প্রধানমন্ত্রীগী লোইশঙ
পি.এম.না জুলাই ২০দা কম্মনৱেল্থ গেমস ২০২২গীদমক চৎকদৌরিবা ইন্দিয়ন কন্তিঞ্জেন্তগা ৱারী শাগদৌরি
Posted On:
18 JUL 2022 5:06PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা জুলাই ২০, ২০২২গী অয়ুক পুং ১০ তাবা মতমদা কম্মনৱেল্থ গেমস (সি.দবল্যু.জি.) চৎকদৌরি ইন্দিয়ন কন্তিঞ্জেন্তগা লোয়ননা ৱারী শাগদৌরি। ৱারী শাবা অসিদা শান্নরোয়শিং লোয়ননা মখোয়গী কোচশিং শরুক য়াগনি।
প্রধান মন্ত্রীগা ৱারী শাগদৌরিবা অসি অচৌবা স্পোর্তিং ইভেন্তশিংদা মখোয়না শরুক য়াদ্রিঙৈ মাংওইননা শান্নরোয়শিংদা ইথিল পীনবগী মহাক্কী মখা চত্থরকপা খোঙথাংগী শরুক অমনি। মমাং চহিদা প্রধান মন্ত্রীনা তোকিও ২০২০ ওলিম্পিক্স চৎকদবা ইন্দিয়ান এথলিৎস কন্তিঞ্জেন্ত লোয়ননা তোকিও ২০২০ পেরালিম্পিক্সকী ইন্দিয়ন পেরা-এথলিৎত কন্তিঞ্জেন্তগা লোয়ননা ৱারী শাখি।
স্পোর্তিং ইভেন্তশিং অসিদা প্রধান মন্ত্রীনা শান্নরোয়শিং অসিনা খুমাং চাউশিনবদা মরু ওইবা মীৎয়েং চংখি। থেংখাং কয়াদা মহাক্না শান্নরোয়শিংনা মাইপাকপা অমসুং থমোয় শেংনা হোৎনখিবশিংদা মখোয়দা ফোন তৌদুনা নুংঙাইবা ফোঙদোকখি লোয়ননা মখোয়না হেন্না নীংথিনা পর্ফোর্ম তৌনবা ইথিল পীখি। মখা তানা লৈবাক অসিদা মখোয়না হল্লকপদা প্রধান মন্ত্রীনা কন্তিঞ্জেন্তগা উন্নখি অমসুং ৱারী শাখি।
সি.দবল্যু.জি. ২০২২ জুলাই ২৮দগী ওগস্ত ০৮, ২০২২ ফাওবা বরমিংহমদা পাঙথোক্কনি। স্পোর্তিং দিস্সিপ্লিন ১৯দা ইভেন্ত ১৪১দা শরুক য়ারিবা পুন্না শান্নরোয় ২১৫না সি.দবল্যু.জি. ২০২২দা ভারতকী মহুৎ শিনগনি।
****
(Release ID: 1842475)
Visitor Counter : 129
Read this release in:
Malayalam
,
Assamese
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada