কমর্স অমসুং ইন্দস্ত্রী মন্ত্রালয়
azadi ka amrit mahotsav

ইং কুমজা ২০২০গী ওইনা বিজিনেস রিফোর্মস এক্সন প্লান ইমপ্লিমেন্ত তৌবদা য়ুম্ফম ওইবা রাজ্য/য়ু.তি.শিংগী এসেসমেন্ত লাউথোকখ্রে


আন্ধ্র প্রদেশ, গুজরাত, হরিয়ানা, কর্নাতকা, পঞ্জাব, তামিল নাদু অমসুং তেলঙ্গানানা তোপ এচিভর্স ওইরি

হিমাচল প্রদেশ, মধ্য প্রদেশ, মহারাস্ত্র, ওরিশা, উত্তরাখন্দ অমসুং উত্তর প্রদেশকী মশিংনা এচিভর্স কেতগোরীগী মখাদা লৈরি

রাজ্য অমসুং য়ু.তি.শিং নদজিং তৌদুনা ঐখোয়না রেস্পোন্সিব রিফোর্মশিং ইমপ্লিমেন্ত তৌরি: শ্রীমতি নির্মলা সিতারামন

কম্পিতিতিব অমসুং কোল্লাবোরেতিব ফেদরেলিজম লৈজরবসু লৈবাক শিনবা থুংবদা ইজ ওফ দুইং বিজিনেস হৌজিক্তি উবা ফংলে: শ্রী পিয়ুশ গোয়ল

Posted On: 30 JUN 2022 1:27PM by PIB Imphal

বিজিনেস রিফোর্মস এক্সন প্লান ইমপ্লিমেন্ত তৌবদা য়ুম্ফম ওইরগা আন্ধ্র প্রদেশ, গুজরাত, হরিয়ানা, কর্নাতকা, পঞ্জাব, তামিল নাদু অমসুং তেলঙ্গানানা তোপ এচিভর্স ওইরে। হিমাচল প্রদেশ, মধ্য প্রদেশ, মহারাস্ত্র, ওরিশা, উত্তরাখন্দ অমসুং উত্তর প্রদেশকী মশিংনা এচিভর্স কেতগোরীগী মখাদা লৈরি। অমরোমদা অসাম, ছত্তিসগর, গোৱা, ঝার্খন্দ, কেরালা, রাজস্থান অমসুং ৱেস্ত বেঙ্গোলনা এস্পায়র্স কেতগোরীদা লৈরি। অন্দমান অমসুং নিকোবর, বিহার, চান্দিগর, দামন এন্দ দিয়ু, দদ্রা অমসুং নগর হবেলি, দিল্লী, জম্মু অমসুং কাশ্মির, মনিপুর, মেঘালয়, নাগালেন্দ, পুদুচেরী অমসুং ত্রিপুরানা ইমর্জিং বিজিনেস ইকোসিস্তেমস কেতগোরীগী মখাদা লৈবা ঙমখ্রে।

শেল-থুম অমসুং কোর্পোরেৎ এফিয়র্সকী ইকাই খুম্নরবা মন্ত্রী, শ্রীমতি নির্মলা সিতারামন্না ঙসি নই দিল্লীদা বি.আর.এ.পি. এক্সর্সাইজকী ৫শুবা ইদিসন, বিজিনেস রিফোর্মস এক্সন প্লান (বি.আর.এ.পি.) ২০২০গী মখাদা রাজ্য/য়ু.তি.শিংগী এসেসমেন্ত লাউথোকখ্রে। কম্মর্স অমসুং ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসন অমসুং তেক্সতাইল্সকী ইকাই খুম্নরবা মন্ত্রী শ্রী পিয়ুশ গোয়ল, দি.পি.আই.আই.তি,গী সেক্রেতরী শ্রী অনুরাগ জেন অমসুং রাজ্য অমদি য়ু.তি. এদমিনিস্ত্রেসনগী মকোক থোংবা সরকারগী ওফিসিএলশিং য়াওবা থৌরম অমদা মসি লাউথোকখি।

এসেসমেন্ত রিপোর্ত ফোঙলবা মতুংদা ৱা ঙাংবদা শ্রীমতি সিতারামন্না হায়খি মদুদি ইং কুমজা ১৯৯১দগী হৌদুনা রিফোর্মশিংগী মওং-মতৌদা অহোংবা পুরকপা হৌখি। “হৌজিক পাইখৎলিবা রিফোর্মশিং অসি রেস্পোন্সিব রিফোর্মশিংনি। ঐখোয়দা ইমপ্লিমেন্ত তৌনবা খঙহনখিবা ইং কুমজা ১৯৯১গী রিফোর্মশিংগা খেন্নরদুনা হৌজিক্তি কমপলসন লৈতে। মসিগী পান্দমদি সিস্তেমশিংদা করি ফগৎহনবা ঙম্বা অমসুং ঐখোয়গীদমক হেন্না ফবা পুন্সি পীবা ঙম্বগে য়েংবনি। সরকারগী থাক খুদিংদা নদজকী ইলিমেন্ত অমা হাপখি। নদজিং হায়বা অসি সরকার খক্তনা তৌগনি হায়বা লৈতে মসিদা ইন্দস্ত্রীনা অচৌবা থৌদাং লৌবা য়াই” হায়না শেল-থুম মন্ত্রীনা ফোঙদোকখি। শেল-থুম মন্ত্রীনা চহি খরা অসিদা বিজিনেস রিফোর্মস এক্সন প্লানগী মখাদা ইমপ্লিমেন্তেসনগী এসেসমেন্ত ফ্রেমৱার্ক্তা অহোংবশিং পুরকখিবগীদমক থাগৎপা ফোঙদোকখি।

থৌরম অসিদা ৱা ঙাংলদুনা কম্মর্স এন্দ ইন্দস্ত্রীগী ইকাই খুম্নরবা মন্ত্রীনা হায়খি মদুদি এসেসমেন্ত অসি মলতিলিঙ্গুএল ফোর্মেৎতা লাকপা ফীদবেক্কী ১০০%গী ইভিদেন্স-বেজতগী শেমখি। মহাক্না হায়খি বি.আর.এ.পি. এক্সর্সাইজকী মথৌ অসি অমনা অমগী অফবা থৌওংশিংদগূ তমশিনবগী চৎনবী লৈহনবা অমসুং ভারতপু মালেম শিনবা থুংবদা খ্বাইদগী পাম্নরবা ইনভেস্তমেন্ত দেস্তিনেসন অমা ওইবা ঙমহন্নবা অপুনবা পান্দমগা লোয়ননা রাজ্য/য়ু.তি.শিংদা লৈরিবা বিজিনেস ক্লাইমেৎ ফগৎহনবনি।

“ইকাই খুম্নরবা প্রধান মন্ত্রীনা ইং কুমজা ২০১৪দা ইজ ওফ দুইং বিজিনেস হেনগৎহন্নবা শাহৌ পীখিবা মতমদা মহাক্ন মরু ওই হায়না লৌদুনা শাহৌ পীখিবা লমশিং অদুদা ঐখোয়না মালেমগী থাক্তা ঐখোয়গী রেঙ্কিং হেনগৎহন্নবা থবক পাইখৎপবদা ঐখোয়না রাজ্যশিং অমসুং য়ু.তি.শিং য়াওনা স্তেকহোল্দর পুম্নমক ঐখোয়গী খোঙথাংদা য়াওহন্দুনা মখোয়বু ওনবোর্দ তৌদুনা মীয়ামদা মখোয়গী ইকোসিস্তেমদা লৈরিবা খেন্নবা অমসুং অহোংবা অদু খঙহন্দুনা ইজ ওফ লিবিং ফংহনবা হায়বা অসি অমা ওইখি,” হায়না শ্রী গোয়লনা ফোঙদোকখি।

“২০১৪দগী হৌখিবা প্রোসেস অসি ঐখোয়না মাংদা চংশিল্লকপগা লোয়ননা মহৈ য়ানবা হৌরকখি। মফম খরা, সহর খরা অমসুং বিজিনেস খরাদা খক্তা লৈরম্বা ইজ ওফ দুইং বিজিনেস অসি ঐখোয়না কম্পিতিতিব ফেদরেলিজম অমসুং কোল্লাবোরেসনগী ৱাখল্লোনগী খুত্থঅংদা লৈবাক শিনবা থুংবদা ঐখোয়না উবা ফংলক্লি”, হায়না কম্মর্স অমসুং ইন্দস্ত্রীগী মন্ত্রীনা মখা তাখি।

দি.পি.আই.আই.তি,গী সেক্রেতরী শ্রী অনুরাগ জেন্না হায়খি মদুদি রাজ্য/য়ু.তি.কয়ামরুমগী মরক্তা লৈরিবা খেন্নবা অসি য়াম্না পীকই মরম অসিদা মখোয়বু রেঙ্ক পীবগী মহুৎ তোঙান-তোঙানবা কেতগোরীশিংগী মখাদা মখোয়বু চলহনখি।

বি.আর.এ.পি. ২০২০দা এক্সেস তু ইনফোর্মেসন, সিঙ্গল ৱিন্দো সিস্তেম, লেবর এনভাইর্নমেন্ত, লেন্দ এদমিনিস্ত্রেসন অমসুং লম অমসুং প্রোপর্তী ত্রান্সফর তৌবা, য়ুতিলিতী পর্মিৎশিং অমসুং অতোপ্পা কয়া য়াওনা বিজিনেস রিগ্যুলেতরীগী লম ১৫ কোনশিল্লিবা রিফোর্ম পোইন্ত ৩০১ য়াওরি। রিফোর্ম প্রোসেস মখা তানা হেনগৎহন্নবা অনৌবা রিফোর্ম ১১৮ হাপচিনখি। রিফোর্ম এজেন্দা পাকথোক-চাউথোকহন্নবা অহানবা ওইনা সেক্তর ৯দা মমিং ওইনা পল্লবদা ত্রেদ লাইসেন্স, হেল্থকিয়র, লিগেল মেত্রোলোজী, সিনেমা হোলস, হোস্পিতেলিতী, ফায়র এন.ও.সি., তেলিকোম, মুভি শুতিং অমসুং তুরিজমদা এক্সন পোইন্ত ৭২ য়াওবা সেক্তোরেল রিফোর্মশিং লৈহনখি।

মসিগী মপুং ওইবা পান্দমদি বিজিনেস রিফোর্মস এক্সন প্লান ইমপ্লিমেন্ত তৌবদা মখোয়গী পর্ফোর্মেন্সতা য়ুম্ফম ওইরগা রাজ্যশিং এসেস তৌনবা সিস্তেম অমগী খুত্থাংদা অফবা কম্পিতিসনগী ইলিমেন্ত অমা হাপচিন্দুনা লৈবাক শিনবা থুংবদা ইনভেস্তরগী থাজবা হেনগৎহনবা, বিজিনেস ফ্রেন্দলী ক্লাইমেৎ লৈহনবা অমসুং ইজ ওফ দুইং বিজিনেস লৈহনবনি। মমাংগী চহিদা রাজ্য/য়ু.তি.শিংদা রেঙ্ক পীখিবা অদু তোক্তুনা চহি অসিদা মখোয়বু কেতগোরী মরি হায়বদি তোপ এচিভর্স, এচিভর্স, এস্পায়র্স অমসুং ইমর্জিং বিজিনেস ইকোসিস্তেমসগী মখাদা খাইদোক্লি। রাজ্য/য়ু.তি.শিং এসেস তৌবগী পান্দমদি রাজ্য/য়ু.তি.শিংগী মরক্তা অনেম-অৱাং খাইদোকপগী মহুৎ লৈবাক শিনবা থুংবদা অফবা পাম্বৈশিং পাইখৎপা য়াহনগদাবা রাজ্য/য়ু.তি.শিংগী মরক্তা অমনা অমদগী তমশিন্নবা ফ্রেমৱার্ক অমা শেমগৎপনা ওইরি। এসেসমেন্ত অসিনা রিফোর্মশিং নীংথিনা ইমপ্লিমেন্ত তৌবগী মতাংদা ফীদবেক পীরিবা মীওইশিংগী গ্রাউন্দ লেবেলদা লৈরিবা একচুএল য়ুজর/রেস্পোন্দেন্তশিংগী ফংবা ফীদবেক্তা ফুল ৱেথতেজ পীরি।

২০১৪দগী হৌনা দি.পি.আই.আই.তি.না রাজ্য/য়ু.তি.শিংবু বিজিনেস রিফোর্মস এক্সন প্লান (বি.আর.এ.পি.) এক্সর্সাইজতা পীরিবা রিফোর্মশিং ইমপ্লিমেন্ত তৌবগী মখোয়গী পর্ফোর্মেন্সতা য়ুম্ফম ওইরগা এসেস তৌই। হৌজিক ফাওবদা রাজ্য/য়ু.তি.শিংগী এসেসমেন্ত অসি ২০১৫, ২০১৬, ২০১৭-১৮ অমসুং ২০১৯গী ফোঙদোকখ্রে।

রিফোর্মশিং ইমপ্লিমেন্ত তৌবগী রাজ্য/য়ু.তি.শিংগী থৌওং অসি খঙজিনবা তঙাই ফদে অমসুং ৱাখল্লোন অসিগা লোয়ননা দি.পি.আই.আই.তি.না বিজিনেস এনভাইর্নমেন্ত ফগৎহন্নবা রাজ্য/য়ু.তি.শিংনা পাইখৎপা শীংথানীংঙাই ওইবা রিফোর্মগী খোঙথাংশিং মশক খঙদোক্নবা রাজ্য/য়ু.তি.শিংবু কেতগোরী সেগমেন্তেসনগী মতুং ইন্না এসেস তৌরি অমসুং খাইদোক্লি।

 

 

 

(অল্ফাবেতিক ওর্দরগী মতুং ইন্না মমিংশিং পীরি)

বি.আর.এ.পি. ২০২০গী তোপ এচিভর্সকী মখাদা লৈরিবা রাজ্য/য়ু.তি.শিং:

 

আন্দ্র প্রদেশ

গুজরাত

হরিয়ানা

কর্নাতকা

পঞ্জাব

তামিল নাদু

তেলঙ্গানা

 

 

বি.আর.এ.পি. ২০২০গী এচিভর্সকী মখাদা লৈরিবা রাজ্য/য়ু.তি.শিং:

 

হিমাচল প্রদেশ

মধ্য প্রদেশ

মহারাস্ত্র

ওরিশা

উত্তরাখন্দ

উত্তর প্রদেশ

 

বি.আর.এ.পি. ২০২০গী এস্পায়র্সকী মখাদা লৈরিবা রাজ্যশিং:

 

অসাম

ছত্তিসগর

গোৱা

ঝার্খন্দ

কেরালা

রাজস্থান

ৱেস্ত বেঙ্গল

 

বি.আর.এ.পি. ২০২০গী ইমর্জিং বিজিনেস ইকোসিস্তেমস মখাদা লৈরিবা রাজ্যশিং:

 

অন্দমান এন্দ নিকোবর

বিহার

চান্দিগর

দামন এন্দ দিয়ু, দদ্রা এন্দ নগর হবেলি

দিল্লী

জম্মু অমসুং কাশ্মির

মনিপুর

মেঘালয়

নাগালেন্দ

পুদুচেরী

ত্রিপুরা

 

য়ুজর দেতা মতিক চানা লৈতবনা মরম ওইদুনা সিক্কিম, মিজোরাম, অরুনাচল প্রদেশ, লক্ষদীপ অমসুং লদাখকী ওইনা ফীদবেক লৌবা ঙমখিদে।

 

*****



(Release ID: 1838223) Visitor Counter : 68