প্রধান মন্ত্রী, শ্রী মোদীনা ঙসি খেলো ইন্দিয়া য়ুনিভর্সিতী  গেম্সকী হৌদোকপদা মহাক্কী মপাউ শিয়র তৌখি। গেম অসি ঙসি বেঙ্গলুরুদা ভারতকী ভাইস প্রেসিদেন্ত, শ্রী এম. ভেনকাইয়া নাইদুনা হাংদোক্লে হায়না লাউথোকখি। কর্নাতকাগী গোবর্নর, শ্রী থাৱর চান্দ গেহলোত, হোম এফিয়র্সকী মন্ত্রী, শ্রী অমিত শাহ, মুখ্য মন্ত্রী বাসবরাজ বোম্মাই, কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারাম্মন, কেন্দ্রগী য়ুথ এফিয়র্স অমসুং স্পোর্তসকী মন্ত্রী, শ্রী অনুরাগ সিং থাকুর, য়ুথ এফিয়র্স অমসুং স্পোর্তস মন্ত্রালয়গী রাজ্য মন্ত্রী, শ্রী নিসিথ প্রমানিকনা থৌরম অদুদা শরুক য়াখি।

প্রধান মনত্রীনা হায়খি মদুদি বেঙ্গলুরুনা লৈবাক অসিগী নহাশিংবু মশক তাকই অমসুং প্রোফেস্নেলশিংগীদমক্তা চাউথোকচনিংঙাই ওইবা অমনি। স্তার্তঅপশিং অমসুং স্পোর্তসকা মফম অসিদা পাংথোক্লিবা পুনশিন্নবগী থৌওং অসি য়াম্না মরু ওই। “বেঙ্গলুরুদা খেলো ইন্দিয়া য়ুনিভর্সিতী গেম্স পাংথোকপা অসিনা মসিগী ফজরবা সিতী অসিগী ইনর্জী হাপ্লগনি।” হায়নআ মহাক্না হায়খি। প্রধান মন্ত্রীনা লাইচৎ অসিগী শিংনবা মরক অসিদা গেম্স অসি শিল্লিবশিং অদুগী ফিরেপ অদুবু থাগৎখি মরমদি অদুনা অনৌবা ভারতকী অচেৎপা ফিরেপ অমসুং পেসন অদুবু মশক তাক্লি। মসিগী নআ ওইরিবা পেসন অসিনা অনৌবা খোংজেলগা ভারতপু হিরম খুদিংমক্তা লমজিংলি, হায়না প্রধান মন্ত্রী মখা তাখি।

প্রধান মন্ত্রীনা মাইপাকপগী অহানবা মন্ত্র ওইনা তীম স্পিরিত অসিবু য়াম্না মরু ওইনা পনখি। মখোয়ন আখেলো ইন্দিয়া য়বুনিভর্সিতী গেম্সতা হকথেংননা থেংনরগনি। মসিগী তীম স্পিরিত অসিনসু পুনশিদা তোঙানবা মীৎয়েং অমদা য়েংহল্লি”, হায়না প্রধান মন্ত্রীনা হায়খি। অসিগা চপ মান্ননা, হোলিস্তিক ওইবা খোংথাং অমসুং চাদা ১০০ অরেপ্পা ফিরেপ লৌবনা স্পোর্তস অমসুং পুনশিদা মাইপাক্নবগী মরু ওইবা তঙাইফদবশিংনি। স্পোর্তসকী লমদগী পাঙ্গল অমসুং তম্লকপশিং অদুনা কনাগুম্বা অমবু পুনশিদা খুমাং চাউশিনহল্লি। “অশেংবা ৱাখল্লোনদা স্পোর্তস অসি পুনশিগী অশেংবা সপোর্ত সীস্তেমনি”, হায়না শ্রী মোদীনা মরু ওইনা পনখি। প্রধান মন্ত্রীনা স্পোর্তস অমসুং পুনশিগী মরক্তা এসপেক্তশিং খুদম ওইনা পেসন, শিংনবশিং, মাইথিবদগী তমশিনবা, পুকচেল শেংবা অমসুং মতাং মতাংগী থোক্লিবা মতম অদুগী মতুং ইন্না হিংবা ঙম্বা হায়রিবশিং অসিগা  মান্নবশিংগী মতাংদসু হায়খি। “মাইপাকপা অসি করিনো হায়বা খঙজিনবা অমসুং মাইথিবদগী তমশিনবা হায়বসি ঐখোয়না স্পোর্তসকী লমদগী তম্বা য়াম্না মরু ওইবা কলা অমনি” হায়না মহাক্না হায়খি।

প্রধান মনত্রীনা এথলিতশিংদা হায়খি মদুদি মখোয়না অনৌবা ভারতকী নহাশিংনি অমসুং মখোয়না এক ভারত শ্রেস্থা ভারতকীসু ফিরাল পাইরিবশিংনি। প্রধান মনত্রীনা হায়খি মদুদি ঙসিগী নহাশিংনা ফিতনেস অসিবু লৈবাক অসিগী খুমাং চাউশিনবগী মন্ত্র ওইহল্লে। অনৌবা খোংথাং কয়া অমনা স্পোর্তস অসিবু অরিবা ৱাখল্লোনগী লিপুনদগী মনিং তমহল্লে। অনৌবা এজুকেশন পোলিসীদা স্পোর্তকী মতাংদা মরু ওইবা পীবা, স্পোর্তসকীদমক্তা মতম অসিগী অনৌবা ইনফ্রাস্ত্রকচর, ত্রান্সপরেন্ত ওইবআ সেলেলক্সনগী থৌওং নত্রগা স্পোর্তসকী লমদা মতম অসিগী অনৌবা তেক্নোলোজীশিজিন্নবা হেনগৎপগুম্বা পাম্বৈশিং অসিনা য়াম্না য়াংনা অনৌবা ভারতকী মশক, মখোয়গী নহাশিংগীআশা অমসুং অপাম্বা, অমসুং অনৌবা ভারতকী ৱারেপশিংগী য়ুমফম ওইরক্লি। “হৌজিক্তি লৈবাক অসিদা অনৌবা সাইন্স সেন্তরশিং লিংখৎলক্লি। স্পোর্তস খক্তগী ওইবা য়ুনিভর্সিতীশিং হাংদোরক্লি। মসি নখোয়গী খুদোংচানবা অমসুং নখোয়গী মঙলানশিং অদুবু নিংবা থুংহন্নবনি” হায়না প্রধান মন্ত্রীনা হায়খি।  

প্রধান মন্ত্রীনা স্পোর্তসকী শক্তি অমসুং লৈবাক অসিগী শক্তিগী মরক্তা লৈরিবা মরী অসিবু হন্না হায়খি, মরমদি স্পোর্তসতা মশক কঙবা হায়বসি লৈবাক অসিগীদমক্তা মখশ খঙবা হেনগৎহল্লি। মহাক্না তোক্যো ওলীম্পিক্কী কন্তিঞ্জেন্তকা মহাক্কা উনখিবা অদু নিংশিংখি অমসুং লৈবাক অসিগীদমক্তা করিগুম্বা খরা তৌবগীদমক্তা এথলিতশিংগী মাইথোংদা তারিবা মশেক-মঙাল অমসুং অপেনবা অদুবু নিংশিংখি। প্রধান মন্ত্রীনা শানরোইশিং অদুদা গেম্সতা শরুক অবদুনা লৈবাক অসিগীদমক্তা শান্ননবা হায়খি।

My message at the start of Khelo India University Games being held in Bengaluru. https://t.co/fnMkV7Tkzx

— Narendra Modi (@narendramodi) April 24, 2022

*****