ইনফোর্মেসন অমসুং ব্রোদকাস্তিং মন্ত্রালয়

অসা পরেখতা দাদাসাহেব ফালকে এৱার্দ, ২০২০ পীরগনি


সেপ্তেম্বর ৩০দা ৬৮শুবা নেসনেল ফিল্ম এৱার্দশিং য়েন্থোক্লগনি

রাস্ত্রপতি শ্রীমতি দ্রৌপতি মুর্মু মনা য়েন্থোকপগী থৌরম শরুক য়াগনি

Posted On: 27 SEP 2022 1:35PM by PIB Imphal

ঙসি ইনফোর্মেসন অমসুং ব্রোর্দকাস্তিং মিনিস্ত্রিনা শক্নাইরবী এক্ত্রেস অসা পরেখতা চহি ২০২০গী দাদাসাহেব ফালকে এৱার্দ পীরগনি হায়না লাউথোকখ্রে। নিউ দিল্লিদা পাংথোক্কদবা নেসনেল ফিল্ম এৱার্দ য়েন্থোকপা থৌরমদা মনা অসি লান্থোক্কনি।

মনা অসি লাউথোক্লদুনা য়ুনিয়ন মিনিস্তর শ্রী অনুরাগ থাকুরনা হায়খি ভারতকী সেনিমাগীদমক মহাক্না পাংথোকখিবা ফিদম্নফম ওইরবা থবকশিং অদু ইকায়খুম্নবা উৎনবা অমসুং মনা পীনবা দাদাসাহেব ফালকে সেলেক্সন জুরিনা লৌখিবা ৱারেপ অদু ঐনা লাউথোকচরি। সেপ্তেম্বর ৩০, ২০২২দা ৬৮শুবা নেসনেল ফিল্ম এৱার্দ য়েন্থোকপগী থৌরম পাংথোক্লগনি অমসুং থৌরম অদুদা রাস্ত্রপতি শ্রীমতি দ্রৌপতি মুর্মু মনা শরুক য়াগনি হায়নশু মিনিস্তরনা লাউথোকখি।

অসা পরেখ অসি শক্নাইরবী ফিল্ম এক্ত্রেস অমনি, দিরেক্তরনি অমসুং প্রদুসরনি অমসুং মমিং লৈরবী ইন্দিয়ান ক্লাসিকেল দান্সর অমনি। চাইল্দ এক্তর অমা ওইনা মহাক্না শীনফম অসিদা চঙলক্তুনা মহাক্না অহানবা ওইনা দিল দেকে দেখোদা হিরোইন ওইনা শরুক য়াখি অমসুং ফিল্ম ৯৫ হেন্না শরুক য়াখ্রে। মহাক্না কুমখিবা মমিং লৈরবা ফিল্মশিংদি কতি পাতং, তিসরি মঞ্জিল, লভ ইন তোকিও, অয়া শাৱন ঝুম কে, আন মিলো সজনা, মেরা গাওন মেরা দেস অসিনচিংবনি।

অসা পরেখ ইং ১৯৯২দা পদ্ম শ্রী পীদুনা ইকায়খুম্নবা উৎখ্রে। মহাক ১৯৯৬-২০০১ ফাওবা সেন্ত্রেল বোর্দ ওফ ফিল্ম সর্তিফিকেসনকী লুচিংবী ওইরমখি। মেম্বর মঙাগী জুরি অমনা অসা পরেখতা মনা অসি পীনবা লৌখিবা ৱারেপ অদু শ্রী অনুরাগ থাকুরনা লাউথোকখি। ৫২শুবা দাদাসাহেব ফালকে এৱার্দ পীনবা জুরি অদুদা শরুক য়াখিবা ফিল্ম ইন্দস্ত্রিগী মেম্বর মঙা অদুদি :

১. অসা ভোসলে

২. হেমা মালিনি

৩. পুনম ধিল্লোন

৪. শ্রী তি.এস নাগাবরনা

৫. শ্রী উদিৎ নরায়ন

*****



(Release ID: 1862664) Visitor Counter : 152


Read this release in: English , Urdu , Hindi , Marathi , Assamese , Punjabi , Gujarati , Odia , Tamil , Telugu , Kannada , Malayalam