রেলৱে মন্ত্রালয়
ত্রেন্দা চৎথোক চৎশিন তৌরিবা অঙাংশিংগী তিকেৎ ককপগা মরী লৈননা অহোংবা অমত্তা লৈতে
চহি ৫গী মখাগী অঙাংশিংগী তিকেৎ লৈবা অমসুং বর্থ বুক তৌবা হায়বসি পেসেঞ্জর অদুগী ওপ্সনেলনি
চহি ৫গী অঙাংশিংগীদমক বর্থ অমত্তা বুক তৌদ্রবদি লেম্না চত্থোক চৎশিন তৌবা য়াই
Posted On:
17 AUG 2022 2:02PM by PIB Imphal
ইন্দিয়ন রেলৱেনা ত্রেনদা চত্থোক চৎশিন তৌরিবা অঙাংশিংগী তিকেৎ ককপগা মরী লৈননা চৎন-কাংলোন খরদা অহোংবা থমখ্রে হায়না মীদিয়া রিপোর্ত খরনা ক্লেম তৌবা লৈরে। রিপোর্তশিং অসিনা হায়রি মদুদি হৌজিক্তি চহি অমদগীনা মরি ফাওবদা লৈবা অঙাংশিং অসিনা ত্রেন তোংদুনা চৎপা মতমদা তিকেৎ ককপা তাই হায়বনি।
হায়রিবা পাউশিং অমসুং মীদিয়া রিপোর্তশিং অসি লান্না লমজিংনিংঙাই ওই। ত্রেন তোংদুনা চৎপা অঙাংশিংগী তিকেৎকী মতাংদা ইন্দিয়ন রেলৱেজনা অহোংবা অমত্তা থমখিদ্রি। পেসেঞ্জরশিংনা পাম্বগী মতুং ইন্না, মখোয়দা ওপ্সন অমখক পীরি মদুদি করিগুম্বা মখোয়না পাম্লবদি চহি ৫গী মখাদা লৈবা অঙাংশিংগী তিকেৎ লৈদুনা বর্থ কনবা য়াই। করিগুম্বা মখোয়না তোঙানবা বর্থ অমা পামদ্রবদি, হান্নগুম্না লেম্না চৎপা অদুমক য়াই।
০৬.০৩.২০২০দা রেলৱে মন্ত্রালয়না থোকখিবা সর্কুলার অমদা পল্লি মদুদি চহি মঙাগী মখাদা লৈবা অঙাংশিং অসি লেম্না পুবা য়াই। অদুবু তোখাইবা সিৎ নৎত্রগা বর্থ (চৌক্রি থাবা কারদা)তি পীবা য়াদে। মরম অসিনা তোখাইবা বর্থ অমা লৌগে খন্দ্রবদি তিকেৎ অমহেক্তা লৈবগী মথৌদি তাদে। অদুমওইনমক, করিগুম্বা চহি মঙাগী অঙাং অদুগী বর্থ অমা/সিৎ অমা তোখাইনা লৌগে খল্লবদি অহল অমদা পীরিবা শেলদুমক পীবা মথৌ তাই।
***************
(Release ID: 1852577)
Visitor Counter : 252
Read this release in:
Bengali
,
English
,
Urdu
,
Hindi
,
Marathi
,
Punjabi
,
Gujarati
,
Odia
,
Tamil
,
Telugu
,
Malayalam