প্রধান মন্ত্রীনা ঙসি ভবনাগরদা চাউরাকপা লুপা করোর ৫২০০গী প্রোজেক্তশিং শঙ্গাবগা লোয়ননা উরেপ উয়ুং তমখ্রে। প্রধান মন্ত্রীনা ভবনাগরদা মালেমগী অহানবা সি.এন.জি. তর্মিনেল অসুং ব্রাউনফিল্দ হিথাংফমগী উরেপ উয়ুং তমখি। চাউরাকপা লুপা করোর ১০০ চঙনা শাখিবা অমসুং একর ২০ হেনবগী মফম কোন্দুনা ভবনাগরদা লৈরিবা রিজনেল সাইন্স সেন্তর অমসু প্রধান মন্ত্রীনা শঙ্গাখি। থৌরম অসিগী মনুংদা প্রধান মন্ত্রীনা থৌরমশিংগী মনুংদা সাউনী য়োজনা লিঙ্ক ২গী পেকেজ ৭, এম.দবল্যু. ২৫গী পালিতানা সোলর পি.ভি. প্রোজেক্ত, এ.পি.পি.এল. কন্তেনর (আৱারক্রুপা প্লাস্মোতেক প্রাইভেত লিমিতেদ) প্রোজেক্ত য়াওনা অতোপ্পা প্রোজেক্ত কয়া শঙ্গাখি; সাউনী য়োজনা লিঙ্ক ২গী পেকেজ ৯, চোর্ভাদলা জোন ৱাতর সপ্লাই য়াওনা তোঙানবা প্রোজেক্ত কয়াগী উরেপ উয়ুং তমখি।

ঙসি তিনখিবা মীয়ামদা প্রধান মন্ত্রীনা ৱা ঙাঙবদা মীয়াম পুম্নমক্না অসুক য়াম্না শারবা ফাওবদা মশিং য়াম্না লাকপগীদমক্তা থাগৎখি। নাকল অমদা লৈবাক্না নীংতম্বগী চহি ৭৫ মপুং ফারকপগী নুংঙাইবা ফোংদোক্লি, অদুগা নাকল অমদা, ভবনাগরনা লমদম অমা ওইনা মশাগী চহি ৩০০ মপুং ফারি হায়না মহাক্না হায়খি। ভবনাগরগী মশাগী চহি ৩০০গী খোঙচত্তা লেপ্পা লৈতনা চাউখৎখি অমসুং সাউরাস্ত্রগী নাৎকী কোনুং ওইনা মশক লেপখি। ঙসি শঙ্গারিবা অমসুং উরেপ উয়ুং তম্লিবা প্রোজেক্তশিংনা মরম ওইরগা ভবনাগরগী চাউখৎ-থৌরাংদা অনৌবা শাফু পীরগনি। রাজকোত-জাম্নগর-ভবনাগরগী লমদম অসিনা সুরত-বদোদরা-অহমেদবাদকী মান্নবা মঙাল য়াম্না থুনা লৈরগনি হায়বগী থাজবা লৈ হায়না মহাক্না ফোংদোকখি। ভবনাগরদা ইন্দস্ত্রী, লৌউ-শিংউ অমসুং কারবারশিংনা চাউখৎপগী মতিক য়াম্না লৈ হায়না মহাক্না ফোংদোকখি। ঙসিগী থৌরম অসিনা দবল সরকার অসিনা মাইকৈ অসিদা খোঙফম চেৎপগী খুদম অমনি হায়না মহাক্না মখা তাখি।

