প্রধানমন্ত্রীগী লোইশঙ
পি.এম.না জুনা ১৯দা ৪৪শুবা চেস ওলিম্পিয়দকী পুৱারী ওইরবা তোর্চ রিলে হৌদোক্লগনি
অহানবা ওইনা ভারতনা চেস ওলিম্পিয়দকী য়ুম্বু ওইরগনি
চেস ওলিম্পিয়দতা অহানবা ওইনা ওলিম্পিক্কী মওংদা তোর্চ রিলে চৎপা হৌদোক্লগনি
চেস ওমিম্পিয়দকী তুংগী তোর্চ রিলে পুম্নমক ভারত্তগী লমথারগনি
Posted On:
17 JUN 2022 4:47PM by PIB Imphal
প্রধান মন্ত্রী শ্রী নরেন্দ্র মোদীনা নই দিল্লীগী ইন্দিরা গান্ধী স্তেদিয়মদা জুন ১৯গী নুমিদাং ৱাইরম পুং ৫দা ৪৪শুবা চেস ওলিম্পিয়দকী পুৱারী ওইরবা তোর্চ রিলে হৌদোক্কনি। মহাক্না থৌরম অসিগী মীতিন্দা ৱা ঙাংগনি।
চহি অসিদা অহানবা ওইনা ইন্তর্নেস্নেল চেস বোদী. এফ.আই.দি.আই., এফ.আই.দি.ই.না ওলিম্পিক্কী চৎনবীগী শরুক ওইরিবা চেস ওলিম্পিয়দ তোর্চ হাপখি, অদুবু মসি চেস ওলিম্পিয়দতা মমাংদা অমুক্তা তৌখিদ্রি। ভারতনা চেস ওলিম্পিয়দ তোর্চ রিলে চৎপা খ্বাইদগী অহানবা লৈবাক ওইদুনা ভারতকী চেসকা লৈনরিবা মরীশিং অসিবু হেন্না ৱাংবা পনখৈ অমদা পুখৎপা ঙম্লগনি, মসিগী চেস ওলিম্পিয়দকী তোর্চ রিকে অসি মখা তারকপদা ভারত্তগী অদুমক লমথাগনি অমসুং য়ুম্বু ওইরিবা লৈবাক য়ৌরক্ত্রিঙৈদা কন্তিনেন্ত পুম্নমক লান্দুনা চৎকনি।
এফ.আই.দি.ই.গী প্রসিদেন্ত আর্কেদী দোর্কোভিচনা মৈরা অদু প্রধান মন্ত্রীদা খুৎশিন্নগনি অদুগা মতুংদা মহাক্না গ্রান্দমাস্তর বিশ্বানাথন অনন্দদা অমুক খুৎশিন্নগনি। মসিগী মৈরা অসি চেন্নাই মনাক্কী মহাবলিপুরমদা অরোইবা লমথুংফম ওইদ্রিঙৈ মমাংদা নুমিৎ ৪০গী মনুংদা সহর ৭৫দা পুদুনা চৎকনি। মফম খুদিংমক্তা রাজ্য অদুগী চেস গ্রান্দমাস্তরশিংনা মৈরা অদু ওক্কনি।
৪৪শুবা চেস ওলিম্পিয়দ অসি জুলাই ২৮দগী ওগস্ত ২০২২ ফাওবা চেন্নাইদা পাংথোক্কনি। ১৯২৭দগী শিল্লক্লিবা অৱাংবা থাক্কী কম্পিতিসন অসি ভারত্তা অহানবা ওইনা অমসুং এসিয়াদা চহি ৩০গী মতুংদা শিনবনি। লৈবাক ১৮৯না শরুক য়াগদৌরিবা অসিগা লোয়ননা চেস ওলিম্পিয়দ অমহেক্তদা খ্বাইদগী য়াম্না শরুক য়াবা ওইগদৌরি।
***
(Release ID: 1834900)
Visitor Counter : 117
Read this release in:
Kannada
,
Assamese
,
Tamil
,
Malayalam
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Telugu