প্রধান মন্ত্রী, শ্রী নরেন্দ্র মোদীনা ঙসি মপুং ওইবা তন্নেল অমসুং অন্দর্পাস মঙাগী প্রগতী মাইদান ইন্তিগ্রেতেদ ত্রাঞ্জিত কোরিদোর প্রোজেক্ত মীয়ামদা খুৎশিন্নখ্রে। প্রোজেক্ত অসি প্রগতী মাইদান রিদিভেলপমেন্ত প্রোজেক্তকী মপুং ওইবা তৎন-থানবা য়াদবা শরুক অমনি। কেন্দ্র মন্ত্রী, শ্রী পিয়ুশ গোয়ল, শ্রী হর্দীপ সিংহ পুরী, শ্রী সোম প্রকাশ, শ্রীমতি অনুপ্রিয়া পতেল অমসুং শ্রী কৌশল কিশোরনা অতোপ্পা মীওই কয়াগা লোয়ননা শরুক য়াখি।

প্রধান মন্ত্রীনা তিল্লিবা মীয়ামদা ৱা ঙাঙবদা প্রোজেক্ত অসিবু কেন্দ্র সরকারনা দিল্লী মীয়ামদা তম্বা চাউরবা খুদোলপোৎ অমনি হায়খি। ত্রাফিক য়াম্না চিনবা অমসুং কোরোনানা মরম ওইরগা প্রোজেক্ত অসি লোইশিন্নবা হোৎনবদা থেংনখিবা শিংনবা কয়াগী পাক চাউবগী মতাংদা মহাক্না পাউদমখি। মহাক্না অনৌবা ভারতকী অনৌবা ৱর্ক কলচর অমসুং ইঞ্জিনিয়রশিংবু প্রোজেক্ত অসি লোইশিনবগী মহৈ পীখি। “মসিদি শিংনবগী ৱারোইশিন পুরকপা, অনৌবা ৱারেপ লৌবা অমসুং ৱারেপশিংগী পান্দম ফংনবা লেপ্পা লৈতনা হোৎনবা অনৌবা ভারতনি”, হায়না প্রধান মন্ত্রীনা ফোংদোকখি।

প্রধান মন্ত্রীনা প্রোজেক্ত অসিদি প্রগতী মাইদানবু ২১শুবা চহি-চাগী তঙাই ফদবগী মতুং ইন্না চুন্নহন্নবা শেমদোকপগী কেম্পেনগী শরুক অমনি হায়খি। ভারতনা অহোংবা কয়া থেংনরবসু, ভারতপু শক্তাক্নবগীদমক্তা শেমখিবা প্রগতী মাইদান্না রাজনিতী অমসুং থবক পায়খৎপা ৱাৎপদগী মনিং হন্থদুনা লৈহৌবসিদা প্রধান মন্ত্রীনা নুংনাংবা ফোংদোকখি। “লাইবক থীবদি, প্রগতী মাইদন্দা প্রগতী (চাউখৎপা) অমত্তা লেমহৌদ্রে”, হায়না মহাক্না হায়খি। মসিগী মতাংদা অচৌবা ৱাহৈ কয়া অমসুং পব্লিসিতী কয়া তৌখ্রবসু, থবক্তি পাংথোক্তনা অদুমক লৈখিবনি। “ভারত সরকারনা লৈবাক্কী কোনুংদা মালেমগী থাক্তা লৈবা থৌরম পাংথোক্নবা স্তেত ওফ দি আর্ত ফেসিলিতী, এগজিবিসন হোল লৈহন্নবগীদমক্তা লেপ্তনা হোৎনরি”, হায়না মহাক্না দ্বার্কাগী ইন্তর্নেস্নেল কনভেন্সন অমসুং এক্সপো সেন্তর অমসুং প্রগতী মাইদানগী রিদেভেলপমেন্তকী মতাংদা পল্লদুনা হায়খি। “কেন্দ্র সরকারনা শেমগৎপা মতমগা চুনবা ইনফ্রাস্ত্রকচরনা দিল্লীগী শক্তম হোংহল্লে অমসুং মোদর্ন ওইহল্লে। শক্তম হোংলক্লিবা অসি মরাইবক হোংলকপগী পাম্বৈ অমসু ওইরি”, হায়না মহাক্না মখা তাখি। মীচম মীয়ামগী পুন্সি মহিং লাইথোকপা হেনগৎহনবনা ইনফ্রাস্ত্রকচরবু মতম চুননবা অসিগুম্না হোৎনবগী মিৎয়েং চঙলিবা অসিদা শফু পীবনি। অকোয়বগী ফিভম অমসুং অইং-অশাগী ফিভম খঙনা ইনফ্রাস্ত্রকচর শেমগৎপগী তঙাই ফদবা লৈ হায়না মহাক্না অমুক্কা হন্না নীংশিংখি। অফ্রিকা এভেন্যু অমসুং কস্তুর্বা গান্ধী রোদকী ন্যু দিফেন্স কমপ্লেক্স ওফিসপু মতম শাংনদগী লৈরক্লবা শিংনবশিংবু থবক্না পাংথোক্তুনা মাইয়োক্নবগী থৌওং, অকোয়বগী ফিভমগা চুননবা শেমগৎ-শাগৎপা অমসুং লৈবাক্কীদমক্তা থবক তৌরিবা মীয়ামগী নীংথিনা খল্লি হায়বা ময়েক শেংনা তাকপগী খুদম অমনি হায়না মহাক্না ফোংদোকখি। সেন্ত্রেল ভিস্তা অসিনা খোঙজেল য়াঙনা চঙশিল্লি অমসুং লাক্কদৌরিবা মতমশিংদা ভারতকী কোনুংনা মালেম শিনবা থুংবনা ৱারী শানবা হীরম অমসুং ভারত মচাশিংগী চাউথোকচনীংঙাই ওইবা ৱাফম অমা ওইরক্কনি হায়বগী থাজবা লৈ হায়না মহাক্না ফোংদোকখি।

ইন্তিগ্রেতেদ কোরিদোর অসিদগী ফংলক্কদৌরিবা চাউরবা কান্নবশিং, হায়বদি, চাউরাক্না পাথোকপা মশিং অমগী মতুং ইন্না লিতর অমদা লাখ ৫৫ ওইদুনা ফুএল অমসুং মতমদা কনগদবা, অমসুং উ লাখ ৫ থাবগী চাংগা মান্নগদবা ইনভাইরনমেন্ত দিভিদেন্দ ফংনবা ত্রাফিক কোম্লকপগী হীরমদা প্রধান মন্ত্রীনা ফোংদোকখি। পুন্সি মহিং হেন্না লাইথোকহনগদবা মতম কুইনা চৎকদবা ৱারোইশিন অসি হৌজিক মতমগী খ্বাইদগী তঙাই ফদবনি হায়না মহাক্না হায়খি। প্রধান মন্ত্রীনা হায়খি, “মমাংগী চহি ৮দা, ঐখোয়না দিল্লী-এন.সি.আর.গী শিংনবশিংগী ৱারোইশিন পুরক্নবা মমাংদা অমুক্তা পায়খৎখিদ্রিবা খোঙথাং কয়া পায়খৎখি। মমাংগী চহি ৮দা, দিল্লী-এন.সি.আর.গী মেন্ত্রো সর্ভিসপু শরুক অনিদগী হেন্না হান্নগী কিলোমীতর ১৯৩দগী কিলোমীতর ৪০০ য়ৌহনখি”। মহাক্না মীয়াম্না মেত্রো অমসুং পবলিক ত্রান্সপোর্ত শিজিন্নবগী হৈনবী লৈবীয়ু হায়না হায়খি। মান্নবা থৌওং ওইনা, ইস্তর্ন অমসুং ৱেস্তর্ন পেরিফরেল এক্সপ্রেসৱে, দিল্লী-মীরত এক্সপ্রেসৱেনা দিল্লীবু য়াম্না মশক থোক্না তেংবাংলে। কাশী রেলৱে স্তেসন্দা মহাক্কা মীয়াম অমসুং অতোপ্পা স্তেকহোলদরশিংগা ৱারী শাবগী ৱাফম পল্লদুনা প্রধান মন্ত্রীনা মীচম মীয়ামগী ৱাখল্লোন্দা অচৌবা অহোংবা লৈরে অমসুং অহোংবসিগী মখা পোন্না থবক পায়খৎনবা সরকারনা হোৎনফম পুম্নমক হোৎনরি হায়না ফোংদোকখি। দিল্লী-মুম্বাই এক্সপ্রেসৱে, দিল্লী-দেহরাদুন এক্সপ্রেসৱে, দিল্লী-অমৃতসর এক্সপ্রেসৱে, দিল্লী-চান্দিগর এক্সপ্রেসৱে অমসুং দিল্লী-জয়পুর এক্সপ্রেসৱেনা দিল্লীবু মালেমগী খ্বাইদগী শম্নবা মফম অমা ওইহল্লে হায়না পাউদমখি। দিল্লীবু ভারতকী কোনুংনি হায়বগী ফম্বু হেন্না চেৎশিনহল্লিবা থবকশিংগী শরুক অমা ওইরিবা ইন্দিজিনিয়স তেক্নোলোজীনা শাবা দিল্লী মীরত রেপিদ রেল সীস্তেমগী মতাংদা মহাক্না হায়খি অমসুং মসিনা মীচম মীয়াম, প্রোফেস্নেল, মহৈরোই, নহারোল, সজুল অমসুং ওফিস চৎলিবা মীওইশিং, তেক্সি-ওতো দ্রাইভর অমসুং ব্যুজিনেস কম্ম্যুনিতীশিংদা য়াম্না কান্নবা পীগনি হায়না মহাক্না মখা তাখি।

