অজাদি কা অমৃৎ মহোৎসব পাঙথোকপগী শরুম অমা ওইনা অমদি ভারতকী নীংতম ইহৌগী ৱারীশিং মীয়ামগী মফমদা পুথোক্নবগীদমক, ইন্ফোর্মেসন এন্দ ব্রোদকাস্তিংগী কেন্দ্র মন্ত্রী শ্রী অনুরাগ সিংহ থাকরুনা ঙসি জাইঙা ইন্দিয়াগা খুৎশম্নদুনা পুথোকপা ওনলাইন এজুকেস্নেল মোবাইল গেম্স সেরিজ ‘অজাদি ক্বেস্ত’ হৌদোকখ্রে‍। থৌরমদুদা ইন্ফোর্মেসন এন্দ ব্রোদকাস্তিং মন্ত্রালয়গী সেক্রেতরী শ্রী অপুর্ব চন্দ্র, অমসুং জাইঙা ইন্দিয়াগী কন্ত্রী হেদ শ্রী কিসোর কিচলিসু শরুক য়াখি‍।

থৌরমদুদা ৱা ঙাঙলদুনা, শ্রী অনুরাগ থাকুরনা গেম্স অসি নীংতম ইহৌগী ঐখোয়গী নীংতম লান্মীশিং অমসুং মীয়াম্না শকখঙনদ্রবা হীরোশিংনা লৌরমবা থৌদাং শকখঙনবগী লৈঙাক্কী থৌরাংশিংগী মরক্তা অমনি হায়না হায়খি‍।

“হায়রিবা গেম্সশিং অসি ওনলাইন গেমরশিংগী চাওরবা কৈথেলদা চঙশিন্দুনা মখোয়দা গেম্সকী খুত্থাঙদা তাকপি তম্বিনবা থৌরাং অমনি‍। ভারত লৈঙাক্কী তোঙান তোঙানবা মশাশিংনা লৈবাক্কী কাচিন কোয়াদগী শিংথানবিদ্রবা নীংতম লান্মীশিংগী ইন্ফোর্মেসনশিং খোমজিনবনি‍। অজাদি ক্বেস্ত অসি হায়রিবা ৱাখল লৌশিং অসি তমশিনবদা এঙ্গেজজিং অমসুং ইন্তরেক্তিব ওইহন্নবা থৌরাং অমনি”, হায়না মন্ত্রীনা শন্দোক্না থমখি‍। চহি কাঙলুপ খুদিংমক্কী মীওইশিংনা গেম্স অসিবু পাম্নগনি অমদি ইমুং মনুংগী ওইনা পাম্নবা গেম্স অমা থুনা ওইরক্কনি হায়বগী থাজবা শ্রী থাকুরনা ফোঙদোকখি‍।

ভারত্তা মচিন তুমখৎলক্লিবা এ.ভি.জি.সি. সেক্তরগী মরমদা ৱা ঙাঙলদুনা, ভারত্তা এ.ভি.জি.সি. সেক্তরবু য়োকখৎপা হায়বসি ইন্ফোর্মেসন এন্দ ব্রোদকাস্তিং মন্ত্রালয়না লেপ্পা লৈতনা হোৎনরিবা ৱাফম অমনি হায়না শ্রী থাকুরনা ফোঙদোকখি‍। হৌখিবা চহি খরসিদা ভারতনা গেমিং সেক্তরদা খ্বাইদগী মকোক থোংবা লৈবাক ৫গী মনুংদা চনবা ঙম্লি‍। গেমিং সেক্তর অসি ২০২১ খক্তদা ২৮% হেন্না চাওখৎলক্লি‍। ওনলাইন গেমর মশিং ২০২০দগী ২০২১দা চাদা ৮ হেনগৎলে অমদি ২০২৩ ফাওবদদি হায়রিবা মশিং অসি করোর ৪৫গী চাং য়ৌরক্কনি হায়না পানরি, হায়না মন্ত্রীনা মখা তাখি‍।

হায়রিবা এপশিং অসিনা ঐখোয়গী এ.ভি.জি.সি. সেক্তরগী মতিং হেনগৎহনগনি অমদি ঐখোয়গী ফজরবা পুৱারীবু মালেমগী কাচিন কোয়া শিনবা থুংনা পুদুনা চৎকনি হায়না মহাক্না মখা তানা ফোঙদোকখি‍। হায়রিবা এপশিং অসিদা য়াওরিবা ইন্ফোর্মেসনশিং অসি পব্লিকেসন দিভিজন অমসুং ইন্দিয়ন কাউন্সিল ওফ হিস্তোরিকেল রিসর্চনা নীংথিনা চুমথোক্লবনি অমদি ঐখোয়গী নীংতম ইহৌগী অচুমবা ৱাফমশিংগী লায়না ফংবা য়াবা লন মপৈ অমা ওইরগনি হায়না মহাক্না হায়খি‍।

হায়রিবা এপশিং অসি শেমবদা জাইঙা ইন্দিয়াদা থাদখিবা হোৎনজমলশিং অদুবু মন্ত্রীনা শকখঙখি‍। মন্ত্রীনা চহি কাঙলুপ খুদিংমক্কী মীওইশিংবু হায়রিবা এপশিং অসি দাউনলোদ তৌনবা ৱাফম থমখি অমদি হায়রিবা এপ অসি ঐখোয়গী নীংতম ইহৌগী মরমতা তম্ননবগী মরুওইবা খুৎলায় অমা ওইরগনি হায়খি‍। এপশিং অসিনা য়ুজরশিংবু নুংঙাইহনগনি, শরুক য়াহন্দুনা লৈগনি অমদি মহৈ মশিংসু তমবিগনি‍।

থৌরমদুদা ৱা ঙাঙলদুনা, জাইঙা ইন্দিয়াগী কন্ত্রী হেদ শ্রী কিসোর কিচ্লিনা ফোঙদোকখিবদা, “নীংতমবগী লম্বী পরিং অসিনা ভারতকী পুৱারীদা অহোংবা পুরকপগী তাঙ্কক অমা ওইরি অমদি ভারতকী হৌখিবা মতমবু ইকায় খুম্নবগী মরুওইরবা লৈবাক্কী থৌরাং অসিগী শরুক অমা ওইবা ফংবসিদা ঐখোয় চাউথোকচবা ফাওই‍। জাইঙাদা লৈরিবা ঐখোয়গী পান্দমদি মীয়ামবু গেম্সকী খুত্থাঙদা শম্নহনবনি‍। থৌরাং অসি চহি কাঙলুপ পুম্নমক্কী শান্নরোয়শিংবু শরুক য়াহন্দুনা মরুওইরবা মতম অসিগী মরমদা ইন্তরেক্তিব এন্তরতেন্মেন্তকী মঙমবু তাকপি তমবিবগী পাম্বৈ ওইনা শরজীন্নবনি‍।”

অসিগুম্বা মখলশিংগী মরক্তা অমত্তা ঙায়রবা থৌরাং অসি গেমিং অমসুং শান্নপোৎকী ইন্দস্ত্রীগী স্তেকহোল্দর পুম্নমক্কী মফমদা ভারতকী নীংতম ইহৌগি ৱারীশিং অমসুং পন্দুপশিং, অমদি নীংতম লান্মীশিংগী থৌনা উৎপা গেম্স অমসুং শান্নপোৎশিং শেমগত্তুনা মীয়ামবু শরুক য়াহন্নবা, নুংঙাইহন্নবা অমদি তাকপি তমবিনবা ইকায়খুম্নরবা পি.এম.গী পাউজেলদুনা পুক্নিং থৌগত্তুনা শেমখিবনি‍।  ‘অজাদি ক্বেস্ত’ সেরিজকী অহানবা গেম্স অনি অসিনা ভারতকী নীংতম ইহৌগী ৱারীশিং লীদুনা মরুওইবা পন্দুপশিং অমসুং হীরোশিং নুংঙাইরবা গেম শান্নবগী থৌওংগা লোয়ননা পুথোক্লি‍। গেম্সশিং অসিগী কন্তেন্তশিং অসি অচমবা অদুগা পুম্নমক শুনা য়াওরবা, পব্লিকেসন দিভিজন্না অখন্ননা চুমথোক্লবা অমদি ইন্দিয়ন কাউন্সিল ওফ হিস্তোরিকেল রিসর্চগী এক্সপর্তশিংনা চুম্লে হায়না য়ারবা মচাকশিংনি‍।

অজাদি ক্বেস্তকী মরমদা:

পব্লিকেসন দিভিজন্না ঙসি জাইঙা ইন্দিয়াগা লোয়ননা অজাদি কা অমৃৎ মহোৎসবকী মখাদা গেম্স সেরিজ অমা পুথোক্নবা এম.ও.য়ু. অমা খুৎয়েক পীনখ্রে‍। অজাদি ক্বেস্ত গেম্সশিং অসি ভারতকী মীয়ামগী ওইনা ইংলিস অমসুং হিন্দিদা এন্দ্রোইদ অমসুং আই.ও.এস. দিভাইসকী ফংলে অদুগা সেপ্তেমবর ২০২২দগী হৌনা মালেম শিনবা থুংনা ফংলগনি‍। ওনলাইন গেমিং কম্পেনী জাইঙা ইন্দিয়া বেঙ্গলুরুদা ২০১০দা লিংখৎখিবনি অমদি মোইবাইল অমসুং ৱেব অনিমক্তা খ্বাইদগী মমীং লৈরবা গেম ফ্রেন্সাইজ খরা পুথোকখ্রে‍।

‘এজুকেসনবু গেমদা ওন্থোকপা’ হায়রিবা ৱাখল্লোনসিদা য়ুম্ফম ওইবা অখন্নবা গেম সেরিজ অসিনা লৈবাকসিগী এজুকেসন সেক্তরদা য়াওল অমা পুরক্লগনি‍। গেমদা য়ুম্ফম ওইবা তমবগী মওং অসিনা তমবগী মওংবু ক্লাসরুম অমসুং চহিগী ৱাংমদা পাকথোক চাউথোকহন্দুনা মান্নবা থাক্কী পুন্সি চুপ্পগী এজুকেসন ফংহল্লি‍। অজাদি ক্বেস্ত সেরিজ অসিনা ভারতকী নীংতম ইহৌগী মরমদা অমদি লৈবাকসিগী অথোইবা নীংতম লান্মীশিংগী ৱারীশিংগী মরমদা ৱাখল লৌশিং পীদুনা শান্নরিবশিংদা চাউথোকচবগী ইহুল অমদি থৌদাংগী ইথিল পোকহন্দুনা ইকায়খুম্নরবা পি.এম.গী ৭৬শুবা নীংতম নুমিৎকী ৱারোলদা ‘পঞ্চ প্রান ওফ অমৃৎ কাল’দা য়াওখিবা মীনাই নাইথাংগী ৱাখল্লোন থাদোকপা হায়রিবা ৱাফমসি পুরকপদা মতেং ওইগনি‍।

সেরিজ অসিদা য়াওরিবা অচমবা অমদি শান্নবদা লায়বা কোজুএল ওইবা অহানবা গেম অজাদি ক্বেস্ত: মেত্চ ৩ পজ্জল, অসিনা ১৮৫৭দগী ১৯৪৭ ফাওবগী ভারতকী নীংতম ইহৌবু মচু মমেন্না থল্লবা খোঙচৎ অমদা পুদুনা চৎলি‍। শান্নরোয়শিংনা খুমাঙ চাওশিল্লকপগী মতুং ইন্না লেভেল ৪৯৫ চুপ্না শন্দোক্তুনা লৈরিবা গেম অসিদা পুৱারীগী মরুওইবা তাঙ্ককশিং উৎবা ত্রাইবিয়া কার্দ ৭৫ খোমজিনবা, লীদরবোর্দতা হিদান্নবা, অমসুং সোসিএল মেদিয়াদা গেমগী মনা অমসুং খোঙজেল সেয়র তৌবা য়াগনি‍। নাকল অমদা, অজাদি ক্বেস্ত: হীরোজ ওফ ভারত অসিভারতকী নীংতম ইহৌগী হীরোশিংগী মরমদা শান্নরোয়শিংনা কয়া য়াম্না খঙলবগে হায়বদু চাংয়েং তৌনবা কুইজ গেম ওইনা শেমদুনা লেভেল ৭৫দা ৱাহং ৭৫০ থোক্না হাপ্লি অমদি সোসিএল মেদিয়া ফম্পাকশিংদা সেয়র তৌবা য়ারবা ‘অজাদি বীর’ কার্দ ৭৫গী খুত্থাঙদা মীয়াম্না নীংথিনা খঙনদবা হীরোশিংগী মরমদা তাক্লি‍।

পব্লিকেসন দিভিজন অমসুং জাইঙা ইন্দিয়াগী মরক্তা লৈরিবা চহি অমগী খোঙবু ওইবগী মরী অসিনা অসিগুম্বা গেম্স কয়া পুথোরক্কনি অমদি হান্না লৈরবা গেমশিং অসিগী মচাক অমসুং ফীচরশিং ভারতকী নীংতম ইহৌগী তোঙানবা মশকশিং খঙহন্নবা অমদি মীয়াম মরক্তা, মরুওইনা মহৈরোয় অমসুং নহাশিংগী মরক্তা মরৈবাক নীংবগী ইথিল পোকহন্নবগীদমক হেন্না পাকথোক চাউথোকহল্লক্কনি‍। গেম্স অসিনা শান্নরোয়শিংদা অজাদি ক্বেস্ত মপুং ফানা লোইশিল্লবশিংদা সর্তিফিকেৎ পীবা য়াওনা নুংঙাইরবা মনা কয়া থা খুদিংগী পীগনি‍।

‘অজাদি ক্বেস্ত’ ব্রোচর দাউনলোদ তৌনবা মসিদা নমবিয়ু: http://davp.nic.in/ebook/goi_print/index.html

গেম্সশিং অসি দাউনলোদ তৌনবা মসিদা নম্বিয়ু:

আই.ও.এস. দিভাইস:

https://apps.apple.com/us/app/azadi-quest-match-3-puzzle/id1633367594

এন্দ্রোইদ দিভাইস:

https://play.google.com/store/apps/details?id=com.zynga.missionazaadi

আই.ও.এস. দিভাইস:

https://apps.apple.com/us/app/heroes-of-bharat/id1634605427

এন্দ্রোইদ দিভাইস:

https://play.google.com/store/apps/details?id=com.zynga.heroes.of.bharat

***