ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ପ୍ରଗତି ମଇଦାନ ସମନ୍ୱିତ ଟ୍ରାଞ୍ଜିଟ୍ କରିଡର ପ୍ରକଳ୍ପର ମୁଖ୍ୟ ଟନେଲ୍ ଏବଂ ପାଞ୍ଚଟି ଭୂତଳ ରାସ୍ତା ଦେଶ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ସମନ୍ୱିତ ଟ୍ରାଞ୍ଜିଟ୍ କରିଡର ପ୍ରକଳ୍ପ ହେଉଛି ପ୍ରଗତି ମଇଦାନ ପୁନଃ ବିକାଶ ପ୍ରକଳ୍ପର ଏକ ଅଂଶବିଶେଷ । ଏହି କାର୍ଯ୍ୟକ୍ରମରେ କେନ୍ଦ୍ର ମନ୍ତ୍ରୀ ଶ୍ରୀ ପୀୟୁଷ ଗୋଏଲ, ଶ୍ରୀ ହରଦୀପ ସିଂହ ପୁରୀ, ଶ୍ରୀ ସୋମ ପ୍ରକାଶ, ଶ୍ରୀମତୀ ଅନୁପ୍ରିୟା ପଟେଲ ଏବଂ ଶ୍ରୀ କୌଶଲ କିଶୋର ପ୍ରମୁଖ ଉପସ୍ଥିତ ଥିଲେ ।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଏହି ପ୍ରକଳ୍ପକୁ କେନ୍ଦ୍ର ସରକାରଙ୍କ ଦିଲ୍ଲୀବାସୀଙ୍କୁ ଏକ ବଡ ଉପହାର ବୋଲି କହିଛନ୍ତି । ଟ୍ରାଫିକ୍ ସମସ୍ୟା ଏବଂ ମହାମାରୀ ଯୋଗୁଁ ପ୍ରକଳ୍ପ ସଂପୂର୍ଣ୍ଣ କରିବାରେ ଆହ୍ୱାନକୁ ସେ ସ୍ମରଣ କରିଥିଲେ । ସେ ଏହି କାର୍ଯ୍ୟ ସମାପ୍ତ କରିବା ପାଇଁ ନୂତନ ଭାରତର ନୂତନ କାର୍ଯ୍ୟ ସଂସ୍କୃତି ଏବଂ ଶ୍ରମିକ ଏବଂ ଯନ୍ତ୍ରୀମାନଙ୍କୁ ଶ୍ରେୟ ଦେଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ଏହା ହେଉଛି ଏକ ନୂତନ ଭାରତ ଯାହା  ସମସ୍ୟାର ସମାଧାନ କରିଥାଏ, ନୂତନ ପ୍ରତିଶ୍ରୁତି ଦେଇଥାଏ ଏବଂ ସେହି ପ୍ରତିଶ୍ରୁତି ପୂରଣ ପାଇଁ ଅବିଶ୍ରାନ୍ତ ଭାବେ କାର୍ଯ୍ୟ କରିଥାଏ ।

ପ୍ରଧାନମନ୍ତ୍ରୀ କହିଛନ୍ତି ଯେ ଏକବିଂଶ ଶତାବ୍ଦୀର ଆବଶ୍ୟକତା ଅନୁଯାୟୀ ଏହି ଟନେଲ୍ ପ୍ରଗତି ମଇଦାନକୁ ରୂପାନ୍ତର କରିବାର ଅଭିଯାନର ଏକ ଅଂଶ । ସେ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ଯେ ଭାରତ ବଦଳିବା ସତ୍ୱେ ଭାରତକୁ ଦେଖାଇବା ପାଇଁ ସୃଷ୍ଟି ହୋଇଥିବା ପ୍ରଗତି ମଇଦାନ ପଦକ୍ଷେପର ଅଭାବ ଏବଂ ରାଜନୀତି ହେତୁ ପଛରେ ପଡିଯାଇଛନ୍ତି । ସେ କହିଛନ୍ତି, ଦୁର୍ଭାଗ୍ୟବଶତଃ ପ୍ରଗତି ମଇଦାନରେ ଅଧିକ “ପ୍ରଗତି”(ଅଗ୍ରଗତି) ନଥିଲା । ପୂର୍ବରୁ ବହୁ ଧୂମ୍‍ଧାମ ଏବଂ ପ୍ରଚାର ସତ୍ତ୍ୱେ ଏହା କରାଯାଇ ନଥିଲା । ଦେଶର ରାଜଧାନୀରେ କାର୍ଯ୍ୟକ୍ରମ ପାଇଁ ବିଶ୍ୱ ସ୍ତରୀୟ ସୁବିଧା ଥିବା ପ୍ରଦର୍ଶନୀ ହଲ୍ ପାଇଁ ଭାରତ ସରକାର ନିରନ୍ତର କାର୍ଯ୍ୟ କରୁଛନ୍ତି ବୋଲି ସେ କହିଛନ୍ତି । ପ୍ରଗତି ମଇଦାନ କେନ୍ଦ୍ର ସରକାରଙ୍କ ଦ୍ୱାରା ବିକଶିତ ଆଧୁନିକ ଭିତ୍ତିଭୂମି ଦିଲ୍ଲୀର ଚିତ୍ର ବଦଳାଇ ଏହାକୁ ଆଧୁନିକୀକରଣ କରୁଛି । ଚିତ୍ରରେ ଏହି ପରିବୟର୍ତ୍ତନ ଭାଗ୍ୟ ପରିବର୍ତ୍ତନ କରିବାର ଏକ ମାଧ୍ୟମ ବୋଲି ସେ କହିଛନ୍ତି । ସାଧାରଣ ଲୋକଙ୍କ ପାଇଁ ସହଜ ଜୀବନ ଯାପନ ସକାଶେ ଭିତ୍ତିଭୂମିର ଆଧୁନିକୀକରଣ ଉପରେ ଧ୍ୟାନ ଦିଆଯାଉଛି । ପରିବେଶ ସମ୍ବେଦନଶୀଳ ତଥା ଜଳବାୟୁ ସଚେତନ ଭିତ୍ତିଭୂମି ବିକାଶର ଆବଶ୍ୟକତାକୁ ସେ ଦୋହରାଇଛନ୍ତି । ଦୀର୍ଘଦିନ ଧରି ପଡି ରହିଥିବା ସମସ୍ୟା, ପରିବେଶ ଅନୁକୂଳ ର୍ନିମାଣ ଏବଂ ଦେଶ ପାଇଁ କାର୍ଯ୍ୟ କରୁଥିବା ଲୋକଙ୍କ ଯତ୍ନ ନେବା ପାଇଁ ପ୍ରଧାନମନ୍ତ୍ରୀ ଆଫ୍ରିକା ଆଭେନ୍ୟୁ ଏବଂ କସ୍ତୁରବା ଗାନ୍ଧୀ ରୋଡରେ ନୂତନ ପ୍ରତିରକ୍ଷା କାର୍ଯ୍ୟାଳୟ ସୌଧର ଉଦାହରଣ ଦେଇଛନ୍ତି । ସେ ଆହୁରି ମଧ୍ୟ ସନ୍ତୋଷ ବ୍ୟକ୍ତ କରିଛନ୍ତି ଯେ କେନ୍ଦ୍ରୀୟ ଭିସ୍ତା ପ୍ରକଳ୍ପ ଦ୍ରୁତ ଗତିରେ କାର୍ଯ୍ୟ କରୁଛି ଏବଂ ଆଗାମୀ ଦିନରେ ଭାରତର ରାଜଧାନୀ ବିଶ୍ୱ ସ୍ତରରେ ଚର୍ଚ୍ଚାର ବିଷୟ ହେବ ଏବଂ ଭାରତୀୟଙ୍କ ପାଇଁ ଗର୍ବର ବିଷୟ ହେବ ବୋଲି ସେ କହିଛନ୍ତି ।

ପ୍ରଧାନମନ୍ତ୍ରୀ ସମୟ ଏବଂ ଇନ୍ଧନ ସଞ୍ଚୟ, ସମନ୍ୱିତ କରିଡରରୁ ମିଳିବାକୁ ଥିବା ବଡ ଲାଭ ସଂକ୍ରାନ୍ତରେ ଆଲୋଚନା କରିଛନ୍ତି । ଏକ ଆକଳନ ଅନୁଯାୟୀ ଟ୍ରାଫିକ ହ୍ରାସ ଯୋଗୁଁ ପରିବେଶ ଲାଭାଂଶ ଆକାରରେ ୫୫ ଲକ୍ଷ ଲିଟର ଇନ୍ଧନ ଏବଂ ୫ ଲକ୍ଷ ଗଛ ଲଗାଇବା ସହିତ ସମାନ ବୋଲି ସେ କହିଛନ୍ତି । ଜୀବନର ସହଜତା ବୃଦ୍ଧି ପାଇଁ ଏହି ସ୍ଥାୟୀ ସମାଧାନ ହେଉଛି ସମୟର ଆବଶ୍ୟକତା ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ଗତ ୮ ବର୍ଷ ମଧ୍ୟରେ ଆମେ ଦିଲ୍ଲୀ-ଏନସିଆର ସମସ୍ୟାର ସମାଧାନ ପାଇଁ ଅଭୂତପୂର୍ବ ପଦକ୍ଷେପ ଗ୍ରହଣ କରିଛୁ । ଗତ ୮ ବର୍ଷ ମଧ୍ୟରେ ଦିଲ୍ଲୀ-ଏନସିଆରରେ ମେଟ୍ରୋ ସେବା ୧୯୩ କିଲୋମିଟରରୁ ୪୦୦ କିଲୋମିଟରକୁ ବୃଦ୍ଧି ପାଇଛି ଯାହାକି ଦୁଇ ଗୁଣରୁ ଅଧିକ । ମେଟ୍ରୋ ଏବଂ ସାଧାରଣ ପରିବହନ ବ୍ୟବହାର କରିବାର ଅଭ୍ୟାସ ବଢାଇବାକୁ ସେ ଲୋକଙ୍କୁ କହିଛନ୍ତି । ସେହିଭଳି ପୂର୍ବ ଏବଂ ପଶ୍ଚିମ ପେରିଫେରାଲ୍ ଏକ୍ସପ୍ରେସୱେ, ଦିଲ୍ଲୀ-ମିରଟ ଏକ୍ସପ୍ରେସୱେ ଦିଲ୍ଲୀର ନାଗରିକମାନଙ୍କୁ ବହୁତ ସାହାଯ୍ୟ କରିଛି । କାଶୀ ରେଳ ଷ୍ଟେସନରେ ନାଗରିକ ତଥା ଅନ୍ୟ ହିତାଧିକାରୀଙ୍କ ସହ ହୋଇଥିବା ବାର୍ତ୍ତାଳାପକୁ ନେଇ ପ୍ରଧାନମନ୍ତ୍ରୀ କହିଛନ୍ତି ଯେ ସାଧାରଣ ଲୋକଙ୍କ ମାନସିକତାରେ ଏକ ବଡ଼ ପରିବର୍ତ୍ତନ ଆସିଛି ଏବଂ ସେହି ପରିବର୍ତ୍ତନ ଅନୁଯାୟୀ କାର୍ଯ୍ୟ ଜାରି ରଖିବାକୁ ସରକାର ସମସ୍ତ ଉଦ୍ୟମ କରୁଛନ୍ତି । ସେ ଦର୍ଶାଇଛନ୍ତି ଯେ ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେ, ଦିଲ୍ଲୀ-ଡେରାଡୁନ୍ ଏକ୍ସପ୍ରେସୱେ, ଦିଲ୍ଲୀ-ଅମୃତସର ଏକ୍ସପ୍ରେସୱେ, ଦିଲ୍ଲୀ-ଚଣ୍ଡିଗଡ଼ ଏକ୍ସପ୍ରେସୱେ ଏବଂ ଦିଲ୍ଲୀ-ଜୟପୁର ଏକ୍ସପ୍ରେସୱେ ଦିଲ୍ଲୀକୁ ବିଶ୍ୱର ସର୍ବୋତ୍ତମ ସଂଯୋଗକାରୀ ରାଜଧାନୀ ଭାବେ ପରିଣତ କରୁଛି । ସେ ମଧ୍ୟ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଦିଲ୍ଲୀର ମିରଟ୍ ଦ୍ରୁତ ରେଳ ବ୍ୟବସ୍ଥା ବିଷୟରେ ଉଲ୍ଲେଖ କରିବା ସହିତ ଦିଲ୍ଲୀର ପରିଚୟକୁ ଭାରତର ରାଜଧାନୀ ଭାବରେ ପରିଣତ କରୁଥିବା ଏବଂ ଏହା ଦ୍ୱାରା ବୃତ୍ତିଧାରୀ, ସାଧାରଣ ଲୋକ, ଛାତ୍ର, ଯୁବକ, ବିଦ୍ୟାଳୟ ଏବଂ ଅଫିସ୍ ଯାଉଥିବା ଲୋକେ, ଟ୍ୟାକ୍ସି ଅଟୋ ଡ୍ରାଇଭର ଏବଂ ବ୍ୟବସାୟୀ ଗୋଷ୍ଠି ଉପକୃତ ହେବେ ବୋଲି କହିଥିଲେ ।

ପ୍ରଧାନମନ୍ତ୍ରୀ କହିଛନ୍ତି ଯେ ପିଏମ୍‍ ଗତିଶକ୍ତି ଜାତୀୟ ମାଷ୍ଟର ପ୍ଲାନର ଲକ୍ଷ୍ୟ ଜରିଆରେ ଦେଶ ବହୁମୁଖୀ ସଂଯୋଗ ସୃଷ୍ଟି କରୁଛି । ସେ କହିଛନ୍ତି, ପିଏମ୍‍ ଗତିଶକ୍ତି ଜାତୀୟ ମାଷ୍ଟର ପ୍ଲାନ ହେଉଛି ହେଉଛି ସବକା ବିଶ୍ୱାସ ଏବଂ ସବକା ପ୍ରୟାସର ଏକ ମାଧ୍ୟମ । ପ୍ରଧାନମନ୍ତ୍ରୀ ରାଜ୍ୟଗୁଡିକ ଦ୍ୱାରା ଗତିଶକ୍ତିକୁ ଗ୍ରହଣ କରିବା ନେଇ ସନ୍ତୋଷ ବ୍ୟକ୍ତି କରିଛନ୍ତି କାରଣ ନିକଟରେ ଧର୍ମଶାଳା ଠାରେ ଆୟୋଜିତ ମୁଖ୍ୟ ଶାସନ ସଚିବ ସମ୍ମିଳନୀରେ ତାଙ୍କୁ ଏ ବିଷୟରେ ଅବଗତ କରାଯାଇଥିଲା ।  ସେ କହିଛନ୍ତି ଯେ ‘ଅମୃତ କାଳ\' ସମୟରେ ଦେଶର ମେଟ୍ରୋ ସହରଗୁଡିକର ପରିସର ବିସ୍ତାର କରିବା ଏବଂ ଦ୍ୱିତୀୟ ବର୍ଗ, ତୃତୀୟ ବର୍ଗ ସହରରେ ଉନ୍ନତ ଯୋଜନା ସହ କାର୍ଯ୍ୟ କରିବା ଆବଶ୍ୟକ । ଅସେନ୍ତା ୨୫ ବର୍ଷରେ ଭାରତର ଦ୍ରୁତ ବିକାଶ ପାଇଁ ଆମକୁ ସବୁଜ, ପରିଷ୍କାର ଏବଂ ବନ୍ଧୁତ୍ୱପୂର୍ଣ୍ଣ ସହର ହେବା ଆବଶ୍ୟକ ।  ପ୍ରଧାନମନ୍ତ୍ରୀ କହିଛନ୍ତି ଯେ ଯଦି ଆମେ ସହରୀକରଣକୁ ଏକ ଆହ୍ୱାନ ପରିବର୍ତ୍ତେ ଏକ ସୁଯୋଗ ଭାବରେ ଗ୍ରହଣ କରୁ, ତେବେ ଏହା ଦେଶର ବହୁ ବିକାଶରେ ସହାୟକ ହେବ ।

