اطلاعات و نشریات کی وزارت نے آئی ٹی ضوابط 2021 کے تحت ہنگامی اختیارات کا استعمال کرتے ہوئے 16.08.2022 کو آٹھ (8) یوٹیوب پر مبنی نیوز چینلز، ایک (1) فیس بک اکاؤنٹ اور دو فیس بک پوسٹس کو بلاک کرنے کے احکامات جاری کیے ہیں۔ بلاک کیے گئے یوٹیوب چینلز کی مجموعی ویورشپ 114 کروڑ سے زیادہ تھی،  ان چینلوں کو 85 لاکھ سے زیادہ صارفین نے سبسکرائب کیا تھا۔

مواد کا تجزیہ

ان میں سے کچھ یوٹیوب چینلز کے ذریعہ شائع کردہ مواد کا مقصد ہندوستان میں مذہبی برادریوں کے درمیان نفرت پھیلانا تھا۔ بلاک کیے گئے یوٹیوب چینلز کی مختلف ویڈیوز میں جھوٹے دعوے کیے گئے۔ مثال کے طور پر  ان  جعلی خبروں کو پیش کیا جاسکتا ہے،جیسے یہ خبر حکومت ہند نے مذہبی ڈھانچے کو مسمار کرنے کا حکم دیا ہے۔یا یہ کہ حکومت ہند نے مذہبی تہوار منانے، ہندوستان میں مذہبی جنگ کے اعلان وغیرہ پر پابندی عائد کردی۔ اس طرح کے مواد سے ملک میں فرقہ وارانہ انتشار پیدا کرنے اور امن عامہ کو خراب کرنے کی صورت حال پیدا ہوسکتی ہے۔

یوٹیوب چینلز کو مختلف موضوعات پر جعلی خبریں پوسٹ کرنے کے لیے بھی استعمال کیا گیا جیسے کہ ہندوستانی مسلح افواج، جموں و کشمیر وغیرہ۔ قومی سلامتی اور غیر ملکی ریاستوں کے ساتھ ہندوستان کے دوستانہ تعلقات کے تناظر میں مواد کو مکمل طور پر غلط اور حساس پایا گیا۔

وزارت کی طرف سے بلاک کیا گیا مواد ہندوستان کی خودمختاری اور سالمیت، ریاست کی سلامتی، غیر ملکی ریاستوں کے ساتھ ہندوستان کے دوستانہ تعلقات اور ملک میں امن عامہ کے لیے نقصان دہ پایا گیا۔ اس صورت حال  کے مطابق، مواد کے معاملے میں انفارمیشن ٹیکنالوجی ایکٹ، 2000 کے سیکشن 69A کے تحت  کارروائی کی گئی ۔

طریقہ کار

بلاک کیے گئے انڈین یوٹیوب چینلز  کے حوالے سے یہ پایا گیا  کہ وہ جعلی اور سنسنی خیز تھمب نیلز، نیوز اینکرز کی تصاویر اور کچھ ٹی وی نیوز چینلز کے لوگو کا استعمال کرتے ہوئے ناظرین کو گمراہ کر رہے ہیں  اور یہ سمجھانے کی کوشش کررہے ہیں کہ وہ خبریں مستند ہیں۔

وزارت کی طرف سے بلاک کیے گئے تمام یوٹیوب چینلز اپنی ویڈیوز پر ایسے اشتہارات دکھا رہے تھے جن میں فرقہ وارانہ ہم آہنگی، امن عامہ اور ہندوستان کے خارجہ تعلقات کو نقصان پہنچانے والا جھوٹا مواد  موجود تھا۔

اس کارروائی کے ساتھ، دسمبر 2021 سے، وزارت نے 102 یوٹیوب پر مبنی نیوز چینلز اور کئی دوسرے سوشل میڈیا اکاؤنٹس کو بلاک کرنے کی ہدایات جاری کی ہیں۔ حکومت ہند ایک مستند، قابل اعتماد، اور محفوظ آن لائن نیوز میڈیا ماحول کو یقینی بنانے اور ہندوستان کی خودمختاری اور سالمیت، قومی سلامتی، خارجہ تعلقات اور امن عامہ کو نقصان پہنچانے کی کسی بھی کوشش کو ناکام بنانے کے لیے پرعزم ہے۔

 بلاک کئے گئے سوشل میڈیا اکاؤنٹس اور یو آر ایلز کی تفصیلات :

یوٹیوب چینلز

فیس بک پیج

بلاک کئے گئے مواد کے نمونے:

لوک تنتر ٹی وی

یو اینڈ وی ٹی وی

اے ایم رضوی

گوروشالی پون متھیلانچل

سی ٹاپ5 ٹی ایچ

https://static.pib.gov.in/WriteReadData/userfiles/image/image0096YSE.jpg

https://static.pib.gov.in/WriteReadData/userfiles/image/image010DF3N.jpg

سرکاری اپڈیٹ

خبروں کی دنیا (پاکستان میں مقیم)

اسکرین شاٹ جیسا کہ دعویٰ کیا گیا ہے کہ 100 کروڑ ہندو 40 کروڑ مسلمانوں کو ماریں گے اور مسلمانوں کو پاکستان یا بنگلہ دیش چلے جانا چاہیے ورنہ ان کا قتل عام کیا جائے گا۔

نیچے دیے گئے اسکرین شاٹ میں دعویٰ کیا گیا ہے کہ ہندوستان کی قطب مینار مسجد کو منہدم کر دیا گیا ہے۔

*************

ش ح۔ س ب۔ رض

U. No.9278