হিস এক্সেলেন্সি, স্রি লঙ্কাগী প্রেসিদেন্ত,

বিম্সতেক্কী মেম্বর ওইবা লৈবাকশিংদগী ঐগী মরুপশিং অমসুং মরুপ লুচিংবশিং,

বিম্সতেক্কী সেক্রেতরী জেনরেল ।

খুরুমজরি!

ঙসি, ঐহাক্না ৫শুবা বিম্সতেক সমিত্তা নখোয় ময়াম উনবসি য়াম্না হরাওই। বিম্সতেক্কী লিংখৎখিবগী ২৫শুবা চহিনি, মরম অদুনা ঐহাক্না ঙসিগী সমিত অসিনা অমুক্কসু হেন্না মরু ওই। মসিগী লেন্দমার্ক সমিত অসিনা বিম্সতেক্কী পুৱারীদা সনাগী পন্দুপ অমা ইদুনা লৈহৌরগনি।

এক্সেলেন্সিশিং,

প্রেসিদেন্ত রাজাপক্সানা হৌখিবা চহি অনিগী বাম্না শিংননিংঙাই ওইবা এনভাইরনমেন্ততা বিম্সতেকপু নিঙথিনা লুচিংখি। অহানবদা ঐহাক্না মহাকপু থাগৎপা ফোংদোক্লি। ঐখোয়গী রিজন অসি মত অসিগী ওইরক্লিবা মালেমগী শিংননিংঙাই ওইবা ফিভম অসিনা শোক্তনা লৈবা নত্তে। ঐখোয়গী ইকোনোমীশিং, ঐখোয়গী মীশিংনা কোবিদ-১৯ লাইচৎ অসিনা পীবা অকাইবা অদু হৌজিক ফাওবা মায়োক্নরি।

হৌখিবা চয়োল খরা অসিদা য়ুরোপতা ওইরক্লিবা ফিভমশিং অসিনা ইন্তর্নেস্নেল ওর্দরগী স্তেবিলিতীগী মতাংদা ৱাহং কয়া হংলি। মসিগী কন্তেক্স অসিদা, বিম্সতেক রিজনেল কোওপরেশনবু হেন্না এক্তিব ওইহনবা হায়বসি য়াম্না মরু ওইরক্লি।  ঐখোয়গী রিজনেল সেক্যুরিতীদা মরু ওইবা মিৎয়েং চংশিনবা হায়বসিসু য়াম্না তঙাইফদবা ওইরক্লি।

এক্সেলেন্সিশিং,
 

ঙসি, ঐখোয়গী বিম্সতেক চার্তর এদোপ তৌরে। মসি ঐখোয়না ইন্সতিত্যস্নে আর্কিতেকচর অমা শেম্বগী মাইকৈদা ঐখোয়না হোৎনরিবশিং অদুগী  বাম্না মরু ওইবা খোংথাং অমনি। ঐহাক্না চেয়রমেনবু মসিগীদমক্তা থাগৎচরি। মসিগী চার্তর অসিদা, ঐখোয়না সমিত মীফম অসি চহি ২ কুদিংগী পাংথোক্নবা অমসুং ফোরেন মিনিস্তরশিংগী মীফম্না চহি খুদিংগী পাংথোক্নবা লেপ্নখ্রে। ঐহাক্না মসিগী ফিরেপ অসিবু তরাম্না ওক্লি।

মসিগী মতাংদা, সেক্রেতরী জেনরেলনা ভিজন দোক্যুমেন্ত অমা শেম্নবা শক্নাইরবা মীশকশিংগী গ্রুপ অমা শেম্নবা তাক্লকখি। ঐহাক্না সজেসন অদুবু বানিংঙি। বিম্সতেক্না ঐখোয়গী এক্সপেক্তেশনশিং অদুবু নিংবা থুংহন্নবগীদমক্তা, সেক্রেতেরিয়েতকী কেপাসিতী হেনগৎহনবসিসু য়াম্না মরু ওই। ঐহাক্কী সজেসশনদি সেক্রেতরী জেনরেলনা মসিগী পান্দম অসিবু ফংনবগীদমক্তা রোদ মেপ অমা শেম্বা য়াগনি। মসিগী য়াম্না মরু ওইবা থবক অসিবু মতম চানা  অমসুং ময়ামগী অপাম্বগী মতুং ইন্না লোইশিন্নবগীদমক্তা, ভারতনা সেক্রেতেরিয়েতকী ওপরেস্নেল বজেত হেনগৎহন্নবা দোলার মিলিয়ন অমগী শেলগী মতেং পীরগনি।

