প্রধানমন্ত্রীগী লোইশঙ
পি.এম.না অহমদবাদতা ভিদিও কন্ফরেন্সিংগী খুত্থাঙদা ‘সেন্তর-স্তেত সাইন্স কনক্লেব’ হৌদোকখ্রে
“সাইন্স হায়বসি লমদম খুদিং, স্তেত খুদিংমক্কী চাওখৎ লমজেলপু খোঙজেল হাপ্পা ঙমগদবা মপাঙ্গল লৈবা ২১শুবা চহিচাগী ভারত্তা চাওখৎপা পুরক্নবগী ইনর্জীগুম্বনি”
“মরিশুবা ইন্দস্ত্রিএল রিভোলুসনগী মায়কৈদা চঙশিল্লিবা অসিদা ভারতকী সাইন্স অমসুং হীরম অসিদা থবক তৌরিবা মীওইশিংগী শক্লোন য়াম্না মরুওই”
“অনৌবা ভারতনা জয় জৱান, জয় কিসান, জয় বিজ্ঞান লোয়ননা জয় অনুসন্ধানগা লোয়ননা চঙশিল্লি”
“সাইন্সনা পাম্বৈ, অওনবা অমদি ইনোভেসনগী য়ুম্ফম ওইরি”
“ঐখোয়গী সাইন্তিস্তশিংগী মায় পাকপদা ঐখোয়না হরাও তয়াম্বা ফোঙদোকপদা, সাইন্সনা ঐখোয়গী খুন্নাইগী অমদি নাৎকী শরুক ওইরবনি”
“লৈঙাক্না সাইন্সতা য়ুম্ফম ওইবা চাওখৎলোনগী ৱাখল্লোন্দা থবক তৌরি”
“ইনোভেসনবু সাইন্তিফিক ইন্সতিত্যুসন হেন্না হেন্না শেমগৎপদা অমদি স্তেত লৈঙাকশিংগী থৌওংশিং লায়থোকহনবদা অহেনবা মীৎয়েঙ থমদুনা পুক্নিং থৌগৎপা য়াই”
“লৈঙাক অমা ওইনা, ঐখোয়না ঐখোয়গী সাইন্তিস্তশিংগা তেংবাংনবা অমদি খুৎশম্ননা চৎমিন্নবা মথৌ তাই, মসিনা সাইন্তিফিক মোদর্নিতীগী ফীভম অমা শেমগৎকদৌরিবনি”
Posted On:
10 SEP 2022 11:57AM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কন্ফরেন্সিংগী খুত্থাঙদা অহমদবাদতা ‘সেন্তর-স্তেত সাইন্স কনক্লেব’ হৌদোকখ্রে।
তিল্লিবা মীয়ামদা ৱা ঙাঙলদুনা, প্রধান মন্ত্রীনা পাঙথোক্লিবা কনক্লেব অসি সবকা প্রয়াসকী তশেং তশেংবা খুদম অমনি হায়না ফোঙদোকখি। “সাইন্স হায়বসি লমদম খুদিং, স্তেত খুদিংমক্কী চাওখৎ লমজেলপু খোঙজেল হাপ্পা ঙমগদবা মপাঙ্গল লৈবা ২১শুবা চহিচাগী ভারত্তা চাওখৎপা পুরক্নবগী ইনর্জীগুম্বনি। ঙসি ভারতনা মরিশুবা ইন্দস্ত্রিএল রিভোলুসনগী মায়কৈদা চঙশিল্লিবা অসিদা ভারতকী সাইন্স অমসুং মসিগী লমদা থবক তৌরিবা মীওইশিংগী শক্লোন য়াম্না মরুওই। অসিগুম্বা ফীভম অমদা, লৈঙাক চুপ্লি পায়রিবা অমদি খুজিল থৌরাং য়াৎলিবা মীওইশিংগী থৌদাংসু মরুওইবা হেনগৎলক্লি,” হায়না প্রধান মন্ত্রীনা ফোঙদোকখি।
সাইন্সনা পাম্বৈ, অওনবা অমসুং ইনোভেসনগী য়ুম্ফম ওইরিবনি। অদুগা হায়রিবা ৱাখল্লোন অসিনা পুক্নিং থৌগত্তুনা ঙসিগী ভারতনা জয় জৱান, জয় কিসান, জয় বিজ্ঞান লোয়ননা জয় অনুসন্ধান হায়বসিগা লোয়ননা মাঙদা চঙশিল্লি হায়না প্রধান মন্ত্রীনা হায়খি।
পুৱারীদগী ঐখোয়না কেন্দ্র অমসুং স্তেত অনিমক্তা মতেং ওইগদবা তমবা য়াবা পারাশিংগী মতাঙদা ৱাফম কয়া ফোঙদোক্লদুনা, করিগুম্বা ঐখোয়না হৌখিবা চহিচাগী ঙল্লিঙৈ মতমগী শরুকশিং নীংশিংলবদি, মালেম অসিনা অমাঙ অতা অমসুং অৱা অনাগী মতম অমদা কমদৌনা চৎলম্বগে হায়না ঐখোয়না খঙগনি হায়না প্রধান মন্ত্রীনা হায়খি। অদুম ওইদুনসু মতম অদুদা ফাওবা, নোংপোক্লোমদগী ওইরবসু নৎত্রগা নোংচুপ্লোমদগী ওইরবসু, মফম খুদিংমক্তা সাইন্তিস্তশিংনা মখোয়গী অচৌবা দিস্কভরীশিংগী থবক তৌখি। নোংচুপ্লোমদা, ঐন্সতৈন, ফর্মি, মেক্স প্লেঙ্ক, নীল্স বোহর অমসুং তেস্লাগুম্বা সাইন্তিস্তশিংনা মখোয়গী চাংয়েং কয়ানা মালেমবু মমীৎ থকহনখি। হায়রিবা মতম অদুমক্তদা, সি.ভি. রমন, জগদিস চন্দ্র বোস, সত্যেন্দ্রনাথ বোস, মেঘনাদ সাহা অমসুং এস. চন্দ্রসেখীনচিংবা সাইন্তিস্তশিংনা মখোয়গী অনৌবা দিস্কভরীশিং পুথোরকখি। প্রধান মন্ত্রীনা নোংপোক অমসুং নোংচুপ্লোমগী খেন্নবা ৱাফম থম্লদুনা ঐখোয়না ঐখোয়গী সাইন্তিস্তশিংগী থবকপু শকখঙবিবা ৱাৎলি হায়বা ৱাফম থমখি। ঐখোয়গী সাইন্তিস্তশিংগী মায় পাকপদা ঐখোয়না হরাও তয়াম্বা ফোঙদোকপদা, সাইন্সনা ঐখোয়গী খুন্নাইগী অমদি নাৎকী শরুক ওইরবনি হায়বা ৱাফম প্রধান মন্ত্রীনা ফোঙদোকখি। শ্রী মোদীনা মীপুম খুদিংমক্তা লৈবাকসিগী সাইন্তিস্তশিংগী মায় পাকপশিংদা হরাও তয়াম্বা ফোঙদোকপিনবা ৱাফম থমখি। “সাইন্তিস্তশিংনা মখোয়শিংদুবু হরাও তয়াম্বা ফোঙদোক্নবা মরম কয়া অমা লৈবাকসিদা পীরি হায়না প্রধান মন্ত্রীনা হায়খি। মহাক্না ভারতকী সাইন্তিস্তশিংবু কোরোনাগী ভেক্সিন পুথোকপগী অমদি মালেমগী খ্বাইদগী চাউবা ভেক্সিনেসন দ্রাইবতা থৌদাং য়াখিবগীদমক্তা থাগৎখি।
লৈঙাক অসিনা সাইন্সতা য়ুম্ফম ওইবা চাওখৎলোনগী ৱাখল্লোনগা লোয়ননা থবক পায়খৎলি হায়না প্রধান মন্ত্রীনা অমুক হন্না ফোঙদোকখি। “২০১৪দগী হৌরগা হৌজিক ফাওবদা সাইন্স অমসুং তেক্নোলোজীগী লমদা শেল থাদবগী চাং মশক থোক্না হেনগৎলক্লি। লৈঙাক্কী থৌরাং অসিনা মরম ওইরগা, গ্লোবেল ইনোভেসন ইন্দেক্সতা ২০১৫দা ৮১শুবদা লৈরম্বদগী, ঙসিদি ভারতনা ৪৬শুবা মফমদা হায়গৎলক্লে,” হায়না প্রধান মন্ত্রানা মখা তাখি। মহাক্না লৈবাকসিদা রেকোর্দ ওইবা মশিংদা রেজিস্তর পেতেন্তশিংগী মতাঙদা পনখি। মহাক্না ইনোভেসনগী ফীভম অমসুং মচু মমেন্না থল্লবা স্তার্ত-অপ ইকোসিস্তেমগী মরমদসু পনখি।
“সাইন্স, তেক্নোলোজী অমসুং ইনোভেসনগী মায়কৈদা পুক্নিং চঙশিনবনা ঐখোয়না নহা মীরোলগী দি.এন.এ. ওইরে। হায়রিবা না মীরোল অসিবু ঐখোয়না ঙমজবী থাদুনা মতেং পাংশিনবা মথৌ তাই,” হায়না প্রধান মন্ত্রীনা ফোঙদোকখি। নহাশিংগী ইনোভেসনগী ৱাখল্লোন অসিবু ঙাক্লৌ পীনবগীদমক থিজিন হুমজিনবা অমসুং ইনোভেসনগী লমদা অনৌবা সেক্তরশিং অমসুং মিসনশিংগী মমিং প্রধান মন্ত্রীনা পনখি। মহাক্না স্পেস মিসন, নেস্নেল সুপরকম্প্যুতিং মিসন, সেমিকন্দক্তর মিসন, মিসন হায়দ্রোজেন অমসুং দ্রোন তেক্নোলোজীবু খুদম ওইনা পীখি। মতৌ অসুম্না এন.ই.পি.না সাইন্স অমসুং তেক্নোলোজীগী এজুকেসনবু মমালোন্দা ফংহন্দুনা হীরম অসিদা ইনোৎ হাপ্লি।
অমৃৎ কালগী অসিদা ভারতবু থিজিন হুমজিনবা অমসুং ইনোভেসনগী মালেমগী মফম অমা ওইহন্নবগীদমক ঐখোয়না চপ মান্নবাম তমদা হীরম কয়াদা থবক পায়খৎপা মথৌ তাই হায়বা ৱাফম প্রধান মন্ত্রীনা থমখি। সাইন্স অমসুং তেক্নোলোজীগা মরী লৈনবা থিজিন হুমজিনবগী থৌওংশিংবু লোকেলগী থাক্তা পুথবা মথৌ তাই হায়না মহাক্না থমখি। মহাক্না স্তেতশিংদা মখোয়গী মথৌ তাবগী মতুং ইন্না থিজিন হুমজিনবা অমদি ইনোভেসন য়োকখৎনবা ৱাফম থমখি। ইনোভেসনবু সাইন্তিফিক ইন্সতিত্যুসন হেন্না হেন্না শেমগৎপদা অমদি স্তেত লৈঙাকশিংগী থৌওংশিং লায়থোকহনবদা অহেনবা মীৎয়েঙ থমদুনা পুক্নিং থৌগৎপা য়াই হায়না প্রধান মন্ত্রীনা ফোঙদোকখি। মহাক্না মখা তারদুনা স্তেতশিংদা লৈরিবা হায়র এজুকেসনগী ইন্সতিত্যুসনশিংদা ইনোভেসন লেব মশিং হেনগৎহনগদবনি হায়খি। মহাক্না স্তেশিংদা সাইন্স, তেক্নোলোজী অমসুং ইনোভেসনগী লমদা মতমগা চুনবা পোলিসী থম্নবা ৱাফমসু থমখি। “লৈঙাক অমা ওইনা, ঐখোয়না ঐখোয়গী সাইন্তিস্তশিংগা তেংবাংনবা অমদি খুৎশম্ননা চৎমিন্নবা মথৌ তাই, মসিনা সাইন্তিফিক মোদর্নিতীগী ফীভম অমা শেমগৎকদৌরিবনি,” হায়না মহাক্না ফোঙদোকখি।
স্তেতশিংনা হৌজিক লৈরিবা লৈবাক্কী থাক্কী সাইন্তিফিক ইন্সতিত্যুৎশিং অমসুং লৈবাক্কী লেবোরেতরীশিংগী মঙম অমসুং হৈশিংবগী মপুং ফানা কান্নবা লৌগদবনি হায়না প্রধান মন্ত্রীনা থমখি। “ঐখোয়না সাইন্তিফিক ইন্সতিত্যুসনশিংবু অমদি মখোয়গী হৈশিংববু খ্বাইদগী ফবা মওংদা শীজিন্ননবগীদমক্তা ঐখোয়গী সাইন্সকা মরী লৈনবা ইন্সতিত্যুসনশিংবু পল কয়ানা খাজিল্লিবা অসিদগী লৌথোরক্কদবনি,” হায়না প্রধান মন্ত্রীনা মখা তাখি। মহাক্না গ্রাসরুত থাক্তা সাইন্স য়োকখৎপগী থৌরমশিং পাঙথোক্নবা ৱাফম থমখি। স্তেতশিংগী সাইন্সকী মন্ত্রীশিংদসু মখোয় মখোয়গী সাইন্স করিকুলমগী অফবা থৌওং অমসুং মাইওনশিং তাথোক তাশিন তৌননবা পাউতাকসু মহাক্না পীখি।
মহাক্কা ৱারোল লোইশিল্লকপদা, প্রধান মন্ত্রীনা পাঙথোক্লিবা ‘স্তেত-সেন্তর সাইন্স কনক্লেব’ অসিনা লৈবাকসিদা সাইন্সকী খোঙজেলদা অনৌবা মাইওন অমসুং ফিরেপ হাপচিল্লক্কনি হায়না থাজবা ফোঙদোকখি। প্রধান মন্ত্রীনা মীপুম খুদিংগী মফমদসু সাইন্স অমসুং তেক্নোলোজীগী লমদা লৈরিবা খুদোংচাবশিং নান্থোকহনখিদনবা ৱাফমসু থমখি। “লাক্কদৌরিবা চহি ২৫ অসি ভারতকী অনৌবা মশক অমসুং মপাঙ্গল লেপকদৌরিবা মরম্না ভারতকীদমক্তা খ্বাইদগী মরুওইবা চহিশিং ওইরি,” হায়বা ৱাফম প্রধান মন্ত্রীনা থমখি। শরুক য়ারিবশিংদা প্রধান মন্ত্রীনা কনক্লেব অসিদগী তম্লকপশিং মখোয় মখোয়গী স্তেত্তা পুখিদুনা লৈবাক শেম্বদা থৌদাং য়াননবগীদমকসু হায়খি।
গুজরাৎকী মুখ্য মন্ত্রী শ্রী ভুপেন্দ্র পতেল অমদি সাইন্স অমসুং তেক্নোলোজীগী কেন্দ্রগী রাজ্য মন্ত্রী দোক্তর জিতেন্দ্র সিংহসু থৌরমদুদা শরুক য়াখি।
বেকগ্রাউন্দ
লৈবাকসিদা ইনোভেসন অমসুং ওন্ত্রপ্রিন্যুরসিপ য়োকখৎনবগী প্রধান মন্ত্রীনা চোকথবা নাইদনা হোৎনরিবসিগী পরিংদা, অসিগুম্বা মখলগী অহানবা ওইগদৌরিবা কনক্লেব অসিনা কোওপরেতিব ফেদরেলিজমগী ৱাখল্লোন্দা লৈবাকসিদা অচৌবা সাইন্স, তেক্নোলোজী অমসুং ইনোভেসন (এস.তি.আই.)গী ইকোসিস্তেম অমা শেমগৎনবগীদমক কেন্দ্রগী স্তেতশিংগী খুৎশম্ননা চৎমিন্নবগী অমদি তেংবাংনবগী মেকানিজমবু মপাঙ্গল কনখৎহল্লগনি।
নুমিৎ নিনি চত্থগদবা কনক্লেব অসি সেপ্তেম্বর ১০-১১, ২০২২দা অহমদবাদকী সাইন্স সিতীদা পাঙথোক্কদবনি। মসিদা এস.তি.আই. ভিজন ২০৪৭; ফ্যুচর গ্রোথ পাথৱেজ এন্দ ভিজন ফোর এস.তি.আই. ইন স্তেত্স; হেল্থ – দিজিতেল হেল্থ কেয়র ফোর ওল; ২০৩০ ফাওবদা আর. এন্দ দি. সেক্তরদা প্রাইভেত সেক্তরগী ইনভেস্তমেন্ত শরুক অনি হেনগৎহনবা; লৌউ শিংউগী লমদা – লৌমীশিংগী শেন্থোক হেনগৎহন্নবা তেক্নোলোজীগী ইন্তরভেন্সন; ঈশিংগী লমদা – থক্নবা ঈশিং পুথোক্নবা ইনোভেসন; ইনর্জীগী লমদা – হায়দ্রোজেন মিসন্দা এস. অমসুং তি.গী শক্লোন য়াওনা ক্লীন ইনর্জী ফোর ওল; দীপ ওসীন মিসন অমসুং সমুদ্র খোঙবালগী স্তেত/য়ু.তি.শিংদা মসিগী মরু ওইবা লোয়ননা লৈবাকসিগী তুংগী শেন্মিৎলোন য়াওনা তোঙান তোঙানবা হীরমশিংদা পাঙথোকপা সেসনশিং লৈগনি।
কনক্লেব অসিদা গুজরাৎ সি.এম., য়ুনিয়ন এম.ও.এস. সাইন্স এন্দ তেক্নোলোজী (এস. এন্দ তি.), স্তেত অমসুং য়ুনিয়ন তেরিতরীশিংদগী সাইন্স অমসুং তেক্নোলোজীগী মন্ত্রীশিং অমসুং সেক্রেতরীশিং, ইন্দস্ত্রী লুচিংবা, ওন্ত্রপ্রিন্যুরশিং, এন.জি.ও.শিং, নহা ওইরিবা সাইন্তিস্তশিং অমসুং মহৈরোয়শিংনা শরুক য়ারি।
***
(Release ID: 1858266)
Visitor Counter : 111
Read this release in:
Kannada
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam