প্রধানমন্ত্রীগী লোইশঙ
সেমিকোন ইন্দিয়া কন্ফরেন্স ২০২২ হৌদোকপগী থৌরমদা পীখিবা পি.এম.গী ৱারোল
Posted On:
29 APR 2022 11:41AM by PIB Imphal
খরুমজরি !
খুরুমজরি বেঙ্গলুরু !
খুরুমজরি সেমিকোন ইন্দিয়া !
কাউন্সিল ওফ মিনিস্তরগী ঐগী খোঙবুশিং, ইলেক্ত্রোনিক্স অমসুং সেমি-কন্দক্তর ইন্দস্ত্রীগী লুচিংবশিং; ইনভেস্তরশিং, একাদমিকশিং, দিপ্লোমেতিক কোরগী লুচিংবশিং, অমসুং মরূপশিং,
ঙসি সেমি-কোন ইন্দিয়া কন্ফরেন্স হৌদোকপগী থৌরমসিদা ময়াম পুম্নমকপু তরাম্না ওকচবসিদা ঐঙোন্দা হায়নিংঙাই লৈতনা নুংঙাইবা ফাওই। অসিগুম্বা কন্ফরেন্স অমা ভারত্তা পাঙথোকপসিদা ঐ নুংঙাইবা ফাওই। তশেংনমকসু সেমি-কন্দক্তরশিংনা মালেমসিদা ঐখোয়না খল্লুবা চাংদগী হেন্না মরুওইবা থৌদাং লৌরি। ভরতপু মালেমগী সেমি-কন্দক্তর সপ্লাই চেনগী মরুওইবা খোঙবু অমা ওইনা শেমগৎপা হায়বসি ঐখোয়গী অপুনবা পান্দম্নি। হাই-তেক, হায় ক্বালিতী অমসুং হায় রিলাইএবিলিতীগী পথাপ্তা য়ুম্ফম ওইদুনা ঐখোয়না থবক তৌবা পাম্মি।
মরূপশিং,
ভারতনা সেমি-কন্দক্তর তেক্নোলোজীগী পুক্নিং চিংশিন্নিংঙাই ওইরবা পন্থুংফম অমা ওইনবগী মরম তরুক ঐনা উবা ফংই। অহানবদা, ঐখোয়না ভারত মচা বিলিয়ন ১.৩ হেনববু শমজিন্ননবা দিজিতেল ইনফ্রাস্ত্রকচর শেমগৎলি। অদোম পুম্নমক্না ভারতকী ফাইনেন্সিএল ইনক্লুজন, বেঙ্কিং অমসুং দিজিতেল পেমেন্ত রিভোলুসনগী মরমদা তাবিরম্লগনি। য়ু.পি.আই.না ঙসি মালেমগী খ্বাইদগী মতিং লৈবা পেমেন্ত ইনফ্রাস্ত্রকচর ওইরি। ঐখোয়া হকশেল অমসুং য়াইফ-থৌরাংদগী হৌরগা পুম্নমক কোনশিনবা অমদি মপাঙ্গল কলহনবা ফাওবদা লৈঙাক্লোনগী হীরম খুদিংদা অওনবা পুরক্নবগীদমক দিজিতেল তেক্নোলোজী শীজিন্নরি। ঐখোয় দেতা পর কেপিতা খ্বাইদগী য়াম্না শীজিন্নবশিংগী মরক্তা অমা ওইরে। অমদি ঐখোয় মখা তানা খুমাঙ চাওশিল্লক্লি। অনিসুবদা, ঐখোয়না ভারতপু মথংগী তেক্নোলোজী রিভোলুসন লমজিংনবা লম্বী য়াৎলি। ঐখোয়না খুঙ্গঙ লাখ তরুকপু ব্রোদবেন্দগী মতেংনা শম্নহন্নবা চঙশিল্লি। ঐখোয়না ৫জি, আই.ও.তি. অমসুং ক্লীন ইনর্জী তেক্নোলোজীগী মতিং হেনগৎহন্নবা শেল থাদরি। ঐখোয়না দেতা, এ.আই. অমসুং অতৈ তেক্নোলোজীশিংদা ইনোভেসনগী মথংগী ৱেব থাদোক্নবা হোৎনরি। অহুমসুবদা, ভারতনা চাউরবা শেন্মিৎলোনগী চাওখৎপা পুরক্নবা মায়কৈদা চঙশিল্লি। ঐখোয়দা মালেমগী খ্বাইদগী খোঙজেল য়াঙবা স্তার্তঅপ ইকো-সিস্তেম লৈ। চয়োল খরা খুদিংগী অনৌবা য়ুনিকোর্নশিং থোরক্লি। ভারত মশাগী সেমি-কন্দক্তর শীজিন্নবগী চাং ২০২৬ ফাওবদা দোলর বিলিয়ন ৮০ অমদি ২০৩০ ফাওবদা দোলর বিলিয়ন ১১০ লান্থোক্লগনি হায়না পানরি। মরিসুবদা, ঐখোয়না ভারত্তা লল্লোন ইতিক তৌবা লায়থোকহন্নবগীদমক মখল কয়াগী অহোংবা পুরক্নবা থবক পায়খৎলি। মমাঙ চহিদা ঐখোয়না কম্প্লাইএন্স ২৫,০০০ হেন্না মুত্থৎখ্রে অমদি ওতো রিনিউএবল লাইসেন্সকী লমদা শাফু অমগা লোয়ননা চঙশিল্লি। মতৌ অসুম্না রিগুলেতরী ফ্রেমৱর্ক্তা দিজিতাইজেসন্না অয়াঙবা খোঙজেল অমসুং মনুং মপান ফাওনা উবা ফীভম পীরি। ঙসি ঐখোয়দা মালেমগী খ্বাইদগী খুদোংচাবা তেক্সেসনগী মওং মতৌ লৈরে। মঙাসুবদা, ঐখোয়না ভারত মচাশিংবু ২১শুবা চহিচাগী মথৌ তাগদবশিং য়েংলগা হৈ শিংবা হেনগৎহনবদা অমদি ত্রেনিং পীবদা শেল য়াম্না থাদরি। ঐখোয়দা কা হেন্না হৈ-শিংবা সেমি-কন্দক্তর দিজাইন তেলেন্ত পুল লৈদুনা মালেমগী সেমিকন্দক্তর দিজাইন ইঞ্জিনিয়রগী ২০% ওইরি। মকোক থোংবা সেমি-কন্দক্তর দিজাইন কম্পেনী ২৫গী মনুংদা অয়ামবদি ঐখোয়গী লৈবাকসিদা দিজাইন নৎত্রগা আর এন্দ দি সেন্তর লৈ। অদুগা তরুকসুবদা, ঐখোয়না ভারতকী মেনুফেকচরিং সেক্তরদা অওনবা পুরক্নবগীদমক য়াম্লবা থৌরাংশিং লৌখৎলে। মীওইবা খুন্নাইনা চহিচা অমদা অমুকখক লাকপা লাইচৎ অমা থেংনরিঙৈ মনুংদা, ভারতনা ঐখোয়গী মীয়ামগী হকশেল ফগৎহনবতা নত্তনা ঐখোয়গী শেন্মিৎলোনগী ফীভমসু ফগৎহনখি।
মরূপশিং,
ঐখোয়গী “প্রদক্সন লিঙ্ক ইন্সেন্তিব্স” স্কিমশিংনা মরুওইবা সেক্তর ১৪দা দোলর বিলিয়ন ২৬ হেনবগী ইন্সেন্তিবশিং পীরি। মথঙগী চহি ৫সিদা ইলেক্ত্রোনিক্স মেনুফেকচরিং সেক্তর রেকোর্দ ওইবা মওংদা চাওখৎলক্কনি হায়না পারি। ঐখোয়না হন্দক্তা দোলর বিলিয়ন ১০ হেনবগী অপুনবা শেনফমগা লোয়ননা সেমি-কোন ইন্দিয়া প্রোগ্রাম লাউথোকখি। প্রোগ্রাম অসিনা সেমি-কন্দক্তর, দিস্প্লে পুথোকপা অমদি দিজাইন ইকোসিস্তেমদা শেল থাদরিবা কম্পেনীশিংদা শেলগী তেংবাং পীনবা পান্দম থম্লি। সেকস-কন্দক্তর ইকোসিস্তেম অমনা মপুং মরৈ ফানা চাউখৎলক্নবগীদমক লৈঙাক্কী মায়কৈদগী মতিক চাবা ঙাক্লৌ পীবা মথৌ তাই হায়বা ঐখোয়না খঙই। ঐখোয়না চঙশিল্লিবা থৌরাং অসিবু সেমি-কন্দক্তরগী লোন্দাদা হায়জগে। ঙল্লিঙৈ মতমদা, ইন্দস্ত্রীশিংনা মখোয়গী থবক পায়খৎনবা থৌরাং তৌদুনা লৈরম্মি, অদুবু লৈঙাক্নদি “নোৎ গেত” হায়বা মওংসিদা লৈরম্মি। ইনপুৎ অমনা “নোৎ গেৎ” অসিদা চঙশিনখিবা মতমদা মদু নেগেৎ তৌখি। মথৌ তাদবা কম্প্লাইএন্স ময়াম অমা লৈরম্মি অদুগা ইজ ওফ দুইং বিজিনেস লৈরমদে। অদুবু ঐখোয়না খঙই মদুদি লৈঙাক অসিনা “এন্দ গেৎ” ওইনা থবক তৌবা মথৌ তাই। ইন্দসত্রীনা থবক কন্না চঙশিল্লকপদা লৈঙাক্না হেন্না কন্না চঙশিনবা মথৌ তাই। ঐখোয়না তুংদসু ইন্দস্ত্রী অসিদা ঙাক্লৌ মখা তানা পীগনি হায়না ঐনা থাজবা পীজরি। সেমি-কোন ইন্দিয়া প্রোগ্রাম অসিনা সেমি-কন্দক্তর ফেব, দিস্প্লে ফেব, দিজাইন, এসেমব্লী, তেস্ত, সেমি-কন্দক্তর মার্কিং অমসুং পেকেজিংনচিংবা তোঙান তোঙানবা লৈরিবা ফীভমশিং কোকহন্নবা ঐখো্য়না থবক পায়খৎলি।
মরূপশিং,
অনৌবা মালেমগী মচৎ অমা শেম্লক্লি অমদি ঐখোয়না খুদোংচাবা অসিবু লৌহৌগদবনি। ঐখোয়না চাওখৎপদা পুক্নিং থৌগৎকদবা ফীভম অমা পুরক্নবগীদমক হৌখিবা চহি খরসিদা কন্না হোৎনখি। ভারত্তা তেক অমসুং খুদোংথিবা মায়োক্নবগী থৌরাংবা লৈ। সপ্পোর্ত পোলিসি এনভাইরনমেন্ত অমগী খুত্থাঙদা ঐখোয়না খুদোংচাদবশিং ঐখোয়গী কান্নগদবা মওংদা হেক য়ারিবমখৈ শীজিন্নগদবনি। ভারত হায়বসি বিজিনেসনি হায়না ঐখোয়না উৎখ্রে! হৌজিক্তি অদোমগী খুত্তা লৈরে।
মরূপশিং,
লাক্কদৌরিবা চহিশিংসিদা ভারতনা মালেমগী সেমি-কন্দক্তরগী হব অমগী মায়কৈদা কমদৌনা চঙশিনগদগে হায়বা ৱাফমসিদা ময়াম পুম্নমক্তগী থবক ওইনা পায়খৎপা য়াগদবা সজেসন পীবিরক্কনি হায়না ঐনা থাজবা থমজরি। কন্ফরেন্স অসিগী খুত্থাঙদা ঐখোয়দা দোমেন এক্সপর্তশিংগা তোৎন-তিন্নবগী ফীভম অমা পুরক্নবা পান্দম থম্লি। ঐখোয়না মশক মচু থোকপা সেমি-কন্দক্তর ইকোসিস্তেম অমা শেমগৎনবগীদমক করি অহেনবা তৌবা য়াগদগে হায়বসিগী মতাঙদা খঙননবা ঐখোয়না স্তেক-হোল্দরশিংগী থবক তৌমিন্নগনি। কন্ফরেন্সু অসিনা ভারতপু অনৌবা তুংলমচৎ অমগী মায়কৈদা মমায় চুমবদা তেং ওইগদবা মওংদা নীংথিনা খন্ন-নৈনবিরক্কনি হায়না ঐনা থাজৈ।
থাগৎচরি।
হায়নিংঙাই লৈতনা থাগৎচরি।।
খুরুমজরি।
***
(Release ID: 1821209)
Visitor Counter : 141
Read this release in:
Malayalam
,
Odia
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada