وزیراعظم کا دفتر
azadi ka amrit mahotsav

وزیر اعظم 19 جون کو 44ویں شطرنج اولمپیاڈ کے لیے تاریخی مشعل ریلے کا آغاز کریں گے


بھارت پہلی مرتبہ شطرنج اولمپیاڈ کی میزبانی کرے گا

شطرنج اولمپیاڈ میں پہلی مرتبہ اولمپک طرز کی مشعل ریلے متعارف کرائی جا رہی ہے

مستقبل میں شطرنج اولمپیاڈ کی تمام مشعل ریلے کا آغاز بھارت سے ہوگا

Posted On: 17 JUN 2022 4:47PM by PIB Delhi

وزیر اعظم جناب نریندر مودی 19 جون کو شام 5 بجے اندرا گاندھی اسٹیڈیم ، نئی دہلی  میں 44ویں شطرنج اولمپیاڈ کے لیے تاریخی مشعل ریلے کا آغاز کریں گے۔ اس موقع پر وہ مجمع سے بھی خطاب کریں گے۔

اس سال، پہلی مرتبہ، شطرنج کی بین الاقوامی انجمن ، ایف آئی ڈی ای، نے شطرنج اولمپیاڈ مشعل کا آغاز کیا ہے جو کہ اولمپک کی روایت کا حصہ ہے، لیکن اسے شطرنج اولمپیاڈ میں کبھی شامل نہیں کیا گیا۔ بھارت شطرنج اولمپیاڈ مشعل ریلے منعقد کرنے والا اولین ملک ہوگا۔ یہ بات قابل غور ہے کہ شطرنج سے وابستہ بھارت کی قدیم روایات کو نئی بلندیوں تک لے جاتے ہوئے، شطرنج اولمپیاڈ کے لیے مشعل ریلے کا آغاز اب سے ہمیشہ بھارت میں ہوگا اور میزبان ملک پہنچنے سے قبل یہ مشعل ریلے تمام بر اعظموں کا سفر طے کرے گی۔

ایف آئی ڈی ای کے صدر آرکیڈی دوارکووِچ ،وزیر اعظم کو مشعل سونپیں گے، جو  اس مشعل کو گرینڈ ماسٹر وشوناتھن آنند کے حوالے کریں گے۔ یہ مشعل چنئی کے قریب واقع مہابلی پورم میں فائنل تقریب سے قبل 40 دنوں کی مدت میں 75 شہروں میں لے جائی جائے گی۔ ہر مقام پر، مشعل کو ریاست کے شطرنج گرینڈ ماسٹرز کے حوالے کیا جائے گا۔

44واں شطرنج اولمپیاڈ 28 جولائی سے 10 اگست 2022 کے دوران چنئی میں منعقدہوگا۔ 1927 سے منعقد ہو رہے اس مقتدر مقابلے کی میزبانی ، بھارت پہلی مرتبہ اور ایشیا 30 برسوں بعد کر رہا ہے۔ اس مقابلے میں 189 ممالک حصہ لے رہے ہیں، یہ کسی بھی شطرنج اولمپیاڈ میں اب تک کی سب سے بڑی شراکت داری ہوگی۔

**********

 

 

 (ش ح –ا ب ن۔ م ف)

U.No:6601


(Release ID: 1834846) Visitor Counter : 147


Read this release in: Kannada , Assamese , Tamil , Malayalam , English , Marathi , Hindi , Bengali , Manipuri , Punjabi , Gujarati , Odia , Telugu