ইন্ফোর্মেসন অমসুং ব্রোদকাস্তিং মন্ত্রালয়না আই.তি. রুল্স, ২০২১গী মখাদা পীবা ইমর্জেন্সী পৱার শীজিন্নদুনা য়ুত্যুবতা য়ুম্ফম ওইবা পাউগী চেনেল নিপান (৮), ফেসবুক একাউন্ত অমা (১) অমসুং ফেসবুক পোস্ত অনি থিংজিন্নবা ১৬.০৮.২০২২দা য়াথং অমা থোকখ্রে‍। থিংজিনখ্রবা য়ুত্যুব চেনেলশিং অসিগী অপুনবা ভিউ করোর ১১৪ হেন্না লৈ‍, য়ুজর লাখ ৮৫ হেনবনা সব্সক্রাইব তৌরম্মি‍।

মচাক নৈনবা

হায়রিবা য়ুত্যুব চেনেলশিং অসিদা থাগৎলিবা মচাক খরগী পান্দমদি ভারত্তা লাইনিং ফুরুপশিংগী মরক্তা য়েংথিনবা পুরকপনি‍। থিংজিনখ্রবা য়ুত্যুব চেনেলশিং অসিগী তোঙান তোঙানবা ভিদিওশিংদা অরানবা ৱাফম কয়া ফোঙদোক্লি‍। খুদম ওইনা ভারত লৈঙাক্না লাইনিংগী স্ত্রকচরশিং থুগাইনবা য়াথং থোকখ্রে; ভারত লৈঙাক্না লাইনিংগা মরী লৈনবা কুমহৈ হরাওশিং থিংজিনবা, ভারত্তা লাইনিংগী লান লাউথোকপনচিংবা মচাকশিং য়াওরি‍। অসিগুম্বা মচাকশিং অসিনা কাঙলুপগী য়েংথিনবা পুরক্তুনা লৈবাকসিদা তংদু লৈতাদবা পুরক্নিংঙাই ওইবা থেংনখি‍।

য়ুত্যুব চেনেলশিং অসিদা ভারতকী খুৎলায় পায়বা লান্মী, জম্মু অমসুং কাস্মিরনচিংবা তোঙান তোঙানবা হীরমশিংদা অরানবা পাউ শন্দোক্লমবনি‍। মচাকশিং অসি পুনলান লানবা অমদি ভারতকী লৈবাক্কী ঙাকশেল অমসুং অতোপ্পা লৈবাকশিংগা লৈনরিবা মরীদা শোক্নিংঙাই ওইবা থেংনখি‍।

মন্ত্রালয়না থিংজিল্লিবা মচাকশিং অসি ভারতকী নীংতমবা অমসুং অপুনবগী শক্তমদা, লৈবাকসিগী ঙাকশেলদা অমদি মপান লৈবাকশিংগী ভারতকা লৈনরিবা মরুপ মপাং ওইবগী মরীদা শোক্নিংঙাই ওইবা অমদি লৈবাকসিদা তংদু লৈতাদবা পুরক্নিংঙাই ওইবা থেংনখি‍। মরম অসিনা মচাকশিং অসি ইন্ফোর্মেসন তেক্নোলোজী এক্ত, ২০০০গী সেক্সন ৬৯এ.গী মখাদা কোনশিল্লি‍।

মোদস ওপরান্দি

থিংজিনখ্রবা য়ুত্যুব চেনেলশিং অসি অরানবা অমদি কা হেনবা থম্বনেলশিং, অকক্নবা তি.ভি. পাউগী চেনেলশিংগী এঙ্করশিংগী শক্তম অমসুং লোগো শীজিন্নদুনা অয়েংবশিংবু পাউশিং অদু অচুমবনি হায়না খলহন্দুনা লান্না লমজিংনবা হোৎনবা থেংনখি‍।

মন্ত্রালয়না থিংজিল্লবা য়ুত্যুব চেনেলশিং অসিগী কাঙলুপ মশেল নুংশি চান্ননা লৈবদা কায়হনবা, তংদু লৈতাদবা থোকহন্নিংঙাই ওইবা অমদি ভারতকা মপান লৈবাকশিংগা লৈনবা মরীদা শোক্নিংঙাই ওইবা অরানবা মচাকশিং য়াওবা ভিদিওশিংদা এদভর্তিজমেন্ত য়াওবা থেংনখি‍।

থবক লৌখৎখিবসিগা লোয়ননা, দিসেমবর ২০২১দগী হৌজিক ফাওবদা, মন্ত্রালয়না য়ুত্যুবতা য়ুম্ফম ওইবা পাউগী চেনেল ১০২ অমসুং অতৈ য়াম্লবা সোসিএল মেদিয়া একাউন্তশিং থিংজিন্নবা য়াথং পীখ্রে‍। ভারত লৈঙাক্না অচুমবা, থাজনিংঙাই ওইবা অমদি সেফ ওইবা ওনলাইন পাউগী মেদিয়া এনভাইরনমেন্ত অমা থম্ননবা, অমদি ভারতকী নীংতমবা অমসুং অপুনবগী শক্তম, লৈবাক্কী ঙাকশেল, মপান লৈবাকশিংগী লৈনবা মরী অমসুং তংদু লৈতাবা ফীভমদা শিংনরকপশিং থেংননবা খোঙফম চেৎনা লেপ্লি‍।

থিংজিনখ্রবা সোসিএল মেদিয়া একাউন্ত অমসুং য়ু.আর.এল.শিংগী মচা খায়বা ৱাফমশিং

য়ুত্যুব চেনেলশিং

ফেসবুক পেজ

থিংজিল্লবা মচাকশিংগী খুদমশিং

লোকতন্ত্র তি.ভি.

য়ু. এন্দ ভি. তি.ভি.

এ.এম. রাজবি

গৌরবসালি পৱন মিথিলাঞ্চল

সীতোপ৫তি.ঐচ.

সর্কারী অপদেত

সব কুস দেখো

নিউজ কি দুনিয়া (পাকিস্তান্দা য়ুম্ফম ওইবা)

মখাদা উৎলিবা স্ক্রীনসোৎ অসিনা হিন্দু করোর ১০০না মুস্লিম করোর ৪০ হাৎলগনি, অমদি মরম অসিনা মুস্লিমশিংনা পাকিস্তান্দা নৎত্রগা বঙ্গলাদেশতা চৎকদবনি নৎত্রবদি মখোয়বু হাৎপিখ্রনি হায়না ফোঙদোক্লি‍।

মখাগী স্ক্রীনসোৎ অসিনা ভারতকী কুতুব মিনার মোস্ক থুগাইখ্রে হায়না ফোঙদোক্লি‍।

*****