প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেৎকী মফমদা “নোভেল মেগ্নেতিক অমসুং তোপোলোজিকেল ক্বান্তম মেতরিএল”গী লমদা সাইন্তিফিক ওইনা তেংবাংনবগী পান্দমগা লোয়ননা এস.এন. বোস নেস্নেল সেন্তর ফোর বেসিক সাইন্স (এস.এন.বি.এন.সি.বি.এস.), কোলকাতা, ভারত অমসুং লৈবনিজ-ইন্সতিত্যুত ফর ফেস্তকোর্পর – উন্দ ৱর্কস্তোফফোর্সচুং দ্রেসদেন ই.ভি. (আই.এফ.দবল্যু. দ্রেসদেন ই.ভি.), দ্রেসদেন, জর্মনীগা খুৎয়েক পীনখিবা এম.ও.য়ু.গী মতাংদা পাউদমখি।

তুংগী মতমগী ক্বান্তম তেক্নোলোজী পুথোকপা ঙম্বগী মতিক লৈবনা মরম ওইরগা ক্বান্তম মেতরিএলগী মতাংদা পাংথোকপা রিসর্চকী হীরম্না মালেম পুম্বগী মিৎয়েং ফংলি। জোইন্ত ভেঞ্চর অসিগী পান্দমদি ভারত-জর্মনগী তেংবাংনবগী থৌওং চাউখৎহনবনি, মেগ্নেতিক অমসুং তোপোলোজিকেল ক্বান্তম মেতরিএলগী মতাংদা খুদোংচাবা পীবা অমসুং লম অসিগী লৌশিং হেনগৎহন্নবা খুদোংচাবা পীবনি। তেংবাংনবগী থৌওং অসিদা অখন্নবা ওইনা এক্সপেরিমেন্তেল অমসুং কম্প্যুতেস্নেল রিসোর্স লান্নবা, তেক্নিকেল অমসুং প্রোফেস্নেল সপ্পোর্ত লান্নবা, তেংবাংনদুনা রিসর্চ পাংথোকমিন্ননবা ফেকলতী অমসুং রিসর্চ তৌবা মীওই লান্নবা য়াওরি। থৌওং অসিনা অমগা মতেং হন্নবা, খ্বাইদগী নীংথিবা থৌওং, অমগা অমগা পুন্না কন্নমিন্নবা অমসুং তোয়না খন্ন-নৈনবদা য়ুম্ফম ওইবা তঙাই ফদবা লৌশিং লৈহনগনি হায়বগী থাজবা থম্নরি।

এস.এন.বি.এন.সি.বি.এস.কী মতাংদা ৱারোল খরাঃ

এস.এন. বোস নেস্নেল সেন্তর ফোর বেসিক সাইন্স (এস.এন.বি.এন.সি.বি.এস.) অসি ভারত সরকারগী সাইন্স অমসুং তেক্নোলোজী বিভাগকী মখাদা ইং ১৯৮৬তা রেজিস্তর তৌরবা সোসাইতী ওইনা লিংখৎখিবা ওতোনোমস রিসর্চ ইন্সত্যুত অমনি। থিওরিতিকেল ফিজিক্সকী শক্নাইরবা মীওই অমা ওইরম্বা অমসুং ক্বান্তম মেকানিক্স অমসুং ক্বান্তম স্তেতিস্তিক্স চাউখৎহনবদা খ্বাইদগী তঙাই ফদবা ৱাখল্লোন পুথোক্লম্বা প্রোফেসর এস.এন. বোসকী পুন্সি অমসুং থবকশিংবু ইকায় খুম্নবা ওইনা সেন্তর অসি লিংখৎখিবনি। সেন্তর অসিনা চহি কয়া অসিদা বেসিক সাইন্স, মরু ওইনা, ফিজিকেল সাইন্স অমসুং মরী লৈনবা হীরমদা এক্সপেরিমেন্ত, থিওরী অমসুং কম্প্যুতেসনগী শক্তি শিজিন্নবা রিসর্চ অমসুং দিভেলপমেন্তকী মরু ওইবা ইন্সতিত্যুসন অমা ওইরকখি। সেন্তর অসিনা সাইন্স অমসুং তেক্নোলোজীগী মরু ওইবা লম অসিগী এদভান্স মেনপাৱর ত্রেনিং অমসুং লিংকেজকা মরী লৈনবা অচৌবা হব অমসু ওইরি। সেন্তর অসিনা পি.ঐচ.দি. ফাওবা য়ৌবা য়াবা রেসিদেন্সিএল প্রোগ্রাম পীরি অমসুং মসিদা মমিং লৈবা ভিজিতর অমসুং প্রোগ্রাম কয়া লৈ।

আই.এফ.দবল্যু.গী মতাংদা ৱারোল খরাঃ

আই.এফ.দবল্যু. অসি নন-য়ুনিভর্সিতী রিসর্চ ইন্সতিত্যুত অমনি, অমসুং লৈবনিজ এসোসিএসনগী মেম্বর অমসু ওইরি। আই.এফ.দবল্যু. দ্রেসদেন্না মোদর্ন মেতরিএল সাইন্সকা মরী লৈনৈ অমসুং অনৌবা মেতরিএল অমসুং পোত্থোক্কী তেক্নোলোজী পুথোকপগা লোয়ননা ফিজিক্স, কেমিস্ত্রী অমসুং মেতরিএল সাইন্সকী এক্সপ্লোরেতিব রিসর্চ কয়া পুন্সিল্লি।

আই.এফ.দবল্যু.গী রিসর্চ প্রোগ্রামশিংনা সুপরকন্দক্তিং অমসুং মেগ্নেতিক মেতরিএল, থিন ফিল্ম সীস্তেম অমসুং নেনোস্ত্রকচরগা লোয়ননা কৃস্তেল্লিন অমসুং এমোর্ফস মেতরিএলগুম্বা এপ্লিকেসনগী হীরম কয়াদা মরু ওইবা মফম কনবা ফংস্নেল মেতরিএলশিংদা মিৎয়েং চঙই। ইন্সতিত্যুত অসিগী মখা তাবা পান্দমশিংদি নহা ওইরিবা সাইন্তিস্তশিংগী পুক্নিং থৌগৎপা, তেক্নিকেল স্তাফশিংদা ত্রেনিং পীবগা লোয়ননা ইন্দস্ত্রীএল কম্পেনীশিংদা ইন্সতিত্যুত অসিগী আর. অমসুং দি. অমদি এক্সপেরিএন্স পীবনি।

***