প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদী অমসুং স্লোভাক রিপব্লিক্কী প্রধান মন্ত্রী, হিস এক্সলেন্সী, শ্রী এদুআর্দ হেগরগী মরক্তা ফোনদা ৱারী শাবা
Posted On:
28 FEB 2022 10:18PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি স্লোভাক রিপব্লিক্কী প্রধান মন্ত্রী, হিস এক্সলেন্সী শ্রী এদুআর্দ হেগরগা ফোনদা ৱারী শাখি।
প্রধান মন্ত্রীনা হিস এক্সেলেন্সী, শ্রী এদুআর্দ হেগরবু য়ুক্রেনদগী ভারত মচাশিং অসোই-অঙাম য়াওদনা লৌথোকপদা স্লোভাক রিপব্লিকনা পাংখিবা মতেংগীদমক্তা, অমসুং অসোই-অঙাম য়াওহনদনা লৌথোক্নবগীদমক্তা ভারত্তগী অখন্নবা ফ্লাইতশিংদা অয়াবা পীবগীদমক্তা থাগৎপা ফোংদোকখ্রে। মহাক্না মথংগী নুমিৎ খরনি অসিদা স্লোভাক রিপব্লিকনা মখাতানা মতেং পাংনবা হায়জখ্রে অমসুং মসিগা লোইন-লোইননা ভারতনা কনফ্লিক জোনশিংদগী অতোপ্পা ভারত মচাশিং লৌথোক্নবা হকথেংননা থবক পাইখৎখি।
প্রধান মন্ত্রীনা ভারত মচাশিং লৌথোক্নবা হোৎনরিবশিং অদুবু য়েংশিন্নবা মহাক্কী অখন্নবা দুত ওইনা লো অমসুং জস্তিসকী মন্ত্রী, শ্রী কিরেন রিজিজুবু থাখিবগী মতাংদসু খঙহনখি।
প্রধান মন্ত্রীনা য়ুক্রেনদা হৌজিক-হৌজিক থোক্লিবা হিংশাগী থবক অমসুং মীওইবা খুনাইগী মায়োক্তা নংলিবা অৱাবগী মতাংদা মহাক্কী পুক্নিংদা ফাওরিবা নুংঙাইতবা অদুবুসু ফোংদোকখি, অমসুং থোক্লিবা খৎন-চৈনবগী থবকশিং অদুবু য়াম্না থুনা লেপ্নবা অমসুং ৱারী-ৱাতাই শানদুনা শন্দাইননবগীদমক্তা ভারতনা তত্তনা তৌখিবা আপীল অদুবু অমুক্কসু হন্না হায়খি। প্রধান মন্ত্রী মোদীনা লৈবাকশিংগী সোভরেনতী অমসুং তেরিতোরিয়েল ইন্তেগ্রিতীবু ইকাইখুম্নবগী মরু ওইবগী মতাংদসু য়াম্না মরু ওইনা পনখি।
*****
(Release ID: 1801974)
Visitor Counter : 124
Read this release in:
Urdu
,
English
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam