আয়ুশমান ভারত-হেলথ অমসুং ৱেলনেস সেন্তরশিংনা মনাক নকপা কাংলুপশিংদা অফবা হেলথকেয়র পীনবা মখোয়গী মিসনগী লেন্দমার্ক মাইলস্তোন লানখ্রে। কেন্দ্রগী হেলথ মন্ত্রালয়গী মরুওইবা তেলেমিদিসিন স্কীম ওইরিবা - “ইসঞ্জীবানী”গী খুৎথাংদা ২০২২গী ২৬ অমসুং ২৭গী থংনবা নুমিৎতা তেলেকন্সলতেসন লাখ ৩.৫গী রেকোর্দ অমা রেজিস্তর তৌখি। হায়রিবা অসি এ.বি.-ঐচ.দবল্যু.সি.শিংদা নোংমদা তৌবা তেলেকন্সলতেসনশিংগী মশিংদা মমাংগী তেলেকন্সলতেসন রেকোর্দ নোংমদা লাখ অহুম তৌখিবদগী হেল্লি। মসিগী মথক্তা, ২০২২গী এপ্রিল ২৬ অমসুং ২৭তা অনাবা মীওই লাখ ৭৬ হেন্না ইসঞ্জীবানী ও.পি.দি. তেলেমিদিসিন সর্বিস ফংখ্রে।

মসিগী রেকোর্দ ওইরিবা মায় পাকপা অসি ই-সঞ্জীবানীগী প্লেতফোর্মগী য়াম্না লিংবা তেক্নোলোজীগী খুদম অমনি। হান্ননা  তেলেকন্সলতেসন পাম্বা স্পোকশিং ওইনা রেজিস্তর তৌখ্রবা চাওরাক্না এ.বি. – ঐচ.দবল্যু.সি.শিং লাখ অমা অমসুং তেলেকন্সলতেসন পীবা হব ২৫,০০০ হেনবা, ই-সঞ্জীবানীগী পোর্তেল অসিনা লৈবাক অসিদা হেলথকেয়র সর্বিসশিং লায়না ফংহল্লি। তেলেকন্সলতেসন লেপ্পা লৈতনা হেনগৎলকপা অসিনা অন্ত্যোদয়গী মাকৈলোমদা অচৌবা খোঙথাং অমনি, হায়রিবা অসিদা লৈবাক অসিগী মনুং হুৎচিন্না লৈবা অমসুং তাম্না লৈবা মফমশিংদা অফবা অমসুং অহোংবা হেলযকেয়র ফংহনবা ঙম্লি। তেলেকন্সলতেসনশিং অসিনা থৌজাল অমা ওইনা লৈবাক অসিগী খ্বায়দগী মনুং হুৎচিন্না লৈবা মফম অমসুং লায়ররবা মীওইশিংদা মতম চানা অখন্নবা সর্বিসশিং পীরি।

ই-সঞ্জীবানী, হায়রিবা অসিদা খ্বায়দগী অহানবা ওইবা লৈবক্কী খোঙথাং অসি মখল অনি লৈরি:

ই-সঞ্জীবানী আয়ুশমান ভারত-হেলথ অমসুং ৱেলনেস সেন্তরশিংনা (এ.বি. – ঐচ.দবল্যু.সি.): ভারত সরকারগী আয়ুশমান ভারত-হেলথ অমসুং ৱেলনেস সেন্তর স্কীমগী মখাদা খুঙ্গংগী মফমশিং অমসুং নাইতোম তাবা কাংলুপশিংদা মীয়ামগী ওইবা অমসুং অখন্নবা হেলথ সর্বিসশিং পীনবা দোক্তর অমদগী দোক্তর অমদা তেলেমিদিসিন সর্বিসনি। দোক্তর অমদগী দোক্তর অমদা হায়বা তেলেমিদিসিন সর্বিসনা হব-অমসুং-স্পোক্তা য়ুম্ফম ওইবা মোদেলনি। ‘ই-সঞ্জীবানী এ.বি. – ঐচ.দবল্যু.সি.’না স্পোকশিং হায়বদি ঐচ.দবল্যু.সি. অমসুং দোক্তর/স্পেসিএসিল্তগা হব (তর্তিএলি হেলথকেয়র খুদোংচাবা/হোস্পিতাল/মেদিকেল কোলেজ)দা বেনিফিসরী (পেরামেদিক অমসুংজেনেরেলিস্তশিংগা লোয়ননা) ভর্চুএল ওইনা উনবা ফংগনি। মসিগী রিএল-তাইম তেলেকন্সলতেসনশিং অসি স্পোক্তা পেরামেদিক্কী খুৎথাংদা বেনিফিসরীশিংগা দোক্তরশিং অমসুং স্পেসিএলিস্তশিংগা উনবা ফংগনি। সেসন অসিগা লোইরকপদা ই-প্রেস্কিপসন অসিনা হিদাক-লাংথক লৌবদা শিজিন্নবা য়াই। ‘ই-সঞ্জীবানী এ.বি. – ঐচ.দবল্যু.সি.’ অসি জিওগ্রাফীগী, ফংহনবা, মমল অমসুং থাপ্না লৈবশিং নাথৈদুনা ইনফোর্মেসন তেক্নোলোজীনা পীবা ঙম্বা হেনগৎহন্দুনা খ্বায়দগী য়াম্বা মীশিংদা খ্বায়দগী ফবা হেলথ পীবগী মিৎয়েংগা লোয়ননা হাপ্লি।    

হৌজিক্কী ওইনা, ই-সঞ্জীবানী ঐচ.দবল্যু.সি. অসি হেলথ অমসুং ৱেলনেস সেন্তরশিং ৮০,০০০দগী হেন্না মথৌশিং পাংথোক্লি। থাপ্না লৈবা মফমশিং য়াওনা লৈবাক অসিগী মফম খুদিংদা নুমিৎ খুদিংগী মীয়ামগী ওইবা অমসুং দোক্তরদগীনা দোক্তরগী তেলেমিদিসিন হেলথ সর্বিসকা লোয়ননা দোক্তর লাখ ২.৭০দগী হেন্না লৈরি।

ই-সঞ্জীবানী ও.পি.দি.: মসি আউতপেসেন্তশিংনা সর্বিসশিং মখোয়গী ময়ুমদগী পেসেন্তদগীনা দোক্তরদা তেলেমিদিসিন সর্বিস ফংবা ঙমহল্লি। ‘ই-সঞ্জীবানী ও.পি.দি.’ অসি লৈবাক শিনবা থুংনা মীয়ামদা য়াম্না থুনা অমসুং পাক শন্না ফংবা ঙমহল্লি। মসি এন্দ্রোইদ অমসুং আই.ও.এস.দা য়ুম্ফম ওইবা শ্মার্তফোনশিং অনিমক্কী মোবাইল ফোন্দা ফংহল্লি, অমসুং মসিগী এপ অসি মিল্লিয়ন ৩গী মথক্তা দাউন্দলোদ তৌখিবা উবা ফংলি।   

****