প্রধানমন্ত্রীগী লোইশঙ
পি.এম.না শ্রী শ্রী হরিচন্দ থাকুরজীগী ২১১শুবা মপোক কুমওনগী থৌরমদা নোংচুপ বেঙ্গোলগী থাকুরবরিদা লৈবা শ্রীধাম থাকুরনগরদা মতুআ ধর্ম মহা মেলা ২০২২দা ৱা ঙাংখ্রে
“ঐখোয়না লৈবাক অসি শেমগৎপদা ইচানুপাশিংগা লোয়ননা খুন্নাইগী হীরম খুদিংমক্তা ঐখোয়গী ইচে-ইচলশিং অমসুং ইচানুপীশিংনা শরুক তম্লিবা অসি উবা মতমদা মসিনা শ্রী শ্রী হরিচন্দ থাকুরজীগুম্বা মশক নাইবা মীওইশিংদা তশেংনা ইকাই খুম্নবা উৎপগুম্না ফাওই”
“সরকারনা সবকা সাথ, সবকা বিকাস, সবকা বিশ্বাস হায়বা অসিদা য়ুম্ফম ওইরগা মীয়ামদা সরকারগী স্কিমশিং য়ৌহনবা মতমদা, অমসুং সবকা প্রয়াসনা লৈবাক অসি খুমাং চাউশিন্নবা লমজিংবা মতমদা, ঐখোয়না ইনক্লুসিব ওইবা খুন্নাই অমা শেম্নবগী মাইকৈদা চংশিল্লি”
“ঐখোয়গী সম্বিধান্না ঐখোয়দা হক কয়ামরুম পীরি। ঐখোয়না ঐখোয়গী থৌদাংশিং থমোয় শেংনা পাঙথোক্লবা মতমদতা হকশিং অদু ঙাকশেনবা ঙমগনি”
“করিগুম্বা মফম অমা হেক্তদা কনাগুম্বা অমবু ওৎপী-নৈবীবা তারবদি, মফম অদুদা অদোম্না শোইদনা ৱাকৎপীয়ু। মসি খুন্নাইগীদমক অমসুং লৈবাক অসিগীদমক লৈরিবা ঐখোয়গী থৌদাংনি”
“করিগুম্বা কৈশু লৈতবা রাজনিতীগী ওইবা য়ান্নদবনা কনাগুম্বা অমনা মীওই অমদা হিংসা চত্থবা তারবি মদু অতোপ্পা মীওইশিংগী হক খোঙ্গোইনবনি। মরম অসিনা করিগুম্বা মফম অমা হেক্তদা হিংসাগী ৱাখল্লোন, ৱায়েল থৌদা লৈতবগী মমিং তারবদি মদু নমথবা হায়বা অসি ঐখোয়গী থৌদ
Posted On:
29 MAR 2022 10:01PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা শ্রী শ্রী হরিচন্দ থাকুরজীগী ২১১শুবা মপোক কুমওনগী থৌরমদা নোংচুপ বেঙ্গোলগী থাকুরবরিদা লৈবা শ্রীধাম থাকুরনগরদা মতুআ ধর্ম মহা মেলা ২০২২দা ৱা ঙাংখ্রে।
প্রধান মন্ত্রীনা ২০২১গী মার্চতা বাংলাদেশতা ওরাকান্দি থাকুরবরিদা মহাক্না ইকাই খুম্নবা উৎচবা ফংখিবা লোয়ননা ২০১৯গী ফেব্রুৱারীদা মহাক্না থাকুরনগরদা চৎপগী খুদোংচাবা ফংখিবা অদুদা মহাক্না নুংঙাইবা পোকখিবা অদু নীংশিংখি।
প্রধান মন্ত্রীনা মতুআ ধর্ম মহা মেলা অসি শ্রী শ্রী হরিচন্দ থাকুরজীনা য়ুম্ফম থোনখিবা অমসুং গরুচন্দ থাকুরজী অমসুং বোরো মানা মখা তানা য়োকখৎখিবা মতুআগী চৎনবীবু ইকাই খুম্নবা উৎনবা থৌরম অমনি হায়না ফোঙদোকখি। প্রধান মন্ত্রীনা ফজরবা চৎনবী অসি মাংদা পুখৎপগীদমক মহাক্কী মন্ত্রী মন্দলদা মরুপ ওইরিবা শ্রী শান্তনু থাকুরদা থাগৎপা ফোঙদোকখি।
শ্রী মোদীনা মহা মেলা অসি এক ভারত শ্রেস্থ ভারতকী মমিং অমনি হায়না ফোঙদোকখি। প্রধান মন্ত্রীনা হায়খি মদুদি ঐখোয়গী সংস্কৃতি অমদি সভ্যতা অসি মাগী লেপ্পা লৈতবা ইচেল অমসুং মখা চত্থরিবা অসিনা মরম ওইরগা ফজহল্লি অমসুং মশা মথন্থনা অমুক হন্না হৌরকচনবগী মহৌশাগী ওইবা গুন অমা য়াওজরি। মতুআ ফুরপকী লুচিংবশিং তৌরমখিবা খুন্নাইগী ওইবা থবক অদু পল্লদুনা প্রধান মন্ত্রীনা লৈবাক অসিগী ইচানুপীশিংবু লুনান্না থম্নবা, হকশেল ফহন্নবা, অমসুং মশাদা থাজবা পোকহন্নবা অনৌবা ভারতকী খোঙথাংশিংগী মতাংদা ফোঙদোকখি। “ঐখোয়না লৈবাক অসি শেমগৎপদা ইচানুপাশিংগা লোয়ননা খুন্নাইগী হীরম খুদিংমক্তা ঐখোয়গী ইচে-ইচলশিং অমসুং ইচানুপীশিংনা শরুক তম্লিবা অসি উবা মতমদা মসিনা শ্রী শ্রী হরিচন্দ থাকুরজীগুম্বা মশক নাইবা মীওইশিংদা তশেংনা ইকাই খুম্নবা উৎপগুম্না ফাওই”, হায়না প্রধান মন্ত্রীনা মখা তাখি।
প্রধান মন্ত্রীনা হায়খি, “সরকারনা সবকা সাথ, সবকা বিকাস, সবকা বিশ্বাস হায়বা অসিদা য়ুম্ফম ওইরগা মীয়ামদা সরকারগী স্কিমশিং য়ৌহনবা মতমদা, অমসুং সবকা প্রয়াসনা লৈবাক অসি খুমাং চাউশিন্নবা লমজিংবা মতমদা, ঐখোয়না ইনক্লুসিব ওইবা খুন্নাই অমা শেম্নবগী মাইকৈদা চংশিল্লি”। শ্রী শ্রী হরিচন্দ থাকুরজীনা অফবা থবক তৌবগা লোয়ননা থৌদাং মশক খঙনবা হায়রমখিবা অদু নীংশিংলদুনা প্রধান মন্ত্রীনা খুন্নাইগী পুন্সিরোলদা থৌদাংশিং মশক খঙবগী মতাংদা অকনবা ৱাফম থমখি। “ঐখোয়না থৌদাং মশক খঙবা অসিনা লৈবাক অসি খুমাং চাউশিন্নবগী য়ুম্ফম ওইহনগদবনি। ঐখোয়গী সম্বিধান্না ঐখোয়দা হক কয়ামরুম পীরি। ঐখোয়না ঐখোয়গী থৌদাংশিং থমোয় শেংনা পাঙথোক্লবা মতমদতা হকশিং অদু ঙাকশেনবা ঙমগনি”, হায়না প্রধান মন্ত্রীনা ফোঙদোকখি।
প্রধান মন্ত্রীনা মতুআ ফুরুপতা খুন্নাই অসিগী থাক খুদিংমক্তগী শেঞ্জা-থুমজা মরু ফংনা মুত্থৎনবগী এৱের্নেস পীনবা হায়খি। “করিগুম্বা মফম অমা হেক্তদা কনাগুম্বা অমবু ওৎপী-নৈবীবা তারবদি, মফম অদুদা অদোম্না শোইদনা ৱাকৎপীয়ু। মসি খুন্নাইগীদমক অমসুং লৈবাক অসিগীদমক লৈরিবা ঐখোয়গী থৌদাংনি”, হায়না প্রধান মন্ত্রীনা ফোঙদোকখি। প্রধান মন্ত্রীনা মখা তারদুনা হায়খি, “রাজনিতীগী ওইবা থবক-থৌরমশিংদা শরুক য়াবা হায়বা অসি ঐখোয়গী দেমোক্রেতিক রাইৎনি। অদুবু রাজনিতীগী ওইবা য়ান্নদবনা মরম ওইরগা কনাগুম্বা অমনা মীওই অমদা হিংসা চত্থবা তারবি মদু অতোপ্পা মীওইশিংগী হক খোঙ্গোইনবনি। মরম অসিনা করিগুম্বা মফম অমা হেক্তদা হিংসাগী ৱাখল্লোন, ৱায়েল থৌদা লৈতবগী মমিং তারবদি মদু নমথবা হায়বা অসি ঐখোয়গী থৌদাংনি।
প্রধান মন্ত্রীনা স্বচ্ছতা, ভোকেল ফোর লোকেল অমসুং লৈবাক হান্না হায়বা মন্ত্র অদু নৌথৌনা ফোঙদোকখি।
*****
(Release ID: 1811205)
Visitor Counter : 130
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam