ইনফোর্মেসন অমসুং ব্রোদকাস্তিং মন্ত্রালয়

শ্রী অনুরাগ থাকুরনা ব্রোদকাস্তরশিংগীমদক ব্রোদকাস্ত সেবা পোর্তেল হৌদোকখ্রে


পোর্তেলনা ইকোসিস্তেম অসিদা ত্রান্সপরেন্সী, একাউন্তেবিলিতী অমদি রেস্পোন্সিবনেস ওইহল্লগনি: শ্রী অনুরাগ থাকুর

সরকারগী ফ্লেগশিপ ‘নেসনেল সিঙ্গল ৱিন্দো সিস্তেম’দা অথুবদা লিঙ্ক তৌরগনি : শ্রী অনুরাগ থাকুর

পোর্তেল অসিনা সেতলাইত তি.ভি. চেনেল ৯০০ হেনবদা, তেলিপোর্ত ওপরেতর ৭০ হেনবদা, মল্তি-সর্ভিস ওপরেতর ১৭৫০ হেনবদা, কম্ম্যুনিতী রিদিও স্তেসন (সি.আর.এস.) ৩৫০ হেনবদা, প্রাইভেৎ এফ.এম. চেনেল ৩৮০ হেনবদা অমসুং অতোপ্পশিংদা দিগ্রী ৩৬০গী সোলুসন অমা ফংহনগনি৷

ব্রোদকাস্তিং সেক্তরদা বিজিনেস তৌবা লাইথোকহনবদা পোর্তেলনা অচৌবা খোংফম অমা থাংজিল্লগনি

পোর্তেলদা ‘এন্দ তু এন্দ’ ফেসিলিতেসনগী খুৎথাংদা মাউসকী ক্লিক অমদা পুম্নমক্কী সোলুসনশিং ফংগনি

Posted On: 04 APR 2022 3:38PM by PIB Imphal

ব্রোদকাস্তিং সেক্তরদা বিজিনেস তৌবা লাইথোকহন্নবগী অনৌবা লৈমাই অমা হাংদোক্নবা ঙসি ইনফোর্মেসন অমসুং ব্রোদকাস্তিং, অমদি য়ুথ এফিয়র্স অমসুং স্পোর্তসকী কেন্দ্র মন্ত্রী শ্রী অনুরাগ থাকুরনা ন্যু দিল্লীদা ব্রোদকাস্ত সেবা পোর্তেল পুথোকখি৷ ব্রোদকাস্ত সেবা পোর্তেল অসি লাইসেন্সশিং, পর্মিসনশিং, রেজিস্ত্রেসনগী তোঙান তোঙানবা মখলশিংগীদমক ব্রোদকাস্তরশিংগী এপ্লিকেসনশিং খোংজেল য়াংনা ফাইলিং অমসুং প্রোসেসিং তৌনবগীদমক লৈরিবা ওনলাইন পোর্তেল সোলুসন অমনি৷

থৌরম অসিদা ৱা ঙাংলদুনা, সরকারনা সিস্তেম অসিদা ত্রান্সপরেন্সী লৈহন্নবা অমদি মদুবু হেন্না একাউন্তেবল ওইহন্নবা তেক্নোলোজী শিজিন্নখ্রে হায়না শ্রী অনুরাগ থাকুরনা ফোংদোকখি৷ ব্রোদকাস্ত সেবা পোর্তেল অসিনা এপ্লিকেসন থাজিনবগী চংলিবা মতম অসি হন্থহল্লগনি অমদি মতম অসিমক্তদা এপ্লিকেন্তশিংনা প্রোগ্রেস অসি ত্রেক তৌবদা মতেং পাংলগনি৷ পোর্তেল অসিনা মমাংগী মতমদা দরকার ওইরমখিবা হ্যুমেন ইন্তরফেজপু হন্থহল্লগনি অমদি মতৌ অসিগুম্না মন্ত্রালয়গী কেপালিসিতী শেমগৎপদা মতেং পাংদুনা বিজিনেস তৌবা লাইথোকহন্নবগী অচৌবা খোংথাং অমা ওইরগনি৷

দিগ্রী ৩৬০গী দিজিতেল সোলুসন অসিনা স্তেকহোল্দরশিংনা অয়াবা লৌবা, রেজিস্ত্রেসন এপ্লাই তৌবা, এপ্লিকেসনশিং ত্রেক তৌবা, ফীশিং হোৎপা অমদি পেমেন্তশিং থিবদা স্তেকহোল্দরশিংদা লাইথোকহল্লগনি হায়না শ্রী থাকুরনা মখাতাখি৷ পোর্তেল অসিনা দিজিতেল ইন্দিয়াগী হেন্না পাক চাওরবা অমব্রেল্লা ইফর্তশিং অসিগী মখাদা মশাগী সর্ভিসশিং অসি স্তেকহোল্দর পুম্নমক্তগী হৌরগা প্রাইভেৎ সেতলাইত তি.ভি. চেনেলশিং, তেলিপোর্ত ওপরেতরশিং, এম.এস.ও.শিং, কম্ম্যুনিতী অমসুং প্রাইভেৎ রেদিও চেনেলশিংদা ফংহল্লগনি৷

