• পি.এম.জে.জে.বি.ৱাই.: করোর ১২.৭৬ হেনবা অপুনবা এনরোলমেন্তশিং
• পি.এম.এস.বি.ৱাই.: করোর ২৮.৩৭ হেনবা অপুনবা এনরোলমেন্তশিং
• এ.পি.ৱাই.: করোর ৪ হেনবা সবস্ক্রাইবর

নই দিল্লী: মে ৯, ২০২২

সোসিএল সেক্যুরিতী (জন সুরক্ষা) স্কিম অহুম, প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই.), প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.) অমসুং অতল পেন্সন য়োজনা (এ.পি.ৱাই.) অসিনা চহি ৭ শুরকপগী কুমওন পালন তৌবা অসিদা ঐখোয়না স্কিমশিং অসিনা মীয়ামদা (জন সুরক্ষা) করম্না হোংনা ইন্সুরেন্স অমসুং সেক্যুরিতী ফংহনবগে, মখোয়গী মাইপাকখিবশিং অমসুং মপুং ওইবা মওং-মতৌশিংদা মীৎয়েং চংসি।

পি.এম.জে.জে.বি.ৱাই., পি.এম.এস.বি.ৱাই. অমসুং এ.পি.ৱাই. অসি নোংচুপ বেঙ্গোলগী কোলকাতাদগী মে ৯, ২০১৫দা প্রধান মন্ত্রী শ্রী নরেন্দ্র মোদীনা হৌদোকখি।

তুংদা থোরকপা খুদোংথিবা/অমাংশিং অমসুং শেল-থুমগী খুদোংচাদবশিংদগী মীওইবগী পুন্সি সেক্যুর তৌবগী মথৌ তাবা অদু খঙলদুনা সোসিএল সেক্যুরিতী স্কিম অহুম অসি প্রজাশিংগী য়াইফনবগীদমক শেমখি। লৈবাক অসিগী অনওর্গনাইজ সেক্সনগী মীওইশিংবু শেল-থুমদা সেক্যুর ওইনা থম্নবগীদমক সরকারনা ইন্সুরেন্স স্কিম অনি - হৌদোকখি প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই.) অমসুং প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.); অমসুং চহি য়াম্লবা অহলশিংগী মথৌ তাবশিং থুংহন্নবা অতল পেন্সন য়োজনা (এ.পি.ৱাই.) হৌদোকখি।

অমরোমদা পি.এম.জে.জে.বি.ৱাই. অমসুং পি.এম.এস.বি.ৱাই.না মীয়ামদা শেল চংদবা লাইফ/এক্সিদেন্তেল ইন্সুরেন্স কবর ফংহল্লি, অদুগা এ.পি.ৱাই.না চহি য়াম্লবা মতমদা চাং নাইনা পেন্সন অমা ফংনবগীদমক হৌজিক শেল তুংশিন্নবা খুদোংচাবা অমা পীরি।

স্কিম অসিনা চহি ৭ শুরকপদা, শেল-থুম অমসুং কোর্পোরেৎ এফিয়র্সকী কেন্দ্র মন্ত্রী, শ্রী নির্মলা সিতারামনা হায়খি, “ইং কুমজা ২০১৪গী ওগস্ত ১৫দা ইকাই খুম্নরবা প্রধান মন্ত্রীনা লাউথোকখিবা নেস্নেল মিসন ফোর ফাইনান্সিএল ইনক্লুজনগী মখাদা মপুং ওইবা পান্দমশিংগী মখাদা লায়রবা অমসুং খুন্নাইগী শোত্থরবা শরুকশিংদা অহোংবা প্রদক্তশিংগী খুত্থাংদা তঙাই ফদবা ফাইনান্সিএল সেক্যুরিতী পীনবা ইন্সুরেন্স অমসুং পেন্সনগী কবরেজ পীবা অসি অমনি।”

“জন সুরক্ষা স্কিম অহুম অসিনা মীচম প্রজাদা ইন্সুরেন্স অমসুং পেন্সন লায়না ফংহল্লি। হৌখিবা চহি তরেৎ অসিদা মথক্কী স্কিমশিং অসিদা এনরোল তৌখিবা অমসুং কান্নবা ফংখিবা মীওইশিংগী মশিং অসিনা মখোয়গী মাইপাকপগী খুদম অমা ওইরি। মসিগী লো-কোস্ত ইন্সুরেন্স স্কিমশিং অমসুং গরেন্তীদ পেন্সন স্কিম অসিনা মমাংদা খরা খক্তদা ফংলম্বা ফাইনান্সিএল সেক্যুরিতী অদু হৌজিক্তি খুন্নাইগী খ্বাইদগী শোত্থরবা মীওইশিংদা য়ৌহনবা হোৎনরি,” হায়না শেল-থুম মন্ত্রীনা ফোদোকখি।

লায়রবশিংদা খুদোংচাবশিং ফংহন্নবগী মতাংদা ৱাখল্লোন ফোঙদোক্লদুনা শেল-থুম মন্ত্রীনা হায়খি, “ঙসি লায়রবশিংগী খ্বাইদগী লায়রবনা ফাওবা পি.এম.জে.জে.বি.ৱাই.গী মখাদা নোংমদা লুপা ১দগী তানা থীদুনা লুপা লাখ ২গী লাইফ ইন্সুরেন্স কবর অমসুং পি.এম.এস.বি.ৱাই.গী মখাদা থাদা লুপা ১দগী তানা থীদুনা লুপা লাখ ২গী এসিদেন্তেল ইন্সুরেন্দ অমা ফংলি। চহি কাংলুপ ১৮দগী ৪০গী মনুংদা লৈবা প্রজা পুম্নমক্না থা অমদা য়ামদ্রবদা লুপা ৪২গী শেনফম অমা থীদুনা চহি ৬০ শুরবা মতুংদা পেন্সন ফংনবা সবস্ক্রাইব তৌবা য়াগনি।”

পি.এম.এম.জে.জে.বি.ৱাই.গী খুত্থাংদা মরু ওইনা কোবিদ-১৯ লাইচৎ মনুংদা প্রজাশিংদা লায়না সেক্যুরিতী ফংহন্নবা, শ্রীমতি সিতারামননা হায়খি, “পি.এম.জে.জে.বি.ৱাই.গী মখাদা লাইফ কবরগীদমক হৌদোকখিবদগী হৌদুনা অপুনবা মীওই মশিং করোর ১২.৭৬না এনরোল তৌখি অমসুং স্কিম অসিগী মখাদা লুপা করোর ১১,৫২২গী ক্লেমশিং মীওই ৫,৭৬,১২১গী ইমুং-মনুংদগী লাকখি। স্কিম অসিনা লাইচৎ মনুংগী এফ.ৱাই.২১দা শেন্থোক হন্থবা ইমুংশিংগীদমক চাউনা কান্নবা ওইখি, ক্লেমশিংগী ৫০% রোমদি কোবিদ-১৯না মরম ওইদুনা লৈখিদবশিং ওইখি। লাইচৎ মনুংদা থুনা অমসুং লায়না ক্লেমশিং সেত্তলমেন্ত তৌনবগী ক্লেম সেত্তলমেন্ত প্রোসেসতা চাউনা অহোংবশিং পুরকখি। ক্লেমশিং অসি লায়না সেত্তলমেন্ত তৌনবগী পুরকখিবা অহোংবশিং অসি হৌজিকসু মখা চত্থরি। লাইচৎ হৌখিবদগী হৌনা হায়দি এপ্রিল ১, ২০২০দগী ফেব্রুৱারী ২৩, ২০২২ ফাওবদা, ৯৯.৭২%গী সেত্তলমেন্ত রেৎ অমদা লুপা করোর ৪,১৯৪.২৮গী শেনফম ওইনা অপুনবা ক্লেম লাখ ২.১০ পীথোকখি। ”

শেল-থুম মন্ত্রীনা হায়খি চপ মান্নবা মওং অমদা, “পি.এম.এস.বি.ৱাই. হৌদোকখিবদগী হৌনা এসিদেন্তেল কবর তৌনবগীদমক মীওই করোর ২৮.৩৭ এনরোল তৌখি অমসুং ক্লেম ৯৭,২২৭গী লুপা করোর ১,৯৩০গী শেনফম অমা পীখি। এ.পি.ৱাই. স্কিমদা মীওই করোর ৪ হেনবনা হান্নদগী সবস্ক্রাইব তৌখ্রে।”

থৌরম অসিদা শেল-থুমগী কেন্দ্রগী রাজ্য মন্ত্রী (এম.ও.এস.) দা. ভাগৱত কিশনরাও করাদনা হায়খি, “স্কিমশিং অসিগী চহি ৭ শুবগী কুমওন্না লাকপদা ঐহাক্না স্কিমশিং অসি মাইপাক্না ইমপ্লিমেন্ত তৌখিবগীদমক বেঙ্ক অমসুং ইন্সুরেন্স কম্পনী পুম্নমক্তা থাগৎপা ফোঙদোকচরি অমসুং মীপুম খুদিংমক কবর তৌনবগীদমক মখোয়দা চপ মান্নবা ইহুল অমসুং কত্থোকপগা লোয়ননা মখা তানা থবক তৌনবা ঐহাক্না হায়জরি।”

“হীরম অসি মমাংগী নীংতম নুমিৎতা ইকাই খুম্নরবা পি.এম.না পীখিবা মহাক্কী ৱারোলদা লাউথোকখিবা অদু মখা চত্থরকপা ওইনা ইন্সুরেন্স অমসুং পেন্সনগী সোসিএল সেক্যুরিতী স্কিমশিংগী মখাদা লৈবাক অসিদা লৈরিবা ইলিজিবল ওইবা মীওই খুদিংমক কবর তৌবা ঙম্নবা ঐখোয়না হোৎনগনি,” হায়না দা. করাদনা ফোঙদোকখি।

ঐখোয়না পি.এম.জে.জে.বি.ৱাই., পি.এম.এস.বি.ৱাই. অমসুং এ.পি.ৱাই.গী তরেৎ শুবা কুমওন পাঙথোকপা অসিদা ঐখোয়না মসিগী মওং-মতৌশিং অমসুং হৌজিক ফাওবদা মসিনা মাইপাকখিবশিং অদু য়েংসি।

১. প্রধান মন্ত্রী জীবন জ্যোতি বিমা য়োজনা (পি.এম.জে.জে.বি.ৱাই.)

স্কিম: পি.এম.জে.জে.বি.ৱাই, অসি থৌদোক অমা হেক্তনা মরম ওইদুনা লৈখিদবগী কবরেজ পীরিবা চহি অমদগী চহি অমদা রিন্যু তৌবা য়াবা চহি অমগী লাইফ-ইন্সুরেন্স স্কিম অমনি।

ইলিজিবিলিতী: সেভিংস বেঙ্ক নত্ত্রগা পোস্ত ওফিসকী একাউন্ত অমা লৈবা চহি ১৮-৫০ ফাওবগী চহি কাংলুপতা লৈবা মীওইশিংনা স্কিম অসিগী মখাদা এনরোল তৌবা য়াই। চহি ৫০ শুদ্রিঙৈ মমাংদা স্কিম অসি য়াওহৌবা মীওইশিংনা প্রিমিয়ম থীরগা চহি ৫৫ ফাওবা মখা তানা পুন্সিগী খুদোংথিবদগী কবর তৌবা য়াগনি।

কান্নবশিং: চহি অমদা লুপা ৩৩০/-গী প্রিমিয়ম অমা থীরগা থৌদোক অমা হেক্তনা মরম ওইরগা লৈখিদবা থোকপদা লুপা লাখ ২গী লাইফ কবর ফংগনি।

এনরোলমেন্ত: একাউন্তহোল্দরগী বেঙ্ককী ব্রাঞ্চ/ বি.সি. পোইন্ত নত্ত্রগা ৱেবসাইৎ নত্ত্রগা পোস্ত ওফিস সেবিংস বেঙ্ক একাউন্ত লৈবা ওইরগনা পোস্ত ওফিসতা চৎতুনা স্কিম অসিগী মখাদা এনরোলমেন্তশিং তৌবা য়াগনি। স্কিম অসিগী মখাদা প্রিমিয়ম অসি একাউন্ত হোল্দরদগী ৱান-তাইম মেন্দেৎ অমদা য়ুম্ফম ওইরগা সবস্ক্রাইবরগী বেঙ্ক একাউন্তদগী চহি খুদিংগী ওতো দেবিৎ তৌই। স্কিম অসিগী অকুপ্পা মরোল অমসুং ফোর্মশিং (হিন্দী, ইংলিশ অমসুং রিজনেল লোলশিং) অসি https://jansuraksha.gov.in দা ফংগনি।

মাইপাকখিবশিং: ২৭.০৪.২০২২ ফাওবদা, স্কিম অসিগী মখাদা পুন্না এনরোল তৌখিবা অসি করোর ১২.৭৬ হেনখি অমসুং ক্লেম ৫,৭৬,১২১গী ওইনা লুপা করোর ১১,৫২২গী শেনফম অমা পীথখি।

২. প্রধান মন্ত্রী সুরক্ষা বিমা য়োজনা (পি.এম.এস.বি.ৱাই.)

স্কিম: পি.এম.এস.বি.ৱাই. অসি থৌদোক অমা হেক্তনা মরম ওইদুনা লৈখিদবগী কবরেজ পীরিবা চহি অমদগী চহি অমদা রিন্যু তৌবা য়াবা চহি অমগী এক্সিদেন্তেল ইন্সুরেন্স স্কিম অমনি।

ইলিজিবিলিতী: সেভিংস বেঙ্ক নত্ত্রগা পোস্ত ওফিসকী একাউন্ত অমা লৈবা চহি ১৮-৭০ ফাওবগী চহি কাংলুপতা লৈবা মীওইশিংনা স্কিম অসিগী মখাদা এনরোল তৌবা য়াই।

কান্নবশিং: থৌদোক অমা হেক্তনা মরম ওইরগা লৈখিদবা নত্ত্রগা শোইনাইবা থোকপদা লুপা লাখ ২গী (পার্সিএল দিসএবিলিতীদা লুপা লাখ ১) এসিদেন্তেল দেথ কম দিসএবিলিতী কবর ফংগনি।

এনরোলমেন্ত: একাউন্তহোল্দরগী বেঙ্ককী ব্রাঞ্চ/ বি.সি. পোইন্ত নত্ত্রগা ৱেবসাইৎ নত্ত্রগা পোস্ত ওফিস সেবিংস বেঙ্ক একাউন্ত লৈবা ওইরগনা পোস্ত ওফিসতা চৎতুনা স্কিম অসিগী মখাদা এনরোলমেন্তশিং তৌবা য়াগনি। স্কিম অসিগী মখাদা প্রিমিয়ম অসি একাউন্ত হোল্দরদগী ৱান-তাইম মেন্দেৎ অমদা য়ুম্ফম ওইরগা সবস্ক্রাইবরগী বেঙ্ক একাউন্তদগী চহি খুদিংগী ওতো দেবিৎ তৌই। স্কিম অসিগী অকুপ্পা মরোল অমসুং ফোর্মশিং (হিন্দী, ইংলিশ অমসুং রিজনেল লোলশিং) অসি https://jansuraksha.gov.in দা ফংগনি।

মাইপাকখিবশিং: ২৭.০৪.২০২২ ফাওবদা, স্কিম অসিগী মখাদা পুন্না এনরোল তৌখিবা অসি করোর ২৮.৩৭ হেনখি অমসুং ক্লেম ৯৭,২২৭কী ওইনা লুপা করোর ১,৯৩০গী শেনফম অমা পীথখি।

অতল পেন্সন য়োজনা (এ.পি.ৱাই.)

বেকগ্রাউন্দ: অতল পেন্সন য়োজনা (এ.পি.ৱাই.) অসি ভারত মচা পুম্নমক্তা মরু ওইনা লায়রবা, শোত্থরবা অমসুং অনওর্গনাইজ সেক্তরগী শিন্মীশিংদা য়ুনিভর্সেল সোসিএল সেক্যুরিতী সিস্তেম অমা শেম্নবগীদমক হৌদোকখি। মসি অনওর্গনাইজ সেক্তরদা লৈরিবা মীয়ামদা সরকারনা ফাইনান্সিএল সেক্যুরিতী পীনবা অমসুং তুংগী মথৌ তাবশিং কবর তৌনবা থৌরাং অমনি। এ.পি.ৱাই. অসি নেস্নেল পেন্সন সিস্তেম (এন.পি.এস.)কী অপুনবা এদমিনিস্ত্রেতিব অমসুং ইন্সতিত্যুস্নেল আর্কিতেকচরগী মখাদা পেন্সন ফন্দ রিগ্যুলেতরী এন্দ দিবেলপমেন্ত ওথোরিতী (পি.এফ.আর.দি.এ.)না য়েংশিল্লি।

