ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜୁଲାଇ ୨୦ ତାରିଖରେ କମନୱେଲଥ ଗେମ୍ସ ୨୦୨୨ ପାଇଁ ସ୍ଥିରୀକୃତ ଭାରତୀୟ ଦଳ ସହିତ ଆଲୋଚନା କରିବେ ପ୍ରଧାନମନ୍ତ୍ରୀ
प्रविष्टि तिथि:
18 JUL 2022 5:06PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କମନୱେଲଥ ଗେମ୍ସ (ସିଡବ୍ଲ୍ୟୁଜି) ୨୦୨୨ ପାଇଁ ଜୁଲାଇ ୨୦, ୨୦୨୨ ପୂର୍ବାହ୍ନ ୧୦ ଟା ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ଭାରତୀୟ ଦଳ ସହିତ ଆଲୋଚନା କରିବେ । ଉଭୟ ଆଥଲେଟ୍ ତଥା ସେମାନଙ୍କ ପ୍ରଶିକ୍ଷକମାନଙ୍କ ସହ ମଧ୍ୟ ଆଲୋଚନା ହେବ ।
ପ୍ରଧାନମନ୍ତ୍ରୀଙ୍କ ଏହି ଆଲୋଚନା ହେଉଛି ପ୍ରମୁଖ କ୍ରୀଡା କାର୍ଯ୍ୟକ୍ରମରେ ଅଂଶଗ୍ରହଣ କରିବା ପୂର୍ବରୁ ଆଥଲେଟମାନଙ୍କୁ ଉତ୍ସାହିତ କରିବା ପାଇଁ ତାଙ୍କର ନିରନ୍ତର ପ୍ରୟାସର ଏକ ଅଂଶ । ଗତ ବର୍ଷ ଟୋକିଓ ୨୦୨୦ ଅଲିମ୍ପିକ୍ସ ପାଇଁ ସ୍ଥିର ହୋଇଥିବା ଭାରତୀୟ ଆଥଲେଟମାନଙ୍କ ସହିତ ତଥା ଟୋକିଓ ୨୦୨୦ ପାରାଲିମ୍ପିକ୍ ଗେମ୍ସ ପାଇଁ ଭାରତୀୟ ପାରା-ଆଥଲେଟମାନଙ୍କ ସହ ପ୍ରଧାନମନ୍ତ୍ରୀ ଆଲୋଚନା କରିଥିଲେ ।
କ୍ରୀଡା କାର୍ଯ୍ୟକ୍ରମ ସମୟରେ ମଧ୍ୟ ପ୍ରଧାନମନ୍ତ୍ରୀ ଆଥଲେଟମାନଙ୍କ ଅଗ୍ରଗତି ପ୍ରତି ଆଗ୍ରହ ପ୍ରକାଶ କରିଥାନ୍ତି । ଅନେକ ସମୟରେ, ସେ ବ୍ୟକ୍ତିଗତ ଭାବରେ ଆଥଲେଟମାନଙ୍କୁ ସେମାନଙ୍କ ସଫଳତା ଏବଂ ଆନ୍ତରିକ ଉଦ୍ୟମ ପାଇଁ ଅଭିନନ୍ଦନ ଜଣାଇବା ସହିତ ସେମାନଙ୍କୁ ଉନ୍ନତ ପ୍ରଦର୍ଶନ କରିବାକୁ ଉତ୍ସାହିତ କରିଥାନ୍ତି । ଆହୁରି ମଧ୍ୟ, ସେମାନେ ଦେଶକୁ ଫେରିବା ପରେ ପ୍ରଧାନମନ୍ତ୍ରୀ ମଧ୍ୟ ସେମାନଙ୍କ ସହ ସାକ୍ଷାତ କରି ଆଲୋଚନା କରିଥାନ୍ତି ।
ସିଡବ୍ଲ୍ୟୁଜି ୨୦୨୨ ଜୁଲାଇ ୨୮ ରୁ ୦୮ ଅଗଷ୍ଟ ୨୦୨୨ ପର୍ଯ୍ୟନ୍ତ ବର୍ମିଂହାମରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ମୋଟ ୨୧୫ ଆଥଲେଟ୍, ୧୯ ଟି କ୍ରୀଡା ବିଭାଗରେ ୧୪୧ ଟି କାର୍ଯ୍ୟକ୍ରମରେ ଅଂଶଗ୍ରହଣ କରି ସିଡବ୍ଲ୍ୟୁଜି ୨୦୨୨ ରେ ଭାରତର ପ୍ରତିନିଧିତ୍ୱ କରିବେ ।
HS
(रिलीज़ आईडी: 1842493)
आगंतुक पटल : 183
इस विज्ञप्ति को इन भाषाओं में पढ़ें:
Malayalam
,
Assamese
,
English
,
Urdu
,
हिन्दी
,
Marathi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada