প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা রসিয়াগী রাস্ত্রপতি, হিস এক্সেলেন্সী, ভ্লাদিমির পুতিনগা তেলিফোন্দা ৱারী শাখ্রে
থাগৎখিবা:
01 JUL 2022 3:43PM by PIB Imphal
প্রধান মন্ত্রী শ্রী নরেন্দ্র মোদীনা রসিয়ন ফেদেরেসনগী রাস্ত্রপতি, হিস এক্সেলেন্সী, ভ্লাদিমির পুতিনগা ঙসি তেলিফোন্দা ৱারী শাখ্রে।
লুচিংবা অনিনা রাস্ত্রপতি পুতিন্না দিসেম্বর ২০২১গী ভারত খোঙচত্তা লৌখিবা ৱারেপশিংগী থবক পাংথোকপগী ফিভম য়েংশিনখি। অখন্নবা অমা ওইনা, মখোয়না লৌউ-শিংউগী পোৎলম, হার অমসুং ফার্মা পোত্থোকশিংগী বাইলেতরেল ত্রেদপু করম্না হেন্না খুমাং চাউশিলহনবা য়াবগে হায়বগী মতাংদা মশাগী ৱাখল্লোন লান্নখি।
লুচিংবা অনিনা মালেমগী ইন্নর্জী অমসুং চিঞ্জাক্কী কৈথেলশিংগী হৌজিক লৈরিবা ফিভম য়াওনা মালেমগী থৌদোক কয়াগী মতাংদা ৱারী শাখি।
য়ুক্রেন্দা হৌজিক ওইরিবা ফিভমগী মতাংদা প্রধান মন্ত্রীনা ভারতনা দাইলোগ অমসুং দিপ্লোমেসীগী মাইকৈদা মতম কুইনদগী লেপ্তনা লাকপবু অমুক্কা হন্না ফোংদোকখি।
লুচিংবশিং অসিনা মালেম অমসুং লৈবাক অনিগী ৱাফম কয়াগী মতাংদা চাং নাইনা পাউ ফাওনসি হায়বা য়ান্নখি।
***
(রিলিজ আই.দি.: 1838585)
ভিজিতর কাউন্তর : 205
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam