প্রধানমন্ত্রীগী লোইশঙ
নই দিল্লীগী ৱিগ্যান ভাৱনদা ইশা ফাউন্দেশন্না শিনখিবা ‘সেব সোইল’ প্রোগ্রামদা প্রধান মন্ত্রীনা থমখিবা ৱাফম
Posted On:
05 JUN 2022 2:14PM by PIB Imphal
খুরুমজরি!
পুম্নমক্পু ৱার্লদ এনভাইরনমেন্ত দেগী য়াইফ পাউজেল পীজরি। সদগুরু অমসুং ইশা ফাউন্দেশনবুসু ঙসি থাগৎনিংঙাই মশক ওই। মার্চতা মহাক্কী ওর্গনাইজেশন্না সেব সোইল কেমপেন অসি হৌদোকখি। লৈবাক ২৭ ফাওদুনা চৎপা মহাক্কী খোচৎ অদু ঙসি নুমিৎ ৭৫ শুরে। ঙসি লৈবাক অসিনা নিংতম্বগী চহি ৭৫ শুবগী নুংঙাইবা ফোংদোক্লিঙৈ মনুং অসিদা, মসিগী অমৃত কাল অসিদা অনৌবা ফিরেপ লৌবা মতম অসিদা, অসিগুম্বা কেমপেন অসি য়াম্না মরু ওই।
মরুপশিং,
ঐহাক্না য়াম্না অপেনবা ফাওই মদুদি হৌখিবা চহি ৮দগী চত্থরক্লিবা স্কীমশিং, চত্থরক্লিবা থৌরমশিং অসিদা মওং অমা নত্রগা অমদা মহৌশাগী ফিভম ঙাকশেন্নবা থৌগৎলি। স্বচ্ছ ভার মিসন ওইগেরা, ৱেস্ত তু ৱেল্থকা মরী লৈনবা থৌরম ওইগেরা, অমৃত মিসনগা মরী লৈননা সহরগী মফমশিংদা মতম অসিগী অনৌবা সিৱেজ ত্রীৎমেন্ত প্লান্তশিং লিংখৎপা ওইগেরা নত্রগা সিঙ্গল য়ুজ প্লাস্তিক অসিবু লৈহন্দনবা কেমপেন ওইগেরা, ন্ত্রগা নমামি গঙ্গেগী মখাদা গঙ্গা স্বচ্ছতা কা অভিয়ান ওইগেরা, ৱান সন-ৱান গ্রিদ – সোলর ইনর্জীদা মীৎয়েং থম্বা ওইগেরা নত্রগা ইথানোল পুথোকপা অমসুং ব্লেন্দিং অনিমক্তা চাউখৎলকপা, মহৌশাগী ফিভম কনবদা ভারতনা হোৎনরিবা অসি মাইকৈ কয়া থোক্না হৌৎনৈ অমসুং ভারতনা হৌৎনরিবশিং অসি মালেম অসিদা ঙসি ক্লাইমেতকী মতাংদা মালেম পুম্বনা ৱারিবা অসিদা, মাংহন-তাকহল্লিবা অসিদা ঐখোয়গী থৌদাং য়াওদে, হিন্দুস্তানগী থৌদাং য়াওদে।
মালেম অসিগী চাউরবা অমসুং য়াম্না চাউখৎলবা লৈবাকশিংনা পৃথিবিগী রিসোর্সশিং শিজিন্নথোকপদা নত্তনা খ্বাইদগী হেন্না য়াম্না কার্বন ইমিসনসু মখোয়না তৌরি। কার্বন ইমিসনগী মালেমগী ওইনা চাংচৎ অসি মী অমদা তন ৪নি। অদুবু ভারতকী মী অমগী ওইনা কার্বন ফুতপরইন্ত অসি চহি অমগী ওইনা তন তঙ্খাই মুক্তনি। অদুম ওইনমক ভারতনা মহৌশাগী ফিভম অসিগা মরী লৈননা হোলিস্তিক ওইবা অপ্রোচ অমগা লোইননা লৈবাক অসিগী মনুংদা খক্তা নত্তনা গ্লোবল কম্যুনিতীগা লোইননা খুৎশম্নদুনা থবক তৌরি। ইন্তর্নেস্নেলগী থাক্তা ভারতনা কোলিশন ফোর দিজাস্তর রেজিলিয়েন্ত ইনফ্রাস্ত্রকচর (সি.দি.আর.আই.) অমসুং হৌজিক্তা সদগুরু জীনা হায়খিবা, ইন্তর্নেস্নেল সোলর এলাইন্স, আই.এস.এ. হৌদোকপদা লুচিংখি। হৌখিবা চহিদা ভারতনা অচেৎপা ফিরেপ অমা লৌখি মদুদি চহি ২০৭০ ফাওবদা নেত জিরোগী পান্দম ফংলগনি।
মরুপশিং,
লৈহাও নত্রগা মসিগী লমদম অসি ঐখোয়গী ওইনদি ইলেমেন্ত মঙা অদুগী শরুক অমনি। ঐখোয়ানা লৈবাক অসিবু য়াম্না চাউথোক্না ঐখোয়গী লাইবক্তা তৈ। মসিদা তুশিন্দুনা, শান্নদুনা ঐখোয়না চাউরকখিবনি। লৈবাক-লৈহাও অসিগি ইকাইখুম্নবদা অৱাৎপা অমত্তা লৈতে, লৈবাক-লৈহাও অসিগী মরু ওইবা অসিবু খঙবদা অৱাৎপা ঞত্তা লৈতে। ৱাৎলিবসি মীওইবা জাতি অসিনা লৈবাক-লৈহাও অসিদা তৌবীরিবা অসিনা কয়ামুক শোকহনবগে হায়বদুবু খঙবীদবা অসিনি, মখোয়না খঙলিবা অদুদা গেপ অমা লৈহৌরে। অমসুং হৌজিক সদগুরু জীনা হায়রি মদুদি মীপুম খুদিমক্না প্রোব্লেম অসি করিনো হায়বদু ময়েক শেংনা খঙই।
ঐখোয়না পিক্লিঙৈ মতমদা, লাইরিক্কী সিলেবসতা ঐখোয়দা পরা অমা তম্বিখি. ঐহাক্না গুজরাতি তম্লকখি, অতোপ্পা কয়া অমনা মখোয়গী লোন্দা তম্লম্বা য়াই .... লম্বি অমদা নুং অমা তাদুনা লৈরম্মি, মীশিংনা চত্থোক-চৎশিন তৌ্। কনাগুম্বা খরনা শাওরম্মি, কনাগুম্বা খরনা মসিদা খোংনা কাওরম্মি। মীপুম খুদিংমক্না হায়রম্মি কনানা নুং অসিবু থম্লম্লিবনো, কদাইদগী লাক্লিবা নুংনো, মখোয়না খঙদে, হায়বনচিংবা কয়া-কয়া অমা। অদুবু কনাগুম্বা অমত্তনা অসিবু থাংগত্তুনা নাকলদা থম্লমদে। চিংলেম্বা মীওই অমা থোরক্লে, মখোয়না খল্লম্মি ফরেদা সদগুরুগুম্বা মীওই অমা থোরক্লমগনি হায়না।
ঐখোয়গী মফম অসিদা য়ুথিস্থির অমসুং দুর্য়োধন উন্নবগী মতাংদা খন্ন-নৈনবা মতমদা, দুর্য়োধনগী মতাংদা হায়বা মতমদা অসুম্না হায় মদুদি – “জানাম ধর্ম ন চ মে প্রৱৃত্তি।।”
ঐহাক্না ধর্ম করিনো খঙই, অদুবু ঐগী ইন্সতিঙ্ক লৈতে, ঐ তৌবা ঙম্লোই, অশেংবরা করিনো ঐহাক করিনত্তা খঙদে, অদুবু ঐহাক মদুগী লম্বি চৎপা ঙম্লোই। অদুনা সমাজদা অসিগুম্বা ত্রেন্দ অসি লাকপা মতমদা, অপুনবা ওইনা থবক তৌবা মতমদা অসিগুম্বা প্রোব্লেম অসিগী সোল্যুশন পুথোক্নবা লম্বি থিগনি।
ঐহাক্না হরাওই মদুদি হৌখিবা চহি নিপালদা লৈবাক অসিগী লৈহাও অসিবু হিংহন্দুনা থম্নবগীদমক্তা হালেংবা লৈতানা থবক তৌরকখি। লৈহাও অসিবু কন্নবা ঐখোয়না মরু ওইবা ৱাফম মঙাদা মিৎয়েং থমখি-
অহানবদা- লৈহাও অসিবু করম্না কেমিকেল ফ্রী ওইহনগনি। অনিশুবদা- লৈহাও অসিদা লৈরিবা জিবশিং, তেক্নিকলে ওইবা লোন্দা সোইল ওর্গানিকক মেতর হায়নসু খঙনবা অসিবু করম্না কনগনি। অমসুং অহুমশুবদা- লৈহাও অসিগি ইনিল অসিবু লেংদনা লৈহন্নবা , মসিদা ঈশিংগী চাং করম্না হেনগৎহনগনি। মরিশুবদা-গ্রাউন্দ ৱাতরগী লেভেল নেম্বনা মরম ওইরগা লৈহাওদা শোকহল্লিবা অদুবু করম্না কোহনগনি অমসুং মঙাশুবদা, উমং-ৱামং কোকথোকপনা মরম ওইরগা লেপ্তনা সোইল ইরোজন থোক্লিবা অসিবু করম্না থিংগনি।।
মরুপশিং,
হায়রিবা ৱাফমশিং অসিবু নিংথিনা খন্থদুনা লৈবাক অসিদা হৌখিবা চহিশিংদা খ্বাইদগী হেন্না লাকখ্রিবা অহোংবা অসি এগ্রিকলচরেল পোলিসীদনি। হান্নদি ঐখোয়গী লৈবাক অসিগী লৌমীশিংদা মহাক্কী লৈবাক-লৈহাও অদ করম্বা মখলগীনো, মহাক্কী লৈহাও অদুদা করম্বা অৱাৎপা লৈ, কয়া য়াম্না ৱাৎলি হায়বগী ই-পাউ অসি করমত্তা লৈরমদে। মসিগী অৱাবা অসিবু কোকহন্নবা লৈবাক অসিগী লৌমীশিংদা সোইল হেল্থ কার্দ পীনবা য়াম্না চাউবা কেমপেন অমা চত্থহনখি। করিগুম্বা ঐহাক্না কনাগুম্বা অমবু হেল্থ কার্দ পীবা তারবসু পাউ-চেশিংদা মোদী সরকারনা করিগুম্বা অফবা থবক খরা তৌরে হায়না হেদলাইন ওইরগনি। লৈবাক অসি অদুগুম্বা লৈবাক্নি মসিদা সোইল হেল্থ কার্দ পীরি অদুবু মীদিয়াগী মীৎয়েং অসি য়াম্না শোল্লি।
লৈবাক অসিদা লৌমীশিংদা সোইল হেল্থ কার্দ পুন্না করোর ২২ হেন্না পীখ্রে। অমসুং মসিদা কার্দ খক্তা পীখিবদা নত্তনা লৈবাক শিনবা থুংনা সোইল তেস্তিংগা মরী লৈনবা য়াম্না চাউবা নেতৱার্ক অমসু শেমখি। । ঙসি লৈবাক অসিগী লৌমী করোর কয়া অমনা সোইল হেল্থ কার্দতগী ফংলকপা ই-পাউ অদুদা য়ুমফম ওইরগা ফর্তিলাইজরশিং অমসুং মাইক্রোন্যুত্রিয়েন্তশিং অদু শিজিন্নরি। মসিনা মরম ওইরগা লৌমীশিংগী শেঞ্জংদা চাদা ৮দগীনা ১০ ফাওবগী চাংদা সেবিং তৌবা ঙম্মি অমসুং পোত্থোক্তা চাদা ৫-৬ চাংদা হেনগৎলকপা থেংনখি। হায়বদি লৈবাক লৈবাক অদুনা লৈহাও লৈরবদা পোত্থোকসু হেনগৎলক্লে।
লৈবাক-লৈহাওদা কান্নবা ফংহন্নবগীদমক্তা চাদা চামা নীম কোতিংনসু কান্নবা কয়া অমা ফংহল্লে। মাইক্রো-ইরিগেশনবু য়োকখৎপনা মরম ওইরগা, অতল ভু য়ৌজনানা মরম ওইরগা লৈবাক অসিগী রাজ্য কয়া অমদা লৈবাক-লৈহাওগী ফিভমসু ফগৎলক্লি।
ঐখোয়না কেচ দ রেনগুম্বা কেমপেনশিং অসিগী খুত্থাংদা ঈশিং য়োকশিনবা অসিগা লৈবাক অসিগী মীপুম খুদিংমক্কা মরী লৈনহন্নবা হোৎনরি। হনদক্কী চহি অসিদা লৈবাক অসিগী য়াম্না চাউবা তুরেল য়োকখৎনবগী কেমপেনসু হৌদোকখ্রে। মসিদা ঈশিং মোৎহনবা অসিবু হন্থহন্নবগা লোইন-লোইননা তুরেল খোংবানশিংদা উমং-ৱামংশিং থম্নবা থবকসু হৌরক্লি। ভারতকী ফোরেস্ত কভরদা স্ক্ব্যার কি.মি. ৭৪০০দগিসু হেন্না হেনগৎলগনি হায়না পানরি। হৌখিবা চহি নিপালদা ঐখোয়গী ফোরেস্ত কভর অসি স্ক্ব্যার কি.মি. লিশিং ২০ হেন্না হেনগৎলকখ্রে, মসিদা হায়রিবা অসিনা অমুক্কসু মতেং পাংলগনি।
মরুপশিং,
ভারত অসি ঙসিদি বায়োদাইভর্সিতী অমসুং ৱাইল্দলাইফকা মরী লৈননা হৌজিক চৎনরিবা পোলিসীশিং অদুনা লম্লক্কী শা-উচেকশিংগী মশিং অসি হায়নিংঙাই লৈতনা হেনগৎলক্লি। ঙসিদি কৈ, নোংশা, কোবোকৈ অমসুং শমু ওইগেরা, মখোয়শিং অসিগী মশিং অসি লৈবাক অসিদা হেনগৎলক্লি।
মরুপশিং,
লৈবাক অসিদআ অহানবা ওইনা ঐখোয়গী খুঙ্গংশিং অমসুং সহরশিং লু-নান্না থম্বা, ফ্যুএলদা মরোমদোম লৈপচবা ঙম্বা, লৌমীশিংগী অহেনবা ইনকম অমসুং লৈবাক-লৈহাওগী হেল্থকা মরী লৈননা কেমপেনশিং অদু ঐখোয়না অমত্তা ওইনা পুনশিল্লে। গোৱর্ধন য়োজনা অসি অসিগুম্বা হোৎনবা অমনি। অমসুং ঐনা গোৱর্ধন হায়বা মতমদা সেক্যুলর ওইবা মীওইশিংনামসি করম্বা গোৱরধনদগী পুরক্লিবনো হায়না হংগনি।
মসিগী গোৱর্ধন য়োজনা অসিগী মতুং ইন্না বায়োগ্যাস পআলন্তশিংদগী শন্থি অমসুং লৌউ-শিংউদগী পুথোকপা অতোপ্পা ফত্তা-হাওদিশিংনা ইনর্জীদা ওন্থোরক্লি। লৈবাক-লৈহাওদা অহেনবা প্রেসর পীদনা মহৈ-মরোং নিংথিজনা লোকপা ঙম্নবা হৌখিবা চহি ৭-৮ অসিদা মখল ১৬০০দগী হেনবা অনৌবা ভেরাইতীগী মরুশিংসু লৌমীশিংদা ফংহনখ্রে।
মরুপশিং,
নেচরেল ফার্মিংগীসু ঐখোয়গী হৌজিক মায়োক্নরিবা শিংনবশিংগীসু য়াম্না চাউবা সোল্যুশন অমা লৈ। হন্দক্কী চহিগী বজেত্তা ঐখোয়না গঙ্গাগী তুরেল খোংবান্দা তাবা খুনশিং নেচরেল ফার্মিং তৌননবা থৌগৎলগনি। নেচরেল ফার্মিংগী য়াম্না চাউবা কোরিদোর অমা শেম্লগনি। ঐখোয়না গঙ্গাগী তুরেল খোংবান্দা অনৌবা কোরিদোর অমা এগ্রিকলচররেল কোরিদোর, নেচরেল ফার্মিংগীদমক্তা হৌদোকখ্রে। ভারতনা চহি ২০৩০ ফাওবদা ইকং থোকপা লম হেক্তর মিলিয়ন ২৬ রেস্তোর তৌনবগী পান্দমদা থবক কন্না তৌরি।
মরুপশিং,
মহৌশাগী ফিভম ঙাকশেন্দুনা থম্নবা ঙসি ভারতনা অনৌবা ইনোভেশনশিং, প্রো-এনভাইরনমেন্ত তেক্নোলোজীশিংদা লেপ্তনা মিৎয়েং চংশিল্লি। নখোয় ময়াম্না খঙই মদুদি পোল্যুশন হন্থহন্নবা ঐখোয়না বি.এস.-৫ নোর্মদা লাক্তদনা বি.এস.-৪দগী বি.এস.-৬তা জমপ তৌখি। ঐখোয়না লৈবাক শিনবা থুংন এল.ই.দি. পীনবা উজালা য়োজনা চৎনহনখি, মসিনা মরম ওইরগা চহি অমদা চউরাক্না কার্বন ইমিসন অসি মিলিয়ন তন হন্থহল্লে।
ভারতনা ফোসিল ফ্যুএলগী মপাল তাংবা হন্থহন্নবা হৌৎনরি। ঐখোয়গী ইনর্জীগী মথৌ তাবশিং, রিন্যুৱেবল সোর্সশিংদগী মপুং ফাহন্নবা ঐখোয়না মসিগী পান্দমদা কন্না তৌরি। ঐখোয়না ঐখোয়গী ইন্সতোলদ পাৱর জেনরেশন কাপাসিতীগী চাদা ৪০ নন-ফোসিল ফ্যুএল বেস সোর্সশিংদগী লৌনবা পাম্দম থম্লি। মসিগী পান্দম অসি ভারতনা সেদ্যুলদগী চহি ৯ ঙনখৎনা ফংবা ঙমখ্রে। ঙসি ঐখোয়গী সোলর ইনর্জী কেপাসিতী অসি শরুক ১৮ থোক্না হেনগৎলকখ্রে। হাইদ্রোজেন মিসন নত্রগা সর্কুলর পোলিসীগী মতাংদা ওইরো, মসি ঐখোয়না মহৌশাগী ফিভম ঙাকশেন্নবগী লৌখিবা ফিরেপ অদুগী খুদম্নি। ঐখোয়না অরিবা গারিশিংগীদমক্তা স্ক্রেপ পোলিসী পুরক্লি।
মরুপশিং,
ঐখোয়না হোৎনরিবশিং অদুগী মরক্তা ঙসি এনভাইরনমেন্ত দে অসিদা ভারতনা অনৌবা এচীবমেন্ত অমমুক ফংবা ঙমখ্রে। অমসুং ঐগী লাইবক ফবা অমনা মসিগী নুংঙাইরবা পাউ অসি পীনবগীদমক্তা ঙসি ঐহাক্না য়াম্না মতিক চারবা প্লেতফোর্ম ফংলে। ঙসি ভারতনা পেতরোলদা চাদা ১০ ঈথানোল ব্লেন্দিংগী পান্দম অদু মাইপাকপা ঙমখ্রে।
ভারতনা মসিগী পান্দম অসি সেদ্যুলদগী থা ৫ ঙনখৎনা ফংবা ঙমখ্রে। হায়রিবা অসি য়াম্না চাউবা মাইপাকপা অমনি, চহি ২০১৪দা ভারত্তা শুপ্নতগী চাদা ১.৫ খখ্তমক ইথানোল অসি পেত্রোলদা ব্লেন্দিং তৌরম্মি।
মসিগী পান্দম অসি ফংবনা মরম ওইরগা ভারতনা ময়েক শেংনা কান্নবা অহুম ফংখি। অহানবদা মসিনা চাউরাক্না কার্বন ইমিসন চাউরাক্না তন লাখ ২৭ হন্থহনখ্রে। অনিশুবদা, ভারতনা ফোরেন এক্সচেঞ্জকী লুপা করোর লিশিং ৪১ তুংশিনবা ঙমখ্রে। অমসুং অহুমশুবা য়াম্না মরু ওইবা কান্নবা অমনা লৈবাক অসিগী লৌমীশিং ইথানোল ব্লেন্দিং হেনগৎলকপনা মরম ওইরগা চহি ৮ অসিদা করোর লিশিং ৪০ হেন্না ইনকম লাকখি। ঐহাক্না লৈবাক অসিগী মীয়াম, লৈবাক অসিগী লৌমীশিং, লৈবাক অসিগী ওইল কমপনীশিংবু মসিগী পান্দম অসিফংবা ঙমখিবগীদমক্তা নুংঙাইবা ফোংদোক্লি।
মরুপশিং,
ঙসিসু পি.এম.- নেস্নেল গতি শক্তিমাস্তর প্লানদা থবক তৌরি, মসিনসু মহৌশাগী ফিভম ঙাকশেনবদা য়াম্না চাউবা থৌদাং লৌগনি। গতি-শক্তিনা মরম ওইরগা লৈবাক অসিদা লোজিসতিক্স সীস্তেম অদু মতম অসিগী য়াম্না নৌবা ওইরগনি, ত্রান্সপোর্ত সীস্তেম য়াম্না লিংগনি। মসিনা পোল্যুশন হন্থহনবদা য়াম্না চাউনা মতেং পাংগনি। লৈবাক অসিদা মল্তিমোদল কনেক্তিবিতী লৈহনবা, অনৌবা ৱাতরৱে চামা হেন্নদা থবক কন্না তৌরি, হায়রিবশিং অসি মহৌশাগী ফিভম ঙাক শেনবা অমসুং ক্লাইমেত চেঞ্জকী শিংনবশিং অদুগা মায়োক্নবদা ভারতকী য়াম্না চাউনা মতেং পাংগনি।
মরুপশিং,
ভারত্তা মসিগী থবকশিং, কেমপেনশিং অসিগী অতোপ্পা মাইকৈ অমা লৈ, মসিগী মতাংদা খন্ন-নৈনবা য়াম্না ৱাৎখি, হায়রিবা নাকল অসি গ্রীন জোবশিংনি। ভারতনা মহৌশাগী ফিভমগী কান্ননবা ৱারেপ লৌরি, মসিবু য়াম্না য়াংনা চৎনহল্লগনি, মখোয়না মশিং য়াম্না গ্রীন জোবশিংগী খুদোংচাবা পীরি।
মরুপশিং,
অজাদি কা অমৃত মাহোতসবতা ঈশিং য়োকশিনবগা য়াম্না মরী লৈনবা করিগুম্বা অমগা হায়জগে। মথংগী চহি ওগস্ত ১৫ফাওবা লৈবাক অসিগী জিলা খুদিংমক্তআ য়ামদ্রবদা জিলা অমদা অমৃত সরোৱর ৭৫ থম্নবা লৈবাক অসিদা থবক তৌরি। লিশিং ৫০ হেন্না হেনবা অমৃত সরোৱর অসিনা লাক্কদবা মীরোলশিংগীদমক্তা ৱাতর সেক্যুরিতী অসিবু পাংথোকপদা মতেং পাংগনি। মসিগী অমৃত সরোৱর অসিনা অকোইবদা লৈবা লৈবাক –লৈহাওশিংদা ইনিল লৈহল্লগনি, ৱাতর লেভেলবু মখাদা হন্থবদগী থিংগনি অমসুং মসিনা বায়োদাইভর্সিতীসু ইমপ্রুব তৌরগনি। মসিগী য়াম্না চাউরবা ফিরেপ অসিদা নখোয় ময়াম্না করম্না শরুক য়াবা হেনগৎহনগনি, মসিদা ঐখোয়না নাগরিক অমা ওইনা মসিদা ৱিচার শোইদনা তৌবীয়ু।
মরুপশিং,
মহৌশাগী ফিভম ঙাকশেন্দুনা থম্বা অমসুং য়াম্না য়াংনা চাউখৎপা, ময়াম পুন্না হোৎনমিন্নদুনা, মপুং ফাবা অপ্রোচ খক্তদগী মসি ওইথোক্কনি। মসিদা ঐখোয়গী লাইফস্তাইলগী খরম্বা থৌদাং লৈবগে, ঐখোবনা মসিবু করম্না হোংহনগনি, মসিগা মরী লৈননা ঙসি নুমিদাং থৌরম অমদা ৱা ঙাংগদৌরি, য়াম্না মচা খাইনা হায়গদৌরিবনি, মরমদি মদু ইন্তর্নেস্নেল প্লেতফোর্মদা ঐগী থৌরমনি। লাইফস্তাইল ফোর এনভাইরনমেন্ত, মিসন লাইফ, হন্দক্কী চহি চা অসিগী ফোতোনি, হন্দক্কী চহি চা অসিদা পৃথিবিগী লাইবক লেপকদৌরিবা মিসন হৌখ্রে। মসি পি.-৩ হায়বদি প্রো-প্লানেত-পীপল মুবমেন্ত ওইগনি। ঙসিগী নুমিদাংদা লাইফস্তাইল ফোর দ এনভাইরনমেন্তকী গ্লোবল- কোল ফোর এক্সন লোঞ্চ তৌরগনি। ঐহাক্না হায়রি মদুদি মহৌশাগী ফিভম ঙাকশেন্দুনা থম্নবা অপুনবা ওইনা মীপুম খুদিংমক্না মসিদা শরুক য়াগদবনি। অদু নত্রবদি ঐখোয়না এ.সি.সু থাগনি অমসুং ফৈজুপসু শুপকনি অমসুং মহৌশাগী ফিভমগী মতাংদা সেমিনারদা য়াম্না ফজবা ভাশনসু পীরগনি।
মরুপশিং,
নখোয় ময়াম্না মীওইবা জাতিগী য়াম্না চাউনা সেবা তৌরি। নখোয়না মাইপাকপা ওইরসনু, সদগুরুজীনা য়াম্না শাংলবা, হায়বদি য়াম্না ৱাবা খোংচৎ অমা বাইকতা চৎলি। তৌববুদি মহাক্কী অঙাং ওইরিঙৈদগী মহাক্কী পামজবনি, অদুবু মসিগী থবক অসি য়াম্না লুবা থবক্নি। মরমদি ঐহাক্না করিগুম্বা মতমদা খোংচৎ কয়া শিনখি অমসুং ঐহাক্না ঐহাক্কী পার্তীদা হায়খি মদুদি খোংচৎ অমবু চলাইবা হায়বসি চহি মঙা-তরা হন্থহনবনি, মসিদা অসুম্না য়াম্না কন্না হোৎনবা মথৌ তাই। সদগুরু জীনা খোংচৎ অমা চৎখি, মসিমক য়াম্না চাউবা থবক অমা তৌখ্রে। অমসুং ঐহাক্না য়াম্না চেৎনা থাজৈ মদুদি মালেম অসিদা লৈবাক-লৈহাওগীদমক্তা মীনুংশি ফাওরমরগি, অদুবু ভারতকী লৈবাক-লৈহাও অসিগী পাঙ্গল অসিগী মশক তাক্লম্লগনি।
ময়াম পুম্নমকপু হন্না-হন্না য়াইফ পাউজেল পীজরি।
থাগৎচরি!
*****
(Release ID: 1831406)
Visitor Counter : 151
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam