প্রধানমন্ত্রীগী লোইশঙ
পি.এম.না লোক কল্যান মার্গতা লৈবা মহাক্কী য়ুমদা নাগালেন্দগী নুপী মহৈরোয়শিংগী দেলিগেসন অমগা উনখ্রে
দেলিগেসন অসিনা এক ভারত শ্রেস্থ ভারত ইনিসিএতিবকী শরুক ওইনা দিল্লীদা লাকখি
পি.এম.না দেলিগেসনগা লোয়ননা চম্না ৱারী-ৱাতাই শাখি
মহৈরোয়শিংনা পি.এম.গা লোয়ননা মহাক্না অৱাং-নোংপোক্তা থম্লিবা বিজন, নাগালেন্দদা চৎখিবগী মহাক্কী অৱা-নুংঙাই, য়োগগী মরু ওইবা অসিনচিংবা হীরম কয়া মরুম খন্নখি
प्रविष्टि तिथि:
09 JUN 2022 8:54PM by PIB Imphal
প্রধান মন্ত্রী শ্রী নরেন্দ্র মোদীনা ঙসি অঙনবদা লোক কল্যান মার্গতা লৈবা মহাক্কী য়ুমদা নাগালেন্দগী নুপী মহৈরোয়শিংগী দেলিগেসন অমগা উনখ্রে। দেলিগেসন অসিনা এক ভারত শ্রেস্থ ভারত ইনিসিএতিবকী শরুক ওইনা দিল্লীদা লাকখি।
মহৈরোয়শিংনা প্রধান মন্ত্রীগা উনবা ফংবদা মখোয়না নুংঙাইবা ফোঙদোকখি। চম্না ৱারী-ৱাতাই শাবা অদুদা মখোয়না প্রধান মন্ত্রীগা লোয়ননা মহাক্না অৱাং-নোংপোক্তা থম্লিবা বিজন, নাগালেন্দদা চৎখিবগী মহাক্কী অৱা-নুংঙাই, য়োগগী মরু ওইবা অসিনচিংবা হীরম কয়া মরুম খন্নখি অমসুং মহাক্কী ৱাখল্লোনশিং ফোঙদোকহনখি।
ৱারী শাবা অদুদা প্রধান মন্ত্রীনা মহৈরোয়শিংদা দিল্লীদা লৈরিবা লমকোইবগী লমথুংফমশিং অসিদা চৎলুবগী অমসুং য়েংলুবগী অৱা-নুংঙাইগী মতাংদা হংখি। মখোয়না দিল্লীদা লৈরিঙৈদা পি.এম. সংগ্রহালয় অমসুং নেস্নেল ৱার মেমোরিএলদা চৎনবসু মহাক্না হায়খি।
দেলিগেসন অসিনা প্রধান মন্ত্রীগা উনবা ফংহল্লিবা অসি নেস্নেল কম্মিসন ওফ ৱুমেন্না শিনখিবনি।
****
(रिलीज़ आईडी: 1832793)
आगंतुक पटल : 183
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam