২০২২গী মার্চ থাদা খোমগৎখিবা গ্রোস জি.এস.তি. রিভেন্যু অসি লুপা করোর ১,৪২,০৯৫ ওইখি, মসিগী মনুংদা সি.জি.এস.তি.না লুপা করোর ২৫,৮৩০, এস.জি.এস.তি.না লুপা করোর ৩১.৩৭৮, আই.জি.এস.তি.না লুপা করোর ৭৪,৪৭০ (মপালদগী পুশিল্লকপা পোৎলমশিংদগী খোমগৎখিবা লুপা করোর ৩৯,১৩১ য়াওরগা) অমসুং সেস অসি লুপা করোর ৯,৪১৭ (মপালদগী পুশিল্লকপা পোৎলমশিংদগী খোমগৎখিবা লুপা করোর ৯৮১ য়াওরগা) ওইখি। ২০২২গী জনুৱারী থাদা খোমগৎখিবা লুপা করোর ১,৪০,৯৮৬কী মমাংগী রেকোর্দ অদু থুগাইদুনা মার্চ’২০২২দা গ্রোস জি.এস.তি. কল্লেক্সন অসি খ্বাইদগী ৱাংবা ওইখ্রে।

সরকারনা আই.জি.এস.তি.দগী রিগুলর সেতলমেন্ত ওইনা সি.জি.এস.তি.দা লুপা করোর ২৯,৮১৬ অমসুং এস.জি.এস.তি.দা লুপা করোর ২৫,০৩২ সেত্তল তৌখি। মসিগী মথক্তা কেন্দ্রনা থা অসিদা কেন্দ্র অমসুং রাজ্যশিং/য়ু.তি.শিংগী মরক্তা ৫০:৫০গী রেসিওদা এদ-হোক বেসিসতা আই.জি.এস.তি.গী লুপা করোর ২০,০০০ সেত্তল তৌখি। রিগুলর অমসুং এদ-হোক সেত্তলমেন্তশিংগী মতুংদা ২০২২গী মার্চ থাগী ওইনা কেন্দ্র অমসুং রাজ্যশিংগী অপুনবা রিভেন্যু অসি সি.জি.এস.তি.গী লুপা করোর ৬৫৬৪৬ অমসুং এস.জি.এস.তি.গী ওইনা লুপা করোর ৬৭৪১০নি। কেন্দ্রনা থা অসিগী মনুংদা রাজ্যশিং/য়ু.তি.শিংদা লুপা করোর ১৮.২৫২ অসি জি.এস.তি. কম্পেন্সেসন ওইনসু কাইথখি।

মার্চ ২০২২গী থা অসিগী রিভেন্যুশিং অসি হৌখিবা চহিগী চপ মান্নবা থাগী জি.এস.তি. রিভেন্যুশিংদগী ১৫% হেল্লি অমসুং মার্চ ২০২০গী জি.এস.তি. রিভেন্যুদগী ৪৬% হেল্লি। থা অসিগী মনুংদা মপালদগী পোৎলমশিং পুশিল্লকপদগী লাকপা রিভেন্যুশিং অসি হৌখিবা চহিগী চপ মান্নবা থাগী মনুংদা সোর্সশিং অসিদগী লাকপা রিভেন্যুশিংদগী ২৫% হেনখি অমসুং দোমেস্তিক ত্রাঞ্জেক্সন (সর্ভিসেসকী ইম্পোর্তশিং য়াওরগা) ১১% হেল্লি। ফেব্রুৱারী ২০২২দা জেনরেৎ তৌখিবা ই-ৱে বিলশিংগী অপুনবা মশিং অসি ২০২২গী জনুৱারীগী য়েংনবদা (লুপা করোর ৬.৮৮) থা অসিনা অহেনবা থা অমা ওইজরবসু লুপা করোর ৬.৯১ ওইখি, মসিনা বিজিনেস এক্তিবিতীদা রিকবরী খোঙজেল য়াংনা লাক্লে হায়না তাক্লি।

এফ.ৱাই.২০২১-২২গঈ অরোইবা ক্বাতরগী খোমগৎখিবা গ্রোস জি.এস.তি.গী থাগী ওইবা চাংচৎ অসি মথংশিৎনা অহানবা, অনিশুবা অমসুং অহুমশুবা ক্বাতরশিংদা খোমগৎখিবা থাগী ওইবা চাংচৎ লুপা করোর লাখ ১.১০, লুপা করোর লাখ ১.১৫ অমসুং লুপা করোর লাখ ১.৩০গা য়েংনবদা লুপা করোর লাখ ১.৩৮ ওইখি। ইকনোমিক রিকবরী, এন্তি-ইভেসন এক্তিবিতীশিং মরু ওইনা ফেক বিল্লরশিংগী মায়োক্তা এক্সন লৌখৎপা অসিগা লোয়ননা মসিনা জি.এস.তি. হেনগৎহনবদা শরুক তমখি। ইনভর্তেদ দ্যুতী স্ত্রকচর চুমথোক্নবা কাউন্সিলনা পাইখৎখিবা তোঙান-তোঙানবা রেৎ রেস্নেলাইজেসনগী খোঙথাংশিং অসিনা মরম ওইরগা রিভেন্যুদা হেনগৎলক্লি।

মখাদা পীরিবা চার্ত অসিনা চৎলিবা চহি অসিগী মনুংদা থাগী ওইবা গ্রোস জি.এস.তি. রিভেন্যুশিংগী লৈরিবা ত্রেন্দশিং অদু উৎলি। মখাদা পীরিবা তেবল অসিনা মার্চ ২০২১গা চাংদম্নবা মতমদা মার্চ ২০২২দা রাজ্য অমমদা খোমগৎখিবা রাজ্য অমমমগী জি.এস.তি.গী মশিং অদু উৎলি।

মার্চ ২০২২[১]গী মনুংদা লৈখিবা রাজ্য-রাজ্যগী জি.এস.তি. রিভেন্যুশিংগী গ্রোথ

[১] মপালদগী পুশিল্লকপা পোৎলমশিংগী জি.এস.তি. য়াওদে

**********