ভবনাগর অসি সমুদ্র তোর্বান্দা লৈবা জিলা অমনি অমসুং গুজরাতনা লৈবাক অসিদা খ্বাইদগী শাংবা সমুদ্র তোর্বানগী মফম লৈ হায়না প্রধান মন্ত্রীনা হায়খি। অদুবু, নীংতম্বা ফংলবা মতুংগী দিকেদশিংদা সমুদ্র তোর্বানগী লমদম চাউখৎনবা নীংথিনা হোৎনখিদবনা মরম ওইরগা, মসিগী শাংলবা সমুদ্র তোর্বান অসি মীয়ামগী অচৌবা শিংনবা ওইদুনা লাকখি। দবল ইঞ্জিন সরকার অসিনা পাংথোকখিবা থবকশিংদা মীয়ামগী পুক্নিং চিংশিল্লদুনা, মমাংগী দিকেদ অনিদা, গুজরাতকী সমুদ্র তোর্বান পরিংবু ভারতকী য়াইফ য়ুম্বালগী থোঙ ওইহন্নবা সরকারনা পুকচেল শেংনা হোৎনখি হায়না প্রধান মন্ত্রীনা হায়খি। “ঐখোয়না গুজরাত্তা হিথাংফম কয়া শারে, কয়া অমনা মতমগা চুনবা খুদোংচাবা লৈহল্লে অমসুং থবক পীনবা অনৌবা খুদোংচাবা কয়া শেমখি”, হায়না প্রধান মন্ত্রীনা মখা তাখি। প্রধান মন্ত্রীনা গুজরাতনা লৈবাক অসিদা সি.এন.জি. তর্মিনেল লৈবা অহানবা রাজ্য ওইরবনি অমসুং ঙসিদি, গুজরাত্তা এল.এন.জি. তর্মিনেল অহুম লৈরে হায়খি।

সমুদ্র তোর্বানগী ইকোসীস্তেমগী মরু ওইবশিংগী মতাংদা তাক্লদুনা, প্রধান মন্ত্রীনা সরকার অসিনা কোস্তেল ইন্দস্ত্রী চাউখৎহনবা অমসুং ইন্দস্ত্রীশিং অসিগী ইনর্জী নেতৱর্ক শেমগৎপদা মরু ওইবা থৌদাং লৌখি হায়না ফোংদোকখি। ফিশিং হার্বর কয়া শাখি অমসুং ঙামীশিংগী খুন্নাইবু চাউখৎহন্নবগীদমক্তা ফিশ প্রোসেসিংগী থবকশিংসু খুমানফ চাউশিলহনখি। লমদম অসিদা মেংগ্রুব ফোরেস্তশিংসু শেমগৎখি। মতমদুদা লৈরম্বা কেন্দ্র সরকারনা গুজরাত্তগী সমুদ্র তোর্বান চাউখৎপগী মতাংদা তমজবা য়াম্না য়াই হায়না ফোংদোক্লমখিবা লৈ হায়না শ্রী মোদীনা হায়খি। প্রধান মন্ত্রীনা মহাক্কী সরকারনা এক্বাকলচর চাউখৎহন্নবা মরু ওইবা খোঙথাং কয়া পায়খৎলে হায়খি। গুজরাতকী সমুদ্র তোর্বান পরিংগী মতাংদা ৱাফম থম্লদুনা, প্রধান মন্ত্রীনা মসিনা লৈবাক্কী এক্সপোর্ত অমসুং ইম্পোর্ত্তা মরু ওইবা থৌদাং লৌবগা লোয়ননা মীওই লাখ কয়াগী থবক্কী পাম্বৈসু ওইরিবনি হায়খি। “ঙসিদি, গুজরাতকী সমুদ্র তোর্বান পরিংনা রিন্যুএবল ইনর্জী অমসুং হাইদ্রোজেন ইকোসীস্তেমগী ৱাহন্থোক পীরে”, হায়না মহাক্না মখা তাখি। “ঐখোয়না সাউরাস্ত্রবু ইনর্জীগী ময়োল ওইহন্নবা হোৎনখি। ঙসিদি, লৈবাক্কী ইনর্জীগী তঙাই ফদবা খুদিংমক্কী মতাংদা লমদম অসিনা মরু ওইবা হব অমা ওইরে”, হায়না মহাক্না ফোংদোকখি।

ভবনাগর হিথাংফম্না মরোমদোম লেপচবা ঙম্বা ভারত অমা শেম্বদা য়াম্না চাউবা থৌদাং লৌগনি অমসুনফ রাজ্যসিদা থবক্কী অনৌবা খুদোংচাবা কয়া শেমগনি হায়না প্রধান মন্ত্রীনা হায়খি। “স্তোরেজ, ত্রান্সপোর্তেসন অমসুং লোজিস্তিক্সকা মরী লৈনবা কারবার কয়া পাকথোক চাউথোক্লগনি”, হায়না শ্রী মোদীনা মখা তাখি। অলাং শিপ ব্রেকিং য়ার্দকী মতাংদা ৱাফম থম্লদুনা, প্রধান মন্ত্রীনা ভেহিকল স্ক্রেপ্পিং পোলিসীগী খ্বাইদগী চাউবা বেনিফিশরীদি ভবনাগরনা ওইগনি হায়খি। স্ক্রেপ তৌরবা য়োৎশিংদগী কন্তেনর শাবগা মরী লৈনবা খুদোংচাবা কয়াগী মতাংদসু প্রধান মন্ত্রীনা মীয়ামগী পুক্নিং চিংশিনখি।

লোথলনা ঐখোয়গী হেরিতেজকী মরু ওইবা মফম অমা ওইরিবা অসিগী মতাংদা পল্লদুনা, প্রধান মন্ত্রীনা মসিনা মালেমগী খ্বাইদগী অরিবা হিথাংফম্নি অমসুং লোথল মেরিতাইম ম্যুজিয়ম শাবনা লমদম অসিগী অনৌবা শক্তাক অমা পীরগনি হায়খি। মসিবু মালেমগী লমকোয়বগী মেপ্তা য়াম্না থুনা পুরক্নবগীদমক্তা খোঙজেল য়াঙনা থবক পায়খৎলি হায়না মহাক্না ফোংদোকখি। “লোথলগা লোয়ননা, ভেলাভদার নেস্নেল পার্ক্কী ইকো-তুরিজম সর্কিৎনা ভবনাগরবুসু, মরু ওইনা মসিগী অপীকপা কার্বারশিংবুসু কান্নবা ফংহনগনি”, হায়না প্রধান মন্ত্রীনা মখা তাখি। মরী লৈনবা ই-পাউ খঙদবনা মরম ওইরগা, ঙামীশিংনা পুন্সি মাঙবা য়াবা শিংনবা কয়া থেংনরম্বা মতম অমা লৈরম্মি হায়না প্রধান মন্ত্রীনা নিংশিংখি। মহাক্না গুজরাতকী মুখ্য মন্ত্রী ওইরিঙৈগী মতম নিংশিংলদুনা, বত্তন কয়া য়াওবা অখন্নবা অঙাংবা বাস্কেত অমা ঙামীশিংদা খুৎশিন্নখিবনি হায়না মহাক্না হায়খি। ইমর্জেন্সী থোকপা মতমদা, ঙামীশিংনা বতন অদুবু নমদুনা কোস্ত গার্দপু তেংবাংগীদমক্তা কৌবা য়াহল্লি। ঙামীশিংগী হিশিংগী ফিভম হেন্না ফগৎহন্নবগীদমক্তা মখোয়গী মফমদা সবসিদী কয়াসু পীখি হায়না প্রধান মন্ত্রীনা মখা তাখি। “লৌমীশিংবু মপাঙ্গল হাপ্পগী থৌওংগা মরী লৈননা, ঙামীশিংগী মফমদা ক্রেদিত কার্দ য়েন্থোকখ্রে”, হায়না শ্রী মোদীনা হায়খি।

রাজকোত্তা হৌদৈকখিবা সাউনি য়োজনাবু থবক ওইনা পাংথোক্লবা মতুংদা পুরক্লিবা অহোংবা কয়া অসিদা প্রধান মন্ত্রীনা অপেনবা ফাওজখি। মসিনা হৌরকপা মতমদা ক্বার্তর খরদা থাজদবগী মতৌ খরা থেংনখ্রবসু, প্রোজেক্ত অসিনা নিংহন্নবা লৈতনা মায় পাক্লিবা অসিদা অহেনবা মিৎয়েং চঙলদুনা, প্রধান মন্ত্রীনা অসুম্না হায়খি, “ঙসিদি, সাউনি য়োজনানা নর্মদাবু অয়াঙবা খোঙজেলগা লোয়ননা য়ৌফম থোকপা মফমশিংদা য়ৌহল্লি”। ঙসি শঙ্গাখ্রিবা প্রোজেক্তশিংনা নর্মদা তুরেলগী ঈশিংবু ভবনাগর অমসুং অমরেলীগী জিলা কয়াদা য়ৌহনগনি। মসিনা ভবনাগরগী গরিয়াধর, জেসর অমসুং মাহুবা তালুকাগা লোয়ননা অমরেলি জিলাগী রাজুলা অমসুং খমভা তালুকাগী লৌমীশিংদা মশক থোক্না কান্নবা ফংহনগনি। “ভবনাগর, গির সোম্নাথ, অমরেলি, বোতার, জুনাগর, রাজকোত অমসুং পোর্বন্দর জিলাগী খুঙ্গং অমসুং শহর কয়াদা য়ৌনবা মরী লৈনবা থবকশিংসু ঙসি হৌখ্রে”, হায়না প্রধান মন্ত্রীনা মখা তাখি।

প্রধান মন্ত্রীনা মহাক্কী ৱাফম লোইশিনবা ওইনা, মনিংদা লৈহৌরবশিংবু শৌগৎপনা দবল ইঞ্জিন সরকারগী খোঙফম চেৎপা থৌওং ওইরি হায়না ফোংদোকখি। খ্বাইদগী লাইরবদগী লাইরবশিংনা রিসোর্স অমসুং দিগ্নিতী লৈরকপা মতমদা, মখোয়না মশাগী হোৎনজমন্না লাইরবা অমসুং অৱাবা তাববু মাইথীবা পীবা ঙম্মি। প্রধান মন্ত্রীনা অসুম্না হায়খি, “ঐখোয়না গুজরাত্তা গরীব কলয়ান মেলা কয়া য়াম্না তোয়না শীল্লি। মসিগুম্বা থৌরম অমদা, ঐহাক্না ভবনাগরগী ইচল অমগী মফমদা ত্রাইসাইকল অমা খুৎশিন্নখি। ইচল অদুনা মহাক্তি ত্রাইসাইকল অমুক ফাঅবা থৌদ্রি, অদুনা ইলেক্ত্রিক ত্রাইসাইকল খক ওইনা পীবিয়ু হায়রকখি। লাইরবশিংগী থাজবা অমসুং অপাম্বনা ঙসিসু ঐহাক্কী পাঙ্গল ওইরি। লাইরবশিংগী অনীংবা অপাম্বনা ঐহাক্কী ইফমদা লেপ্পা লৈতনা থবক তৌনবা পাঙ্গল হাপ্লি”।

প্রধান মন্ত্রীনা মহাক্কা ভবনাগরগা শাংলবা মতমদগী মরী লৈনরকপবু নিংশিংখি অমসুং মহাক্কী থাইনগী মরুপশিংবু নিংশিংদুনা থাইনগী ৱারী কয়া শাখি। ঙসিগী প্রোজেক্তশিং অসিনা ভবনাগরগী য়াইফরবা হয়েংগী মতম অমা পুরকপদা চাউনা তেংবাংগনি হায়না মহাক্না হায়খি। মহাক্না মীয়াম্বু মহাকপু নুংশিবীবগীদমক্তা থাগৎখি।

গুজরাতকী মুখ্য মন্ত্রী, শ্রী ভুপেন্দ্র পতেল, হকশেল অমসুং য়াইফ য়ুম্বালগী কেন্দ্র মন্ত্রী, শ্রী মনশুখ মন্দাবিয়া, পার্লিয়ামেন্তকী মেম্বর, শ্রী সি.আর. পাতিল, দাঃ ভারতীবেন শিয়াল অমসুং শ্রী নরানভাই কছাদিয়ানা থৌরম অসিদা শরুক য়াখি।

বেকগ্রাউন্দ

প্রধান মন্ত্রীনা ভবনাগরদা চাউরাকপা লুপা করোর ৫২০০গী প্রোজেক্তশিং শঙ্গাখ্রে অমসুং উরেপ উয়ুং তমখ্রে। প্রধান মন্ত্রীনা ভবনাগরদা মালেমগী অহানবা সি.এন.জি. তর্মিনেল অসুং ব্রাউনফিল্দ হিথাংফমগী উরেপ উয়ুং তমখি। হিথাংফম অসি লুপা করোর ৪০০০ চঙনা শাগদবনি অমসুং মালেমগী খ্বাইদগী মরিশুবা চাউবা লোক গেত সীস্তেমগা লোয়ননা মালেমগী খ্বাইদগী অহানবা সি.এন.জি. তর্মিনেলগীদমক্তা স্তেত ওফ দি আর্ত ইনফ্রাস্ত্রকচর লৈগনি। সি.এন.জি. তর্মিনেলদগী হেন্দোকপা ওইনা, হিথাংফম অসিনা লমদম অসিদা পাংথোক্কদৌরিবা প্রোজেক্তশিংগী তুংগী মতমদা লৈরক্কদবা তঙাই ফদবশিং থেংনগনি। হিথাংফম অসিদা অলত্রা মোদর্ন কন্তেনর তর্মিনেল, মলতিপর্পজ তর্মিনেল অমসুং লিক্বিদ তর্মিনেল লৈবগা লোয়ননা হৌজিক লৈরিবা রোদ অমসুং রেল নেতৱর্কশিংগা হথেংনবা দোর-স্তেপ কন্নেক্তিবিতী লৈগনি। মসিনা কার্গো শেন্নবদা শেল চৎপা থিংদুনা শেন্মিৎলোন্দা কান্নবা পীবতা নত্তনা লমদমসিগী মীয়ামদা থবক কয়াসু পীগনি। মসিদা নত্তনা, সি.এন.জি. ইম্পোর্ত তর্মিনেলনা ক্লীন ইনর্জীগী অপাম্বা হেনগৎলক্লিবা অসিবু থেংনবা ঙম্নবা ইনর্জীগী অতোপ্পা পাম্বৈ অমসু পীগনি।

চাউরাকপা লুপা করোর ১০০ চঙনা শাখিবা অমসুং একর ২০ হেনবগী মফম কোন্দুনা ভবনাগরদা লৈরিবা রিজনেল সাইন্স সেন্তর অমসু প্রধান মন্ত্রীনা শঙ্গাখ্রে। সেন্তর অসিদা থীম কয়াদা য়ুম্ফম ওইবা গেল্লরী মখল কয়া লৈরি অমসুং মসিগী মনুংদা মেরিন এক্বাতিক গেল্লরী, ওতোমোবিল গেল্লরী, নোবেল প্রাইজ গেল্লরী – ফিসিওলোজী অমসুং মেদিসিন, ইলেক্ত্রো মেকানিক্স গেল্লরী, বাইওলোজী সাইন্স গেল্লরী য়াওরি। সেন্তর অসিনা এনিমাত্রোনিক্স দাইনাসাউর, সাইন্স থীমদা য়ুম্ফম ওইবা তোই ত্রেন, নেচর এক্সপ্লোরেসন তুর, মোসন সাইম্যুলেতর, পোর্তেবল সোলর ওবজর্বেতরীনচিংবা আউতদোর ইন্সতোল্লেসন কয়াগী খুত্থাংদা অঙাংশিংগী মফমদা অনৌবা থৌওং কয়া তম্বগী ক্রিএতিব ওইবা প্লেতফোর্ম অমা পীগনি।

প্রধান মন্ত্রীনা থৌরমশিংগী মনুংদা সাউনী য়োজনা লিঙ্ক ২গী পেকেজ ৭, এম.দবল্যু. ২৫গী পালিতানা সোলর পি.ভি. প্রোজেক্ত, এ.পি.পি.এল. কন্তেনর (আৱারক্রুপা প্লাস্মোতেক প্রাইভেত লিমিতেদ) প্রোজেক্ত য়াওনা অতোপ্পা প্রোজেক্ত কয়া শঙ্গাখি; সাউনী য়োজনা লিঙ্ক ২গী পেকেজ ৯, চোর্ভাদলা জোন ৱাতর সপ্লাই য়াওনা তোঙানবা প্রোজেক্ত কয়াগী উরেপ উয়ুং তমখি।

চাউখৎ-থৌরাংগী য়াম্লবা প্রোজেক্ত কয়া শঙ্গাবা অমসুং উরেপ উয়ুং তম্বগী মতৌনা প্রধান মন্ত্রীনা মালেমগী থাক্কী ইনফ্রাস্ত্রকচর শেমগৎপা, অর্বানগী চত্থোক-চৎশিন তৌবগী পাম্বৈ ফগৎহনবা অমসুং মলতি-মোদেল কন্নেক্তিবিতী ফগৎহন্নবা খোঙফম চেৎলিবা অসিগী মমি তারি। মহাক্কী সরকারনা মীচম মীয়ামগী পুন্সি মহিং ফগৎহনবদা মহাক্না মিৎয়েং চঙবগী মতৌবুসু থৌওংশিং অসিনা তাক্লি।

Projects being launched in Bhavnagar will give a significant boost to economy as well as benefit farmers in the region. https://t.co/LcWu5GH7hS

— Narendra Modi (@narendramodi) September 29, 2022

एक तरफ देश जहां आज़ादी के 75 वर्ष पूरे कर चुका है, वहीं इस साल भावनगर अपनी स्थापना के 300 वर्ष पूरे करने जा रहा है।

300 वर्षों की अपनी इस यात्रा में भावनगर ने सतत विकास की, सौराष्ट्र की सांस्कृतिक राजधानी के रूप में अपनी पहचान बनाई है: PM @narendramodi

— PMO India (@PMOIndia) September 29, 2022

भावनगर समंदर के किनारे बसा जिला है।

गुजरात के पास देश की सबसे लंबी कोस्टलाइन है।

लेकिन आजादी के बाद के दशको में तटीय विकास पर उतना ध्यान ना दिए जाने की वजह से, ये विशाल कोस्टलाइन एक तरह से लोगों के लिए बड़ी चुनौती बन गई थी: PM @narendramodi

— PMO India (@PMOIndia) September 29, 2022

बीते 2 दशकों में गुजरात की कोस्टलाइन को भारत की समृद्धि का द्वार बनाने के लिए हमने ईमानदारी से प्रयास किया है।

गुजरात में हमने अनेकों पोर्ट्स विकसित किए, बहुत से पोर्ट्स का आधुनिकीकरण कराया: PM @narendramodi

— PMO India (@PMOIndia) September 29, 2022

आज गुजरात की कोस्ट लाइन, देश के आयात-निर्यात में बहुत बड़ी भूमिका निभाने के साथ ही लाखों लोगों को रोजगार का माध्यम भी बनी है।

आज गुजरात की कोस्टलाइन, री-न्यूएबल एनर्जी और हाईड्रोजन इकोसिस्टम का पर्याय बनकर उभर रही है: PM @narendramodi

— PMO India (@PMOIndia) September 29, 2022

भावनगर का ये पोर्ट आत्मनिर्भर भारत के निर्माण में बड़ी भूमिका निभाएगा और रोज़गार के सैकड़ों नए अवसर यहां बनेंगे।

यहां भंडारण, ट्रांसपोर्टेशन और लॉजिस्टिक्स से जुड़े व्यापार-कारोबार का विस्तार होगा: PM @narendramodi

— PMO India (@PMOIndia) September 29, 2022

लोथल हमारी विरासत का एक महत्वपूर्ण केंद्र रहा है, जिसको पूरी दुनिया के पर्यटन नक्शे पर लाने के लिए बहुत परिश्रम किया जा रहा है।

लोथल के साथ वेलावदर नेशनल पार्क में इको टूरिज्म से जुड़े सर्किट का लाभ भी भावनगर को होने वाला है, विशेष रूप से छोटे बिजनेस को होने वाला है: PM

— PMO India (@PMOIndia) September 29, 2022

*****