وزیراعظم کا دفتر
وزیراعظم نریندر مودی نے یوکرین کی صورتحال اور آپریشن گنگا سے متعلق پارلیمنٹ میں صحت مند بحث کی تعریف کی
Posted On:
06 APR 2022 8:30PM by PIB Delhi
وزیراعظم جناب نریندر مودی نے گزشتہ کچھ روز کے دوران یوکرین کی صورتحا ل اور آپریشن گنگا سے متعلق پارلیمنٹ میں صحت مند بحث کی ستائش کی ۔ انہوں نے ان سبھی ارکان پارلیمنٹ کا شکریہ ادا کیا، جنہوں نے اپنے خیالا ت بحث کے دوران پیش کئے اور بحث میں حصہ لیا۔ انہوں نے یہ بھی کہا کہ یہ ہماری اجتماعی ذمہ داری ہے کہ خراب صورتحال میں ہم وطنوں کے تحفظ اور خیروعافیت کا خیال رکھا جائے ۔
سلسلہ وار ٹویٹ میں وزیر اعظم نے کہا:
گزشتہ کچھ روز سے پارلیمنٹ میں یوکرین کی صورتحال اور آپریشن گنگا کے ذریعہ بھارتی شہریوں کو واپس لانے کے بارے میں صحت مند بحث ہوئی ۔ میں ان سبھی ارکان پارلیمنٹ ساتھیوں کا شکریہ ادا کرتا ہوں جنہوں نے اپنے خیالات اس بحث میں پیش کئے ۔
جب غیر ملکی پالیسی کا معاملہ سامنے آتا ہے تو بحث کی اعلیٰ سطح اور تعمیری نقطہ نظر اس بات کو ظاہر کرتے ہیں کہ کس طرح ہم جانبدار نہیں ہیں ۔ اس طرح کی غیر جانبداریت دنیا میں بھارت کی امیج کو بڑھائے گی ۔
یہ ہمارا اجتماعی فرض ہے کہ ہم اپنے ہم وطنوں کی حفاظت اور ان کی خیروعافیت کا پورا دھیان دیں اور حکومت ہند اس بات کو یقینی بنانے کے لئے کوئی کسر نہیں چھوڑے گی کہ ہمارے لوگوں کو خراب صورتحال میں کسی پریشانی کا سامنا نہ کرنا پڑے۔
*************
ش ح۔ح ا ۔رم
U-3948
(Release ID: 1814328)
Visitor Counter : 126
Read this release in:
English
,
Hindi
,
Marathi
,
Bengali
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam