প্রধানমন্ত্রীগী লোইশঙ
প্রধান মন্ত্রীনা ওক্তোবর ১৮দা ৯০শুবা ইন্তর্পোল জেনেরেল এসেমব্লীদা ৱা ঙাঙগনি
Posted On:
17 OCT 2022 3:51PM by PIB Imphal
প্রধান মন্ত্রীনা ওক্তোবর ১৮গী নুংথিলগী পুং ১.৪৫ তাবা মতমদা নই দিল্লীগী প্রগতী মৈদান্দা পাংথোক্কদবা ৯০শুবা ইন্তর্পোল জেনেরেল এসেমব্লীদা ৱা ঙাঙগনি।
৯০শুবা ইন্তর্পোল জেনেরেল এসেমব্লী অসি ওক্তোবর ১৮দগী ২১ ফাওবা পাংথোক্কনি। মীফম অসিদা মন্ত্রী, লৈবাকশিংগী পুলিস চীফ, নেস্নেল নার্কোতিক্স ব্যুরো অমসুং সেনিয়র পুলিস ওফিসর য়াওনা ইন্তর্পোল মেম্বর লৈবাক ১৯৫গী দেলিগেতশিংনা শরুক য়াগনি। জেনেরেল এসেমব্লী অসি ইন্তর্পোলগী খ্বাইদগী থাক ৱাংবা গবর্নিং বোদীনি অমসুং মখোয়গী মথৌ তৌবগী ৱারেপ কয়া লৌনবগীদমক্তা চহি অমদা অমুক্লক উন্নবনি।
ইন্তর্পোল জেনেরেল এসেমব্লী অসি ভারত্তা চহি ২৫গী মতুংদা পাংথোকপনি অমসুং খ্বাইদগী অকোনবা ওইনা ইং ১৯৯৭তা ভারত্তা পাংথোকখিবনি। ইং ২০২২দা ভারতকী নীংতম্বগী চহি ৭৫ মপুং ফাবগী হরাও নুংঙাইবা ফোংদোকপগা লোয়ননা চহিসিমক্তদা নই দিল্লীদা ইন্তর্পোল জেনেরেল এসেমব্লী পাংথোকপগী ৱাহৌদোকপু জেনেরেল এসেমব্লীনা অচৌবা মেজোরিতী ফংদুনা অয়াবা পীখিবনি। থৌরম অসিনা ভারতকী লো অমসুং ওর্দরগী পথাপ্তা পাংথোকপা খ্বাইদগী ফবা থৌওংশিংবু মালেমদা উৎপগী খুদোংচাবা পীরি।
কেন্দ্রগী গৃহ মন্ত্রী, ইন্তর্পোলগী প্রসিদেন্ত অহমদ নসের অল রাইসী অমসুং সেক্রেতরী জেনেরেল শ্রী য়ুর্গেন স্তোক, সি.বি.আই. দাইরেক্তরনা থৌরম অসিদা শরুক য়াগনি।
***
(Release ID: 1868527)
Visitor Counter : 189
Read this release in:
Tamil
,
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Kannada
,
Malayalam