চু থারিবা লৌমীশিং(গন্না কিসান)গী য়াইফনবগীদমক ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্সনা সুগর সিজন ২০২২-২৩ (ওক্তোবর-সেপ্তেম্বর)গী ওইনা চুগী ফিয়র এন্দ রিম্যুনরেতিব প্রাইস (এফ.আর.পি.) অসি চাদা ১০.২৫গী বেসিক রিকবরী রেত ওইদুনা ক্বিন্তল অমদা লুপা ৩০৫ ওইবদা অয়াবা পীখ্রে, মসিনা রিকবরীদা চাদা ১০.২৫ হেনবশিংগী ওইনা অমমমদা রিকবরীদা ০.১% ওইদুনা ক্বিন্তল অমদা লুপা ৩.০৫গী প্রিমিয়ম পীরি অমসুং রিকবরীদা ০.১% হন্থরকপা খুদিংদা ক্বিন্তল অমদা লুপা ৩.০৫গী এফ.আর.পি.দা হন্থল্লি। অদুম ওইনমক, সরকারনা গন্না কিসানগী য়াইফনবগীদমক চাদা ৯.৫দগী রিকবরী তাবা সুগর মিলশিংদা দিদক্সন অমত্তা তৌদনবা ৱারেপসু লৌখি। লৌমিশিংনা চৎলিবা সুগর সিজন ২০২১-২২দা ক্বিন্তল অমদা লুপা ২৭৫.৫০ ওইরম্বা অদুগী মহুৎ সুগর সিজন ২০২২-২৩দা চুগী ক্বিন্তল অমদা লুপা ২৮২.১২৫ ফংলগনি।

সুগর সিজন ২০২২-২৩গী ওইনা চু পুথোকপগী এ২ + এল.এল. কোস্ত (হায়বদি একচুএল পেদ আউত কোস্ত প্লস ফেমিলী লেবরগী ইম্প্যুতেদ ভেল্যু) অসি ক্বিন্তল অমদা লুপা ১৬২ ওইরি। রিকবরী রেত চাদা ১০.২৫গী ক্বিন্তল অমদা লুপা ৩০৫গী এফ.আর.পি. অসি প্রদক্সন কোস্ততগী চাদা ৮৮.৩ হেন্না ৱাংদুনা লৌমীশিংদা মখোয়গী চংখিবা শেনফম অদুদগী চাদা ৫০ হেন্না রিতর্ন লাক্নবা থাজবা পীরি। সুগর সিজন ২০২২-২৩গী এফ.আর.পি. অসি চৎলিবা সুগর সিজন ২০২১-২২দগী চাদা ২.৬ হেন্না ৱাংই।

কেন্দ্র সরকারগী প্রোএক্তিব ওইবা থৌশিল-থৌরাংশিংনা মরম ওইদুনা চু থাবা অমসুং সুগর ইন্দস্ত্রী অসি হৌখিবা চহি ৮ অসিদা য়াম্না খুমাং চাউশিনবা ঙমখি অমসুং হৌজিক সেল্ফ-সস্তেনেবিলিতীগী থাক অমা য়ৌবা ঙমলে। মসি মতম চানা সরকারনা খোঙথাংশিং লৌখৎপা অমসুং সুগর ইন্দস্ত্রী, রাজ্য সরকারশিং, কেন্দ্র সরকারগী তোঙান-তোঙানবা বিভাগশিং অমসুং লৌমীশিংগা চুংশিন্নবগী মহৈনি। সুগর সেক্তরগীদমক চহি খরা অসিদা সরকারনা পাইখৎখিবা থৌরাংশিংগী মরমদা মখাদা পীরি:

• চু থারিবশিংদা গরেন্তী প্রাইস পীবা ঙম্নবা চুগী এফ.আর.পি. লেপখি।
• হৌখিবা চহি ৮ অসিদা সরকারনা এফ.আর.পি. অসি চাদা ৩৪ হেন্না হেনগৎহনখি।
• সরকারনা চিনিগী এক্স-মিল প্রাইসশিং হন্থখিদনবা অমসুং কেন এরিয়র লৈতনবা চিনীগী মিনিমম সেল্লিং প্রাইস (এম.এস.পি.)গী ৱাখল্লোন অসি পুথোকখি (০৭-০৬-২০১৮দগী চৎনবা হৌদুনা অহানবদা এম.এস.পি. অসি কেজি অমদা লুপা ২৯ ওইরমখি; মসি ১৪-০২-২০১৯দগী কেজিদা লুপা ৩১ ওইহনখি)।
• চু মপালদা থাদোকপদা থৌগৎনবা, বফ্ফর স্তোকশিং মেন্তেন তৌনবা, ইথানোল পুথোকপগী চাং হেনগৎহন্নবা অমসুং লৌমীশিংগী শেন্দোন শিংদোক্নবা সুগর মিলশিংদা লুপা করোর ১৮,০০০ হেনবা শেলগী তেংবাং পীখি।
• সর্প্লস সুগর অসি ইথানোল পুথোকপদা শীজিন্নদুনা সুগর মিলশিংগী শেল-থুমগী ফীভম ফগৎহনখি। মসিগী ফল ওইনা মখোয়না কেন দ্যু ঙন্না পীথোকপা ঙমখি।
• চিনী মপালদা থাদোকপা অমসুং ইথানোল পুথোকপদা শীজিন্নবনা মরম ওইদুনা সুগর সেক্তরনা সেল্ফ-সস্তেনেবল ওইরপা ঙমখি অমসুং এক্সপোর্ত তৌবদা বজেতরী সপ্পোর্ত ফংখি অমসুং মিলশিংগী লিক্বিদিতী হেনগৎহন্নবা বফ্ফরগী মতৌ তাহনখিদে।

মখা তানা, ইন্তর-এলিয়া ওইনা চুগী পোত্থোক লৈবা ময়াৎ থাবা, দ্রিপ ইরিগেসন সিস্তেম পাইখৎপা, চু পাম্বীগী মোদর্নাইজেসন অমসুং অতোপ্পা আর. এন্দ দি. এক্তিবিতীশিং য়াওনা হৌখিবা সুগর সিজন খরা অসিগী মনুংদা সুগর সেক্তরগীদমক লৌখৎখিবা অতোপ্পা পাম্বৈ কয়ানা মরম ওইদুনা চু থারিবা মফম, চু পুথোকপা, কেন ক্রশ, চিনী পুথোকপা অমসুং মাগী রিকবরী পর্সেন্তেজ অমসুং লৌমীশিংগী পেমেন্ত চাউনা হেনগৎলকখি।

লৌমীশিংগী শেন্থোক হেনগৎহন্নবা সরকারনা হোৎনখি:

ৱারেপ অসিনা চু থারিবা লৌমী (গন্না কিসান) করোর ৫ অমসুং মখোয়গী মপাল তাংলিবশিংদা লোয়ননা সুগর মিল অমসুং মরী লৈনবা এন্সিল্লরী এক্তিবিতীদা থবক তৌরিবা শিন্মী লাখ ৫দা কান্নবা পীরগনি। চহি ৯গী মমাংদা এফ.আর.পি. অসি সুগর সিজন ২০১৩-১৪দা ক্বিন্তল অমদা লুপা ২১০ খক্তা ওইরমখি অমসুং সুগর মিলশিংনা চু এল.এম.তি. ২৩৯৭ খক্তমক লৈখি। লৌমীশিংনা সুগর মিলশিংদা চু য়োনবদগী লুপা করোর ৫১,০০০ খক্তমক ফংলমখি। অদুম ওইনমক হৌখিবা চহি ৮ অসিদা সরকারনা এফ.আর.পি. অসি চাদা ৩৪ হেন্না হেনগৎহনখি। চৎলিবা সুগর সিজন ২০২১-২২দা লুপা করোর ১,১৫,১৯৬রোম ওইগদবা চু তন লাখ ৩,৫৩০রোম সুগর মিলশিংনা লৈখি, মসি খ্বাইদগী ৱাংবসু ওইখি।

লাক্কদৌরিবা সুগর সিজন ২০২২-২৩দা একরেজ অমসুং পুথোক্কনি পান্নরিবা চুদা হেনগৎলক্লিবা অসি য়েংলগা সুগর মিলশিংনা চু তন লাখ ৩,৬০০ হেন্না লৈরবা য়াই, হায়রিবা অসিনা চু থারিবা লৌমীশিংদা পীগদবা অপুনবা রেমিত্তেন্স অসি লুপা করোর ১,২০,০০০ হেল্লবা য়ানা লৈ। সরকারনা মাগী প্রো-ফার্মর ওইবা খোঙথাংশিংগী খুত্থাংদা চু থারিবা লৌমিশিংদা মখোয়গী শেন্দোন মতম চানা পীথোক্নবা হোৎনরগনি।

মমাংগী সুগর সিজন ২০২০-২১দা কেন দ্যু লুপা করোর ৯২,৯৩৮ পীথোকফম থোকখি, মসিগী মনুংদা লুপা করোর ৯২,৭১০ পীথোকখি অমসুং লুপা করোর ২২৮ খক্তা এরিয়া ওইনা পন্দুনা লৈহৌখি। চৎলিবা সুগর সিজন ২০২১-২২দা পীথোকফম থোকপা কেন দ্যু লুপা করোর ১,১৫,১৯৬কী মনুংদা ০১.০৮.২০২২ ফাওবদা কেন দ্যু লুপা করোর ১,০৫,৩২২ পীথোকখি; অসুম্না কেন দ্যুগী চাদা ৯১.৪২ শেদোকপা ঙমদুনা মমাংগী সিজনদগী হেন্না ৱাংখি।

ভারত – মালেমগী ওইনা চিনী খ্বাইদগী য়াম্না পুথোকপা অমসুং এক্সপোর্ত তৌবদা অনিশুবদা লৈরিবা:

ভারতনা চৎলিবা সুগর সিজন অসিদা চিনী পুথোকপদা ব্রাজিলদগী হেনখি। হৌখিবা চহি ৮ অসিদা চিনী পুথোকপা হেনগৎলকপগা লোয়ননা ভারতনা মাগী দোমেস্তিক কঞ্জুম্পসন থুংহনবগী মথক্তা ঐখোয়গী ফিস্কল দেফিসিৎ হন্থহন্নবদা মতেং পাংদুনা চিনী মপালদা লেপ্পা লৈতনা থাদোকখি। হৌখিবা সুগর সিজন ৪, ২০১৭-১৮, ২০১৮-১৯, ২০১৯-২০ অমসুং ২০২০-২১ অসিদা মথং শিৎনা চিনী লাখ মেত্রিক তন(এল.এম.তি.) ৬, এল.এম.তি. ৩৮, এল.এম.তি. ৫৯.৬০ অমসুং এল.এম.তি. ৭০ মপালদা থাদোকখি। ০১.০৮.২০২২ ফাওবদা চিনী এল.এম.তি. ১০০ রোম চৎলিবা সুগর সিজন অসিদা মপালদা থাদোকখি অমসুং মপালদা থাদোকপা অসি এল.এম.তি. ১১২ য়ৌরবা য়ানা লৈ।

চু থারিবা লৌমীশিং অমসুং সুগর ইন্দস্ত্রীনা হৌজিক ইনর্জী সেক্তরদা শরুক তম্লি:

ভারতকী ক্রুদ ওইলগী মথৌ তাবগী ৮৫%দি মপালদগী পুশিল্লক্লি। অদুবু ক্রুদ ওইলদা লাকপা ইম্পোর্ত বিল হন্থহন্নবা, পোলুসন হন্থহন্নবা অমসুং পেত্রোলিয়ম সেক্তরদা ভারতপু আত্মনির্ভর ওইহন্নবা ৱাখল্লোন্দা সরকারনা ইথানল ব্লেন্দেদ ৱিথ পেত্রোল প্রোগ্রামগী মখাদা ইথানোল পুথোকপা অমসুং পেত্রোলদা য়ানবা হেনগৎহন্নবা মাইকৈদা প্রো-এক্তিব ওইনা চংশিল্লি। সরকারনা সুগর মিলশিংদা মখোয়গী অহেনবা চু অদুবু ইথানোল পুথোকপদা শীজিন্নদুনা মদু পেত্রোলদা য়ানশিন্নবা পুক্নীং থৌগৎলি, মসিনা গ্রীন ফ্যুএল ওইনসু মতেং পাংবা খক নত্তনা ক্রুদ ওইল মপালদগী পুশিল্লকপদা চৎলিবা ফোরেন একচেঞ্জ হন্থহনবা ঙমলি। সুগর সিজন ২০১৮-১৯, ২০১৯-২০, অমসুং ২০২০-২১দা চিনীগী এল.এম.তি. ৩.৩৭, এল.এম.তি. ৯.২৬ অমসুং এল.এম.তি. ২২ ইথানোল পুথোকপদা শীজিন্নরি। চৎলিবা সুগর সিজন ২০২১-২২দা চিনী এল.এম.তি. ৩৫রোম দাইভর্ত তৌবা ঙমখি অমসুং ২০১৫-২৬ ফাওবদা চিনী এল.এম.তি. ৬০ হেন্না ইথানোলদা দাইভর্ত তৌবা ঙমগনি পান্নরি, লৌমীশিংদা মতম চানা পেমেন্ত তৌবা ঙম্বনা মরম ওইদুনা অহেনবা চু লৈহৌবগী সমস্যা কোকহনবগা লোয়ননা পেমেন্ত তৌবদা থিন্থবগী সমস্যা অসি কোকহনবা ঙমগনি

সরকারনা ২০২২ ফাওবদা ফ্যুএল গ্রেদ ইথানোল অসি পেত্রোলদা চাদা ১০ য়ানশিন্নবা অমসুং ২০১৫ ফাপবদা চাদা ২০ য়ানশিন্নবগী অকক্নবা পান্দম থমখি।

২০১৪ ফাওবদা মলেসস বেজ দিস্তিলরীশিংগী ইথানোল দিস্তিলেসন কেপাসিতী অসি লিতর করোর ২১৫ খক্তা ওইখি। অদুম ওইনমক হৌখিবা চহি ৮ অসিদা সরকারনা শেমখিবা থৌশিল-থৌরাংদা অহোংবশিং লাকপনা মরম ওইদুনা মলেসস বেজ দিস্তিলরীশিংগী কেপাসিতী অসি লিতর করোর ৫৯৫দা হেনগৎলকখি। গ্রেন বেজ দিস্তিলরীশিংগী কেপাসিতী অসি ২০১৪দা লিতর করোর ২০৬ ওইরম্বা অদু লিতর করোর ২৯৮দা হেনগৎহনখি। অসুম্না ইথানোল প্রদক্সনগী অপুনবা কেপাসিতী অসি হৌখিবা চহি ৮দা ২০১৪দা লিতর করোর ৪২১ ওইরম্বদগী জুলাই ২০২২দা লিতর করোর ৮৯৪দা হেনগৎহন্দুনা শরুক অনি হেনগৎলকখি। সরকারনা ইথানোল প্রদক্সন কেপাসিতীশিংগী হেনগৎহন্নবা বেঙ্কশিংগী শেন্থংশিংগী ইন্তরেস্ত সবেন্সনশিং সুগর মিল/দিস্তিলরিশিংদা পীরি।  ইথানোল সেক্তরদা করোর ৪১,০০০রোম ইনভেস্ত তৌরিবা অসিনা খুঙ্গংগী মফমশিংদা থবক্কী খুদোংচাবশিং পীরগনি।

ইথানোল সপ্লাই ইয়র (ই.এস.ৱাই.) ২০১৩-১৪দা ও.এম.সি.শিংদা ইথানোল সপ্লাই তৌবা অসি লিতর করোর ৩৮ খক্তা ওইবগা লোয়ননা ব্লেন্দিং লেবেল চাদা ১.৫৩ খক্তা ওইখি। ফ্যুএল গ্রেদ ইথানোল পুথোকপা অমসুং ও.এম.সি.শিংদা সপ্লাই তৌবা অসি ২০১৩-১৪দগী শরুক ৮ হেনগৎলকখি। ইথানোল সপ্লাই ইয়র ২০২০-২১ (দিসেম্বর – নবেম্বর)দা ও.এম.সি.শিংদা ইথানোল লিতর করোর ৩০২.৩০ সপ্লাই তৌখি, ব্লেন্দিং লেবেল চাদা ৮.১ য়ৌবা ঙমখি। চৎলিবা ই.এস.ৱাই. ২০২১-২২দা ঐখোয়না ব্লেন্দিং লেবেল চাদা ১০.১৭ য়ৌবা ঙমখি। চৎলিবা ই.এস.ৱাই. ২০২১-২২দা পেত্রোলদা ব্লেন্দিং তৌনবা সুগর মিল/দিস্তিলরীশিংদা ইথানোল লিতর করোর ৪০০ হেন্না সপ্লাই তৌরবা য়ানা লৈ, মসি ২০১৩-১৪দা সপ্লাই তৌখিবগা চাংদম্নবদা শরুক ১০ হেনগৎলগনি।

সুগর ইন্দস্ত্রী সেল্ফ-সস্তেনেবল ওইরক্লি:

মমাংদা সুগর মিলশিং অসি রিভেন্যু লাকহন্নবগীদমক চিনী য়োনবদা মপুং ওইনা মীপাল তাংখি। সিজন অমা হেক্তদা লাকপা সর্প্লস প্রদক্সন অসিনা মখোয়গী লিক্বিদিতীদা চাউনা অকাইবা পীদুনা লৌমীশিংগী কেন প্রাইস এরিয়র হেনগৎহনখি। সরকারনা মখোয়গী লিক্বিদিতী হেনগৎহন্নবগীদমক মতম মতমগী ওইনা খোঙথাংশিং লৌখৎখি। অদুম ওইনমক হৌখিবা চহি খরা অসিদা সর্প্লস সুগর মপালদা থাদোকপা চিনী ইথানোলদা দাইভর্ত তৌবদা পুক্নিং থৌগৎপা য়াওনা কেন্দ্র সরকারগী প্রোএক্তিব ওইবা থৌশিল-থৌরাংশিং অসিনা সুগর ইন্দস্ত্রীবু সেল্ফ-সস্তেনেবল ওইহনখি।

২০১৩-১৪দগী হৌমা ওইল মার্কেরিং কম্পনীশিংদা ইথানোল য়োনবদগী সুগর মিলশিংনা লুপা করোর ৪৯,০০০গী রিভেন্যু লাকহনবা ঙমখি। চৎলিবা সুগর সিজন ২০২১-২২দা ও.এম.সি.শিংদা ইথানোল য়োনবদগী সুগর মিলশিংনা লুপা করোর ২০,০০০গী রিভেন্যু লাকহনবা ঙমখি; মসিনা সুগর মিলশিংগী লিক্বিদিতী হেনগৎহন্দুনা লৌমীশিংগী কেন দ্যু শিংদোকপা ঙমহনখি। চিনী অমসুং মখোয়গী বাই-প্রদক্তশিং য়োনবা, ও.এম.সি.শিংদা ইথানোল সপ্লাই তৌবা, বগেস বেজ কোজেনরেসন প্লান্তশিংদগী পাৱর পুথোকপা অমসুং প্রেস মদতগী পোতাশ পুথোকপা অসিদগী লাকপা রিভেন্যুশিংনা সুগর মিলশিংগী তোপলাইন অমসুং বত্তম লাইন গ্রোথ হেনগৎহনখি।

কেন্দ্র সরকানা পাইখৎখিবা খোঙথাংশিং অমসুং এফ.আর.পি. হেনগৎহনবা অসিনা লৌমীশিংদা চু থানবা পুক্নিং থৌগৎখি অমসুং চিনীগী দোমেস্তিক মেন্যুফেকচরিংগীদমক সুগর ফেক্তরীশিংগী ওপরেসন্দা মখা তানা মতেং পাংখি। সরকারনা সুগর সেক্তরদা শেমখিবা প্রোএক্তিব ওইবা থৌশিল-থৌরাংশিংনা মরম ওইদুনা ভারতনা হৌজিক ইনর্জী সেক্তরদা আত্মনির্ভর ওইবা ঙমলে।

********