অহানবা খেলো ইন্দিয়া ৱুমেন্স জুদো তোর্নামেন্ত ওগস্ত ২৭তগী ভারত্তা জোন মরিদা পাঙথোক্লগনি। জুদো তোর্নামেন্ত অসি ভারত সরকারগী ফ্লেগশিপ প্রোগ্রামগী মখাদা নুপীশিংগীদমক শান্ন-খোৎনবগী অথোই-অহেন তানবদা শৌগৎনবা য়ুথ এফিয়র্স অমসুং স্পোর্তস মন্ত্রালয়না পাইখৎপা থৌরাং অমনি।

নেস্নেল রাউন্দগী মমাংদা জোন মরিদা পাঙথোক্কদবা তোর্নামেন্ত অসি ওপন জোনেল লেবেল রেঙ্কিং তোর্নামেন্ত অমনি। কম্পিতিতরশিং অসি চহি কাংলুপ মরি থোক্না খাইদোক্লি: সব-জুনিয়র (চহি ১২-১৫), কেদেৎ (চহি ১৫-১৭), জুনিয়র (চহি ১৫-২০) অমসুং সিনিয়র (চহি ১৫+)।

য়ুথ এফিয়র্স অমসুং স্পোর্তস মন্ত্রালয়গী স্পোর্তস বিভাগনা শেলগী মনা ওইনা লুপা লাখ ৪৮.৮৬ য়াওনা তোর্নামেন্ত অসি পাঙথোক্নবগীদমক পুন্না লুপা করোর ১.৭৪গী অপুনবা শেনফম কাইথখি।

বর্মিংহেমদা পাঙথোকখিবা কম্মনৱেল্থ গেম্স ২০২২দা সিলভর মেদল লৌরকখিবী সুশিলা দেবিনা হায়, “ঐহাক্না জুদো ফেদরেসন ওফ ইন্দিয়া অমসুং স্পোর্তস ওথোরিতীবু জুদোগীদমক অসিগুম্বা কম্পিতিসন অমা শিনবীবা অমদি লৈবাক অসিদা মশান্না অসিবু মাংদা পুখৎনবা খোঙথাং পুম্নমক লৌখৎপগীদমক থাগৎপা ফোঙদোকচরি। মসিনা ভারত্তা জুদো চাউখৎহনবদা মতেং পাংলগনি”।

জোন মরিদা কম্পিতিসন পাঙথোক্লবা মতুংদা নেস্নেল রাউন্দ অসি নই দিল্লীগী কে.দি. জাধব ইন্দোর স্তেদিয়মদা ওক্তোবর ২০-২৩দা পাঙথোক্কনি।

জোন ৪দা পাঙথোক্কদবা কম্পিতিসনগী অকুপ্পা মরোল:

তাংশিং: ওগস্ত ২৭-৩১ | সেপ্তেম্বর ১-৫ | সেপ্তেম্বর ৫-৯ | সেপ্তেম্বর ১১-১৫

জোন: ইস্ত জোন | সাউথ জোন | নোর্থ জোন | ৱেস্ত জোন

বেন্যু: সাই সেন্তর গুৱাহাতি, অসাম | ভি.কে.এন. মেনন স্তেদিয়ম, ত্রিসুর, কেরলা | পেস্তল ৱুদ স্কুল, দেহরাদুন, উত্তরাখন্দ | সরদার পতেল স্পোর্তস কমপ্লেক্স, গুজরাত

             ****