প্রধানমন্ত্রীগী লোইশঙ
য়ুক্রেনগী লান অমসুং ওপরেসন গঙ্গাগী মতাংদা পার্লিয়ামেন্তদা অফবা মওংদা খন্ন-নৈনখিববু পি.এম.না থাগৎপা ফোঙদোকখ্রে
Posted On:
06 APR 2022 8:30PM by PIB Imphal
প্রধান মন্ত্রী, শ্রী নরেন্দ্র মোদীনা হৌখিবা নুমিৎ খরা অসিদা য়ুক্রেনগী লান অমসুং ওপরেসন গঙ্গাগী মতাংদা পার্লিয়ামেন্তদা অফবা মওংদা খন্ন-নৈনখিববু থাগৎপা ফোঙদোকখ্রে। মখোয়গী ৱাখল্লোনশিং ফোঙদোক্তুনা খন্ন-নৈনবা অসিগী কান্নবা হেনগৎহনখিবা পার্লিয়ামেন্তগী মেম্বর পুম্নমক্তা মহাক্না তৌবীমল খঙবা উৎখ্রে। অৱাবা তারবা ফীভমশিংদা ঐখোয়গী প্রজাশিংগী য়াইফনবা য়েংশিনবা হায়বা অসি ঐখোয়গী অপুনবা থৌদাংনি হায়নসু মহাক্না ফোঙদোকখি।
প্রধান মন্ত্রীনা ত্বিত মথং-মথং তৌরদুনা হায়খি;
“হৌখিবা চহি খরা অসিদা পার্লিয়ামেন্তদা য়ুক্রেনদা ওইরিবা ফীভম অমসুং ওপরেসন গঙ্গাগী খুত্থাংদা ঐখোয়গী প্রজাশিংবু হোন্দোরক্নবা ভারতনা লৌখৎখিবা খোঙথাংশিংগী মতাংদা অফবা মওংদা খন্ন-নৈনখিবা উবা ফংখি। মখোয়গী ৱাখল্লোনশিং ফোঙদোক্তুনা খন্ন-নৈনবা অসিগী কান্নবা হেনগৎহনখিবা এম.পি. পুম্নমক্তা ঐহাক্না তৌবীমল খঙবা উৎচরি।”
“ফোরেন পোলিসীগী ৱাফমশিং লাকপা মতমদা অৱাংবা থাক্তা দিবেৎ তৌনবা অমসুং কনস্ত্রক্তিব ওইবা পোইন্তশিং অসিনা বাইপার্তিসনশিপ করম্না লৈবগে হায়বা উৎখি। অসিগুম্বা বাইপার্তিসনশিপ অসি মালেমগী থাক্তা ভারতকী ওইনা য়াম্না কান্নবা পুরকখি।”
“ঐখোয়গী প্রজাশিংগী য়াইফনবা য়েংশিনবা হায়বা অসি ঐখোয়গী অপুনবা থৌদাংনি অমসুং অৱাবা তারবা ফীভমশিংদা ঐখোয়গী মীয়াম্না খুদোংথিবা মখল অমা হেক্তা থেংনদনবা ভারত সরকারনা ঙম্বা থাক্তা হোৎনগনি।”
****
(Release ID: 1814361)
Visitor Counter : 119
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam