ମହାମହୀମ ରାଷ୍ଟ୍ରପତି ସି,

ମହାମହୀମ ରାଷ୍ଟ୍ରପତି ରାମାଫୋସା,

ମହାମହୀମ ରାଷ୍ଟ୍ରପତି ବୋଲସୋନାରୋ,

ମହାମହୀମ ରାଷ୍ଟ୍ରପତି ପୁଟିନ,

ସର୍ବପ୍ରଥମେ, ଅନ୍ତର୍ଜାତୀୟ ଯୋଗ ଦିବସ ଅବସରରେ ସମସ୍ତ ବି୍ରକସ ଦେଶରେ ହୋଇଥିବା ଚମକ୍ରାର ଆୟୋଜନ ନିମନ୍ତେ ଆପଣମାନଙ୍କୁ ସମସ୍ତଙ୍କୁ ଅଭିନନ୍ଦନ ଜଣାଉଛି । ଆପଣମାନଙ୍କ ଟିମଗୁଡ଼ିକରୁ ମିଳିଥିବା ସହଯୋଗ ଲାଗି ମଧ୍ୟ ଧନ୍ୟବାଦ ବ୍ୟକ୍ତ କରିବାକୁ ଚାହୁଁଛି ।

ମହାମହୀମମାନେ,

ଆଜି ଲଗାତର ତୃତୀୟ ବର୍ଷ, ଆମେ କୋଭିଡ ମହାମାରୀ ଚ୍ୟାଲେଞ୍ଜ ମଧ୍ୟରେ ଭର୍ଚୁଆଲ ଭାବେ ଏକତି୍ରତ ହୋଇଛେ ।

ଯଦିଓ, ବିଶ୍ୱ ସ୍ତରରେ ମହାମାରୀ ପ୍ରକୋପ ପୂର୍ବ ତୁଳନାରେ ହ୍ରାସ ପାଇଛି, କିନ୍ତୁ ଏହାର ଅନେକ କୁପ୍ରଭାବ ଏବେ ବି ବିଶ୍ୱ ଅର୍ଥ ବ୍ୟବସ୍ଥାରେ ଦେଖିବାକୁ ମିଳୁଛି ।

ବିଶ୍ୱ ଅର୍ଥ ବ୍ୟବସ୍ଥାର ଗଭର୍ଣ୍ଣାନ୍ସ ବାବଦରେ ଆମେ ବ୍ରିକସ ସଦସ୍ୟ ରାଷ୍ଟ୍ରମାନଙ୍କର ଦୃଷ୍ଟିକୋଣ ପ୍ରାୟତଃ ସମାନ ରହିଛି ।

ଏବଂ ଏଥିପାଇଁ ଆମର ପାରସ୍ପରିକ ସହଯୋଗ ବିଶ୍ୱ ସ୍ତରରେ କୋଭିଡ ପରବର୍ତ୍ତୀ ସୁଧାର ପାଇଁ ଉପଯୋଗୀ ଯୋଗଦାନ ଦେଇପାରିବ ।

ଗତବର୍ଷ ଆମେ ବ୍ରିକସରେ ଅନେକ ସଂସ୍ଥାଗତ ସୁଧାର ଆଣିଛେ, ଯାହାଦ୍ୱାରା ଏହି ସଂଗଠନର ପ୍ରଭାବ ବୃଦ୍ଧି ପାଇଛି । ଏହା ମଧ୍ୟ ଖୁସିର ବିଷୟ ଯେ ଆମର ‘ନୁ୍ୟ ଡେଭଲପମେଣ୍ଟ ବ୍ୟାଙ୍କ’ର ସଦସ୍ୟତାରେ ବୃଦ୍ଧି ହୋଇଛି ।

ଏଭଳି ଅନେକ କ୍ଷେତ୍ର ରହିଛି, ଯେଉଁଠି ଆମର ପାରସ୍ପରିକ ସହଯୋଗ ଦ୍ୱାରା ନାଗରିକଙ୍କ ଜୀବନକୁ ପ୍ରତ୍ୟକ୍ଷ ଫାଇଦା ମିଳିପାରୁଛି ।

ଯେମିତି କି ଭ୍ୟାକ୍ସିନ ଆରଆଣ୍ଡଡି ସେଣ୍ଟର ପ୍ରତିଷ୍ଠା, ବହିଃଶୁଳ୍କ ବିଭାଗଗୁଡ଼ିକ ମଧ୍ୟରେ ସମନ୍ୱୟ, ଆପୋସ ଉପଗ୍ରହ ମଣ୍ଡଳର ସ୍ଥାପନା, ଫାର୍ମା ଉତ୍ପାଦଗୁଡ଼ିକର ପାରସ୍ପରିକ ସ୍ୱୀକୃତି, ଇତ୍ୟାଦି ।

ଏହିଭଳି ଭାବେ ପ୍ରୟୋଗାତ୍ମକ ପଦକ୍ଷେପ ବି୍ରକସକୁ ଏକ ଅନନ୍ୟ ଅନ୍ତର୍ଜାତୀୟ ସଂଗଠନ ବନାଇଛି, ଯାହାର ଫୋକସ କେବଳ ଆଲୋଚନା ମଧ୍ୟରେ ସୀମିତ ନାହିଁ ।

ବ୍ରିକସ ଯୁବ ଶିଖର ସମ୍ମିଳନୀ, ବ୍ରିକସ କ୍ରୀଡ଼ା, ଏବଂ ଆମର ସାଧାରଣ ନାଗରିକ ସଂଗଠନ ଓ ଥିଙ୍କ-ଟ୍ୟାଙ୍କଗୁଡ଼ିକ ମଧ୍ୟରେ ସମ୍ପର୍କ ବୃଦ୍ଧି କରି, ଆମେ ନିଜ ଲୋକମାନଙ୍କ ମଧ୍ୟରେ ଯୋଗାଯୋଗକୁ ମଧ୍ୟ ମଜଭୁତ କରିଛୁ ।

ମୋର ପୂର୍ଣ୍ଣ ବିଶ୍ୱାସ ଯେ ଆଜିର ଆଲୋଚନା ଆମ ବି୍ରକସ ସମ୍ପର୍କକୁ ଆହୁରି ସଶକ୍ତ ବନାଇବା ପାଇଁ ଅନେକ ପରାମର୍ଶ ବାହାର କରିବ ।

ଧନ୍ୟବାଦ ।

SR