প্রধান মন্ত্রী, শ্রী নরেন্দ্র মোদীনা ঙসি থোমস কপতা পুৱারী ওইরবা মাইপাকপা পুরকখিবা ভারতকী বেদমিন্তন তীমগা ফোনদা ৱারী শাখি।

প্রধান মন্ত্রীনা তীম অদুদা নুংঙাইবা ফোংদোকখি অমসুং হায়খি মদুদি স্পোর্তস এনালিস্তশিংনা মসিবু ভারতকী ওইনা শান্ন-খোৎনবদা খ্বাইদগী অথোইবা মাইপাকপা অমা ওইনা লৌগদবনি। তীম অদুনা রাউন্দ অমত্তা মাইথিখিদবা অদুগীদমক্তা মহাক য়াম্না হারাওই হায়না মহাক্না হায়খি।

প্রধান মন্ত্রীনা শান্নরোইশিংদা মখোয়না করম্বা তাংকক্তা থোইরগনি হায়না ফাওখিবগে হায়না হংখি। ক্বাতর ফাইনেলগী মতুংদা, মসিবু লোইবা ফাওবা য়েংননবগী তীম অসিগী অরেপ্পা ফিরেপ অদু হেন্না কনখৎলকখি হায়না কিদম্বি স্রিকান্তনা মঙোন্দা খঙহনখি। তীমগী ওইবা ৱাখল্লোন অদুনা মতেং পাংখি অমসুং শানরোই খুদিংমক্না মখোয়গী চাদা ১০০ অঙম্বা হোৎনখি হায়নসু মহাক্না প্রধান মন্ত্রীদা হায়খি।   

কোচশিংসু থাগৎপদা মতিক চাই হায়না প্রধান মন্ত্রীনা হায়খি।

প্রধান মন্ত্রীনা লাক্স্যা সেনদা হায়খি মদুদি মহাক্না অলমোরাদগী ‘বাল মিথাই’  মঙোন্দা পীগদবনি হায়না হায়খি। মখোক থোংবা সতলর অসি উত্তরাখন্দগী দেবভুমিদগী হৌরকই। লকশায়া অসি অহুমশুবা জেনেরেশনগী শানরোইনি হায়না প্রধান মন্ত্রীনা পনখি। মহাক্কী মপাবুংনা তুর্নামেন্ত অদুদা লৈখি হায়না লকশায়া সেননা খঙহল্লখি। মহাক্না স্রিকান্তকি ৱাহৈশিং অদুবুসু হন্না হায়খি অমসুং ক্বাতর ফাইনেলগী মতুংদগীদি মাইপাকপা থাজবা অদু অমুক্কসু হেন্না চেৎশিনখি। ঐচ.এস. প্রনোইনসু হায়খি মদুদি ক্বাতর ফাইনেলদা মাইপাকপা অসি য়াম্না মরু ওইখি। মদু মাইপাক্লবা মতুংদদি ভারতকী তীম অসিনা তীম অমহেক্তগা থেংনবা ঙম্লগনি হায়না হায়খি। তীম সপোর্তনা মরম ওইরগা মলেসিয়াগুম্বা অরিংবা তীমবু মাইথিবা পীবা ঙম্লিবনি। প্রধান মন্ত্রীনা সাতৱিক সাইরাজ রঙ্কি রেদ্দী অমসুং চিরাগ শেত্তীবু মখোয়গী মাইপাকপা অদুগীদমক্তা থাগৎপা ফোংদোকখি। প্রধান মন্ত্রীনা মরাথিদা চিরাগ শেত্তীগা ৱারী শানখি অমসুং মহাক্না মঙোন্দা খঙহল্লকখি মদুদি ৱার্লদ চেমপিয়ন অমা ওইবদগী অহেনবা অমত্তা লৈতে অদুসু ইন্দিয়াদগী। “নখোয় পুম্নমক্না অসিগুম্বা শিংথানিংঙাই ওইবা য়াম্না চাউরবা থবক অমা ফংবা ঙম্লে। তীম অসিগী মীপুম খুদিংমক থাগৎপাদা মতিক চাই”। ভারত্তা হল্লকপা মতমদা প্রধান মন্ত্রীনা মখোয়বু মখোয়গী কোচশিংগা লোইননা  মহাক্কী লৈফমদা লাক্নবা হায়খি মরমদি মহাক্না মখোয়গা ৱারী শানবা পাম্লি অমসু মখোয়না থেংনরকখিবশিং অদুবু তানিংখি।

প্রধান মন্ত্রীনা বেদমিন্তন, তেবল তেনিস নত্রগা স্বিমিংগুম্বা মশান্নাশিং অসিদা শান্নরিবা ইনখৎলক্লিবা এথলেতশিং অমসুং নহা ওইরিবা অঙাংশিংগীদমক্তা মাইপাক্লবা তীম অসিগী পাউজেল পীনবগীদমক্তা হায়খি। স্রিকান্তনা তীমগীদমক্তা হায়খি অমসুং ঙসিদি, ভারত্তা শান্না-খোৎনবগীদমক্তা খ্বাইদগী হেন্না ফবা সপোর্ত লৈ। স্পোর্তস ওথোরিতী ওফ ইন্দিয়া, সরকার, স্পোর্ত ফেদরেশনশিং অমসুং এলিত লেভেলদা- তার্গেত ওলীমপিক্স পোদিয়ম স্কীম (তি.ও.পি.এস.)না হোৎনবদগী  শান্নরোইশিংনা মখোয়বু মতিক চানা সপোর্ত তৌবীরে হায়না ফাওবা হৌরক্লে হায়না মহাক্না হায়খি। মসি মখাতানা অদুমক চৎথরবদি, ঐখোয়না খনবদা, ভারতনা চেমপিয়ন কয়া অমা অমুক্কসু হেন্না উবা ফংগনি। মশা-মশানা পামজবা মশান্নদা শান্নরিবা নহা ওইরিবা অঙাংশিংদা মহাক্না হায়খি মদুদি করিগুম্বা মখোয়না মখোয়গী চাদা ১০০ হোৎনরবদি শান্ন-খোৎনবগী লমদা মখোয়গীদমক্তা ভারত্তা মতেং য়াম্না চাউনা লৈ। কোচ অমসুং ইনফ্রাস্ত্রকচর অফবা লৈ, করিগুম্বা মখোয়না চেৎনা লেপ্লবদি, মখোয়না ইন্তর্নেসনেলগী থাক্তা নিংথিনা পাংথোকপা ঙমগনি। “করিগুম্বা মখোয়না চাদা ১০০ কথোকপগা লোইননা হোৎনরবদি, মখোয়না শোইদনা মাইপাক্কনি”, হায়না কিদম্বি স্রিকান্তনা হায়খি।

প্রধান মন্ত্রীনা শান্নরোইশিং অদুগী মমা-মপাশিংগীদমক্তা ইকাইখুম্নবা অমসুং থাগৎপা ফোংদোকখি মরমদি শান্না-খোৎনবগীদমক্তা মখোয়গী মচাশিংবু পুক্নিং থৌগৎপা অমসুং অরোইবা ফাওবা মখোয়গা লেংদনা লৈবা হায়বসি য়াম্না শিংননিংঙাই ওইবা থবক অমনি। প্রধান মন্ত্রীনা কোল অদুগী অরোইবদা মখোয়গী মাইপাকপগী নুংঙাইবা ফোংদোকপা অমসুং ‘ভারত মাতা কি জয়’ লাউবা য়াওমিন্নখি।

***