ପ୍ରଥମ ଥର ପାଇଁ ପ୍ରଧାନମନ୍ତ୍ରୀ କହିଛନ୍ତି ଯେ କୌଣସି ସରକାର ଏତେ ବୃହତ ପରିମାଣରେ ସହରାଞ୍ଚଳ ଯୋଜନାକୁ ଗୁରୁତ୍ୱ ଦେଉଛନ୍ତି । ସହରୀ ଗରିବ ଠାରୁ ଆରମ୍ଭ କରି ସହରୀ ମଧ୍ୟବିତ୍ତଙ୍କ ପର୍ଯ୍ୟନ୍ତ ସମସ୍ତଙ୍କୁ ଉନ୍ନତ ସୁବିଧା ଯୋଗାଇବା ପାଇଁ କାର୍ଯ୍ୟ କରାଯାଉଛି । ଗତ ୮ ବର୍ଷ ମଧ୍ୟରେ ସହରାଞ୍ଚଳର ୧ କୋଟିରୁ ୭୦ ଲକ୍ଷ ଗରିବ ଲୋକଙ୍କୁ ପକ୍କା ଘର ସୁନିଶ୍ଚିତ କରାଯାଇଛି । ମଧ୍ୟବିତ୍ତ ପରିବାରର ଲକ୍ଷ ଲକ୍ଷ ଲୋକଙ୍କୁ ମଧ୍ୟ ସେମାନଙ୍କ ଘର ର୍ନିମାଣ ପାଇଁ ସହାୟତା ଦିଆଯାଇଛି । ଯଦି ସହରଗୁଡିକରେ ଆଧୁନିକ ସାଧାରଣ ପରିବହନ ଉପରେ ଧ୍ୟାନ ଦିଆଯାଏ, ତେବେ ସିଏନଜି ଆଧାରିତ ଗମନାଗମନ ଏବଂ ବୈଦ୍ୟୁତିକ ପରିବହନ ଭିତ୍ତିଭୂମିକୁ ମଧ୍ୟ ଅଗ୍ରାଧିକାର ମିଳିବ । କେନ୍ଦ୍ର ସରକାରଙ୍କ ଏଫଏଏମ୍‍ଇ ଯୋଜନା ଏହାର ଏକ ଉତ୍ତମ ଉଦାହରଣ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ଗାଡିରୁ ଓହ୍ଲାଇ ଟନେଲରେ ଚାଲୁଥିବାବେଳେ ପ୍ରଧାନମନ୍ତ୍ରୀ କହିଛନ୍ତି ଯେ ଟନେଲରେ ଥିବା କଳାକୌଶଳ ଯୋଜନାବଦ୍ଧ କାର୍ଯ୍ୟଠାରୁ ଅଧିକ ମୂଲ୍ୟ ଯୋଗ କରିଛି ଏବଂ ଏହା ଏକ ଭରତ ଶ୍ରେଷ୍ଠ ଭାରତର ଏକ ମହାନ ଅଧ୍ୟୟନ କେନ୍ଦ୍ର ଅଟେ । ସେ କହିଛନ୍ତି, ବୋଧହୁଏ, ଏହା ଦୁନିଆର ସବୁଠୁ ଦୀର୍ଘ ଆର୍ଟ ଗ୍ୟାଲେରୀ ମଧ୍ୟରେ ଅଛି । ସେ ପରାମର୍ଶ ଦେଇଛନ୍ତି ଯେ ରବିବାର ଦିନ କିଛି ସମୟ ପାଇଁ ଏହି ଟନେଲକୁ କେବଳ ସ୍କୁଲ ପିଲା ଏବଂ ପଥଚାରୀଙ୍କ ପାଇଁ ଖୋଲା ରଖାଯିବା ଉଚିତ ଯାହାଦ୍ୱାରା କି କଳାକୌଶଳ ଏବଂ ଆବେଗକୁ ପ୍ରଶଂସା କରାଯାଇ ପାରିବ ।

ପ୍ରକଳ୍ପର ବିବରଣୀ:

ପ୍ରଗତି ମଇଦାନ ସମନ୍ୱିତ ଟ୍ରାଞ୍ଜିଟ୍ କରିଡର ପ୍ରକଳ୍ପ ୯୨୦କୋଟି ଟଙ୍କାରୁ ଅଧିକ ମୂଲ୍ୟରେ ର୍ନିମାଣ କରାଯାଇଛି ଏବଂ ସମ୍ପୂର୍ଣ୍ଣ ଭାବେ କେନ୍ଦ୍ର ସରକାରଙ୍କ ଦ୍ୱାରା ଅନୁଦାନ ପ୍ରାପ୍ତ । ପ୍ରଗତି ମଇଦାନରେ ବିକଶିତ ହୋଇଥିବା ନୂତନ ବିଶ୍ୱ ସ୍ତରୀୟ ପ୍ରଦର୍ଶନୀ ଏବଂ ସମ୍ମିଳନୀ କେନ୍ଦ୍ରକୁ ସମସ୍ୟା ମୁକ୍ତ ଏବଂ ଅତ୍ୟାଧୁନିକ ସୁବିଧା ଯୋଗାଇବା ପାଇଁ ଲକ୍ଷ୍ୟ ରଖାଯାଇଛି, ଯାହାଦ୍ୱାରା ପ୍ରଗତି ମଇଦାନରେ ଆୟୋଜିତ କାର୍ଯ୍ୟକ୍ରମରେ ପ୍ରଦର୍ଶକ ଏବଂ ପରିଦର୍ଶକମାନଙ୍କ ଅଂଶଗ୍ରହଣ ସହଜ ହୋଇପାରିବ ।

ଏହି ପ୍ରକଳ୍ପର ପ୍ରଭାବ ପ୍ରଗତି ମଇଦାନଠାରୁ ବହୁ ଦୂରରେ ପଡିବ କାରଣ ଏହା ବାଧା ମୁକ୍ତ ଯାନବାହନ ଚଳାଚଳକୁ ନିଶ୍ଚିତ କରିବ, ଯାତ୍ରୀମାନଙ୍କ ସମୟ ଏବଂ ଅର୍ଥକୁ ଏକ ବଡ଼ ଉପାୟରେ ସଞ୍ଚୟ କରିବାରେ ସାହାଯ୍ୟ କରିବ । ସହରାଞ୍ଚଳର ଭିତ୍ତିଭୂମି ପରିବର୍ତ୍ତନ କରି ଲୋକଙ୍କ ସହଜ ଜୀବନଯାପନକୁ ସୁନିଶ୍ଚିତ କରିବା ସରକାରଙ୍କ ଦୃଷ୍ଟିଭଙ୍ଗୀର ଏକ ଅଂଶ ।

ମୁଖ୍ୟ ଟନେଲ୍ ରିଙ୍ଗ ରୋଡ୍ ସହିତ ପ୍ରଗତି ମଇଦାନ ଦେଇ ଯାଉଥିବା ପୁରାଣ କିଲା ରୋଡ୍ ଦେଇ ଇଣ୍ଡିଆ ଗେଟ୍ ସହିତ ସଂଯୋଗ କରୁଛି । ଛଅ ଲେନ୍ ବିଭାଜିତ ଟନେଲର ପ୍ରଗତି ମଇଦାନରେ ବିଶାଳ ଭୂତଳ ପାର୍କିଂକୁ ଅନ୍ତର୍ଭୁକ୍ତ କରିବା ସହିତ ଏକାଧିକ ଉଦ୍ଦେଶ୍ୟ ରହିଛି । ଟନେଲର ଏକ ଅନନ୍ୟ ବିଶେଷତ୍ୱ ହେଉଛି ପାର୍କିଂ ସ୍ଥଳର ଉଭୟ ପାଶ୍ୱର୍ରୁ ଯାତାୟାତକୁ ସୁଗମ କରିବା ପାଇଁ ମୁଖ୍ୟ ଟନେଲ ରାସ୍ତା ତଳେ ଦୁଇଟି କ୍ରସ୍ ଟନେଲ୍ ର୍ନିମାଣ କରାଯାଇଛି । ସହଜ ଯାତାୟତ ପାଇଁ ପାଇଁ ସ୍ମାର୍ଟ ଅଗ୍ନି ନିର୍ବାପକ ପରିଚାଳନା, ଆଧୁନିକ ବାୟୁ ଚଳାଚଳ ଏବଂ ସ୍ୱୟଂଚାଳିତ ଡ୍ରେନେଜ୍, ଡିଜିଟାଲ୍ ନିୟନ୍ତ୍ରିତ ସିସିଟିଭି ଏବଂ ଟନେଲ୍ ଭିତରେ ସର୍ବସାଧାରଣ ଘୋଷଣା ପ୍ରଣାଳୀ ଭଳି ଅତ୍ୟାଧୁନିକ ବିଶ୍ୱ ମାନର ସୁବିଧା ସହିତ ଏହା ସୁସଜ୍ଜିତ । ବହୁ ପ୍ରତୀକ୍ଷିତ ଏହି ଟନେଲ୍ ଭୈରୋଁ ମାର୍ଗ ପାଇଁ ଏକ ବିକଳ୍ପ ମାର୍ଗ ଭାବରେ କାର‌୍ୟ୍ୟ କରିବ, ଯାହା ଏହାର ପରିବହନ କ୍ଷମତାଠାରୁ ଅଧିକ ଚାଲିଥାଏ ଏବଂ ଭୈରୋଁ ମାର୍ଗର ଟ୍ରାଫିକ୍ ଭିଡର ଅଧାରୁ ଅଧିକ ସମ୍ଭାଳିବ ବୋଲି ଆଶା କରାଯାଉଛି ।

ଏହି ଟନେଲ ସହିତ ଛଅଟି ଭୂତଳ ରାସ୍ତା ରହିବ - ମଥୁରା ରୋଡରେ ଚାରିଟି, ଭୈରୋଁ ମାର୍ଗରେ ଗୋଟିଏ ଏବଂ ରିଙ୍ଗ ରୋଡ୍ ଏବଂ ଭୈରୋଁ ମାର୍ଗ ଛକରେ ଗୋଟିଏ ରହିଛି ।

Pragati Maidan Integrated Transit Corridor will ensure ease of living by helping save time and cost of commuters in a big way. https://t.co/e98TMk3z0i

— Narendra Modi (@narendramodi) June 19, 2022

HS