সাত্বিক্কী ওইবা মতিক-মঙাল ফংলবা ময়াম্না লাৎন-শোন্নরিবা সন্তশিং, শর্দা মাথকী সাধৱি ইমাশিং, অখন্নবা মীথুংলেনশিং অমসুং পুকচেল চেৎপা মরুপ-মপাংশিং! ময়াম পুম্নমকপু খুরুমজরি।

ঙসি ময়াম্না লাৎন-শোন্নরিবা সন্তশিংগী লমজিং-লমতাক মখাদা স্বামী সন্ত আত্মস্থানানন্দ জীগী চহি চামশুবগী মপোক কুমওন থৌরম পাংথোক্লি। মসিগী থৌরম অসি ঐহাক ইশামক্কী ওইনসু পুক্নিংগী ঈথিল কয়া অমা অমসুং নিংশিংনীংঙাই ওইবা কয়া অমনা মপুং ওই, মসিদা ৱারী কয়া অমা য়াওরি। স্বামী জীনা মহাক্কী থৱাইনা মহাক্কী চহি চাম শুগদৌরবা হকচাং অদুবু থাদোক্লম্লে। ঐহাক্না মতম চুপ্পদা মহাক্কী থৌজাল ফংখি, মহাক্কা লোইনবগী খুদোংচাবা অদু ফংখি। মহাক্কী অরোইবা মীৎকুপ অদু ফাওবা পাউ ফাওবা মহাক্কা পাউ ফাওনবা ফংহৌবা অসি ঐহাক্কী লাইবক ফবনি। অঙাং নৱা অমদা নুংশি-থৌজাল লৈবগুম ঐহাকপু মহাক্না নুংশিনা থৌজাল পীবীখি। অরোইবা মীৎকুপ অদু ফাওবা মহাক্না ঐহাকপু থৌজানবীখি। অমসুং ঐহাক্না ফাওরি মদুদি স্বামী জী মহারাজনা মহাক্কী মতিক-মঙাল লৈরবা শক্লোন অদুদা ঙসিসু ঐখোয়বু থৌজানবীরি। মহাক্কী পুনশি অমসুং মিসন অদুবু মীপুম খুদিংমক্তা য়ৌহন্নবা ঙসি মহাক্কী নিংশিং খুদম অনি, ফোতো-বায়োগ্রাফী অমসুং দোক্যুমেন্তরীসু রিলীজ তৌরগনি।ঐহাক্না মসিগী থবক অসিগীদমক্তা রামকৃষ্ণ মিসনগী প্রেসিদেন্ত পুজ্য স্বামী স্মর্নানন্দ মহারাজ জীবু থমোই শেংনা থাগৎচরি।

মরুপশিং,

স্বামী আত্মস্থানানন্দ জী অসি শ্রী রামাকৃষ্ণগী শেবোক, পুজ্য স্বামী ৱিজনানন্দ জীদগী লাইমীং লৌখি। স্বামী রামাকৃষ্ণ পরমহন্সগুম্বা সন্তকী মঙাল ফংলবা শক্তম অমসুং স্পিরিচুৱল ইনর্জী অদু মঙোন্দা ময়েক শেংনা উবা ফংখি। নখৌয় ময়ামনসু হেন্না খঙলি মদুদি ঐখোয়গী লৈবাক অসিদা সন্যাসকী য়াম্না ফজরবা চৎনবী লৈরক্লি। সন্যাসকীশু শক্লোন কয়া অমা লৈরকখি। ৱানপ্রস্থ আশ্রমশূ সন্যাসকী মাইকৈদা খোংথাং অমনি হায়না লৌনৈ।

সন্যাসকী ৱাহন্থোক অসি - ইশাগী ওইজবা থাদোক্তুনা খুনাইগীদমক্তা থবক তৌবা, খুনাইগীদমক্তা হিংববুনি। ইশাবু ফুরপকীদমক্তা খনবা। সন্যাসি অমগীদমক্তদি লেংলি-পাল্লিবা পুম্নমক্কী সেবা তৌবা হায়বসি ইশ্বরগী সেবা তৌবনি, লেংলি-পাল্লিবশিংদা শিব উবা অসিনা খ্বাইদগী অথোইবনি।’ মসিগী ফজরবা চৎনবী অসি, সন্যাসকী চৎনবী অসিবু স্বামী ৱিবেকানন্দ জীনা চাউখৎলবা অনৌবা মতম অসিগী শক্তম অমদা শেমগৎলমখি। স্বামী আত্মস্থানন্দ জীনসু অসিগী শক্তম অসিদা পুনশি অদু হিংখি অমসুং মহাক্কী পুনশিদা মসি ঙাক্না চৎখি। মহাক্কী লমজিং-লমতাক মখাদা বেলুর মথ অমসুং শ্রী রামাকৃষ্ণ মিসননা ভারত খক্তদা নত্তনা নেপাল, বংগ্লাদেশগুম্বা লৈবাকশিংদশু য়াম্না চাউরবা রিলীফ অমসুং রেস্ক্যু ওপরেশন চত্থখি। খুঙ্গংগী লমশিংগী মীশিংগী য়াইফনবগীদমক্তা স্বামী জীনা হালেংবা লৈতনা থবক তৌখি।মসিগীদমক্তা মহাক্না ইন্সতিত্যুশনশীং লিংখৎখি। ঙসিদি মসিগী ইন্সতিত্যুশনশিং অসিনা লাইরবশিংগী থবক পীনবা অমসুং হিংননবগী লম্বিশিং পীবদা মতেং পাংলি। স্বামী জীনা লাইরবশিংগী সেবা, ৱাখল-লৌশিং শন্দোকপা অমসুং মসিগী থবক অসিবু লাইনিংবগুম্না লৌখি। রামাকৃষ্ণ মিসনগী ৱাখল্লোন অসি মিসন মোদতা থবক তৌবা, অনৌবা ইন্সতিত্যুশনশিং শেমগৎপা, অমসুং ইন্সতিত্যুশনশিং অসিবু মপাঙ্গল কনখৎহনবা হায়বসি মহাক্কী ওইনদি রামাকৃষ্ণ মিসনগী আইদিয়লশিং ওইখি। হায়রিবা সন্তশিং অসিনা লৈবা মফমশিংদা, মীওইবা জাতিগী সেবা তৌবা সেন্তরশিং মশা-মতোমতা অদুমক থোরকই, স্বামী জীনা মসি মহাক্কী সান্যাস অমগী পুনশী অদুনা ময়েক শেংনা তাকখি।

মরুপশিং,

চহি চা কয়া মমাংদা আদি শঙ্করচার্য়বু ওইরো নত্রগা চাউখৎলবা অনৌবা মতম অসিগী স্বামী ৱিবেকানন্দবু ওইরো, ভারতকী সন্তকী চৎনবী অসিনা মতম পুম্বদা ‘এক ভারত, শ্রেস্থ ভারত’ অসিবু মীয়ামদা উত্তুনা লাক্লি। রামাকৃষ্ণ মিসন লিংখৎখিবা অসি ‘এক ভারত, শ্রেস্থ  ভারত’কী ৱাখল্লোন অসিগসু মরী লৈনৈ। স্বামী ৱিবেকানন্দনা মসিগী ফিরেপ অসি মহাক্না মিসন অমগুম্না লৌখি। মহাক ৱেঙগলদা পোকখি। অদুবু নখোয়না লৈবাক অসিগী শরুক অমহেক্তদা চত্তুনা য়েংবীয়ু, ৱিবেকানন্দনা চৎলুদবা মফম অমত্তা লৈরম্লোই, মহাক্কী ইনফ্লুএন্স লৈতবা মফম লৈরম্লোই অসি লৈবাক্কী মফম খুদিংমক্তা উবা ফংঙি অমসুং মহাক্কী খোংচৎ অদুনা লৈবাক অসিবু মীনাই নাইথাং ওইরিঙৈগী মতম অদুদা লিরবা নেস্নেল কন্সিয়সনেস অদুবু খঙহনখি, অমসুং মদুদা অনৌবা থাজবা অমসু পীখি। রামাকৃষ্ণ মিসনগী মসিগী চৎনবী অসি স্বামী আত্মস্থানানন্দ জীনা মহাক্কী পুনশি চুপ্পা পুখত্তুনা লাকখি। মহাক্না লৈবাক অসিগী তোঙান-তোঙানবা মফমশিংদা মহাক্কী পুনশি লেনখি, থবক কয়া মরুম অমা তৌখি, অমসুং মহাক্না লৈবা মফম খুদিংমক্তা মহাক্না মপুং ফানা মফম অদুদা লৈখি। গুজরাত্তা লৈরগা মহাক্না গুজরাতি অদুমক্কী নিংথিনা ঙাংখি। অমসুং ঐগী ওইনদি লাইবক য়াম্না ফবা অমনা মহাক্কী পুনশিগঈ অরোইবা মিৎকুপ্তা মহাক্কা ৱারী শানবা মতমদা গুজরাতিদা ওইনা শানখি। ঐহাকশু গুজরাতি তাবদা য়াম্না নুংঙাইবা ফাওই। অমসুং ঐহাক্না ঙসি নিংশিংবা পাম্বা অমনা ফবনি। কচকী য়ুহার হাখিবা মতম অদুদা মহাক্না মতম অমত্তা মাংহনখিদে অমসুং মতম অদুদা ঐহাক্না রাজনিতি ফম অমত্তা পাইখিদে কার্য়কর্তা অমা ওইনা থবক তৌখি। মতম অদুদা মহাক্না ফিভম অদুগীদমক্তা খনখি, রামাকৃষ্ণ মিসননা কচতা করি তৌবা য়াবগে হায়বগী মতাংদা ৱারী শাখি। য়াম্না কুপথনা অমসুং মতম পুম্বদা মহাক্কী লমজিং-লমতাক মখাদা য়ুহার হাবনা শোকহল্লবশিংগীদমক্তা রিলীফ পীনবগীদমক্তা থবক কয়া অমা পাইখৎখি। মরম অদুনা মীপুম খুদিংমক্না রামাকৃষ্ণ মিসনগী সন্তশিং অসিবু লৈবাক অসিদা লৈবাক অসিগী অমত্তা ওইবগী ৱাখল্লোন শন্দোক্লিবশিং অমা ওইনা খঙনৈ। অমসুং মহাক্না মীরমদা চৎপা মতমদা মফম অদুদা মহাক্না ভারতকী মশক তাকই।

মরুপশিং,

রামাকৃষ্ণ মিসনগী অসিগুম্বা মতিক-মংলা লৈরবা চৎনবী অসি রামাকৃষ্ণ পরমহন্সগুম্বা ইশ্বরগী মতিক মগুন চেল্লবা মখোয়না নিংজবদগী ওইরক্লিবনি। স্বামী রামাকৃষ্ণ পরমহন্স অসি, মা কালিবু ময়েক শেংনা উরম্বা, মা কালিগী খুয়া খাদা মশা পুম্বা কত্থোক্লবা অদুগুম্বা সন্ত অমনি। মহাক্না হায়খি - মসিগী জগৎ অপুম্বা অসি, মসিগী ভেরিয়েবল অমসুং কন্সতেন্ত, পুম্নমক অসি ইমাগী ইরোলনুংদা লৈরিবনি। হায়রিবা মতিক-ময়াই অসি বেঙ্গলগী কালি পুজাদা উবা ফংলি। মসিগী মতিক ময়াই অসি বেঙ্গল অমসুং ভারত পুম্বগী থাজবা –নিংজবা অদুদা উবা ফংঙি। মসিগী মতিক-ময়াই অমসুং শক্তি মৈঙাল পরিং অসি স্বামী ৱিবেকানন্দগুম্বা য়ুগপুরুশশিংগী শক্তমদা স্বামী রামাকৃষ্ণ পরমহন্সনা মঙাল পীনবীরে। মা কালিগী মতাংদা স্বামী ৱিবেকানন্দনা ফাওখিবা স্পিরিচুৱল ভিজন অদুনা মশাদা ময়ামদগী থোইদোক-হেন্দোকপা ইনর্জি অমসুং শক্তি অমা য়াওহনখি। স্বামী ৱিবেকানন্দগুম্বা মমীং লৈরবা মীশক অসিনা জগনমাতা কালিবু নিংশিংলদুনা অঙাং মচা অমগুম্না লাইনিংদা লুপ্তুনা নুংঙাইবা ফাওরি। শক্তি সাধনাগী অসিগুম্বা নিংজবা অমসুং শক্তি অদু স্বামী আত্মস্থানানন্দ জীদা অদুমক উবা ফংখি।  অমসুং মহাক্কি ৱাহৈশিংদা মা কালিগী মতাংদা ৱারী শাদুনা লৈ। অমসুং ঐহাক্না নিংশিংলি মদুদি, বেলুর মথ চৎপা মতমদা, গঙ্গাগী তোর্বান্দদা ফম্বা মতমদা অমসুং অথাপ্পদা মা কালিগী মন্দির উবা মতমদা পুক্নিংদা থাদোকপা ঙমদবা য়াম্না নক্নবা মরী অমা লৈবা হায়বসি মশানা তাবনি। নিংজবা-থাজবা অদুনা অসিগুম্না শেংলবদা শক্তি মশামক্না ঐখোয়বু লমজিং-লমতাকপীরি। মরম অদুনা মা কালিগী মপাল নাইদ্রবা থৌজালনা ভারতপু থৌজানবীরি। ভারতনা মসিগী স্পিরিচুৱল ইনর্জী অসিগা লোইননা ঙসিদি মালেম অসিগী য়াইফবগী ৱাখল্লোনগা লোইননা মাংলোমদা চংশিল্লি।

মরুপশিং,

ঐখোয়গী শন্তশিংনা ঐখোয়দা উৎলক্লি মদুদি ঐখোয়না ৱাখল চাউথোকপা মতমদা, ঐখোয়না পাইখৎপা থবকশিংদা খৈদৌনুংদা নাইতোম তাদে! নখোয়না ঐখোয়গী ভারত ৱর্শকী লৈবাক অসিদা চিংদোলগুম্না ৱাংলবা ফিরেপ কয়া অমা রিসোর্স অমত্তা লৈতনা মপুং ফাহনখিবা অসিগুম্বা সন্ত কয়া অমগী পুনশি খোংচৎ উবা ফংগনি। মসিগী থাজবা মসিগী অমসুং অচেৎপা ফিরেপ অসি ঐহাক্না পুজ্য আত্মস্থানানন্দ জীগী পুনশিদসু উখি। মহাকপু ঐহাক্কী গুরু ওইনা ফাওবগী মরী অদু লৈখি। ঐহাক্না মখোয়গুম্বা সন্তশিংদগী ইশাগী ওইজবা থাদোক্তুনা চাদা চাম অচেৎপা ফিরেপ অমগা লোইননা ইশাবু কত্থোক্নবগী পরা অদু তমখি। মরম অদুনা ঐহাক্না মসিমদি হায়রি মদুদি মদুদি ভারত্তগী মীওই অমনা, সন্ত অমনা অশুক য়াম্না তৌবা ঙম্লবদি লৈবাকচা করোর ১৩০গী অপুনবা ফিরেপ অমনা তৌবা ঙম্লোইদবা, পাংথোকপা ঙম্লোইদবা করম্বা পান্দম লৈগদগে? অসিগুম্বা ফিরেপকী শক্তি অসিবু ঐখোয়না স্বচ্ছ ভারত মিসনদা উবা ফংলি। মীশিংনা ভারত্তা অসিগুম্বা মিসন অসিবু মাইপাক্কনি হায়না থাজরমদে। অদুবু লৈবাকচাশিংনা ফিরেপ লৌখি অমসুং মসিগী ফলদি মালেম পুম্বনা উরি। দিজিতেল ইন্দিয়াগী খুদমসু মাংদা লৈরি। দিজিতেল পেমেন্তশিংগী হৌরকপা মতমদশু অসিগুম্বা তেক্নোলোজী অসি ভারতগুম্বা লৈবাক্কীদমক্তা নত্তে হায়না হায়নখি। অদুবু হায়রিবা ভারত অদু অদুনা দিজিতেল পেমেমন্তশিংগী লমদা মালেমগী লুচিংবা অমা ওইদুনা থোরক্লে। অসুম্না কোরোনা লাইচৎকী মায়োক্তা খ্বাইদগী হেন্না নৌরিবা খুদম অমা ঐখোয়গী মাংদা লৈরি। চহি অনিগী মমাংদা মীশিংনা ভারত্তা মীপুম খুদিংমক্তা ভেক্সিন কাপ্পদা মতম কয়াম কুইনা চংগনি হায়না কালক্যুলেশন তৌনখি, খর অমনা চহি ৫, খরা অমনা চহি ১০, অদুগা খরা অমনা চহি ১৫ চংগনি হায়না হায়খি। অদুবু ঐখোয়না চহি অমগা মখাইদা ভেক্সিন দোজ ২০০ ময়া নক্না য়ৌখ্রে। হায়রিবা খুদম অসিনা তাক্লি মদুদি ফিরেপ অদুনবু শেংলবদি হোৎনবদা মাইপাকপদা মতম কুইনা চংদে, অথিংবা –অপনবা লৈরবশু লম্বি থোরকই।

ঐহাক্না থাজৈ মদুদি, ঐখোয়গী সন্তশিংগী থৌজাল অমসুং মখোয়গী ইন্সপিরেশন অদু অসিগুম্না ফংদুনা লৈগনি। লাক্কদবা মতমশিংদা, ঐখোয়না বাম্না নুংঙাই য়াইফবা ভারত অমা শেমলগনি হায়বগী থাজবা অসি স্বামী ৱিবেকানন্দ জীনা পীরমখি, অমসুং মসিগীদমক্তা স্বামী আত্মসথানানন্দগুম্বা সন্তশিংনা হোৎনখি। অমসুং ঙসি ঐহাক্না মবাম্না নিংন-শোন্নরিবা সন্তশিংগী মমাংদা ঐহাক্না ঐগী ইমুংদা লাকপগুম্না লাক্লি, মসিগী ফীলিং অসিগা লোইননা ৱারী শারি। নখোয়না ঐহাকপু মতম পুম্বদা ইশাগী ইমুংগী মী অমা ওইনা খনখি। আজাদি কা অমৃত মহোতসব পাংথোক্লি, মসিগী অমৃত মাহোতসব অসিদা জিলা খুদিংমক্তা অমৃত সারোৱর ৭৫ শানবগী ফিরেপ লৈ। নখোয়না থবক তৌবা মফমদা, নখোয়নসু মীয়ামগী পুক্নিং থৌগৎপীয়ু, নখোয়সু মসিদা য়াওশিনবীয়ু অমসুং আজাদি কা অমৃত মাহোতসবতা মীওইবগী সেবাগী খ্বাইদগী অথোইবা থবক্তা নখোয়না ইচং থৌনা শরুক য়াবনা য়াম্না চাউবা অওনবা অমা পুরকপা ঙমগনি। নখোয়না মতম চুপ্পদা খুনাই অসিগী অৱা-নুংঙাই অনিমক্কী মরুপ ওইদুনা লাক্লি। চহি চা শুবা অসিনা অনৌবা ইনর্জী, অনৌবা ইনস্পিরেশনগী চহি ওইহল্লি। আজাদি কা অমৃত মাহোতসবনা লৈবাক অসিদা মথৌদাংগী ঈথিল অমা ফাওহনবদা মাইপাকপা অমা ওইবদা ঐখোয় পুম্নমক্কী ওইবা অপুনবগী থৌদাংনা য়াম্না চাউনা অহোনবা অমা পুরকপা ঙমগনি। মসিগী ৱাখল্লোন অসিগা লোইননা সন্ত ময়াম পুম্নমকপু অমুক্কসু হন্না থাগৎচরি।

হন্না হন্না থাগৎচরি!

*****