• ইকাই খুম্নরবা শেল-থুম মন্ত্রীনা বজেৎ স্পীচতা এ.ভি.জি.সি. প্রমোসন তাস্ক ফোর্স শেম্নবা লাউথোকখি
• এ.ভি.জি.সি. ইন্দস্ত্রীনা স্তেকহোল্দরশিং ওইনা পার্তনর ওইরি
• ভারতনা কন্তেন্ত ক্রিএসনগী লমদা মাংজিল থারগনি
• এ.ভি.জি.সি. সেক্তরগী শাহৌ লৈয়া পোলিসীশিং শেম্লগনি
• ইন্দস্ত্রীগা লোয়ননা এক্তিব ওইনা চুংশিন্নগনি
• ভারতকী এ.ভি.জি.সি. ইন্দস্ত্রীগী গ্লোবেল পোজিসন্নিং হেনগৎহনগনি

ভারত্তা লৈরিবা এনিমেসন, বিজ্যুএল ইফেক্তস, গেমিং এন্দ কোমিক্স (এ.ভি.জি.সি.) সেক্তর অসিনা “ক্রিএৎ ইন ইন্দিয়া” অমসুং “ব্রান্দ ইন্দিয়া”গী তোর্চ বীয়র্র ওইবা ঙম্বগী মতিক-ময়াই চেল্লি। এনুএল গ্রোথ ২৫-৩০% লৈবা অমসুং চহিগী ওইনা অনৌবা থবক ১,৬০,০০০ হেন্না পীবগা লোয়ননা ২০২৫ ফাওবদা গ্লোবেল মার্কেৎ শিবরদা ভারতনা ৫% (‌~দোলর বিলিয়ন ৪০) ফংবা ঙম্বগী মতিক-ময়াই চেল্লি।

২. এ.ভি.জি.সে. সেক্তরগী স্কোপ অসি হেনগৎহন্নবা, ২০২২-২৩গী কেন্দ্রগী বজেৎতা এনিমেসন, বিজ্যুএল ইফেক্তস, গেমিং এন্দ কোমিক্স (এ.ভি.জি.সি.) প্রমোসন তাস্ক ফোর্স অমা শেম্নবা লাউথোকখি, মসিনা ঐখোয়গী মার্কেৎশিং অমসুং গ্লোবেল দিমান্দ থুংহন্নবা লম্বীশিং রিকম্মেন্দ তৌগনি অমসুং দোমেস্তিক কেপাসিতী শেমগৎকনি।

৩. কেন্দ্রগী বজেৎ ২০২২-২৩দা লাউথোকখিবগী মখা পোন্না ইনফোর্মেসন এন্দ ব্রোদকাস্তিং মন্ত্রালয়গী মীৎয়েং মখাদা লৈবাক অসিদা এ.ভি.জি.সি. সেক্তর চাউখৎহন্নবা এনিমেসন, বিজ্যুএল ইফেক্তস, গেমিং এন্দ কোমিক্স (এ.ভি.জি.সি.) প্রমোসন তাস্ক ফোর্স অমা শেমখি।

৪. এ.ভি.জি.সি. প্রমোসন তাস্ক ফোর্স অসি ইনফোর্মেসন এন্দ ব্রোদকাস্তিং মন্ত্রালয়গী সেক্রেতরীনা লুচিংগনি অমসুং পীরিবশিং অসিগী সেক্রেতরীশিং য়াওগনি

1. স্কিল দিবেলপমেন্ত এন্দ ওন্তপ্রিনোরশিপ মন্ত্রালয়;
2. এজুকেসন মন্ত্রালয়গী দিপার্তমেন্ত ওফ হায়র এজুকেসন;
3. ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয় অমসুং
4. দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ।

মসিদা ইন্দস্ত্রী পার্তনরশিংনা চাউনা শরুক য়াগনি

1. তেক্নিকলর ইন্দিয়াগী কন্ত্রী হেদ, শ্রী বিরেন ঘোশ;
2. পুনরয়ুগ আর্তবিজন প্রাইবেৎ লিমিতেদকী ফাউন্দর অশিশ কুলকার্নি;
3. অনিব্রেনগী ফাউন্দর অমসুং সি.ই.ও. জেশ কৃঞ্চ মুর্তী;
4. রেদচিলীজ ভি.এফ.এক্স.কী সি.ও.ও. অমসুং ভি.এফ.এক্স প্রদ্যুসর কৈতন য়াদব;
5. হ্বিস্তলিং ৱুদস ইন্তর্নেস্নেলগী চীফ তেক্নোলোজী ওফিসর চাইতন্য চিঞ্চলিকর;
6. জিঙ্গা ইন্দিয়াগী সিনিয়র ভাইস প্রসিদেন্ত অমসুং কন্ত্রী হেদ, কিশোর কিচিলি;
7. হঙ্গামা দিজিতেল মেদিয়া এন্তর্তেনমেন্তগী মেনেজিং দিরেক্তর অমসুং সি.ই.ও. নীরজ রোই।

5. এ.ভি.জি.সি. প্রমোসন তাস্ক ফোর্স অসিদা কর্নাতকা, মহারাস্ত্র, তেলঙ্গানাগী রাজ্য সরকারশিং; ওল ইন্দিয়া কাউন্সিল ওফ তেক্নিকেল এজুকেসন, নেস্নেল কাউন্সিল ওফ এজুকেস্নেল রিসর্চ এন্দ ত্রেনিং অসিগুম্বা এজুকেসন বোদীশিংগী মকোকশিং অমসুং এম.ই.এস.সি., এফ.আই.সি.সি.আই. অমসুং সি.আই.আই.- ইন্দস্ত্রী বোদীশিংগী মীহুৎশিং য়াওরি।

6. ভারত সরকার, রাজ্য সরকারশিং অমসুং মরু ওইবা ইন্দস্ত্রী প্লেয়রশিং শরুক য়াবগা লোয়ননা এ.ভি.জি.সি. প্রমোসন তাস্ক ফোর্স অমা শেম্বনা সেক্তর অসিগী শাহৌ লৈয়া পোলিসীশিং শেম্নবা ইন্সতিত্যুস্নেল ওইনা হোৎন্দুনা, ভারত্তা এ.ভি.জি.সি. এজুকেসনগী স্তেন্দর্দশিং থম্নবা, ইন্দস্ত্রী অমসুং এ.ভি.জি.সি. ইন্সতিত্যুতশিংগা লোয়ননা এক্তিব ওইনা চুংশিন্নদুনা অমসুং ভারতকী এ.ভি.জি.সি. ইন্দস্ত্রী অসি মালেমগী থাক্তা পুখৎতুনা সেক্তর অসিগী শাহৌ লৈনবগীদমক মরু ওইবা শাফু পীরগনি।

তাস্ক ফোর্সকী তর্মস ওফ রিফরেন্সতা মখাদা পীরিবশিং অসি য়াওরি:

(i) নেস্নেল এ.ভি.জি.সি. পোলিসী অমা শেম্বা,

(ii) এ.ভি.জি.সি.গা মরী লৈনবা সেক্তরশিংদা গ্রেজ্যুএসন, পোস্ত-গ্রেজ্যুএসন অমসুং দোক্তরেল কোর্সশিংগী নেস্নেল করিকুলম ফ্রেমৱার্ক রিকম্মেন্দ তৌবা,

(iii) একাদেমিক ইন্সতিত্যুসনশিং, ভোকেস্নেল ত্রেনিং সেন্তরশিং অমসুং ইন্দস্ত্রীগা লোয়ননা চুংশিন্নদুনা স্কিলিংগী ইনিসিএতিবশিং পাইখৎপা,

(iv) থবক্কী খুদোংচাবশিং হেনগৎহনবা,

(v) ভারতকী এ.ভি.জি.সি. ইন্দস্ত্রীগী গ্লোবেল রীচ চাউথোক্নবা প্রমোসন অমসুং মার্কেৎ দিবেলপমেন্ত এক্তিবিতীশিং লৈহনবা,

(vi) এ.ভি.জি.সি. সেক্তরদা এফ.দি.আই. লাকহন্নবা এক্সপোর্তশিং হেনগৎহনবা অমসুং ইনসেন্তিবশিং রিকম্মেন্দ তৌবা।

৭. এ.ভি.জি.সি. প্রমোসন তাস্ক ফোর্সনা নুমিৎ ৯০গী মনুংদা মাগী অহানবা এক্সন প্লান পীশিনগনি।

*********