মহামান্য ৰাষ্ট্ৰপতি ছজি,

মহামান্য ৰাষ্ট্ৰপতি ৰামাফোচা,

মহামান্য ৰাষ্ট্ৰপতি বলচোনাৰো,

মহামান্য ৰাষ্ট্ৰপতি পুটিন,

প্ৰথমতে, আন্তঃৰাষ্ট্ৰীয় যোগ দিৱস উপলক্ষে সকলো ব্ৰিকছ দেশত অনুষ্ঠিত হোৱা চমৎকাৰ অনুষ্ঠানৰ বাবে মই আপোনালোক সকলোকে অভিনন্দন জনাইছো। আপোনালোকৰ দলৰ পৰা আমি লাভ কৰা সমৰ্থনৰ বাবে মই কৃতজ্ঞতা জ্ঞাপন কৰিব বিচাৰো।

মহামান্য,

আজি একেৰাহে তৃতীয় বছৰৰ বাবে, আমি ক’ভিড মহামাৰীৰ প্ৰত্যাহ্বানৰ মাজত প্ৰায় মিলিত হৈছো। যদিও মহামাৰীৰ পৰিমাণ আগৰ তুলনাত বিশ্বব্যাপী হ্ৰাস পাইছে, অৱশ্যে ইয়াৰ বহুতো কুপ্ৰভাৱ এতিয়াও বিশ্ব অৰ্থনীতিত দৃশ্যমান হৈ আছে। আমি, ব্ৰিকছসদস্য দেশসমূহে, বিশ্ব অৰ্থনীতিৰ শাসনৰ ক্ষেত্ৰত একে ধৰণৰ দৃষ্টিভংগী ৰাখিছো। আৰু সেয়েহে আমাৰ পাৰস্পৰিক সহযোগিতাই ক’ভিডৰ পিছত বিশ্বব্যাপী পুনৰুদ্ধাৰত এক উপযোগী অৱদান আগবঢ়াব পাৰে। বিগত বছৰবোৰত, আমি ব্ৰিকছত কেইবাটাও প্ৰতিষ্ঠানগত সংস্কাৰ সাধন কৰিছো, যাৰ ফলত এই সংগঠনটোৰ কাৰ্যকৰীতা বৃদ্ধি পাইছে।

এইটোও সুখৰ বিষয় যে আমাৰ নতুন উন্নয়ন বেংকৰ সদস্যপদো বৃদ্ধি পাইছে। এনে বহুতো ক্ষেত্ৰ আছে য'ত আমাৰ নাগৰিকসকলৰ জীৱন আমাৰ পাৰস্পৰিক সহযোগিতাৰ দ্বাৰা পোনপটীয়াকৈ লাভান্বিত হৈছে। উদাহৰণ স্বৰূপে, ভেকছিনৰ গৱেষণা আৰু বিকাশ কেন্দ্ৰ স্থাপন, কাষ্টম বিভাগবোৰৰ মাজত সমন্বয়, এক অংশীদাৰী উপগ্ৰহ নক্ষত্ৰমণ্ডল স্থাপন, ফাৰ্মা সামগ্ৰীৰ পাৰস্পৰিক স্বীকৃতি ইত্যাদি। এনে ধৰণৰ ব্যৱহাৰিক পদক্ষেপে ব্ৰিকছক এক অনন্য আন্তঃৰাষ্ট্ৰীয় সংগঠন তৈয়াৰ কৰে যাৰ মনোযোগ কেৱল আলোচনাতে সীমাবদ্ধ নহয়।

ব্ৰিকছ যুৱ সন্মিলন, ব্ৰিকছ ক্ৰীড়া আৰু আমাৰ নাগৰিক সমাজ সংগঠন আৰু থিংক টেংকসমূহৰ মাজত আদান-প্ৰদান বৃদ্ধিয়ে আমাৰ জনসাধাৰণৰ মাজত সম্পৰ্ক শক্তিশালী কৰিছে ।

মই নিশ্চিত যে আজিৰ আলোচনাই আমাৰ ব্ৰিকছ সম্পৰ্ক অধিক শক্তিশালী কৰাৰ বাবে বহুতো পৰামৰ্শ আগবঢ়াব।

ধন্যবাদ।

***

DS/AK/MANN