প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ক্বাদ লীদর্স সম্মিৎ হৌদোকপদা থমখিবা ৱারোলগী মনিপুরি ৱাহন্থোক
Posted On:
24 MAY 2022 8:57AM by PIB Imphal
য়োর এক্সিলেন্সীস,
প্রধান মন্ত্রী কিশিদা, প্রধান মন্ত্রী এন্থোনী অলবানিজ অমসুং প্রসিদেন্ত বাইদেন।
য়াম্না ফজরবা হোস্পিতেলিতী অসিগীদমক প্রধান মন্ত্রী কিশিদাবু হন্না-হন্না থাগৎচরি। ঙসি তোকিওদা মরুপ ময়ামগী মরক্তা য়াওজবা ফংজবা অসি য়াম্না নুংঙাই।
অহানবদা ঐহাক্না প্রধান মন্ত্রী এন্থোনী অলবানিজনা মীখলদা মাইপাকখিবগীদমক ঐহাক্না নুংঙাইবা ফোঙদোকচরি। অদোম্না ৱাশক লৌখিবা পুং ২৪ খক্তা ফংবগা ঐখোয়গী ইরক্তা য়াওবীরিবা অসিনা ক্বাদকী মরুপ ওইবগী মরীগী মপাঙ্গল অমসুং মসিদা অদোমগী অচেৎপা ফিরেপ লৌরিবা অদু তাক্লি।
এক্সিলেন্সীস,
অতেনবা মতম অসিগী মনুংদা ক্বাদনা মালেমগী ফম্পাক অসিদা মরু ওইবা মফম অমা কনবা ঙম্লি।
ঙসি ক্বাদকী স্কোপ অসি হেন্না পাকথোক-চাউথোক্লে অমসুং ফোর্মেৎ অসিসু হেন্না ইফেক্তিব ওইরি।
ঐখোয়না অমনা অমদা থাজবা, ঐখোয়গী অচেৎপা ফিরেপ অসিনা দেমোক্রেতিক ফোর্সশিংদা অনৌবা ইনর্জী অমসুং থৌনা হাপ্লি।
ক্বাদকী থাক্তা লৈরিবা ঐখোয়গী ম্যুচুএল কোওপরেসন অসিনা কফ্রী, ওপন, অমসুং ইনক্লুসিব ইন্দো-পেসিফিক রিজন অমা ওইহন্নবা শাহৌ অমা পীরি, মসি ঐখোয় পুম্নমক্কী মান্নবা পান্দম ওইরি।
কোবিদ-১৯না পীবা চৈথেং লৈজরবসু ঐখোয়না ভেক্সিন-দেলিভরী, ক্লাইমেৎ এক্সন, সপ্লাই চেন রেজিলিয়েন্স, দিজাস্তর রেস্পোন্স অমসুং ইকনোমিক কোওপরেসন অসিগুম্বা লম কয়াদা কোওর্দিনেসন পীবা হেনগৎহনখি। মসিনা ইন্দো-পেসিফিক্তা শান্তি, চাউখৎপা অমসুং তংদু লৈতাবা পুরকপা ঙমহল্লি।
ক্বাদনা ইন্দো-পেসিফিক রিজনগীদমক কনস্ত্রক্তিব এজেন্দা অমা ঙাক্না চৎলি।
মসিগা লোয়ননা ‘ফোর্স ওফ গুদ’ হায়না লৈরিবা ক্বাদকী মীংচৎ অসি হেন্না মপাঙ্গল কনখৎহল্লগনি।
হন্না-হন্না থাগৎচরি!
খঙহঞ্জবা - মসি প্রধান মন্ত্রীনা থমখিবা ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।
***
(Release ID: 1827935)
Visitor Counter : 105
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam