২০২২গী জুলাই থাদা খোমগৎখিবা গ্রোস জি.এস.তি. রিভেন্যু অসি লুপা করোর ১,৪৮,৯৯৫ ওইখি, মসিগী মনুংদা সি.জি.এস.তি.না লুপা করোর ২৫,৭৫১, এস.জি.এস.তি.না লুপা করোর ৩২,৮০৭, আই.জি.এস.তি.না লুপা করোর ৭৯,৫১৮ (মপালদগী পুশিল্লকপা পোৎলমশিংদগী খোমগৎখিবা লুপা করোর ৪১,৪২০ য়াওরগা) অমসুং সেস অসি লুপা করোর ১০,৯২০ (মপালদগী পুশিল্লকপা পোৎলমশিংদগী খোমগৎখিবা লুপা করোর ৯৯৫ য়াওরগা) ওইখি। মসি জি.এস.তি. হৌদোকখিবদগী অনিশুবা খ্বাইদগী ৱাংবা রিভেন্যু ওইখি।

সরকারনা আই.জি.এস.তি.দগী সি.জি.এস.তি.দা লুপা করোর ৩২,৩৬৫ অমসুং এস.জি.এস.তি.দা লুপা করোর ২৬,৭৭৪ সেত্তল তৌখি। রিগুলর সেত্তলমেন্ত তৌরবা মতুংদা ২০২২গী জুলাই থাগী কেন্দ্র অমসুং রাজ্যশিংগী অপুনবা রিভেন্যু অসি সি.জি.এস.তি.গী লুপা করোর ৫৮,১১৬ অমসুং এস.জি.এস.তি.গী ওইনা লুপা করোর ৫৯,৫৮১নি।

২০২২গী জুলাই থাগী রিভেন্যুশিং অসি হৌখিবা চহিগী চপ মান্নবা থাগী লুপা করোর ১,১৬,৩৯৩ ওইখিবা জি.এস.তি. রিভেন্যুশিংদগী ২৮% হেনখি। থা অসিগী মনুংদা মপালদগী পোৎলমশিং পুশিল্লকপদগী লাকপা রিভেন্যুশিংদা ৪৮% অমসুং দোমেস্তিক ত্রাঞ্জেক্সনদগী (সর্ভিসেসকী ইম্পোর্তশিং য়াওরগা) লাকপা রিভেন্যুদা ২২% হৌখিবা চহিগী চপ মান্নবা থাগী মনুংদা সোর্সশিং অসিদগী লাকপা রিভেন্যুশিংদগী হেনখি।

হৌজিক থংন-থংননা থা মঙা অসিদা থাগী ওইনা খোমগৎপা জি.এস.তি. রিভেন্যুশিং অসি লুপা করোর লাখ ১.৪ হেন্দুনা থা খুদিংগী লেপ্পা লৈতনা হেনগৎলক্লি হায়না উৎলি। মমাং চহিগী চপ মান্নবা মতমগা য়েংনবদা জুলাই ২০২২ ফাওবদা লৈরিবা জি.এস.তি. রিভেন্যুগী গ্রোথ অসি ৩৫% ওইদুনা য়াম্না ৱাংবা বাৱেন্সী অমা উৎপা ঙমখি। মসিনা কমপ্লায়েন্স নীংথিনা তৌনবা মমাংদা কাউন্সিলনা লৌখিবা তোঙান-তোঙানবা খোঙথাংশিং অদুগী ময়েক শেংবা মমিং তারি। ইকনোমিক রিকভরীগা লোয়ননা নীংথিনা রিপোর্ত তৌরকপগা পুনখিবনা লেপ্পা লৈতনা জি.এস.তি. রিভেন্যুশিংদা চাউনা কান্নবা পীখি। জুন, ২০২২দা ই-ৱে বিল করোর ৭.৪৫ জেনরেৎ তৌখি, মসি ২০২২গী মে থাদা জেনরেৎ তৌখিবা ই-ৱে বিল করোর ৭.৩৬দগী খজিক্তং ৱাংখি।

মখাদা পীরিবা চার্ত অসিনা চৎলিবা চহি অসিগী মনুংদা থাগী ওইবা গ্রোস জি.এস.তি. রিভেন্যুশিংগী লৈরিবা ত্রেন্দশিং অদু উৎলি। মখাদা পীরিবা তেবল অসিনা জুলাই ২০২১গা চাংদম্নবা মতমদা জুলাই ২০২২দা রাজ্য অমমমদা খোমগৎখিবা রাজ্য অমমমগী জি.এস.তি.গী মশিং অদু উৎলি।

জুলাই ২০২২^[১]গী মনুংদা লৈখিবা রাজ্য-রাজ্যগী জি.এস.তি. রিভেন্যুশিংগী গ্রোথ

[১] মপালদগী পুশিল্লকপা পোৎলমশিংগী জি.এস.তি. য়াওদে

***********