মশাগী চহি ১৭+ শুরবা নহাশিংনা হৌজিক্তি ভোতর লিস্ততা মিং চন্নবগীদমক মাঙজৌননা চে থাবা য়ারগনি অমদি জনুৱারী ১দা চহি ১৮ শুবগী হান্না লৈরমবা চৎনরোল ঙাইবগী মথৌ তাররোই‍। চীফ ইলেক্সন কম্মিস্নর শ্রী রাজিব কুমার অমসুং ইলেক্সন কম্মিস্নর শ্রী অনুপ চন্দ্র পান্দেনা লুচিংবা ই.সি.আই.না স্তেত খুদিংমক্কী সি.ই.ও./ ই.আর.ও./ এ.ই.আর.ও.শিংদা জনুৱারী ১ খক্তা নত্তনা এপ্রিল ১, জুলাই ১ অমসুং ওক্তোবর ১ হায়রিবা মতুং তারকপা ক্বালিফাইং তারিখশিংদা য়ুম্ফম ওইরগা নহাশিংনা মখোয়গী মাঙজৌনবা এপ্লিকেসন থারকপা য়াহন্নবা তেক-ইনেবল্দ সোলুসনশিং পুথোক্নবা ৱাফম থমখ্রে‍। মখা তারকপা ওইনা ইলেক্তোরেল রোল ক্বার্তর খুদিংগী অপদেত তৌরগনি অমদি মিং চনবা য়ারবা নহাশিং মখোয়না ক্বালিফাইং চহি ১৮ শুরকপা চহি অদুগী মথংগী ক্বার্তরদা রেজিস্তর তৌবা য়ারগনি‍। রেজিস্তর তৌরবা মতুংদা, মখোয়গী মফমদা ইলেক্তোরেল ফোতো আইদেন্তিতী কার্দ (ইপিক) পীগনি‍। হৌজিক চত্থরিবা চহিগী রিভিজন, ২০২৩গী ওইনা এপ্রিল ১, জুলাই ১ অমদি ওক্তোবর ১, ২০২৩দা মশাগী চহি ১৮ শুরবা মীওই অমা হেক্তনা ইলেক্তোরেল রোল দ্রাফ্ত পব্লিকেসন থোকপা নুমিত্তগী হৌরগা ভোতর লিস্ততা মিং চন্নবগীদমক মাঙজৌননা এপ্লিকেসন থাজিনবা য়ারগনি‍।

আর.পি.এক্ত ১৯৫০গী সেক্সন ১৪(বি)দা লিগেল এমেন্দমেন্ত তৌখিবা অমদি রেজিস্ত্রেসন ওফ ইলেক্তর্স রুল্স, ১৯৬০দা মথং মথং শেমদোকখিবগী মতুং ইন্না, ইলেক্সন কম্মিসন ওফ ইন্দিয়ানা এসেমব্লী/ পার্লিয়ামেন্তরী কন্সতিতুএন্সীগী ইলেক্তোরেল রোল শেমবা/রিভিজনগী মথৌ তাবা হোংদোক হোংজিন তৌনবগী থবক পায়খৎপা হৌখ্রে‍। পনবা য়াবদি, ই.সি.আই.গী রিকম্মেন্দেসন্দা য়ুম্ফম ওইরগা, লো অমসুং জস্তিস মন্ত্রালয়না হন্দক্তা হান্না জনুৱারী ১খক্তমক ক্বালিফাইং দেত ওইরমবদুগী মহুত্তা নহাশিংবু ইলেক্তোরেল রোলদা মিং চন্নবগী ক্বালিফাইং দেত মরি হায়বদি জনুৱারী ১, এপ্রিল ১, জুলাই ১ অমসুং ওক্তোবর ১ লৈহন্নবগীদমক আর.পি. এক্ত শেমদোকখ্রে‍।

হান্না চৎনরিবা থৌরাংগী মতুং ইন্না লাক্কদৌরিবা চহিগী জনুৱারী ১দা ক্বালিফাইং দেত ওইরগা ইলেক্তোরেল রোল রিভিজন তৌবগী থবক অসি স্তেত/য়ু.তি. খুদিংমক্তা চহি খুদিংগী লোইশিল্লকপদা (চহি অমগী অরোইবা ক্বার্তরদা) হেক হেক তৌদুনা ইলেক্তোরেল রোলগী অরোইবা পব্লিকেসন থংনবা চহিগী জনুৱারীগী অহানবা চয়োলদা ফোঙলমবনি‍। মসিনা মরম ওইরগা জনুৱারী ১গী মতুংদা চহি ১৯ শরুবা মশিং য়াম্লবা নহা কয়া অমদি মিং চন্নবগীদমক মথং চহিগী অখন্নবা সম্মরী রিভিজন ঙাইবা তাই অমদি মরক্তা পাঙথোকপা মীখলশিংদা শরুক য়াবা ফংলমদবনি‍।

কম্মিসন অসিনা রেজিস্ত্রেসন ফোর্মসু হেন্না য়ুজর ফ্রেন্দলী ওইহন্দুনা লায়থোকহল্লে‍। নৌনা শেমদোক্লবা ফোর্ম অসি ওগস্ত ১, ২০২২দগী চৎনবা হৌরগনি‍। ওগস্ত ১, ২০২২গী মমাঙদা ফংবা হান্নগী ফোর্মদা থাজিল্লকপা এপ্লিকেসন (ক্লেল অমসুং ওবজেক্সন) পুম্নমক অমুক নৌহৌননা অনৌবা ফোর্মদা এপ্লিকেসন থাজিল্লক্ত্রবসু য়ানবা প্রোসেস তৌদুনা দিসপোজ তৌগনি‍।

কম্মিসন্না মীখল পাঙথোক্কদবা স্তেতখক নত্তনা স্তেত/য়ু.তি. পুম্নমক্তা ০১.০১.২০২৩বু ক্বালিফাইং দেত ওইনা লৌদুনা চহিগী সম্মরী রিভিজন পাঙথোক্নবা য়াথং পীখ্রে‍। প্রি-রিভিজনগী থবক থৌওং পুম্নমক কম্মিসনগী হান্না লৈরিবা পাউতাক অমসুং চৎন-পথাপ অমদি মেনুএল ওন ইলেক্তোরেল রোল, ২০১৬ অমসুং মেনুএল ওন পোল্লিং স্তেসন্স, ২০২০গী মতুং ইন্না পায়খৎলি‍। রিভিজন অমসুং প্রি-রিভিজনগী থবক থৌওং পুম্নমক নেস্নেল ভোতর্স দে (চহি খুদিংগী জনুৱারী ২৫)গী মমাঙ ঙন্না ইলেক্তোরেল রোল ফোঙবা য়ানবা অমদি অনৌবা ইলেক্তরশিংগী, মরুওইনা নহা ওইরিবা ভোতরশিংগী (চহি ১৮-১৯) ইপিকশিং এন.ভি.দি. নুমিত্তা থৌরম পাঙথোকপদা য়েন্থোকপা নংনবা পায়খৎপনি‍।

প্রি-রিভিজন থৌওংশিংগী মনুংদা পোল্লিং স্তেসনশিংগী রেস্নেলাইজেসন/ রি-এরেঞ্জমেন্ত; দিমোগ্রেফিকেল্লী/মান্নবা ফোতোশিং য়াওবা চয়েৎনবা এন্ত্রীশিং লৌথোকপা; ০১.১০.২০২২বু ক্বালিফাইং দেত ওইনা লৌরগা সপ্লিমেন্তশিং শেম শাবা অমদি পুনশিল্লবা দ্রাফ্ত রোল শেমবা য়াওরি‍। হৌজিক চত্থরিবা প্রি-রিভিজনগী থবকসিদা ইলেক্তোরেল রোলদগী দি.এস.ই./পি.এস.ই.শিং অমসুং ইপিক্তা চয়েৎনবশিং ১০০% লৌথোক্নবা কম্মিসন্না মরি লৈনবা পুম্নমক্তা পাউতাক পীখ্রে‍।

নবেমবরদা হৌগদৌরিবা রিভিজনগী থবকশিংদা পুনশিল্লবা দ্রাফ্ত ইলেক্তোরেল রোল ফোঙলবা মতুংদা ফংবা ক্লেম অমসুং ওবজেক্সনশিং দিসপোজ তৌবগী ৱাফম য়াওণি‍। স্পিসিএল সম্মরী রিভিজনগী মখাদা, দ্রাফ্ত ইলেক্তোরেল রোলদা ক্লেম অমসুং ওবজেক্সনশিং ফাইল তৌনবা থা অমগী মতম পীরি‍। সি.ই.ও.শিংনা অখন্নবা কেম্পশিং চয়োল লোইশিল্লকপদা পাঙথোক্কনি অমদি মদুগী তারিখ মরি লৈনবা সি.ই.ও.শিংনা মীয়ামদা খঙহনগনি‍। অরোইবা ইলেক্তোরেল রোল জনুৱারী ৫, ২০২৩দা ফোঙগনি‍।

পোলিং স্তেসন রেস্নেলাইজেসন

এনুএল সম্মরী রিভিজনগী শরুক ওইনা, ইলেক্তর ১৫০০দগী হেন্না লৈবা পোল্লিং স্তেসনশিং, অপীবা সিদ্যুলগী মতুং ইন্না অমদি ইলেক্তোরেল রোলগী দ্রাফ্ত পব্লিকেসনগী মাঙওইননা মেনুএল ওন পোলিং স্তেসন, ২০২০দা য়াওরিবা ইন্ত্রক্সনশিংগী মতুং ইন্না রেস্নেলাইজ/মোদিফাই তৌগনি‍। অনৌবা পোলিং স্তেসন অমা থংনবা পোলিং স্তেসন্দা সেক্সন অদু ফীভম্না য়াবা য়াদবগী মতুং ইন্না রেস্নেলাইজ তৌরবা মতুংদা শেমগনি‍। পোলিং স্তেসনশিং রেস্নেলাইজেসন তৌবগী অতোপ্পা পান্দম অমদি ইমুংগী মীওই পুম্নমক অমদি য়াওরিবা য়ুমলোন্নবশিং সেক্সন অমদা পুনশিনবনি‍।

ইপিক-আধার লিং তৌবা

আধার নম্বরগা ইলেক্তোরেল রোল দেতাগী লিঙ্ক তৌনবগীদমক, ইলেক্তরশিংগী আধার দিতেলশিং খোমগৎনবা শেমদোক্লবা রেজিস্ত্রেসন ফোর্মদা হাপ্লে‍।‍ হান্না লৈরবা ইলেক্তরশিংগী আধার নম্বর খোমগৎনবা অনৌবা ফোর্ম-৬বি অমসু পুথোক্লে‍। অদুম ওইনমক আধার নম্বর পীবা ঙমদবগী নৎত্রগা পীরক্তবগীদমক মীওই অমত্তগী মমিং ইলেক্তোরেল রোলদা হাপ্তবা নৎত্রগা ককথৎপনচিংবা তৌরোই‍।

এপ্লিকান্তশিংগী আধার নম্বর হেন্দ্লিং তৌবা মতমদা আধার (তার্গেতেদ দেলিভর ওফ ফাইনেন্সিএল এন্দ অদর সবসিদিজ, বিনিফিত্স এন্দ সর্ভিসেস) এক্ত, ২০১৬গী সেক্সন ৩৭তা পীরিবা ৱাফমশিং ঙাক্না চৎকদবনি‍। ফীভম অমত্তদা মসিবু মীয়ামদা পুথোক্লোইদবনি‍। করিগুমবা ইলেক্তর অদুগী ইন্ফোর্মেসনশিং মীয়াম মাঙদা পুথোকপা মথৌ তারবদি, আধার দিতেলশিং লৌথোক্কদবনি নৎত্রগা খুমজিনগদবনি‍।

হান্না লৈরবা ইলেক্তরশিংগী আধার নম্বর খোমগৎনবগী অকক্নবা মতমগী ওইবা দ্রাইব অমা ০১.০৮.২০২২দগী হৌগদৌরি‍। থৌরাং অসিগী পান্দমদি ইলেক্তরশিংগী শক্তাক ময়েক শেংহন্নবা অমদি ইলেক্তোরেল রোলদা লৈরিবা এন্ত্রীশিং চুম্লে খঙনবনি‍।

ইলেক্তোরেল রোলদগী হঞ্জিনবা/মশিং য়ামবা এন্ত্রীশিং ককথৎপা

হঞ্জিনবা/মশিং য়ামবা এন্ত্রীশিং ককথৎনবগী মচা খায়বা থৌওংশিং পীদুনা থম্ল‍। লনাই মীওইশিং, পোলিতিকেল পার্তীশিংগী বি.এল.এ. নৎত্রগা আর.দব্লিউ.এ. মীহুৎশিংনা পাউদম্লকপা হঞ্জিনবা/মশিং য়ামবা এন্ত্রীশিংগী কেস খুদিংমক অমমমতা ওইনা ফীল্দ ভেরিফিকেসন শোয়দনা তৌগদবনি‍। ইলেক্তোরেল রোলদগী ইলেক্তরগী মমিং ককথৎপা মতমদা হায়রিবা মীওইদুনা লৈতবা মফমখক্তদগী ককথৎকদবনি‍।

হেল্দী ইলেক্তোরেল রোলগীদমক ফীল্দ ভেরিফিকেসন অমসুং সুপরচেকিং

ইলেক্তোরেল রোল মশা ফনা থম্নবগীদমক, বুথ লেবেল ওফিসরশিংনা ফীল্দ ভেরিফিকেসন তৌবগী মথৌ তাবা ৱাফম ইলেক্সন কম্মিসন্না থম্লি‍। সুপরভাইজর, ই.আর.ও. অমসুং এ.ই.আর.ও.নচিংবা ইলেক্তোরেল মেচিনরীশিংনা তোঙান তোঙানবা থাক্তা পাঙথোকপা থবকশিংগী একাউন্তেবিলিতী নীংথিনা লৈহন্নবগীদমক ফীল্দ ভেরিফিকেসন তৌদুনা সুপরভিজন অমসুং চেকিং তৌনবা মেকানিজম অমা লৈরি‍। মতৌ অসুম্না ক্লেম অমসুং ওবজেক্সনগী মতাঙদা অরোইবা ফিরেপ লৌদ্রিঙৈদা ই.আর.ও.শিংনা পায়খৎপা থবকশিং দি.ই.ও., রোল ওবজার্বর অমসুং সি.ই.ও.শিংনা চেক তৌগদবনি‍। মসিগী মথক্তা ই.সি.আই. অমসুং সি.ই.ও.গী ওফিসতগী ওফিসরশিং রেন্দম ওইনা চেক তৌনবা অমদি সুপরভাইজ তৌনবা দিপ্লোই তৌই‍।

পার্তিসিপেতিব প্রোসেস – বি.এল.এ.শিং য়াওরগা

পোলিতিকেল পার্তীশিং হেন্না শরুক য়াহন্নবগী মীৎয়েঙদা, শকখঙলবা পোলিতিকেল পার্তীশিংগী বুথ লেবেল এজেন্তশিংনা (বি.এল.এ.) এপ্লিকেসনশিং পুন্না, বি.এল.এ.দা অমুক্তা/ নোংমদা ফোর্ম ১০দগী হেলহন্দনা থাজিলহনবা য়াহল্লি‍। করিগুম্বা বি.এল.এ. অমনা ক্লেম অমসুং ওবজেক্সনগী মতমদা এপ্লিকেসন/ফোর্ম ৩০দগী হেন্না থাজিল্লক্লবদি ই.আর.ও./এ.ই.আর.ও. মশামক্না ক্রোস ভেরিফিকেসন তৌগদবনি‍। মখা তানা, বি.এল.এ.না এপ্লিকেসন ফোর্মশিংগী লিস্ত অমা মহাক মশামক্না এপ্লিকেসন ফোর্মশিং অদুদা য়াওরিবা ৱাফমশিং ভেরিফাই তৌরে অমদি মখোয়শিংদু চুম্লে হায়বগী দিক্লারেসন অমগা লোয়ননা থাজিল্লক্কদবনি‍।

****