ਰੇਲ  ਦੇ ਰਾਹੀਂ ਭਾਰਤ ਅਤੇ ਬੰਗਲਾਦੇਸ਼  ਦੇ ਲੋਕਾਂ  ਦਰਮਿਆਨ ਸੰਪਰਕ ਨੂੰ ਹੋਰ ਮਜ਼ਬੂਤ ਕਰਨ ਦੇ ਲਈ,  ਭਾਰਤ ਸਰਕਾਰ ਅਤੇ ਬੰਗਲਾਦੇਸ਼ ਨੇ ਕਈ ਬੈਠਕਾਂ  ਦੇ ਬਾਅਦ ,  ਹਾਲ ਹੀ ਵਿੱਚ ਬਹਾਲ ਕੀਤੀ ਗਈ ਹਲਦੀਬਾੜੀ - ਚਿਲਾਹਾਟੀ ਰੇਲ ਲਿੰਕ  ਦੇ ਰਾਹੀਂ ਇੱਕ ਨਵੀਂ ਯਾਤਰਾ ਰੇਲ ਸੇਵਾ ਮਿਤਾਲੀ ਐਕਸਪ੍ਰੈੱਸ ਸ਼ੁਰੂ ਕਰਨ ਦਾ ਫ਼ੈਸਲਾ ਲਿਆ।  ਨਿਊ ਜਲਪਾਈਗੁੜੀ  (ਭਾਰਤ) - ਢਾਕਾ (ਬੰਗਲਾਦੇਸ਼)   ਦਰਮਿਆਨ ਇਸ ਤੀਜੀ ਯਾਤਰਾ ਰੇਲ ਸੇਵਾ ਮਿਤਾਲੀ ਐਕਸਪ੍ਰੈੱਸ ਨੂੰ ਵਰਚੁਅਲੀ ਨਵੀਂ ਦਿੱਲੀ ਵਿੱਚ ਰੇਲ ਭਵਨ ਤੋਂ ਅੱਜ (ਅਰਥਾਤ 1 ਜੂਨ,2022 ਨੂੰ) ਭਾਰਤ  ਦੇ ਮਾਣਯੋਗ ਰੇਲ ਮੰਤਰੀ ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਅਤੇ ਬੰਗਲਾਦੇਸ਼ ਦੇ ਮਾਣਯੋਗ ਰੇਲ ਮੰਤਰੀ ਮੁਹੰਮਦ ਨੂਰੁਲ ਇਸਲਾਮ ਸੁਜਾਨ ਦੁਆਰਾ ਸੰਯੁਕਤ ਰੂਪ ਨਾਲ ਝੰਡੀ ਦਿਖਾ ਕੇ ਰਵਾਨਾ ਕੀਤਾ ਗਿਆ ।  ਇਸ ਰੇਲ ਸੇਵਾ ਦਾ ਉਦਘਾਟਨ 27 ਮਾਰਚ,  2021 ਨੂੰ ਦੋਨਾਂ ਪ੍ਰਧਾਨ ਮੰਤਰੀਆਂ ਦੁਆਰਾ ਵਰਚੁਅਲੀ ਕੀਤਾ ਗਿਆ ਸੀ। ਇਸ ਤੋਂ ਪਹਿਲਾਂ,  ਇਹ ਰੇਲਗੱਡੀ ਕੋਵਿਡ ਮਹਾਮਾਰੀ ਪਾਬੰਦੀਆਂ  ਦੇ ਕਾਰਨ ਸ਼ੁਰੂ ਨਹੀਂ ਕੀਤੀ ਜਾ ਸਕੀ ਸੀ।

ਇਸ ਮੌਕੇ ‘ਤੇ ਆਪਣੇ ਸੰਬੋਧਨ ਵਿੱਚ ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਕਿਹਾ ਕਿ ਮਿਤਾਲੀ ਐਕਸਪ੍ਰੈੱਸ ਇਸ ਮਿੱਤਰਤਾ ਨੂੰ ਵਧਾਉਣ,  ਇਸ ਸੰਬੰਧ ਨੂੰ ਮਜ਼ਬੂਤ ਕਰਨ ,  ਇਸ ਰਿਸ਼ਤੇ ਨੂੰ ਬਿਹਤਰ ਬਣਾਉਣ ਵਿੱਚ ਇੱਕ ਹੋਰ ਮਹੱਤਵਪੂਰਣ ਉਪਲੱਬਧੀ ਸਿੱਧ ਹੋਵੇਗੀ ।  ਦੋਨਾਂ ਦੇਸ਼ਾਂ  ਦਰਮਿਆਨ ਸਾਰੇ ਪੱਧਰ ‘ਤੇ ਨਿੱਘੀ ਮਿੱਤਰਤਾ ਨਾਲ ਵਿਕਾਸ ਵਿੱਚ ਬਹੁਤ ਤੇਜ਼ੀ ਆਈ ਹੈ।  ਦੋਨਾਂ ਦੇਸ਼ਾਂ ਦੀ ਰੇਲਵੇ ਦਰਮਿਆਨ ਕਾਫ਼ੀ ਸਹਿਯੋਗਾਤਮਕ ਯਤਨ ਕੀਤੇ ਗਏ ਹਨ।  ਇਹ ਇੱਕ ਬਹੁਤ ਹੀ ਅਨਕੂਲ ਪਲ ਹੈ;  ਇੱਕ ਅਜਿਹਾ ਪਲ ਜਦੋਂ ਸਾਨੂੰ ਦੋਨਾਂ ਦੇਸ਼ਾਂ  ਦਰਮਿਆਨ ਆਪਣੇ ਸੰਬੰਧਾਂ ਨੂੰ ਮਜ਼ਬੂਤ ਕਰਨ ਲਈ ਵੱਡੇ ਕਦਮ ਚੁੱਕਣਾ ਚਾਹੀਦਾ ਹੈ।

ਮਿਤਾਲੀ ਐਕਸਪ੍ਰੈੱਸ ਰੇਲਗੱਡੀ ਹਫਤੇ ਵਿੱਚ ਦੋ ਦਿਨ ਚੱਲੇਗੀ (ਨਿਊ ਜਲਪਾਈਗੁੜੀ ਤੋਂ ਐਤਵਾਰ ਅਤੇ ਬੁੱਧਵਾਰ ਨੂੰ 11:45 ਵਜੇ ਅਤੇ 22:30 ਵਜੇ ਢਾਕਾ ਪੁੱਜੇਗੀ ਅਤੇ ਸੋਮਵਾਰ ਅਤੇ ਵੀਰਵਾਰ ਨੂੰ 21:50 ਵਜੇ ਢਾਕਾ ਤੋਂ ਚੱਲੇਗੀ ਅਤੇ 07:15 ਵਜੇ ਨਿਊ ਜਲਪਾਈਗੁੜੀ ਪੁੱਜੇਗੀ)  ਅਤੇ ਨਿਊ ਜਲਪਾਈਗੁੜੀ ਨਾਲ ਢਾਕਾ ਤੱਕ 595 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗੀ (ਜਿਸ ਵਿੱਚੋਂ 61 ਕਿਲੋਮੀਟਰ ਭਾਰਤੀ ਹਿੱਸਾ ਹੈ) ।

ਭਾਰਤੀ ਰੇਲਵੇ  ਦੇ ਐੱਲਐੱਚਬੀ ਕੋਚ (ਜਿਵੇਂ ਮੈਤ੍ਰੀ ਐਕਸਪ੍ਰੈੱਸ ਅਤੇ ਸੰਬੰਧ ਐਕਸਪ੍ਰੈੱਸ ਵਿੱਚ ਯੁਕਤ)  ਦਾ ਉਪਯੋਗ ਕੀਤਾ ਜਾਵੇਗਾ ਜਿਸ ਵਿੱਚ 4 ਡੱਬੇ ਪਹਿਲੀ ਏਸੀ ਸ਼੍ਰੇਣੀ, 4 ਡੱਬੇ ਏਸੀ ਚੇਅਰ ਕਾਰ ਅਤੇ 2 ਇੰਜਨ ਸ਼ਾਮਿਲ ਹਨ ।  ਰੇਲਗੱਡੀ ਵਿੱਚ ਤਿੰਨ ਸ਼੍ਰੇਣੀਆਂ ਹੋਣਗੀਆਂ ਜਿਨ੍ਹਾਂ ਵਿੱਚ- ਏਸੀ ਪਹਿਲੀ ਸ਼੍ਰੇਣੀ  (ਕੇਬਿਨ)  ਸਲੀਪਰ,  ਏਸੀ ਪਹਿਲੀ ਸ਼੍ਰੇਣੀ (ਕੇਬਿਨ)  ਸੀਟ ਅਤੇ ਏਸੀ ਚੇਅਰ ਕਾਰ ਸ਼ਾਮਿਲ ਹੋਣਗੀਆਂ।  ਇਸ ਰੇਲਗੱਡੀ ਦਾ ਕਿਰਾਇਆ ਕ੍ਰਮਵਾਰ 44 ਅਮਰੀਕੀ ਡਾਲਰ ,  33 ਅਮਰੀਕੀ ਡਾਲਰ ਅਤੇ 22 ਅਮਰੀਕੀ ਡਾਲਰ ਹੋਵੇਗਾ ।               