এক্সেলেন্সিশিং,

ঐখোয়গী ম্যুচুৱল ত্রেদ ফগৎহন্নবা, বিম্সতেক এফ.তি.এ.গী প্রোপোজল অদুগী মতাংদা খোংজেল য়াংনা খুমাং চাউশিনহনবা হায়বসি য়াম্না তঙাইফদে। ঐখোয়না ঐখোয়গী লৈবাকশিংগী এন্তর্প্রেনরশিং অমসুং স্তার্ত অপশিংগী মরক্তা এককসচেঞ্জ তৌনবা অদু হেনগৎহনগদবনি। মসিগা লোইননা, ঐখোয়না ত্রেদ ফেসিলিতেশনগী লমদা ইন্তর্নেস্নেল নোর্মশিং এদোপ তৌনবসু হোৎনগদবনি। মসিনা ইন্ত্রা-বিম্সতেক ত্রেদ অমসুং ইকোনোমিক ইন্তিগ্রেশন প্রোমোত তৌবদা মতেং পাংগনি। মসিগী মতাংদা , ইন্দিয়ন কাউন্সিল ফোর রিসর্চ ওন ইন্তর্নেস্নেল ইকোনোমিক রিলেশন্সনা ঐখোয়গী ওফিসিয়েলশিংগী এৱেয়রনেস হেনগৎহন্নবা এ.দি.বি.গা লোইননা প্রোগ্রাম অমা হৌরগনি।

 
এক্সেলেন্সিশিং,

ঐখোয় মশেলগী মরক্তা হেন্না ফবা ইন্তিগ্রেশন, হেন্না ফবা ত্রেদ অমসুং মী অমনা অমদা হেন্না ফবা মরী থম্বগী খ্বাইদগী হেন্না মরু ওইবা অসি হেন্না ফবা কনেক্তিবিতি লৈবা অসিনি। তৌইগুম্বসুং ঐখোয়না মসিদা মরু ওইবা পীরিবমখৈ অদুম ৱাৎলি। ঙসি ঐখোয়না ত্রান্সপোর্ত কনেক্তিবিতীগীদমক্তা বিম্সতেক্কী মাস্তর প্লান এদোপ তৌখ্রে; ঐহাক্না এ.দি.বি.বু মসি শেম্বগীদমক্তা থাগৎচরি। ঐখোয়না মসিগী মাস্তর প্লান অসি য়াম্না থুনা পাইখৎপদা মরু ওইবা থমগদবনি।

মসিগা লোইননা, এখোয়নসু কেনক্তিবিতীগী লমদা হান্নদগী চত্থরিবা অনৌবা খোংথাংশিং অদুদা মাংলোমদা চৎখৎকদবনি। বে ওফ বেঙ্গলদা ‘কোস্তেল শিপ্পিং ইকো-সীস্তেম’ অমা থম্নবা, লেগেল ফ্রেমৱার্ক অমা য়াম্না থুনা শেমগদবনি। ইলেক্ত্রিসিতী গ্রিদ ইন্তরকনেক্তিবিতীবু খন্ন-নৈনবগী ৱাংমদা পুখৎলকপগী মতম ওইরে অমসুং মসিবু ইমপ্লিমেন্তেশন স্তেজদা পুখৎপগী মতম ওইরে। অসিগা চপ মান্ননা, রোদ কেনেক্তিবিতী হেনগৎহন্নবগীদমক্তা লিগেল ফ্রেমৱার্ক অমা থম্বা হায়সিসু য়াম্না মরু ওই।   

এক্সেলেন্সিশিং,

ঐখোয়গী রিজন অসি হান্নদগী হৌনা মহৌশাগী ওইবা খুদোংথিবা কয়া অমা য়াম্না তোইনা থোকই। বিম্সতেক সেন্তর ফোর ৱেদর এন্দ ক্লাইমেত অসি দিজাস্তর মেনেজমেন্তকী, মরু ওইনা দিজাস্তর রিস্ক রিদক্সনগী মতাংদা কোওপরেশনগীমদক্তা য়াম্না মরু ওইবা ওর্গনাইজেশন অমনি অমসুং ঐহাক্না মসিবু অমুক্কসু হেন্না এক্তিব ওইহন্নবা নখোয়গী কোগোপরেশন পাম্মি। ভারতনা মসিগী সেন্তর অসিগী থবক অদুবু অমুক্কহন্না হৌনবগীদমক্তা দোলর মিলিয়ন অহুম কন্ত্রিব্যুত তৌরি।

ভারতনা হন্দক্তা অহুমশুবা বিমস্তেক দিজাস্তর মেনেজমেন্ত এক্সরসাইজ, “পেনেক্স ২১” পাংথোকখি। অসিগুম্বা এক্সরসাইজ অসি খুদোংথিবা লাকপা মতমদা ঐখোয়গী ওফিসরশিংগী মরক্তা ইন্সতিত্যস্নেল সীস্তেমবু পুন্না থবক তৌমিন্নবা হেনগৎহন্নবা য়াম্না তোইনা পাংথোক্কদবনি।

এক্সেলেন্সিশিং,

ক্বালিতি এজুকেসনগা মরী লৈননা সস্তেনেবল গোলশিংবু ফংবা হায়বসি ঐখোয় পুম্নমক্কী লৈবাককী ওয়বা নিতিশিংগী য়াম্না চাওবা শরুকনি। নালন্দা ইন্তরনেসনেল য়ুনোভর্সিতিনা পিবা বিম্সতেক স্কোলারশিপপু শন্দোক্নবগী মায়কৈদা ঐখোয়না থবক তৌরি। ঐখোয়না বে ওফ বেঙ্গলবু খন্দুনা, মেরিন সাইন্সতা জোইন্ত রিসর্চ তৌবগী মায়কৈদসু হোৎনরি। লৌউ-শিংউনা বিম্সতেক লৈবাকশিংগী ইকোনোমিগী য়ুম্ফম ওইরি। ঐখোয়গী মরক্তা ভেল্যু এদেদ ওইবা লৌউ-শিংউগী পোত্থোককী রিজনেল ভেল্যু চেনশিং শাবা ঙম্বগী ওইথোকপা লৈ। মসিগীদমক ঐখোয়না আর.আই.এস. কৌবা ইন্দিয়াগী ইন্সতিত্যুত অমদা কুপ্না নৈনবগী থবক অসি শিন্নখি।

এক্সেলেন্সিশিং,

সেক্যুরিতি লৈতনা ঐখোয়গী লমদম অসি চাউখৎপা ঙম্লোই। কাথমান্দুদা ঐখোয়গী মরি শুবা সমিত্তা ঐখোয়না, তেরোরিজম, ত্রান্স-নেস্নেল ক্রাইম অমসুং ত্রেদিস্নেল থ্রেতশিংগী মায়োক্তা রিজনেল লিগেল ফ্রেমৱর্কপু অমুক্কসু হেন্না চেকশিন্নবা খন্নরে। ঐখোয়না লো-এন্ফোর্সমেন্ত এজেন্সীশিংগী মরক্তা খংনা চানবা হেনগৎহন্নবশু খন্নরে। ঐখোয়গী কনভেন্সন তু তেরোরিজম হৌখিবা চহিদগী হৌখ্রে। ঙসিগী সমিত অসিদা ম্যুচুৱল লিগেল এসিস্তেন্স ত্রীতি ওন ক্রিমিনেল মেতর্সতসু খুৎয়েক পীনখ্রে। ঐখোয়গী লিগেল সীস্তেমশিংগী মরক্তা কোওর্দিনেসন লৈনবগীদমক অসিগুম্বা ইন্সত্রুমেন্ত কয়াদসু ঐখোয়না য়াম্না য়াংনা চংশিনগদবনি।

ঙসি, ঐখোয়গী দিপ্লোমেতিক ত্রেনিং ইন্সতিত্যুতশিংগী মরক্তা কোওপরেশনগীদমক্তা এগ্রীমেন্ত অমা খুৎয়েক পীনখ্রে। ঐখোয়না মসিগা চপ মান্নবা এগ্রীমেন্ত অমা ঐখোয়গী লো এনফোর্সমেন্ত ত্রেনিং ইন্সতিত্যুতশিংগী মরক্তা তৌবা য়াই। ভারতকী ফোরেন্সিক সাইন্স য়ুনিভর্সিতি  অসি মসিগী লমদা তোপ-তোপ্পা অমসুং মালেমগী থাক্তা লৈবা ইন্সতিত্যুশন অমনি। ঐখোয়না মসিদা বিম্সতেক লৈবাকশিংগী পুলিসশিং অমসুং ফোরেন্সিক ওফিসিয়েলশিংগীদমক্তা কেপাসিতী বিল্দিং য়ুনিৎ অমগীসু শিনবা য়াই।

এক্সেলেন্সিশিং,

ঙসি, ঐখোয়গী রিজন অসিনাহেল্থ অমসুং ইকোনোমিক সেক্যুরিতীগী শিংনবশিং মায়োক্নরিঙৈ মতম অসিদা, ঐখোয় মশেলগী মরক্তা সোলিদারিতী অমসুং কোওপরেশন অসি পুংফম অসিগি তঙাইফদবনি। ঙসি অসি বে ওফ বেঙ্গলবু ব্রিজ ওফ কনেক্তিবিতী, ব্রিজ ওফ প্রোসপরিতী, ব্রিজ ওফ সেক্যুরিতী অমা ওইনা শেম্বগী মতম ওইরে। ঐহাক্না নখোয় ময়ামদা ঐখোয়না ১৯৯৭দা পুন্না চৎমিন্ননবা লৈপখিবা ফিরেপ অদুগী পান্দম অদুবু ফংনবা অনৌবা থৌনা অমসুং শক্তিগা লোইননা অমুক্কা হন্না ঐখোয়না, ইশানা-ইশাবু মসিগীদমক্তা খৎথোক্লসি।

 
প্রধান মন্ত্রী, প্রায়ুত চান-ও-চাননা বিম্সতেক্কী মথংগী চিয়র ওইনা , ঐহাক্না থাইলেন্দবু তরাম্না ওকচরি অমসুং য়াইফ-পাউজেল পীরি।

ময়াম পুম্নমকপু থাগৎচরি!

***