শ্রী কিরেন রিজিজু, হকশেল অমসুং য়াইফ য়ুম্বালগী কেন্দ্র মন্ত্রী, শ্রী মনশুখ মন্দাবিয়া, এক্সতর্নেল এফিয়র্স অমসুং কলচরগী এম.ও.এস., শ্রীমতি মীনাক্ষী লেখিগী মমাংদা নই দিল্লীগী মেজর ধ্যান চান্দ স্তেদিয়মদগী মালেমগী বাইসাইকল নুমিৎকা মরী লৈননা লৈবাক শিনবা থুংবদা পাংথোক্কদবা প্রোগ্রাম হৌদোকখ্রে। থৌরম অসিদা শরুক য়াখিবা অতোপ্পা মীওইশিংগী মরক্তা হান্নগী হকশেল মন্ত্রী অমসুং এম.পি., দাঃ হর্শভর্ধন, এম.পি. শ্রী মনোজ তিৱারী, এম.পি. শ্রী রামেশ বিধুরী, য়ুথ এফিয়র্স বিভাগকী সেক্রেতরী শ্রী সঞ্জয় কুমার, স্পোর্ত সেক্রেতরী শ্রীমতি সুজাতা চতুর্বেদী অমসুং মন্ত্রালয়গী অতোপ্পা ওফিসরশিংনা শরুক য়াখি।

দিল্লীদা শীন লাঙবা অমসুং ধ্যান চান্দ স্তেদিয়মদগী লমথাখিবা সাইকল রেলীবু শ্রী অনুরাগ থাকুরনা লুচিংখি। থৌরম অসিদা শরুক য়াখিবা মন্ত্রী অমসুং এম.পি.শিংনা মহাকপু য়াওশিন্নখি। দিল্লীগী কিলোমিতর ৭.৫গী রেলীদা মীওই ১৫০০ হেনবনা শরুক য়াখি। মখা তাবা ওইনা, এন.ৱাই.কে.এস.না আইকোনিক ওইবা মফম ৭৫ য়াওনা লৈবাক শিনবা থুংবগী রাজ্য/য়ু.তি. ৩৫গী মফম ১০০ হেনবদা সাইকল রেলী শীন-লাঙখ্রে অমসুং রেলী অসিদা শরুক য়াখিবা মীওই ৭৫না কিলোমিতর ৭.৫ সাইকল থৌখি।

শ্রী অনুরাগ থাকুরনা রেলী লমথাদ্রিঙৈগী মমাংদা মীয়ামদা ৱা ঙাঙবদা ভারতনা নীংতম্বগী অমৃত মহোৎসব পাংথোক্লিবা অসিদা ঐখোয়না নীংতম্বগী ৭৫শুবা খোঙদারক্লিবা অসিগা লোয়ননা য়ুথ এফিয়র্স অমসুং স্পোর্ত মন্ত্রালয়না ‘হকশেল ফবা ভারত’ অমা খুমাং চাউশিলহন্নবগীদমক্তা বাইসাইকল রেল্লী শীনবগী তোপ-তোপ্পা খোঙথাং পায়খৎলি হায়না হায়খি। থৌরম অসিগী পান্দমদি মীয়াম্না মশা মউ ফনা লৈনবা মখোয়গী নোংমগী পুন্সিগী শরুক অমা ওইনা সাইকল থৌবগী হৈনবী লৈনবা পুক্নিং থৌগৎপনি।

শ্রী থাকুরনা হায়খি, “লৈবাক অসিগী মীয়াম্না ফিতনেস কেম্পেন অসিদা শরুক য়াগদবনি হায়না প্রধান মন্ত্রী, শ্রী নরেন্দ্র মোদীনা থাজবা থম্মি। সাইকল থৌবনা ফিত ইন্দিয়া কেম্পেন্দা অচৌবা থৌদাং য়াবা য়াই। মালেমগী বাইসাইকল নুমিৎ অসিদা, সাইকল থৌববু মীওই খুদিংনা মশাগী নোংমগী পুন্সিগী শরুক ওইহনগদবনি হায়বা ময়েক শেংবা ৱারোল তাক্লি। সাইকল থৌবনা অদোম্বু হকশেল ফনা লৈহনগনি অমসুং লু-নানবা ভারত অমা শেম্বদা তেংবাংগনি”।

শ্রী থাকুরনা ফিত ইন্দিয়া মুবমেন্ত, খেলো ইন্দিয়া মুবমেন্ত, ক্লীন ইন্দিয়া মুবমেন্ত অমসুং হেলথী ইন্দিয়া মুবমেন্তশিং অসি বাইসাইকল থৌদুনা পাংথোকপা য়াগনি হায়না মখা তাখি। মসিনা পোল্যুসনগী থাক হন্থহনগনি। ঐখোয়না সাইকল শিজিন্নবা মতমদা ইশাবু ফিত ওইনা থম্বতা নত্তনা ফিত ইন্দিয়াগী ৱারোল অমসু পীগনি। শ্রী মনশুখ মন্দাবিয়া অমসুং শ্রী কিরেন রিজিজুগী খুদম পীরদুনা, শ্রী থাকুরনা হায়রিবা মন্ত্রীশিং অসিনা মশামক্না সাইকলবু চত্থোক চৎশিনগী পাম্বৈ ওইনা শিজিন্নদুনা সাইকল থৌববু মীয়ামদা মতম পুম্বদা পুক্নিং থৌগত্তুনা লাকখি অমসুং অতোপ্পদা ইথিল পীরি হায়খি।

য়ুথ এফিয়র্স অমসুং স্পোর্ত মন্ত্রালয়না নীংতম্বগী অমৃত মহোৎসব- ইন্দিয়া@৭৫গী শরুক অমা ওইনা ঙসি লৈবাক শিনবা থুংবদা মালেমগী সাইকল নুমিৎ পাংথোকখি। নীংতম্বগী অমৃত মহোৎসবকী মার্চ ১২, ২০২১দা পাংথোকখিবা কর্তেন রাইজর হৌদোকপগী ৱারোল ওইনা প্রধান মন্ত্রীনা থমখিবা ৱারোলদগী ইথিল লৌরদুনা য়ুথ এফিয়র্স অমসুং স্পোর্ত মন্ত্রালয়না এক্সন অমসুং রিজোল্ব @৭৫গী য়ুম্বীগী মখাদা নীংতম্বগী অমৃত মহোৎসব পাংথোকপগী থৌরম অমগী ৱাখল্লোন পুথোকখি।

*******