মসিগী অচম্বা অমদি ফ্রেন্দলী ওইবা ৱেব পোর্তেল অসিনা মাউসকী ক্লিক অমদা ব্রোদকাস্তর অমদা এন্দ তু এন্দ সোলুসন পীবনা “পোর্তেল অসিনা ইকাই খুম্নরবা প্রধান মন্ত্রী নরেন্দ্র মোদীগী মন্ত্র ‘মিনিমম গভর্মেন্ত, মেক্সিমম গভর্নেন্স’ মংফাওনহনবদা চংশিল্লক্লিবা অচৌবা খোংথাং অমা ওইরি৷ মসিনা বিজিনেস এনবাইরোনমেন্ত অসি হেন্না ফগৎহল্লগনি অমদি মসিনা সেতলাইত তি.ভি. চেনেল ৯০০ হেনবদা, তেলিপোর্ত ওপরেতর ৭০, মল্তি-সর্ভিস ওপরেতর ১৭০০, কম্ম্যুনিতী রেদিও স্তেসন ৩৫০ (সি.আর.এস.), প্রাইভএৎ এফ.এম. চেনেল ৩৮০ অমসুং অতোপ্পশিংদা হকথেংননা কান্নবা পীদুনা ব্রোদকাস্ত সেক্তর পুম্নমকপু হেন্না শক্তি লৈহল্লগনি” হায়না মন্ত্রী অসিনা ফোংদোকখি৷

পোর্তেল অসি তেস্ত রন  তৌবা মতমদা এন্দ য়ুজরশিংদগী পোজিতিব ওইবা ফীদবেকশিং ফংখি হায়না মন্ত্রীনা মীয়ামদা ফোংদোকখি৷ অথুবা মতমদা পোর্তেল অসি নেসনেল সিঙ্গল ৱিন্দো সিস্তেমদা হাপচিল্লগনি৷ ইন্দস্ত্রী অসিনা ইমপ্রুবমেন্তগীদমক দরকার ওইরকপশিং মখাতানা পীনবা মন্ত্রালয় অসিনা থোং লাওনা হাংলি৷

অনৌবা পোর্তেল অসি হৌখিবগী বর্সন অদুগা য়েংনবা মতমদা ইমপ্রুবমেন্ত কয়া অমা লাকখ্রে অমদি থা অমগী ত্রাইয়েল মতম অদুদা স্তেকহোল্দরশিংদগী সজেসনশিং লৌদুনা লাক্লি হায়না আই. অমসুং বি. মন্ত্রালয়গী সেক্রেতরী শ্রী অপুর্ব চন্দ্রনা ফোংদোকখি৷

পোর্তেল অসিনা সিস্তেম অসিদা ত্রান্সপরেন্সী, একাউন্তেবিলিতী অমদি রেস্পোন্সিবনেস ওইবা হেনগৎহল্লগনি অমদি ই-পাউ পুম্নমক সিঙ্গল দাশবোর্দ অমদা ফংহল্লগনি৷ পোর্তেল অসিগী মনুংদা য়াওরিবা তোঙান তোঙানবা সর্ভিসশিং অমসুং ফিচরশিং অদুদি:

  • এন্দ-তু-এন্দ প্রোসেসিং
  • পেমেন্ত সিস্তেম (ভারত কোশ)গা পুনশিনবা
  • ই-ওপিস অমসুং স্তেকহোল্দর মন্ত্রালয়শিংগা পুনশিন্নবা
  • এনালাইতিক্স, রিপোর্তিং অমসুং মেনেজমেন্ত ইনফোর্মেসন সিস্তেম (এম.আই.এস.)
  • ইন্তিগ্রেতেদ হেল্পদেস্ক
  • এপ্লিকেসন ফোর্মশিং অমসুং স্তেতস ত্রেকিং
  • পোর্তেল মশামক্তগী লেত্তরশিং/ওর্দরশিং দাউনলোদ তৌজবা
  • স্তেকহোল্দরশিংদা এলর্ত ওইনা থম্বা (এস.এম.এস./ই-মেলশিং)

থৌরম অসিদা শরুক য়ারিবা ব্রোদকাস্তরশিংনা পোর্তেল অসিবু তরাম্না ওকখি অমদি মসিনা এপ্লিকেসন অমা চৎকদবা মফম অমদি এপ্লিকেসন প্রোসেসতা দরকার ওইরিবা ইফর্ত অদু চাওনা হন্থহল্লগনি৷

ভারতকী বিজিনেস ক্লাইমেত ফগৎহনবা হায়বসিনা ভারত সরকারগী মরু ওইনা মীৎয়েং চংফম দরকার ওইরিবা এরিয়াশিংগী মনুংদা অমা ওইরি অমদি  ব্রোদকাস্ত সেবা পোর্তেলনা বিজিনেস তৌবা লাইথোকহন্নবা অমদি ব্রোদকাস্তিং সেক্তরবু হেন্না শক্তি লৈহন্নবা সরকারনা হোৎনরিবা অদুগী খুদম ওইরগনি৷

ব্রোদকাস্ত পোর্তেল পুথোকপগী থৌরম অদু মখাগী লিঙ্ক অসিদা ফংগনি৷

http://davp.nic.in/ebook/bsp/Broadcast_Seva_Portal/index.html

 

*******



(Release ID: 1813927) Visitor Counter : 132