ਇਲਾਵਾ ਨਵੀਂ ਯਾਤਰਾ ਸੇਵਾ ,  ਮਿਤਾਲੀ ਐਕਸਪ੍ਰੈੱਸ ,  ਦੋਨਾਂ ਦੇਸ਼ਾਂ  ਦਰਮਿਆਨ ਸੈਰ-ਸਪਾਟਾ ਨੂੰ ਹਲਾਰਾ ਦੇਵੇਗੀ ਕਿਉਂਕਿ ਇਹ ਬੰਗਲਾਦੇਸ਼ ਨੂੰ ਉੱਤਰ ਬੰਗਾਲ  ਦੇ ਨਾਲ - ਨਾਲ ਭਾਰਤ  ਦੇ ਉੱਤਰ ਪੂਰਬ ਖੇਤਰ ਨਾਲ ਜੋੜਦੀ ਹੈ।  ਇਸ ਰੇਲਗੱਡੀ ਦੁਆਰਾ ਭਾਰਤ  ਦੇ ਰਾਹੀਂ ਬੰਗਲਾਦੇਸ਼ੀ ਨਾਗਰਿਕਾਂ ਨੂੰ ਨੇਪਾਲ ਜਾਣ ਦਾ ਸਾਧਨ ਵੀ ਪ੍ਰਦਾਨ ਕਰੇਗਾ ।

ਇਹ ਨਵੀਂ ਰੇਲਗੱਡੀ ਭਾਰਤ ਅਤੇ ਬੰਗਲਾਦੇਸ਼  ਦਰਮਿਆਨ ਦੋ ਮੌਜੂਦਾ ਯਾਤਰੀ ਰੇਲ ਸੇਵਾਵਾਂ,  ਕੋਲਕਾਤਾ - ਢਾਕਾ- ਕੋਲਕਾਤਾ ਮੈਤ੍ਰੀ ਐਕਸਪ੍ਰੈੱਸ  (ਹਫ਼ਤੇ ਵਿੱਚ ਪੰਜ ਦਿਨ)  ਅਤੇ ਕੋਲਕਾਤਾ - ਖੁਲਨਾ - ਕੋਲਕਾਤਾ ਸੰਬੰਧ ਐਕਸਪ੍ਰੈੱਸ  ( ਹਫ਼ਤੇ ਵਿੱਚ ਦੋ ਦਿਨ )  ਦੇ ਇਲਾਵਾ ਹੈ।  ਉਪਰੋਕਤ ਦੋ ਰੇਲਗੱਡੀਆਂ ਦੀਆਂ ਸੇਵਾਵਾਂ ,  ਜਿਨ੍ਹਾਂ ਨੂੰ ਕੋਵਿਡ ਮਹਾਮਾਰੀ ਸੰਬੰਧੀ ਪਾਬੰਦੀਆਂ ਦੇ ਕਾਰਨ ਮੁਅੱਤਲ ਕਰ ਦਿੱਤਾ ਗਿਆ ਸੀ ,  ਹੁਣ 29 ਮਈ 2022 ਤੋਂ ਫਿਰ ਤੋਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ ।

ਮਿਤਾਲੀ ਐਕਸਪ੍ਰੈਸ ਦੀ ਸਮੇਂ ਸਾਰਣੀ:

***************

ਆਰਕੇਜੇ/ਐੱਮ