পি.এম. গতিশক্তী নেস্নেল মাস্তর প্লানগী পান্দমগী মখা পোন্না লৈবাক অসিনা মলতিমোদেল কন্নেক্তিবিতী শেম্লি হায়না প্রধান মন্ত্রীনা হায়খি। গতিশক্তি নেস্নেল মাস্তর প্লান অসিদি সবকা বিশ্বাস অমসুং সবকা প্রয়াসকী পাম্বৈ অমনি। হন্দক্তা ধরমসালাদা পাংথোকখিবা চীফ সেক্রেতরী কনফরেন্সতা মহাক্কী মফমদা রাজ্যশিংনা গতিশক্তি য়াবগী ৱাফম পাউদম্লকখিবগী মতুং ইন্না মহাক্না য়াম্না নুংঙাইবা ফাওই হায়না ফোংদোকখি। তাইয়র ২ অমসুং ৩গী হেন্না ফবা প্লান্নিংগা লোয়ননা থবক তৌদুনা অমসুং লৈবাক্কী মেত্রো শহরশিংগী স্কোপ পাকথোক চাউথোকপগী তঙাই ফদবসি হৌজিক্কী ‘অমৃত কাল’ অসিদা য়াম্না চাউনা লৈরক্লে হায়না মহাক্না মিৎয়েং চঙখি। মসিগা লোয়ননা, লাক্কদোউরিবা চহি ২৫দা ভারতনা হীরম খুদিংদা চাউখৎপা পুরক্নবগীদমক্তা ঐখোয়না গ্রীন, ক্লীন অমসুং ফ্রেন্দলী ওইবা শহরগী মথৌ তাই হায়খি। প্রধান মন্ত্রানা অসুম্না হায়খি, “ঐখোয়না অর্বানাইজেসনবু শিংনবগী মহুত্তা খুদোংচাবা ওইনা লৌরবদি, মসিনা লৈবাক চাউখৎপদা শরুক য়াম্না তেংবাংগনি”।

সরকারনা অর্বান প্লান্নিংগী থবক-থৌরমশিংদা অসুক য়াম্নবা চাউবা স্কেলদা মিৎয়েং চঙবসি হন্দক্কী অসিনা খ্বাইদগী অহানবনি হায়না প্রধান মন্ত্রীনা মরু ওইবা মিৎয়েং চঙলদুনা হায়খি। শহরগী লাইরবদগী হৌদুনা শহরগী মিদ্দল ক্লাস ফাওবগী মীয়াম খুদিংদা হেন্না ফবা ফেসিলিতী পীনবা থবক পায়খৎলি। মমাংগী চহি ৮দা, শহরগী লাইরবা মীওই করোর ১গা লাখ ৭০ হেনবগী য়ুম শোইদনবা শীনখ্রে। মিদ্দল ক্লাস ইমুং লাখ কয়াদা মশাগী য়ুম শাবদা তেংবাংখ্রে। করিগুম্বা মিৎয়েং চঙলিবসি শহরশিংগী মতমগা চুনবা পব্লিক ত্রান্সপোর্ত্তা চঙলকপদা সি.এন.জি.দা য়ুম্ফম ওইবা মোবিলিতী অমসুং ইলেক্ত্রিক মোবিলিতীদা হেন্না অহানবা মিৎয়েং থম্লক্কনি। কেন্দ্র সরকারগী ফেম স্কিম্না মসিগী খ্বাইদগী নীংথিবা খুদম্নি হায়না প্রধান মন্ত্রীনা মখা তাখি।

গারী থনম্লগা তন্নেলদা মখোঙনা চৎখিবা প্রধান মন্ত্রীনা তন্নেল মনুংদা উৎলিবা আর্তকী থবকশিংনা হান্না য়াৎলম্বা থৌরাংদগী হেনবা মওংদা ভেল্যু এদিসন তৌরে অমসুং মসিনা এক ভারত শ্রেস্থ ভারতকী অফবা স্তদী সেন্তর ওইরে হায়না ফোংদোকখি। মসিনা মালেমগী খ্বাইদগী শাংবা আর্ত গেল্লরীগী মরক্তা অমা ওইবা য়ারে হায়না মহাক্না হায়খি। আর্তকী থবকশিং অমসুং মসিনা তাক্লিবা ৱাখল্লোনশিংবু খঙহন্নবা তন্নেল অসিবু মহৈরোই অমসুং খোঙনা চৎপশিংগীদমক্তা নোংমাইজিং নুমিত্তা মতম খরা থিংবীরবদি য়াম্না ফগদবনি হায়না মহাক্না ৱাহৌদোক থমখি।

প্রোজেক্তকী অকুপ্পা মরোলঃ

প্রগতী মাইদান ইন্তিগ্রেতেদ ত্রাঞ্জিত কোরিদোর প্রোজেক্ত অসি লুপা করোর ৯২০ হেন্না চঙনা কেন্দ্র সরকারনা মপুং ওইনা ফন্দ তৌদুনা শাবনি। প্রোজেক্ত অসি প্রগতী মাইদান্দা লৈরিবা মালেমগী থাক্তা লৈবা অনৌবা এগজিবিসন অমসুং কনফরেন্স সেন্তরদা চৎপদা হেন্না নুংঙাইহনবগী পান্দম থম্বনি। মসিগী মতেংদগী প্রগতী মাইদান্দা পাংথোকপা প্রোগ্রামশিংদা এগজিবিতর অমসুং বিজিতরশিংনা চত্থোক চৎশিন তৌবা অমসুং শরুক য়াবদা হেন্না নুংঙাইহনগনি।

গারী চত্থোক চৎশিন তৌব্দা হেন্না লাইহন্দুনা লম্বী চৎলিবশিংগী মতম অমসুং শেলবু মশক থোক্না কনবদা তেংবাংদুনা প্রোজেক্ত অসিনা কান্নবা পীগদৌরিবা অসি প্রগতী মাইদান্দগী হেন্দোক্কনি। মসিদি অর্বান ইনফ্রাস্ত্রকচরদা অহোঙবা পুরক্তুনা মীয়ামগী পুন্সি মহিং লাইথোকহনবা হায়বা সরকারগী পান্দম ফংনবা পায়খৎপা থবকশিংগী শরুক অমনি।

মপুং ওইবা তন্নেল অসিনা প্রগতী মাইদান ফাওদুনা চৎলগা পুরানা কিলা লম্বী ফাওরগা ইন্দিয়া গেৎকা রিং রোদকা শম্নহল্লি। লেন ৬না খায়দোক্লিবা তন্নেল অসিগী শিজিন্নফম য়াম্না লৈ, মসিদা প্রগতী মাইদানগী বেজমেন্ততা লৈবা অচৌবা পার্কিং চৎপসু য়াহল্লি। পার্কিং মফমগী নাকল অনিমক্তগী ত্রাফিক চৎপা য়াহন্নবগীদমক্তা মপুং ওইবা তন্নেলগী মখাদা শাবা ক্রোস তন্নেল অনিনা তন্নেল অসিগী তোপ তোপ্পা মতৌনি। মসিদা স্মার্ত ফাইয়র মেনেজমেন্ত, মোদর্ন ভেন্তিলেসন অমসুং অতোমেতেদ দ্রেনেজ, দিজিতেলনা কন্ত্রোল তৌরবা সি.সি.তি.ভি. অমসুং তন্নেল অসিগী মনুংদা লৈবা পব্লিক এনাউন্সমেন্ত সীস্তেমগুম্বা মতমগী চুনবা অমসুং মালেমগী থাক্ত লৈবা ফেসিলিতী কয়া লৈদুনা মসিনা ত্রাফিক চত্থোক চৎশিন্দা হেন্না নুংঙাইহনগনি। মতম শাংনা ঙাইরক্লবা তন্নেল অসিনা মশাগী ত্রাফিক পুবা চাংদগী হেল্লবা ভাইরোন মার্গকী তোঙানবা লম্বী ওইরগনি অমসুং মসিনা ভাইরোন মার্গকী ত্রাফিক্কী শরুক তংখাইগী চাংদা পুবা ঙমগনি হায়বগী থাজবা থম্লি।

ভাইরোন তন্নেলগা লোয়ননা মসিদা অন্দর্পাস তরুক লৈগনি – মথুরা রোদতা মরি, ভাইরোন মার্গতা অমা অমসুং রিং রোদ অমসুং ভাইরোন মার্গকী তাইনফমদা অমা লৈ।

Pragati Maidan Integrated Transit Corridor will ensure ease of living by helping save time and cost of commuters in a big way. https://t.co/e98TMk3z0i

— Narendra Modi (@narendramodi) June 19, 2022

आज दिल्ली को केंद्र सरकार की तरफ से आधुनिक इंफ्रास्ट्रक्चर का बहुत सुंदर उपहार मिला है: PM @narendramodi at inauguration of Pragati Maidan Integrated Transit Corridor

— PMO India (@PMOIndia) June 19, 2022

दशकों पहले भारत की प्रगति को, भारतीयों के सामर्थ्य, भारत के प्रॉडक्ट्स, हमारी संस्कृति को शोकेस करने के लिए प्रगति मैदान का निर्माण हुआ था।

तबसे भारत बदल गया, भारत का सामर्थ्य बदल गया, ज़रूरतें कई गुणा बढ़ गईं, लेकिन प्रगति मैदान की ज्यादा प्रगति नहीं हुई: PM @narendramodi

— PMO India (@PMOIndia) June 19, 2022

देश की राजधानी में विश्व स्तरीय कार्यक्रमों के लिए state of the art सुविधाएं हों, एक्जीबिशन हॉल हों, इसके लिए भारत सरकार निरंतर काम कर रही है: PM @narendramodi

— PMO India (@PMOIndia) June 19, 2022

दिल्ली-एनसीआर की समस्याओं के समाधान के लिए बीते 8 सालों में हमने अभूतपूर्व कदम उठाए हैं।

बीते 8 सालों में दिल्ली-एनसीआर में मेट्रो सेवा का दायरा 193 किलोमीटर से करीब 400 किलोमीटर तक पहुंच चुका है: PM @narendramodi

— PMO India (@PMOIndia) June 19, 2022

गतिशक्ति मास्टरप्लान सबको साथ लेकर, सबको विश्वास में लेकर, सबका प्रयास का ही एक माध्यम है।

कोई प्रोजेक्ट लटके नहीं, सारे डिपार्टमेंट तालमेल से काम करें, हर विभाग को पूरी जानकारी हो, यही सोच को लेकर गतिशक्ति का निर्माण हुआ है: PM @narendramodi

— PMO India (@PMOIndia) June 19, 2022

***********