ইনফোর্মেসন অমসুং বোর্দকাস্তিং মন্ত্রালয়না আই.তি. রুল্স, ২০২১গী মখাদা ইমর্জেন্সী পাৱরশিং শীজিন্নদুনা য়ুত্যুবতা বেজ তৌবা পাউ চেনেল কুননিথোই (২২), ত্বিত্তর একাউন্ত অহুম (৩), ফেসবুক একাউন্ত অমা (১) অমসুং ন্যুজ ৱেবসাইৎ অমা (১) থিংজিন্নবা ০৪.০৪.২০২২দা ওর্দরশিং থোকখ্রে। থিংজিনখ্রবা য়ুত্যুব চেনেলশিং অসিদা পুন্না ভ্যুৱরশিপ করোর ২৬০ হেন্না লৈরমখি, অমসুং অরানবা পাউশিং শন্দোকপা অমসুং নেস্নেল সেক্যুরিতী, ভারতকা মপাল লৈবাক্কা লৈনরিবা মরীশিং, পব্লিক ওর্দরগী মীৎয়েংদগী য়েংলকপদা সেন্সিতিব ওইবা হীরমশিংদা সোসিএল মেদিয়াদা অহানবা পাউ শন্দোকপদা মতেং পাংবদা শীজিন্নখি।

ভারতকী য়ুত্যুবতা বেজ তৌবা পাউ চেনেলশিংদা লৌখৎপা এক্সন

মসি হৌখিবা চহিগী ফেব্রুৱারীদা নোতিফিকেসন থোকখিবা আই.তি. রুল্স, ২০২১গী মতুংদা অহানবা ওইবা ভারতকী য়ুত্যুবতা বেজ তৌবা পাউ চেনেলশিংগী মায়োক্তা এক্সন লৌখৎপা ওইরি। হন্দক নৌনা থিংজিনবগী থোকখিবা ওর্দর অদুগী খুত্থাংদা য়ুত্যুবতা বেজ তৌবা পাউ চেনেলশিং অদুদা ভারতকী তরানিপান (১৮) অমসুং পকিস্তানগী মরি (৪) থিংজিনখ্রে।

কন্তেন্তগী এনালাইসিস

য়ুত্যুব চেনেল কয়ামরুম ইন্দিয়ন আর্মদ ফোর্সেস, জম্মু অমসুং কাশ্মির অসিগুম্বা তোঙান-তোঙানবা হীরমশিংগী মতাংদা অরানবা পাউশিং পোস্ত তৌনবা শীজিন্নখি। থিংজিন্নবা ওর্দর থোকখিবা কন্তেন্ত অদুদা পকিস্তানদগী মতেং লৌদুনা ওপরেৎ তৌখিবা সোসিএল মেদিয়া একাউন্ত কয়ামরুমদগী পোস্ত তৌখিবা এন্তি-ইন্দিয়া কন্তেন্ত খরা য়াওখি।

য়ুক্রেনগী হৌজিক ওইরিবা ফীভমগা মরী লৈনবা অমসুং অতোপ্পা লৈবাকশিংগা ভারতকী লৈনরিবা মরীশিং অসিদা অকাইবা পীনবা পান্দম থম্লিবা ভারতকী য়ুত্যুবতা বেজ তৌবা চেনেলশিং অসিনা অরানবা কন্তেন্ত মশিং য়াম্না পব্লিশ তৌবা উবা ফংখি।

মোদস ওপরেন্দী

থিংজিনখ্রবা ভারতকী য়ুত্যুব চেনেলশিং অদুনা পাউ অদু অচুম্বনা হায়না য়েংলিবশিংবু লান্না লমজিংনবা তি.ভি.গী পাউ চেনেল খরগী তেম্প্লেৎশিং অমসুং লোগোশিং, মখোয়গী পাউ পারিবা মীওইশিংগী ইমেজ ফাওবা য়াওনা শীজিন্নখি। অশাবা থমনেলশিং শীজিন্নখি, অমসুং ভিদিওশিং অদুগী তাইতল অমসুং থমনেল অদু তোয়না ওন্থোক্তুনা সোসিএল মেদিয়াদা কন্তেন্ত অদু ভাইরেল ওইবা হেনগৎহনখি। কেস খরদা, সিস্তেমেতিক ওইবা এন্তি-ইন্দিয়াগী অরানবা পাউশিং অসি পকিস্তানদগী হৌরকপনি হায়বা খঙবা ঙমখি।

খোঙথাং অসিগা লোয়ননা, দিসেম্বর ২০২১দগী হৌদুনা মন্ত্রালয় অসিনা নেস্নেল সেক্যুরিতী, সোভরেন্তী অমসুং ভারতকী অপুনবগী শক্তম, পব্লিক ওর্দর অসিনচিংবগা মরী লৈনবা গ্রাউন্দশিংগী ওইবা য়ুত্যুবতা বেজ তৌবা পাউ চেনেল ৭৮ অমসুং অতোপ্পা সোসিএল মেদিয়া একাউন্ত কয়ামরুম ব্লোক তৌনবা য়াথংশিং পীখি।

ভারত সরকারনা ওথেন্তিক ওইবা, থাজবা য়াবা অমসুং অফবা ওনলাইন ন্যুজ মেদিয়াগী এনভাইরনমেন্ত থম্নবগী মাইকৈদা অমসুং ভারতকী সোরেন্তী অমসুং ইন্তিগ্রিতী, নেস্নেল সেক্যুরিতী, মপাল লৈবাক্কা লৈনরিবা মরীশিং, অমসুং পব্লিক ওর্দরদা অকাইবা পীবা য়াবা মখল অমা হেক্তগী থৌশিংবু মাইথিবা পীনবা অচেৎপা ফিরেপ অমা লৌদুনা লাকখি।

থিংজিনখ্রবা সোসিএল মেদিয়া একাউন্ত অমসুং ৱেবসাইৎশিংগী অকুপ্পা মরোলশিং

য়ুত্যুব চেনেলশিং

ৱেবসাইৎ

ত্বিত্তর একাউন্তশিং (পুম্নমক পকিস্তান্দা বেজ তৌবা)

ফেসবুক একাউন্ত

****