ইলিজিবিলিতী: এ.পি.ৱাই. অসি চহি কাংলুপ ১৮দগী ৪০ ফাওবগী বেঙ্ক একাউন্ত হোল্দর পুম্নমক্না হাংবা য়াই অমসুং থমগদবা শেনফমশিং অসি খল্লিবা পেন্সনগী শেনফম মতুং ইন্না খেন্নৈ।

কান্নবশিং: স্কিম অসি য়াওরবা মতুংদা সবস্ক্রাইবরনা থম্বা শেনফমশিংগী মখা পোন্না চহি ৬০ শুরকপদা সবস্ক্রাইবরশিংনা লুপা ১০০০ নত্ত্রগা লুপা ২০০০ নত্ত্রগা লুপা ৩০০০ নত্ত্রগা লুপা ৪০০০ নত্ত্রগা লুপা ৫০০০গী গরেন্তীদ মিনিমম মন্থলি পেন্সন ফংগনি।

স্কিমগী কান্নবশিংগী দিসবর্সমেন্ত: থাগী পেন্সন অসি সবস্ক্রাইবরদা ফংহল্লি অমসুং মহাক্কী মতুংদা মহাক্কী লোইনবী/মপুরোইবনা ফংগনি অমসুং মখোয়না লৈখিদ্রবা মতুংদা পেন্সন কোর্পস অসি পুনশিন্নদুনা সবস্ক্রাইবরনা চহি ৬০ শুবদা মাগী নোমিনীদা পীগনি।

সবস্ক্রাইবরনা মতম শুদ্রিঙৈদা লৈখিদবা থোক্লবদি (চহি ৬০গী মমাংদা লৈখিদবা) সবস্ক্রাইবরগী লোইনবী/মপুরোইবনা সবস্ক্রাইবর অদুগী এ.পি.ৱাই. একাউন্ত অসি তশেংবা সবস্ক্রাইবরনা চহি ৬০ শুবা ফাওবগী লেমহৌরিবা মতম অসিগী য়াওথনবা য়াগনি।

কেন্দ্র সরকারগী শরুক: মিনিমম পেন্সন অসি সরকারনা গরেন্তী তৌগনি হায়বরি করিগুম্বা কন্ত্রিব্যুসন্দা য়ুম্ফম ওইরগা অপুনবা কোর্পস অসি ইনভেস্তমেন্তদা লাক্কদবা চাউরাকপা রিতর্ন অদুদগী তারবা অমসুং মিনিমম গরেন্তী পেন্সন পীবগী মতিক চাদ্রিবদি কেন্দ্র সরকারনা অৱাৎৱা অসি ফন্দিং তৌগনি। অতোপ্পদনা করিগুম্বা ইনভেস্তমেন্তদা লাকপা রিতর্ন অসি ৱাংলবদি সবস্ক্রাইবরশিংনা অহেনবা পেন্সনরী বেনিফিৎশিং ফংগনি।

থীবগী চাং: সবস্ক্রাইবরশিংনা থাগী/ক্বাতরগী/চহি তঙ্খাইগী ওইনা এ.পি.ৱাই.গীদমক থীবা য়াগনি।

স্কিম অসিদগী তোকপা: সবস্ক্রাইবরশিংনা অকক্নবা কন্দিসন খরদা সরকারগী কো-কন্ত্রিব্যুসন অমসুং মসিগী রিতর্ন/শেন্দোইদা কক্লগা এ.পি.ৱাই.দগী মশানা য়ানা তোকচবা য়াই।

মাইপাকপশিং: ২৭.০৪.২০২২ ফাওবদা স্কিম অসিদা মীওই করোর ৪ হেনবনা সবস্ক্রাইব তৌরকখি।

****