সরকারগী কোবিদ ভেক্সিনেসন সেন্তর উম্নমক্তা হয়েং (মার্চ ১৬, ২০২২), নেস্নেল ভেক্সিনেসন নুমিৎ অসিগী চহি কাংলুপ ১২-১৪গী বেনিফিসর পুম্নমক লেম্না কোবিদ১৯ ভেক্সিনেসন তৌবা হৌরগনি। কোবিদ১ ভেক্সিন অসি হায়দরাবাদকী বাইলোজিকেল ই. লিমিতেদনা শাবা কোর্বেভেক্স অসি ওইগনি। মসি ওনলাইন রেজিস্ত্রেসন (মার্চ ১৬, ২০২২গী অয়ুক পুং ৯দগী হৌবা) নত্ত্রগা ওনসাইৎ ৱাক-ইনগী খুত্থাংদা ওইবা য়াগনি। মসি ঙসি রাজ্য অমসুং য়ু.তি. পুম্নমক্কা ভিদিও কনফরেন্সকী খুত্থাংদা পাঙথোকপা মীফম অমদা শ্রী রাজেশ ভুশন, কেন্দ্রগী হেল্থ সেক্রেতরীনা নৌহৌনা ফোঙদোকখিবনি।

সি মার্চ ১৬, ২০২২দগী চহি কাংলুপ ১২-১৩ অমসুং ১৩-১৪গী ( ২০০৮, ২০০৯ অমসুং ২০১০দা পোকপা হায়বদি চহি ১২গী মথক ওইবশিং) কোবিদ১৯ ভেক্সিনেসন হৌনবা কেন্দ্র সরকারগী ৱারেপকী মতুং ইন্না পাইখৎপনি। মসিগী মথক্তা চহি ৬০গী মথক্তা লৈবা মীওই খুদিংমক্না হয়েংদগী প্রিকোসন দোজ কাপ্পা য়ারগনি, মমাংদা চহি কাংলুপ অসিদা কোমোর্বিদিতীগী কন্দিসন অমা থমখিবা অদু লৌথোকখ্রে। প্রিকোসন দজ (মমাংগী দোজ অনিগা মান্নবা) অসি অনিশুবা দোজ কাপখিবগী থা ৯ (চয়োল ৩৬)কী মতুংদা কাপকদবনি। হীরম অসিদা রাজ্য অমসুং য়ু.তি.শিংদা মসিগী অকুপ্পা ইন্সত্রক্সন অমসুং ওপরেস্নেল গাইদলাইনশিং পীখ্রে।

রাজ্যশিংদা ভেক্সিনেসন তৌবগী তাংদা চহি ১২ শুরবা খক্তমক কোবিদ-১৯গী মায়োক্তা ভেক্সিনেসন তৌনবা খঙহনখি; করিগুম্বা বেনিফিসরী অদুনা ভেক্সিনেসন তৌগদবা তাং অদুদা চহি ১২ শুদ্রবদি কোবিদ১৯ ভেক্সিন কাপ্পা য়ারোই। ভেক্সিন কাপ্লিবা মীওইশিং অমসুং ভেক্সিনেসনগী তীমশিংনা মরু ওইনা ভেক্সিনশিং য়ানশিন্নবা তৌদনবা চহি ১২-১৪ অসিগী মতাংদা মীৎয়েং চংনবা ত্রেন তৌবা মথৌ তাগনি। রাজ্যশিংদা অতোপ্পা ভেক্সিনশিংগা য়ানশিন্নবা তৌদনবা চহি কাংলুপ ১২-১৪গী তোখাইনা থম্লিবা কোবিদ-১৯ ভেক্সিনেসন সেন্তরশিংগী খুত্থাংদা দেদিকেতেদ ভেক্সিনেসন সেসনশিং শিন্নবা পাউতাক পীখ্রে।

তোঙান-তোঙানবা চহি কাংলুপশিংদা শীজিন্নবা য়াবা ভেক্সিনশিং

রাজ্য/য়ু.তি.শিংদা হৌজিক্কী ওইনা কোৱিন অসি বেনিফিসরীগী চহি অসি হৌজিক পোকপগী চহিগী মতুং ইন্না ফিল্তর তৌরি হায়না খঙহনখি। কো-ৱিন পোর্তেলদা চপ চাবা পোকপগী তাং রেকোর্দ তৌবগী প্রোবিজন অসি অন্দর প্রোসেসতা লৈরিঙৈদা চহি ভেরিফিকেসন তৌবা (চহি ১২) অসি ভেক্সিন কাপ্লিবা মীওই/ভেরিফায়রনা অহানবগী নুমিৎ খরনি ওইনা ভেক্সিনেসন তৌবা মতমদা য়েংশিনবা তাই। অমুক্তং ইমপ্লিমেন্ত তৌখিবদা সিস্তেম অসিনা দিফোল্ত ওইনা পীরিবা চহি অদু য়ৌদবা বেনিফিসরীনা রেজিস্ত্রেসন তৌবদা অয়াবা পীরোই।

খুদোংথিনীংঙাই ওইবা কাংলুপশিংদা ভেক্সিনেসন তৌবগী খোঙজেল তপ্পা অসিদা রাজ্যশিংদা চহি ৬০গী মথক্কী মীওই পুম্নমক কোবিদ১৯গী ভেক্সিন দোজ অনিমক কপ্নবা হায়খ্রে। জিলা অমসুং ব্লোক্কী থাক্তা ইলিজিবল বেনিফিসরীশিং কবরেজ তৌরবরা চাং নাইনা য়েংশিনগনি।

রাজ্যশিংদা লৈরিবা কোবিদ১৯ ভেক্সিনশিং অদু চেকশিন্না মাংহনদনা শীজিন্ননবা পাউতাকসু পীখ্রে। গাইদলাইনশিংগী মতুং ইন্না  ভেক্সিনশিং মাংহনবা তৌদনবা রাজ্যশিংনা মতম লোইগদৌরবা ভেক্সিনশিং অদু রাজ্য অদুগী মনুংদা লৈবা জিলা অমনা অমদগী শিন্দোকপা য়াগনি।

হেল্থ সেক্রেতরী অমসুং এন.ঐচ.এম. মিসন দিরেক্তরশিং অমসুং রাজ্য/য়ু.তি.শিংগী অতোপ্পা ওফিসিএলশিংগা লোয়ননা ভর্চুএল মীফম অদুদা এদিস্নেল সেক্রেতরী (হেল্থ) দা. মনোহর অঙ্গানি অমসুং কেন্দ্রগী হকশেল মন্ত্রালয়গী অতোপ্পা মকোক থোংবা ওফিসরশিংসু শরুক য়াখি।

****