প্রধানমন্ত্রীগী লোইশঙ
ইশা ফাউন্দেশন্না শিনখিবা ‘সেব সোইল’ থৌরমদা পি.এম.না ৱা ঙাংবা
“হৌখিবা চহি ৮গী মরু ওইবা প্রোগ্রামশিংনা মহৌশাগী ওইবা ফিভম ঙাকশেনবগী মতাংদা অচেৎপা ফিরেপ অমা য়াওরি ”
“ৱার্লদ এনভাইরনমেন্ত দেদা, প্রধান মন্ত্রী শ্রী নরেন্দ্র মোদীনা ঙসি ‘সেব সোইল মুবমেন্ত’কী মতাংদা থৌরম অমা শরুক য়াখি”
“ক্লাইমেত চেঞ্জকী মতাংদা ভারতনা লৌরিবা থৌদাং অসি শিংথানিংঙাই ওইদে অদুবু ভারতনা মহৌশাগী ফিভম ঙাকশেনবগী মতাংদা ইন্তর্নেস্নেল কম্যুনিতীগা লোইননা খুৎশম্নদুনা তুং কোইনগী ওইবা ভিজন অমদা থবক তৌরি”
“ভারত্তা সোইল কঞ্জার্বেশনগী শরুক মঙা থোক্না খাইদোকপা প্রোগ্রাম লৈ ”
ভারতনা ঙসি ইনলিবা বায়োদাইভর্সিতী অমসুং ৱাইল্দলাইফকা মরী লৈনবা পোলিসীশিং অসিনসু ৱাইলদলাইফকী মশিংদা হায়নিংঙাই লৈতনা হেনগৎহল্লকখি”
“ঙসি, ভারতনা সেদ্যুলদগী থা ৫ ঙনখৎনা চাদা ১০ ইথানোল ব্লেন্দিংগী তার্গেত অদু ফংবা ঙমখি”
“২০১৪দা ইথানোল ব্লেন্দিং অসি চাদা ১.৫ ওইখি”
“চাদা ১০ ইথানোল ব্লেন্দিং তৌবা অসিনা কার্বন এমিসনগী তন লাখ ২৭ হন্থহল্লে, লুপা করোর লিশিং ৪১গী ফোরেন এক্সচেঞ্জ তুংশিনখ্রে অমসুং ঐখোয়গী লৌমীশিংদা হৌখিবা চহি ৮ অসিদা লুপা করোর লশিং ৪০গা ৬০০ তানবা ঙমখি”
Posted On:
05 JUN 2022 12:25PM by PIB Imphal
অহৌবদা, প্রধান মন্ত্রীনা মিতিন অদুদা ৱার্লদ এনভাইরনমেন্ত দেগী য়াইফ ফাউজেল পীখি। ‘সেব সোইল মুবমেন্ত’ অসিবু থাগৎলদুনা প্রধান মন্ত্রীনা হায়কখি মদুদি লৈবাক মীয়াম অসিনা অজাদি কা অমৃত মাহোতসব অসিদা অনৌবা ৱাশকশিং লৌবা মতম অসিদআ অসিগুম্বা মুবমেন্ত অসি য়াম্না মরু ওইহল্লি। মহাক্না হৌখিবা চহি ৮ অসিগী মরু ওইবা প্রোগ্রামশিং অদুদা মহৌশাগী ফিভম ঙাকশেন্দুনা থম্বগী মতাংদা য়াওবা অসিদা অপেনবা ফোদোকরকখি। মহাক্না মহৌশাগী ফিভম কন্নবগীদমক্তা ভারতনা লৌখৎখিবা মল্তি-দাইমেনস্নেলগী ওইবা থবকশিং খুদম ওইনা স্বচছ ভারত মিসন নত্রগা ৱেস্ত তু ৱেল্থকা মরী লৈনবা থৌরম, সিঙ্গল য়ুজ প্লাস্তিক হন্থহনবা, ৱান সন ৱান অর্থ নত্রগা ইথানোল ব্লেন্দিং প্রোগ্রাম অসি পনখি।
মহৌশাগী ফিভম ঙাকশেন্নবা ভারতনা হৌৎনরিবশিং অসি মাইকৈ য়াম্না য়াম্মি হায়না প্রধান মন্ত্রীনা পনখি। ভারতনা হায়রিবা থবকশিং অসি ক্লাইমেত চেঞ্জকী মতাংদা ভারতকী থৌদাং অসি শিংথানিংঙাই ওইজদ্রবসু পাংথোকখি। মালেম অসিগী চাউখৎলবা অচৌবা লৈবাকশিংনা পঋথিবী অসিগী রিসোর্সশিং অসি হেন্না হেন্না মাংহনবদা নত্তনা খ্বাইদগী য়াম্না কার্বন ইমিসন তৌবসিসু মখোয়না মরম ওইরগা থোকই। মালেম অসিগী কার্বন ফুতপ্রিন্ত অশি চাংচত্তা চাউরাক্না চহি অমদা মী অমনা তন ৪ ওই, মসিগা চাংদম্নবদা ভারত্তা চহি অমদা মী অমনা চাউরাক্না ০.৫ তন খক্তমক ওই হায়না প্রধান মন্ত্রীনা হায়খি। ভারতনা মহৌশাগী ফিভম ঙাকশেন্নবা ইন্তর্নেস্নেল কম্যুনিতীগা লোইননা খুৎশম্নদুনা লিশাং শিৎনা চৎকদবা ভিজন অমদা থবক তৌরি অমসুং কোলিশন ফোর দিজাস্তর রেজিলিয়েন্ত ইনফ্রাস্তরকচর, ইন্তর্নেস্নেল সোলর এলাইন্সগুম্বা ওর্গনাইজেশনশিং লিংখৎখী হায়না মহাক্না হায়খি। প্রধান মন্ত্রীনা ২০৭০ ফাওবদা নেত-জিরো ওইহন্নবগী ভারতকী পান্দম অদুগী মতাংদা অমুক হন্না পনখি।
লৈহাও কন্নবা, ঐখোয়না মরু ওইবা হীরম মঙাদা ঐখোয়না অহেনবা মীৎয়েং থম্লি হায়না প্রধান মন্ত্রীনা খঙহনখি। অহানবদা করম্না লৈহাওবু কেমিকেল ফ্রী ওইহনগনি। অনিশুবদা, তেক্নিকেলগী ওইবা লোনদা সোইল ওর্গানিক মেতর হায়না খঙনবা লৈহাওদা লৈবা ওর্গানিজমশিং অসিবু করম্না কনগনি। অহুমশুবদালৈহাওদা য়াওরিবা লৈনিল অসিবু করম্না লেংদনা থমগনি, মসিদা য়াওরিবা ঈশিংগী চাং অসিবু করম্না হেনগৎহনগনি। মরিশুবদা, গ্রাউন্দৱাতর য়ামদবনা মরম ওইরগা লৈহাওদা অমাং-অতা থোকহল্লিবা অসিবু করম্না লৌথোক্কনি। অমসুং মঙাশুবদা উমং-ৱামং হন্থরকপনা মরম ওইরগা লৈহাও অসি লেপ্তনা মাংথরকপা অসি করম্না থিংগনি হায়বা ৱাফমশিং অসিনি।
লৈবাক লৈহাওগা মরী লৈনবা ৱাফমশিং অসিগী প্রোব্লেম অসিবু ফগৎহন্নবা এগ্রিকলচর সেক্তরদা লৌখৎখিবা মরু ওইবা থবক কয়া অমা পাইখৎখি হায়না মহাক্না হায়খি। হান্নদি লৈবাক অসিগী লৌমীশিংদা লৈহাওগী মখল, লৈহাওদা লৈরিবা অৱাৎপশিং, মসিদা ঈশিং কয়া য়াম্না য়াওরিবা হায়সিগী মতাংদা ই-পাউ অমত্তা লৈরম্দে হায়না প্রধান মন্ত্রীনা হায়খি। মসিগী প্রোব্লেমশীং অসিবু কোকহন্নবা লৈবাক অসিগী লৌমীশিংদা সোইল হেল্থ কার্দশিংপীনবা য়াম্না চা্রবা কেমপেন অমা হৌদোকখি।
প্রধান মন্ত্রীনা খঙহল্লকখি মদুদি সরকার অসিনা কেচ দ রেনগুম্বা কেমপেনশিং অসিগি খুত্থাংদা ঈশিং য়োশিনবগা লৈবাক অসিগী মীয়ামগা মরী লৈনহল্লে। হন্দক্কী চহি অসিগী মার্চ অসিমকক্তদা লৈবাক অসিদা অচৌবা তুরেল ১৩ কন্নবা কেমপেনসু হৌখ্রে। মসিদা ঈশিংদা মোৎশিনবা হন্থহনবগা লোইননা তুরেল অসিগী খোংবানদা ঊমং-ৱামংশিং থাদুনা য়োকখৎনবা থবকশু তৌখ্রে। মসিনা স্ক্ব্যার কি.মি. ৭৪০০গী ঊমং-ৱামংশিং হেনগৎহল্গনি হায়না পানরি অমসুং মসিনা হৌখিবা চহি ৮ অসিদা ভারত্তা হেনগৎলকখিবা উমং-ৱামংগী মফম স্ক্ব্যার কি.মি. লিশিং ২০ হেনগৎলকখিবা অদুদা অহেনবা ওইনা হাপচিল্লগনি হায়না মহাক্না হায়খি।
প্রধান মন্ত্রীনা পনখি মদুদি ভারতনা ঙসি ইল্লিবা বায়োদাইভর্সিতী অমসুং ৱাইলদলাইফকা মরী লৈনবা পোলিশিীশিং অদুনা মরম ওইরগা ৱাইল্দলাইফকী মশিংদা হায়নিংঙাই লৈতনা হেনগৎহল্লক্লে। ঙসিদি লৈবাক অসিদা কৈ, নোংশা, কবোকৈ নত্রগা শামু, হায়রিবশিং অসিগী মশিং অসি হেনগৎলক্লি। প্রধান মন্ত্রীনা পনখি মদুদি অহানবা ওইনা স্বচ্ছতা, ফ্যুএলগী মতাংদা মরোমদোম লেপচবগা মরী লৈনবা খোংথাংশিং পাইখৎলক্লে। লৌমীশিংগী ইনকম অমসুং সোইল হেল্থকা মরী লৈনবা প্রোগ্রামশিং অসি অমগা অমগা মরী লৈনহল্লে। মহাক্না গোৱর্ধন য়োজনাগী খুদম পীখি।
প্রধান মন্ত্রীনা হায়খি মদুদি নেচরেল ফার্মিংদা ঐখোয়গী খ্বাইদগী চাউবা অৱাবা খরা অমগী য়াম্না চাউবা সোল্যুশন লৈ। হন্দক্কী চহিগী বজেত্তা, সরকার অসিনা গঙ্গা তুরেলগী খোংবান্দা তারিবা খুঙ্গংশিংদা নেচরেল ফার্মিং য়োকখৎনবা ৱারেপ লৌখ্রে, মসিনা নেচরেল ফার্মিংগী য়াম্না চাউবা কোরিদোর অমা ওইহল্লগনি হায়না মহাক্না হায়খি। মসিনা ঐখোয়গী লৌশিং অসিবু কেমিকেল ফ্রী ওইহনবদা নত্তনা নামামি গঙ্গে কেমপেন অসিবুসু অনৌবা পাঙ্গল হাপ্লগনি। ভারতনা ২০৩০ ফাওবদা হেক্তর মিলিয়ন ২৬কী লমবু হান্নগী ফিভমদা লৌউ-শিংউ য়াহন্নবা পান্দমদা হোৎনরি হায়না প্রধান মন্ত্রীনা খঙহল্লকখি। মহাক্না বি.এস. VIগী চৎন-কাংলোনশিং, এল.ই.দি. বল্ব কেমপেন চৎনহন্নবগী মতাংদা হায়খি।
প্রধান মন্ত্রীনা মখাতানা খঙহল্লকখি মদুদি ভারতনা সেদ্যুলদগী চহি ৯ ঙনখৎনা নন-ফোসিল-ফ্যুএলদগী ইনসতোল তৌরিবা পাৱর জেনরেশন কেপাসিতীগী ৪০% ফংবা ঙম্নবগী তার্গেত অদু য়ৌবা ঙমখ্রে। সোলর ইনর্জি কেপাসিতী অসি শরুক ১৮ থোক্না হেনগৎলকখ্রে অমসুং হাইদ্রোজেন মিসন অমসুং সার্কুলর ইকোনোমীগা মরী লৈনবা পোলিশিং, স্ক্রাপেজ পোলিসীগুম্বা পোলিসীশিং অসি মহৌশাগী ফিভম ঙাকশেন্দুনা থম্নবা ঐখোয়গী অচেৎপা ফিরেপ অদুগী খুদম্নি হায়না মহাক্না হায়খি।
প্রধান মন্ত্রীনা মীয়ামদা খঙহনখি মদুদি ঙসি ভারতনা সেদ্যুলদগী থা ৫ ঙনখৎনা চাদা ১০ ইথানোল ব্লেন্দিংগী তার্গেত অদু ফংবা ঙম্লে হায়না ফোংদোকখি। মাইপাকপা থবক অসিগী মতাংদা মসি কয়ামুক য়াম্না চাউবা ৱাফম্নো হায়বগী মতাংদা মহাক্না হায়রদুনা, ২০১৪দা ইথানোল ব্লেন্দিং অসি ২০১৪দা চাদা ১.৫ খক্তমক ওইরম্মি হায়না প্রধান মন্ত্রীনা হায়খি।মসিগী পান্দম অসি ফংবগী কান্নবা ময়েক শেংনা অহুম লৈ হায়না মহাক্না হায়খি। অহানবদা, মসিনা কার্বন এমমিসনগী তন লাখ ২৭ হন্থহনখ্রে। অনিশুবদা, মসিনা লুপা করোর লিশিং ৪১গী ফোরেন এক্সচেঞ্জ তুংশিনখ্রে অমসুং অহুমশুবদা, লৈবাক অসিগী লৌমীশিংনা হৌখিবা চহি ৮ অসিদা ইথানোল ব্লেন্দিং হেনগৎলকপনা মরম ওইরগা লুপা করোর লিশিং ৪০গা ৬০০ তানখি। প্রধান মন্ত্রীনা মসিগী মাইপাকপা অসিগীদমক্তা লৈবাক অসিগী মীয়াম, লৌমীশিং অমসুং ওইল কমপনীশিংবু থাগৎপা ফোংদোকখি।
প্রধান মন্ত্রীনা হায়খি মদুদি পি.এম. নেস্নেল গতিশক্তি মাস্তর প্লাননা মরম ওইরগা লোজিস্তিক্স সীস্তেম অমসুং ত্রান্সপোর্ত সীস্তেম অসি হেন্না মপাঙ্গল কণখৎহল্লগনি অমসুং মসিনা পোল্যুশন হন্থহল্লগনি। ৱাতরৱেজ ১০০ হেন্নদা মল্তি-মোদল কনেক্তিবিতীগী থবক অসিনসু পোল্যুশন হন্থহনবদা মতেং পাংগনি। প্রধান মন্ত্রীনা গ্রীন জোবশিংগী মতাংদা ওদিয়েন্সশিংগী পুক্নিং চিংশিনখি। মহৌশাগী ফিভম কনবগী মতাংদা ভারতকী খোংজেল অসিনা মশিং য়াম্লবা গ্রীন জোবশিংগীদমক্তা খুদোংচাবা কয়া অমা পুরক্লি হায়না মহাক্না হায়খি। মহাক্না মহৌশাগী ফিভম অসিগা মরী লৈননা এৱেয়রনেস হেনগৎহন্নবা হায়খি অমসুং লৈহাও ঙাকশেন্দুনা থম্নবা অমসুং জিলা খুদিংমক্তা অমৃত সরোৱর ৭৫ শেম্নবগিদমক্তা মীয়ামগী ওইবা ঈহৌ অমা শাগৎনবা হায়রদুনা লোইশিনখি।
‘সেব সোইল মুবমেন্ত’ অসি মাংথরক্লিবা সোইল হেল্থকী মতাংদা এৱেয়রনেস হেনগৎহন্নবা অমসুং মসিবু ফগৎহন্নবা কন্সিয়স রেসপোন্স অমা পুরক্নবা গ্লোবল মুবমেন্ত অমনি। মসিগী মুবমেন্ত অসি২০২২ মার্চতা সধগুরুনা হৌদোকখিবনি, মহাক্না লৈবাক ২৭ ফাওদুনা চৎপা নুমিৎ ১০০গী মতোরসাইকলগী খোংচৎ অমা চৎখি। জুন ৫ অসিনা নুমিৎ ১০০গী খোংচৎ অদুগী ৭৫শুবা নুমিৎনি। থৌরম অদুদা প্রধান মন্ত্রীনা শরুক য়াবা অসিনা ভারত্তা সোইল হেল্থ ফগৎহন্নবগী ফাওরিবা ৱাখল্লোন অমসুং অচেৎপা ফিরেপ অদুবু ময়েক শেংনা উৎলি।
***
(Release ID: 1831331)
Visitor Counter : 179
Read this release in:
Assamese
,
Telugu
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam