদু নীংশিংহল্লি।

অমসুং ময়াম্না খঙই মদুদি অচৌবা রিসর্চ ৱার্ক পাইখৎলি। হৌজিক কেবরিয়াদা সরদার পতেল স্তেচু শারি মরমদি সরদার সাহিবনা ভারতকী অপুনবা শক্তিগীদমক লম্বী য়াৎখিবা লৈবাক অসিগী রাজকুমার অমদি নীংথৌ কয়াবু পুনশিনবগী থবক তৌরমখি। ঐখোয়না ম্যুজিয়ম অমা শারি। হৌজিক মদুগী দিজাইন তৌবগী থবক, রিসর্চকী থবক চত্ধরি। মসিনা মরম ওইরগাই রাজকুমারশিংনা করি তৌরমখি, মখোয়না লৈবাক অসিগী অমসুং খুন্নাইগীদমক করি করম্বা থবক তৌরম্বগে অমসুং সরদার সাহিবকী লুচিং মখাদা লৈবাক অসিগী অপুনবা শক্তম করম্না পুরকখি হায়বা উবা ফংলগনি। করিগুম্বা মীওই অমনা সহর অসিদা চৎপদা রাজে-রাজৱাদাদগী সরদার সাহিব ফাওবদা মফম অসিদা ভারতপু পুনশিন্নবা করম্বা মখলগী থবক পাইখৎলমখিবগে উবা ফংগনি। মসিগী থবক অমসুং রিসর্চ ৱার্ক কন্না চত্থরি অমসুং অথুবদা মসি শাগৎপগী থবক হৌরগনি।

হৌখিবা চহি ৮দা লৈবাক অসিদা শেমগৎখিবা হেরিতেজ অসিনা ঐখোয়গী হেরিতেজ অসি কয়া য়াম্না চাউবগে তাক্লি। লোথলদা শারিবা নেস্নেল ম্যুজিয়ম অসিনা ভারত মচা খুদিংমক্তা ঐখোয়গী মেরিতাইম হেরিতেজকী মরমদা চাউথোকচবা পোকহল্লগনি। লোথল অসি মালেমগী মাংদা মাগী অরিবা মতমগী মতিক ময়াইগা লোয়ননা অমুক হন্না থোরক্লগনি, থাজবা অসিগা লোয়ননা ময়ামবু হন্না-হন্না থাগৎচরি! ময়ামদা য়াইফ-মঙ্গোল পীজরি!

অমসুং লোথলগী মফম অসিদা ইচিল-ইনাওশিংবু দিৱালীনা লাকপা অসিদা ময়ামদা লাক্কদরৌরিবা দিৱালী অসিগীদমক য়াইফ-পাউজেল পীজরি অমসুং গুজরাতকী চহি হৌবা নুমিৎনা লাকপদা ঐহাক্না অফবা ওইরসনু হায়না হায়জরি। ময়ামবু হন্না-হন্না থাগৎচরি।

খঙহঞ্জবা: প্রধান মন্ত্রীগী ৱারোল অসি শরুক খরা গুজরাতী মরোলদা পীখি হায়রিবা অসি মসিদা হন্দোকচরি।

*****