প্রধানমন্ত্রীগী লোইশঙ
পি.এম.না কানপুরগী পরোংখ খুঙ্গংদা মীয়ামগী থৌরম অমদা ৱা ঙাংখ্রে
রাস্ত্রপতিগা লোইননা মহাক্কী পারি-পুরিগী হৌরকফম কুঙ্গংদা চৎমিন্নখি
“পরোংখ অসি এক ভারত শ্রেস্থ ভারতকী য়াম্না ময়েক লারবা খুদম অমনি”
“রাস্ত্রপতিনা ‘সম্বিধান’ অমসুং ‘সন্সকার’ অনিমক অসি শাগোন্নরি”
“ভারত্তা, খুঙ্গংদা পপোকপা য়াম্না লাইরবা মীশক অমনা ফাওবা রাস্ত্রপতি-প্রধান মন্ত্রি-গোবর্নর-মুখ্য মন্ত্রীগী ফম অসি য়ৌবা ঙম্মি”
“ভারতকী খুঙ্গংশিং চাউখৎহন্দুনা মতিক চাহনবা হায়বসি ঐখোয়গী সরকার অসিগী খ্বাইদগী হেন্না মরু ওইবশিং অদুগী মনুংদা অমনি”
“লৈবাক অসিনা লাইরবশিংগী য়াইফনবগীদমক্তা অমুক্তা থোকখিদ্রিবা মওংদা য়াম্না ঙক্নিংঙাই ওইবা খোংজেল অমদা থবক তৌখি”
“ঐহাক্না দাইনেস্তীগী খুবামনুংদা ফাজিন্দুনা লৈরিবা পার্তীশিংবু মশানা মশাবু মসিগী লাইনা অসিদগী নান্থোকচনবা অমসুং মশানা ফহনবা পাম্লি। মদুদা খক্তা ভারতকী গনতন্ত্র অসি কনগনি অমসুং লৈবাক অসিগী নহাশিংনা পোলিতিক্সতা য়াওবগী খুদোংচাবা অদু খআইদগী হেন্না ফংগনি।”
Posted On:
03 JUN 2022 5:17PM by PIB Imphal
প্রধান মন্ত্রী, শ্রী নরেন্দ্র মোদীনা ইকাইখুম্নরবা রাস্ত্রপতি, শ্রী রাম নাথ কোৱিন্দগা লোইননা কানপুরগী পরোংখ খুঙ্গংদা পথ্রি মাতা মন্দিরদা চৎমিন্নখি। মসিগী মতুংদা মখৌয়না দা. বি.আর. অম্বেদকর ভাৱনদা চৎখি, মতুংদা মিলন কেন্দ্রদা চৎখি। কেন্দ্র অশি ইকাইখুম্নরবা রাস্ত্রপতিগী পারি-পুরিগী ওইবা য়ুমনি, হায়রিবা অসি মীয়াম্না শিজিন্ননবগীদমক্তা খৎথোকখ্রে অমসুং কম্যুনিত সেন্তর (মিলন কেন্দ্র) ওইনা ওন্থোকখ্রে।দিগ্নিতরী অনিমক্না পরোংখ খুঙ্গংদা মিয়ামগী ওইবা থৌরম অমদা শরুক য়াখি। ফর্সত লেদী, শ্রিমতি সাৱিতা কোৱিন্দ, উত্তর প্রদেশকী গোবর্নর, শ্রীমতি আনন্দিবেন পতেল, উত্তর প্রদেশকী মুখ্য মন্ত্রী, শ্রী য়োগি অদিত্যনাথ, কেন্দ্রগী মন্ত্রীশিং, রাজ্যগী মন্ত্রীশিং, মীয়ামগী মীহুৎশিংনা থৌরম অদুদা শরুক য়াখি।
থৌরম অদুদা ৱা ঙাংবদা, প্রধান মন্ত্রীনা হায়খি মদুদি মহাক্না রাস্ত্রপতিগী অঙাং ওইরিঙৈগী পুনশি থেংনরকখিবা অমসুং মহাকপু লৈবাক অসিগী খ্বাইদগী ৱাংবা ফম ফাউবা কাখৎলকপা উখিবা খুঙ্গং অদুবু চৎপা ফংবা অসি য়াম্না হরাওই। রাস্ত্রপতিনা খোংংচৎ অদুদা মঙোন্দা তম্লকখিবা মহাক্কী নিংশিং ৱারীশিং অদুগী মতাংদা মহাক্না অমুক হন্না নিংশিংখি। মহাক্না রাস্ত্রপতিগী পুনশি খোংচৎকী পাঙ্গল থৌনা অদুবু থাগৎখি।
প্রধান মন্ত্রীনা হায়খি মদুদি মহাক্না পরোংখতা ভারতকী মতিক ফিদম্নফম ওইরবা খুঙ্গং অমগী পাঙ্গল অদু ফাওখি। মহাক্না খুঙ্গং অসিবু এক ভারত শ্রেস্থ ভারতকী য়াম্না ময়েক লারবা খুদম অমনি হায়না হায়খি। পথ্রি মাতা মন্দিরনা দেব ভক্তি অমসুং দেশ ভক্তি অনিমক্কী মশক তাক্লি। মহাক্না রাসত্রপতিগী মপাবুং ৱাখল্লোন অমসুং মহাক্কী ৱাখলনা শাগৎলম্বগী থৌওং অমসুং পিলগ্রিমেজকীদমক্তা মহাক্কী অপাম্বা অমসুং লৈবাক শিনবা থুংনা মীয়াম্না থাজনরিবা মফমশিংদগী নুংশিং অমসুং থাজনবা পোৎলমশিং পুদুনা লাকখিবা অদুগীদমক্তা ইকাইখুম্নখি।
প্রধান মন্ত্রীনা পরোংখ খুঙ্গংগী লৈহাওদগী রাস্ত্রপতিনা ফংলকখিবা ‘সন্সকার’ অদু ঙসিদি মালেম পুম্বনা উবা ফংলি হায়না হায়খি। ‘সম্বিধান’ অমসুং ‘সন্সকার’ অনিমকপু মশক তাক্লিবা রাস্ত্রপতিনা চৎন কাংলোন ৱাংবদা চত্তুনা অমসুং মহাকপু হেলিপেদতা ওকপা লাকপা অদুদা য়াম্না ঙকপা ফাওখি। প্রধান মন্ত্রীনা রাস্ত্রপতিনা হায়খিবা ৱাফম মহাক্তি মীথুংলেন অমবু তরাম্না ওকপগী মহাক্কী ‘সন্সকারশিং’ অদুবু ঙাক্না চৎপনি হায়বা ৱাফম অদুবু নিংশিংখি। প্রধান মন্ত্রীনা রাস্ত্রপতিবু মহাক্কী ফিদম্নিংঙাই ওইরবা থৌওং অদুগীদমক্তা থাগৎপা ফোংদোকখি।
শ্রী মোদীনা পনখি মদুদি রাস্ত্রপতিনা মহাক্কী পারি-পুরিগী য়ুম অদুবু ‘মিলন কেন্দ্র’ ওইনা শেমগৎনবা পীথোকখ্রে। ঙসিদি মসিনা কন্সল্তেশন অমসুং ত্রেনিং সেন্তরগী মওংদা নুপী ওইবীশিংদা এমপাৱরমেন্ত তৌনবা অনৌবা পাঙ্গল অমা পীবীরে। অসিগুম্না, দা. বি.আর. অম্বেদকর ভাৱননা বাবাসাহেব অম্বেদকরগী ৱাখল্লোনশিং অদুবু য়োকখৎলি। খুঙ্গংগী মীওইশিংগী ওইবা অপুনবা ওইনা হোৎনমিন্নবা অদুনা মরম ওইরগা পরোংখনা লেপ্তনা চাউখৎলগনি অমসুং লৈবাক অসিদা মপুং ফাবা খুঙ্গং অমগী মোদেল অমা ওইনা উৎলগনি হায়না প্রধান মন্ত্রীনা হায়খি। কনাগুম্বা অমগী খুঙ্গং অদু মহাক্না চৎপা মফম খুদিংমক্তা মহাক্কা থাদোক্তে হায়না প্রধান মন্ত্রীনা হায়খি। মহাত্মা গান্ধিনা ভারতকী নিংতম্বা অসি ভারতকী খুঙ্গংশিংগা লোইননা মরী লৈনহন্দুনা উখি হায়না প্রধান মন্ত্রীনা হায়খি। ভারতকী খুঙ্গং হায়বসি, স্পিরিচুৱেলিতী লৈবা মফমদা আইদিয়লশিংসু লৈগদবনি। ভারতকী খুঙ্গং হায়বসি চৎনবী লৈবা মফমদা চাউখৎপসু লৈগনি। ভারতকী খুঙ্গং হায়বসি কলচর লৈবা মফমদা কো-ওপরেশনসু লৈগদবনি। নুংশি-চান্নবা লৈবা মফমদা চপ মান্নবা হায়বসিসু লৈ। অমৃত কালগী মতম অসিদা, অসিগুম্বা খুঙ্গংশিং অসিবু কনখৎহনবা হায়বসি য়াম্না তঙাইফদে। লৈবাক অসিনা খুঙ্গংশিংগীদমক্তা, লৌমীশীংগীদমক্তা, লাইরবা অমসুং পঞ্চায়তি দেমোক্রেসীগীদমক্তা থবক তৌনবগী ৱাশক্কা লোইননা খুমাং চাউশিল্লি, হায়না মহাক্না মখা তাখি। “ঐখোয়গী খুঙ্গংশিংনা খ্বাইদগী হেন্না মতিক লৈ অমসুং লেবর ফোর্স, অমসুং খ্বাইদগী হেন্না দেদিকেশন লৈ। মরম অদুনা ভারতকী খুঙ্গংশিংগী এমপাৱরমেন্ত তৌবা অসিনা ঐখোয়গী সরকার অসিগী খ্বাইদগী হেন্না মরু ওইবশিংগী মনুংদা অমনি”, হায়না মহাক্না হায়খি।
প্রধান মন্ত্রীনা হায়খি মদুদি খুঙ্গংগী মীওই করোর কয়া অমনা জন ধন য়োজনা, পি.এম.এ.ৱাই, উজ্বালা অমসুং হর ঘর জলগুম্বা স্কীমশিং অসিনা কান্নবা ফংহনখ্রে। “লৈবাক অসিনা অমু্ক্তা থোকখিদ্রিবা য়াম্না ঙম্নিংঙাই ওইবা খোংজেল অমগা লোইননা লাইরবশীংগী য়াইফনবগীদমক্তা থবক তৌরকখি”, হায়না মহাক্না হায়খি। হৌজিক্তি লৈবাক অসিনা মী চাদা ১০০দা স্কীম খুদিংমক্কী কান্নবা অসি চাদা ১০০ ফংহন্নবা হোৎনরি। হৌজিক্তি স্কীমশিং অসিগী খম থেংবা ফাওবা য়ৌহনবা হায়বসি খ্বাইদগী হেন্না মরু ওইবা ওইরে। মসিনা অচান-মরাই অমত্তা খাইদনা মীপুম খুদিংমক্তা এমপাৱরমেন্ত তৌবা ঙম্লগনি হায়না মহাক্না হায়খি।
ভারতকী গনতন্ত্রগী পাঙ্গলগী মতাংদা পল্লদুনা, প্রধান মন্ত্রীনা খঙহল্লকখি মদুদিস স্তেজ অসিদা লৈরিবা দিগ্নিতরী মরিমক, রাস্ত্রপতি, প্রধান মন্ত্রী, গবর্নর অমসুং য়ু.পি.গী মুখ্য মন্ত্রী অসি খুঙ্গংশিংদগী নত্রগা অপিকপা তাউনদগী হৌরকপা ঙাক্তনি হায়না পনখি। ঐখোয়গী থেংনরকখিবা অৱাবশিং অমসুং হকথেংননা থেংনরকখিবা লাইর-অনং অমসুং খুঙ্গংগী পুনশিনা ঐখোয়গী সন্সকারশিং অদুবু কনখৎহনখি, মসিনি ঐখোয়গী গনতন্ত্রগী পাঙ্গল, “ভারত্তা, খুঙ্গংদা পোকপা খ্বাইদগী হেন্না লাইরবা মীওই অমনসু রাস্ত্রপতি-প্রধান মন্ত্রী-ন গোবর্নর-মুখ্য মন্ত্রীগী ফম অসি য়ৌবা ঙম্মি”, হায়না মহাক্না হায়খি।
গনতন্ত্রগী পাঙ্গলগী মতাংদা, প্রধান মন্ত্রীনা দাইনেস্তী পোলিতিক্সকী মায়োক্তা চেকশিন্নবা হায়খি। মহাক্না পোলিতিক্সতা খক্তা নত্তনা হিরম খুদিংমক্তা তেলেন্তশিংবু নমহৎলিবা অমসুং অনৌবা তেলেন্তশিংবু হৌগৎলকপদগী থিংলিবা অসি দাইনেস্তী পোলিতিক্সনি হায়না হায়খি। “ঐহাক্না পোলিতিকেল পার্তী নত্রগা কনাগুম্বা অমত্তগা নুংঙাইনদবা লৈতে। ঐহাক্না লৈবাক অসিদা অরিংবা ওপোজিশন অমা লৈহনবা পাম্মি অমসুং গনতন্ত্রগীদমক্তা কৎথোক্লবা পোলিতিকেল পার্তীশিং লৈগদবনি”, মহাক্না মখা তাথরদুনা “ঐহাক্না দাইনেস্তীগী খুবামনুংদা ফাজিন্দুনা লৈরিবা পার্তিশিংবু মশানা মসিগী লাইনা অসিদগী নান্ধোক্তুনা অমসুং মশানা মসিদগী ফহনবা পাম্লি। অদুদা খক্তনা ভারতকী গনতন্ত্র অসি কনবা ঙমগদোরিবনি, লৈবাক অসিগী নহাশিংনা পোলিতিক্সতা য়াওবগী খুদোংচাবা খ্বাইদগী হেন্না ফংগদোরিবনি”।
প্রধান মন্ত্রীনা খুঙ্গং অদুদা অমৃত সরোৱর শাবদা মতেং পাংনবা খুঞ্জাশিং অদুদা হায়জখি অমসুং নেচরেল ফার্মিংগী থৌওং অসিবু শিজিন্নবা হৌনবসু হায়খি। মহাক্না সবকা প্রয়াস অসি আত্মানির্ভর ভারত ফংনবগী লম্বিনি অমসুং আত্মানির্ভর ওইবা খুঙ্গংনা আত্মানির্ভর ভারতকী পাম্বৈনি।
ভারতকী ইকাইখুম্নরবা রাস্ত্রপতিনসু মীয়ামগী মীতিন অদুদা ৱা ঙাংখি।
*****
(Release ID: 1831029)
Read this release in:
Hindi
,
English
,
Urdu
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam