Press Release:Press Information Bureau

पंतप्रधान कार्यालय

आयन वादळात बळी गेलेल्यांप्रति आपल्या शोक संवेदना पंतप्रधानांनी अमेरिकेचे अध्यक्ष ज्यो बिडेन यांच्याकडे केल्या व्यक्त

Posted On: 02 OCT 2022 9:40AM by PIB Mumbai

अमेरिकेत नुकत्याच आलेल्या आयन वादळामुळे लोकांचे अमूल्य प्राण गेल्याबद्दल, तसेच झालेल्या सर्वंकष नाशाबद्दल पंतप्रधान नरेंद्र मोदी यानी आपल्या शोक संवेदना आणि मनापासून सहानुभूतीची भावना अमेरिकेचे अध्यक्ष ज्यो बिडेन यांच्याकडे व्यक्त केली आहे.

पंतप्रधानांनी यासंदर्भात केलेल्या ट्विट संदेशात म्हटले आहे की,

आयन वादळामुळे जी अमूल्य प्राणहानी झाली आणि विनाशाची लाटच आली, त्याबद्दल माझ्या शोकसंवेदना आणि मनापासून सहानुभूती मी अमेरिकेचे अध्यक्ष ज्यो बिडेन यांच्याकडे व्यक्त करतो. या बिकट संकटाच्या काळात अमेरिकेच्या जनतेप्रती माझ्या सहवेदना आहेत.

My sincere condolences and heartfelt sympathies to @POTUS @JoeBiden for the loss of precious lives and devastation caused by Hurricane Ian. Our thoughts are with the people of the United States in these difficult times.
— Narendra Modi (@narendramodi) October 2, 2022