પહેલી ખેલો ઇન્ડિયા વિમેન્સ જુડો ટુર્નામેન્ટ 27 ઓગસ્ટથી ભારતમાં ચાર ઝોનમાં યોજાવાની છે. જુડો ટુર્નામેન્ટ એ ભારત સરકારના ફ્લેગશિપ પ્રોગ્રામ દ્વારા મહિલાઓ માટે રમતગમતની સ્પર્ધાઓને સમર્થન આપવા યુવા બાબતો અને રમત મંત્રાલય દ્વારા હાથ ધરવામાં આવેલી ખેલો ઈન્ડિયા બીજી પહેલ છે.

રાષ્ટ્રીય રાઉન્ડ પહેલા ચાર ઝોનમાં યોજાનારી આ ટુર્નામેન્ટ ઓપન ઝોનલ સ્તરની રેન્કિંગ ટુર્નામેન્ટ છે. સ્પર્ધકોની શ્રેણી ચાર વય જૂથોમાં છે: સબ-જુનિયર (12-15 વર્ષ), કેડેટ (15-17 વર્ષ), જુનિયર (15-20 વર્ષ) અને વરિષ્ઠ (15+ વર્ષ).

રમતગમત વિભાગ, યુવા બાબતો અને રમત મંત્રાલયે ટુર્નામેન્ટના આયોજન માટે કુલ 1.74 કરોડ રૂપિયા ફાળવ્યા છે, જેમાં 48.86 લાખ રૂપિયાની ઈનામી રકમનો સમાવેશ થાય છે.

બર્મિંગહામમાં કોમનવેલ્થ ગેમ્સ 2022માં સિલ્વર મેડલ જીતનાર સુશીલા દેવીએ કહ્યું, “હું જુડો ફેડરેશન ઓફ ઈન્ડિયા અને સ્પોર્ટ્સ ઓથોરિટીનો આભાર માનું છું કે તેઓ જુડો માટે આવી સ્પર્ધાનું આયોજન કરે છે અને દેશમાં રમતને આગળ લઈ જવા માટે તમામ પગલાં લે છે. આ ખરેખર ભારતમાં જુડોના વધુ વિકાસમાં મદદ કરશે.”

ચારેય ઝોનમાં સ્પર્ધા બાદ, નેશનલ રાઉન્ડ નવી દિલ્હીના કેડી જાધવ ઇન્ડોર સ્ટેડિયમ ખાતે 20-23 ઓક્ટોબરના રોજ યોજાનાર છે.

4 ઝોન માટે સ્પર્ધાના સમયપત્રકની વિગતો:

તારીખો: ઓગસ્ટ 27-31 | સપ્ટે 1-5 | સપ્ટે 5-9 | 11-15 સપ્ટે

ઝોન: પૂર્વ ઝોન | દક્ષિણ ઝોન | ઉત્તર ઝોન | પશ્ચિમ ઝોન

સ્થળ: SAI કેન્દ્ર ગુવાહાટી, આસામ | VKN મેનન સ્ટેડિયમ, થ્રિસુર, કેરળ | પેસ્ટલ વૂડ સ્કૂલ, દેહરાદૂન, ઉત્તરાખંડ | સરદાર પટેલ સ્પોર્ટ્સ કોમ્પ્લેક્સ, ગુજરાત

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com