প্রধানমন্ত্রীগী লোইশঙ
প্রধান মন্ত্রীনা ওক্তোবর ১৮দা লোথলগী নেস্নেল মেরিতাইম হেরিতেজ কমপ্লেক্সকী থবক খুমাং চাউশিনবগী ফিভম য়েংশিনগনি
এন.এম.ঐচ.সি.না ভারতকী ইনাক খুল্লবা অমসুং তোঙানবা মতৌ চেনবা মেরিতাইম হেরিতেজপু নীংথিজনা উৎকনি
মসিগুম্বা মখলগী অমত্তা ঙাইরবা প্রোজেক্ত ওইরিবা এন.এম.ঐচ.সি.বু মালেমগী তুরিস্তশিংগী পন্থুংফম অমা ওইনা শেমগৎলি
প্রোজেক্ত অসি চাউরাকপা লুপা করোর ৩৫০০ চঙদুনা শেমগৎলি
Posted On:
17 OCT 2022 7:25PM by PIB Imphal
প্রধান মন্ত্রীনা ওক্তোবর ১৮গী নুমিদাংগী পুং ৫দা লোথলগী নেস্নেল মেরিতাইম হেরিতেজ কমপ্লেক্সকী থবক খুমাং চাউশিনবগী ফিভম ভিদিও কনফরেন্সিংগী খুত্থাংদা য়েংশিনগনি। মসিগী মতুংদা মহাক্না মীয়ামদা ৱা ঙাঙগনি।
লোথল অসি হরাপ্পান সিভিলাইজেসনগী মশক নাইবা শহর অমা ওইরম্মি অমসুং মীওইবনা শাবা খ্বাইদগী অরীবা হিথাংফমগীদমক্তা মমিং চৎলি। মেরিতাইম হেরিতেজ কমপ্লেক্স অমা লোথলদা শাবনা শহর অসিগী পুৱারী অমসুং হেরিতেজতা ইকায় খুম্নবা উৎপগী খ্বাইদগী চুনবা থৌওংনি।
মসিগুম্বা মখলগী অমত্তা ঙাইরবা প্রোজেক্ত ওইরিবা লোথলগী নেস্নেল মেরিতাইম হেরিতেজ কমপ্লেক্স (এন.এম.ঐচ.সি.) অসিবু মালেমগী তুরিস্তশিংগী পন্থুংফম অমা ওইনা শেমগৎলি অমসুং মসিনা ভারতকী ইনাক খুল্লবা অমসুং তোঙানবা মতৌ চেনবা মেরিতাইম হেরিতেজ উৎপদা নত্তনা লোথলবু মালেমগী তুরিস্তশিংগী পন্থুংফম অমা ওইহনবদসু তেংবাংগনি। প্রোজেক্ত অসিনা তুরিজমগী মতিক্তা তেংবাংগদৌরিবা অসিগা লোয়ননা লমদমসিগী শেন্মিৎলোন চাউখৎহনবদসু তেংবাংগনি।
মার্চ ২০২২দা শাবা হৌখিবা প্রোজেক্ত অসি লুপা করোর ৩৫০০ চঙনা শেমগৎপনি। মসিদা হরাপ্পান আর্কিতেকচর অমসুং পুন্সি মহিং উৎপা লোথল মিনি রিক্রিএসন; থীম পার্ক মরি – মেমোরিএল থীম পার্ক, মেরিতাইম অমসুং নেভী থীম পার্ক, ক্লাইমেত থীম পার্ক অমসুং এদভেঞ্চর অমদি এম্যুজমেন্ত থীম পার্ক; মালেমগী খ্বাইদগী ৱাংবা লাইতহাউস ম্যুজিয়ম; হরাপ্পান মতমদগী হৌজিক ফাওবগী ভারতকী মেরিতাইম পুৱারী উৎপা গেল্লরী তরামরি; রাজ্য অমসুং য়ু.তি.শিংগী তোঙান-তোঙানবা মেরিতাইম হেরিতেজ উৎপা সমুদ্র তোর্বান রাজ্যশিংগী পেভিলিয়নগুম্বা অনৌবা অমসুং তোপ তোপ্পা মগুন চেনবা মওং-মতৌ লৈগনি।
***
(Release ID: 1868633)
Visitor Counter : 111
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam